زعيم المعارضة حسن كشك ينضم للحكومة مشرف للصالون

[حسن كشك]

المشاركة الأصلية كتبت بواسطة صلاح السويفي

صاحبي الغالي أبو علي

أبحث عن ميزة يكون أعطاها لك الإشراف
كي أبارك لك عليها مثل بقية خلق الله ...
فلم أجد !

فأنت بالإشراف ..أو بلاه.. رجل محبوب من الجميع ...
مُهاب الجانب(أخويّا) من الكل...
كلمتك لها مكانتها بين الأعضاء ..

لذا أقول للإشراف مبروك أن قَبِلَك صاحبي أبو علي..
ولحضرات المشرفين أقول .. الله يكون في عونكم..
ولك أنت أقول...

تعيش وتاخد غيرها ..ياصاحبي....

أسأل مجرب ولا تسأل طبيب
صاحبى صلاح
مشرف الصالون السابق ( وهو من سماه صالون بعد ان كان مقهى )
أنتم السابقون ونحن اللاحقون

[حسن كشك]

المشاركة الأصلية كتبت بواسطة الباشاقمرزمان

طبعا يا معلم مش حقولك مبروك والف مليون مبروك
إنما حقول للإشراف مبروك وألف مليون مبروك
لأنه قدر يقتنص زعيم المعارضة المحبوب
شوف بأة من الآخر يا معلمي
أنت عارف أنا بحبك والناس كلها من ورايا بتحبك
والحب ده ما بيجيش كدة أونطة لا ده بيطلع من القلب
ومادام فيه ديمقراطية وديمقراطية بناءة
يبأى الدنيا حتزهزه وتحلو
وربنا يعينك على اللى جاي يعني مسكوك صالون سماعي للحوار
يعني قدامك أشياء كتير ووجع قلب مع سكان دولة سماعي
ربنا يعينك
بس من الآخر كدة أنا شايف انت سايب الورش بتاعتنا ومفيش رقابة
مش عوايدك يا معلم
مرة أخرى مبروك للإشراف بك

والله صدقت
يا قمر باشا
هو الحب .... وربنا يديمه
والورشه فى عينى ... ماهى دى اللى مخلينها للزمن
شكرا ياقمر

[حسن كشك]

المشاركة الأصلية كتبت بواسطة صالح الحرباوي

حكومة + معارضة
في السياسة ... هذا يُسمّى
حكومة وحدة وطنيّة

أتمنى كل التوفيق والسداد لأخي وصديقي العزيز
حسن باشا كشك

شكرا شكرا
اخى صالح باشا

[حسن كشك]

المشاركة الأصلية كتبت بواسطة عادل سيد

ده نجاح باهر للخطة من اول يوم
اقطاب المعارضة وقعوا في بعض يا مسهل

ولو
نقبك على شونه

[حسن كشك]

المشاركة الأصلية كتبت بواسطة محمد العمر

قرأت الكلام ده يا أستاذ حسن؟
هو هذا بيت القصيد
تشتيت صف المعارضة
والأضعاف من شوكتها
والله ياباشا انت طلعت سياسي مُحنك
مش بس باشمهندس

لتبقى يد الحكومة الضارب الوحيد
لكن بالحق طبعاً
على العموم الف مبارك لك الأشراف
وبصراحة مهمة غير يسيرة
وكذلك على بقية الأخوة المشرفين ايضاً
تحياتي

ابقى شجعه
لما يبقى يحقق اغراضه
ويبقى صحيح سياسى محنك
لكن نيه المعارضه ... قلب كل الحكومه معارضه
ويمكن قلب نظام الحكم
شكرا لتهنئتك اخى محمد العمر

[حسن كشك]

المشاركة الأصلية كتبت بواسطة MOHAMED ALY

اسد الاسماعيلية الشهم ... ها اقول لك ايه ... على رأى الست شادية ... و ناسبنا الحكومة ..

أكيد
واكيد هاشوف العلاوات والحوافز وبدل التثميل....والعزومات ... والهدايا
وعلى الاقل هاشوفك يوميا يا محمد على باشا

[حسن كشك]

المشاركة الأصلية كتبت بواسطة ايهاب عامر

الدراويشى الغالى
الف مبروك عى الاشراف
الاشراف ازداد رونق بقبولك اياه
يا رب يوفقك يا حسن يا رب
مبروك كمان مره

أخى الغالى
المهندس ايهاب
انت النتيجه الحلوه والثمره اللى طلعت بيها من الموضوع اياه
وفيها وفيك كل الخير والكفايه
شكرا اخى ايهاب

[حسن كشك]

المشاركة الأصلية كتبت بواسطة محمد رمضان ماضي

أبدا ، إشاعات مغرضة ، والأمر مستتب داخل صفوف المعارضة ،
بينا يا ردالة ، نشوف العصفورة راحت فين

تمام التمام
يا ابو حميد

[حسن كشك]

المشاركة الأصلية كتبت بواسطة عادل سيد

كلمة عصفورة مرتبطة في ذهني بافراد الامن
كنا ايام الجيش بنسميهم العصفورة
ولما كنا نعرف واحد مدسوس علينا كان لقبه العصفورة علي طوول
والله عمري ما كنت عصفوره
بالعكس انا دماغي ناشفة ولا اخشي في الحق لومة لائم واعرف معني الصداقة جيدا
ودائما طول حياتي علاقاتي في منتهي السوء مع رؤسائي
ليس لانعدام الكفاءة بالعكس لكن علشان دماغي الناشفة و تصميمي علي رأيي حتي لو كان مخالف لرأي رؤسائي طالما شايف انه صح
و النهاية الحتمية لواحد زيي اني استقيل من العمل الحكومي و ابدأ عمل خاص

بس اللي مدخلش الجيش يفتكر انها كلمة حلوة
عصفورة دي شتيمة يا رداله

تدفع كام وما اقولش ياعصفوره تانى

[حسن كشك]

المشاركة الأصلية كتبت بواسطة alokely

الف مبروك الاشراف ياعم حسن
فأنت اهل لها

شكرا ياكابتن محمود
أنت مكسل ليه اليومين دول