افتونا يا أهل الرأى هل هذه ام كلثوم؟ مش قادر أكدب وداني هل هذا صوت ام كلثوم ؟؟؟؟

[سعيد حسين]

ليسمح لى الجميع ان استعير هذا الحدث وأبدأ تعليقى...فى احد لقاءات عبد الناصر بام كلثوموكان بينهما تقدير كبير متبادل بل ومحبة شخصية وانسانية ومصرية حميمة قال لها فىنبرة حزن وامتنان فى نفس الوقت "لقد استطعت يا ام كلثوم تحقيق ما فشلنا نحن فىتحقيقه" ولما تساءلت ام كلثوم فى دهشة ما هذا ياريس ؟ قال عبد الناصر وكانه يلفظاسم حلم جميل صعب المنال "الوحدة العربية" ثم قال انه فى ليلة الخميس الاول من كلشهر حين تغنى ام كلثوم حفلتها الشهرية الشهيرة يستطيع الانسان ان يمشى فى اى شارعلاية مدينة عربية من المحيط للخليج فيسمع صوت ام كلثوم تغنى فى الراديو يستمع اليهاكل العرب بنفس الشغف واللهفة والتجاوب الوجدانى. ولاشك أن'ظاهرة' أمكلثوم تشكل لحظات فارقة في تاريخ أمتنا العربيه، فلم تكن مجرد مغنية أسطورية بصوتهاالفذ وأدائها النادر، بل كانت جزءا اساسيا من أخلاقيات الأمه بل وانتصاراتها وأحلامهاوتوحدها.
بعد اتنين وتلاتين سنه يأتى انسان جميل اسمه على يموت بواحدة من مفقودات ام كلثوم يلتف حولها سميعه من كل حدب ، لاتجمعهم عقيده أو جنسيه أو مصلحه ولكن فقط صوت أم كلثوم يأتى لنا من الجنه فيصمت الجميع يلُفّنا العجب والحب والعرفان بالجميل لعلى يموت وللمنتدى ولله
شكرا للجميع.

[auditt05]

مجرد ملاحظة
أعتقد أن هذا صوت فتحية أحمد
برجاء السماع بعد ابطاء السرعة بعض الشىء

[ابو سراج]

من التسجيلات المفقودة اغنيت كل الاحبه اثنين اثنين سبق ان رفع الاخ سماعي في قسم اغاني من 1940 _ 1946 تسجيل لهذه الاغنية اما التسجيل الذي رفعته فهو مختلف من ناحية الاداء السؤال هو بين تسجيل الاخ سماعي وهذا التسجيل هل الصوت هو صوت ام كلثوم .. ؟ ارجو الاصغاء جيدا

[tarab]

انا اشك ان هذا صوت ام كلثوم.على كل حال سوف استمع مرات عدة.

[samirazek]

المشاركة الأصلية كتبت بواسطة ابو سراج

من التسجيلات المفقودة اغنيت كل الاحبه اثنين اثنين .... السؤال هو بين تسجيل الاخ سماعي وهذا التسجيل هل الصوت هو صوت ام كلثوم .. ؟

الأخ السميع ابو سراج..
بالمقارنة مع تسجيلات الست بطبقة الصوت المنخفضة مثل غريب على باب الرجاء قريح000اغلب الظن انه صوت ام كلثوم فى تسجيل منزلى لهذه التحفة المفقودة0..بعد ان اصبحت المسجلات المنزليه بكر الشرائط متاحة فى اواخر الاربعينات...ومن المعروف ان تلك التحفة مفقودة من عام 1943...يجب ملاحظة ان التسجيل
بدون موسيقى مصاحبة او مشجعين لايحفز المؤدى الى ارتقاء الطبقات العالية من الصوت...وهواحلى قطاع فى صوت الست...لكن طريقة اعادة الكوبليه الأخيربتنويعات رائعة مع قفلة فى غاية الأقتدارتؤكد انه لايقدر على ذلك سوى الست....ولعلها كانت تسجلها قبل ان يطويها النسيان
اخى الكريم....لايسعنى سوى ان احييك على كل اختياراتك التى تدل على انك قناص ماهر لنوادر العصر الذهبى للست...وكلى امل ان لديك الدرةالاخرى المفقوده لثلاثى الطرب الاصيل بيرم وزكريا وثومه..انا وانت وانت وانا
متوفر منها مقطع صغير بصوت الشيخ زكريا مع عائشة حسن بمنتدانا...
.سمير عبد الرازق

[احمد الديب]

الأخوة الكرام
التسجيل موجود بالمنتدى من قبل
هنا
http://www.sama3y.net/forum/showthread.php?t=3598
ودارت حوله نقاشات كثيرة

[tarab]

من المدونات تقول ان هذه الاغنيه قدمتها ام كلثوم على المسرح خمس مرات كلها في سنة 1942 انا اتئامل ان يكون هناك تسجيل في مكان ما انشاء الله نسمعه قريبآ.

[سيادة الرئيس]

متردد من زمان في الكلام في هذا الموضوع
محلى عتاب إتنين
شرط المحبة
ما يقدرش حد يحكم في هذا الموضوع من غير زعل إلا إللي عاش في مصر و خاصة قاهرتها
من غير لف و لا دوران دي مش أم كلثوم
و أرجع لموضوع قاهرتها لكل طبقة فيها لكنتها الخاصة و لو حبيت أقسمهم لازم نرجع للثقافة المحيطه بكل طبقة
الأكسنت يا أخوانا أو الأكسون مش ممكن تكون أم كلثوم دي سهام
طب دلوقت حد يقول الراجل ده بيخرف يعني ساب الحمار و مسك في البردعه مش قادر يفرق بين الصوتين راح ماسك في الأكسنت
نعم الصوتين فيهم تشابه لحد كبير و خاصة في زالكم و تلكم الزمان لكن الفرق بينهم إن صوت الست مدملك حبتين يعني سمين شويه و لما تقارن أكتر عربك يا ست ملهاش حل رغم عشقي لتوحه لكن الست تحس إن فيه موزّه بتغني
و لا أقلل من قدر سهام فهى متمكنة
طيب يرجع مرجوعنا لموضوع اللكنة و هى الفيصل في الموضوع ببساطة لكنة سهام بلدي و لكنة الست إتربت على الغالي
يبقى موضوع الآنسة أم كلثوم في أول التسجيل أقول لكم و الأجر على الله لو فتحت الملف على أي برنامج صوت حا تشوف بعنيك اللزقه فين و للأسف ملزوقه وحش و با ين في طبيعة الصوت حتى لو كان مستخدم فيها التداخل
و طبعا أنا لا أقصد أخي علي يموت و لا أتهمه بذلك الفعل و لكن هوه ضحية نصاب أو دجال أو مدّعي أو أي حاجه من دي و بتاع و كده
مرفق الملفين صافيين بدون تعليقات و أترك لكم الحكم عليهما حتى لا نكون شركاء في تزييف التراث
و لك أن تقارن بما موجود لسهام في المنتدى
و صباح و مساء الفل حسب توقيتك المحلي
و فتح ودنك تاكل ملبن

[ridha26]

المشاركة الأصلية كتبت بواسطة سيادة الرئيس

متردد من زمان في الكلام في هذا الموضوع
محلى عتاب إتنين
شرط المحبة
ما يقدرش حد يحكم في هذا الموضوع من غير زعل إلا إللي عاش في مصر و خاصة قاهرتها
من غير لف و لا دوران دي مش أم كلثوم
و أرجع لموضوع قاهرتها لكل طبقة فيها لكنتها الخاصة و لو حبيت أقسمهم لازم نرجع للثقافة المحيطه بكل طبقة
الأكسنت يا أخوانا أو الأكسون مش ممكن تكون أم كلثوم دي سهام
طب دلوقت حد يقول الراجل ده بيخرف يعني ساب الحمار و مسك في البردعه مش قادر يفرق بين الصوتين راح ماسك في الأكسنت
نعم الصوتين فيهم تشابه لحد كبير و خاصة في زالكم و تلكم الزمان لكن الفرق بينهم إن صوت الست مدملك حبتين يعني سمين شويه و لما تقارن أكتر عربك يا ست ملهاش حل رغم عشقي لتوحه لكن الست تحس إن فيه موزّه بتغني
و لا أقلل من قدر سهام فهى متمكنة
طيب يرجع مرجوعنا لموضوع اللكنة و هى الفيصل في الموضوع ببساطة لكنة سهام بلدي و لكنة الست إتربت على الغالي
يبقى موضوع الآنسة أم كلثوم في أول التسجيل أقول لكم و الأجر على الله لو فتحت الملف على أي برنامج صوت حا تشوف بعنيك اللزقه فين و للأسف ملزوقه وحش و با ين في طبيعة الصوت حتى لو كان مستخدم فيها التداخل
و طبعا أنا لا أقصد أخي علي يموت و لا أتهمه بذلك الفعل و لكن هوه ضحية نصاب أو دجال أو مدّعي أو أي حاجه من دي و بتاع و كده
مرفق الملفين صافيين بدون تعليقات و أترك لكم الحكم عليهما حتى لا نكون شركاء في تزييف التراث
و لك أن تقارن بما موجود لسهام في المنتدى
و صباح و مساء الفل حسب توقيتك المحلي
و فتح ودنك تاكل ملبن

أنا مش مصري ولا عايش في مصر رغم حبي لكل فن مصري.
بس مع كل ده حبيت اقول لسيادة الرئيس ان معرفة أم كلثوم ورنة صوتها أو لكنتها اللي بتتكلم عنها معروفة عند كل العرب وغير العرب اللي بيحبو يسمعو الست. أنا عن نفسي بسمع ام كلثوم وانا عندي 5 سنين صدق ولا متصدقش، وكمان احب اقولك ان جدتي كانت بتنيمني في حجرها على دنجي دنجي.
مش عارف يا سيادة الرئيس لو سمعت خايف يكون حبك ليا شفقة عليا تقدر تفرق في اللكنة بينها وبين محلا عتاب اتنين وشرط المحبة ولا لا؟
كمان حبيت أقول وده من باب الاستغراب ليه فضلت كل المدة دي على شان تثير هذه القنبلة اللي حتمس في مصداقية ملفين محطوطين في كنوز المنتدى وبقالهم زمان.

على فكره انا حبيت اكتب كلامي ده باللهجة المصرية علشان اقول ان اللهجة دي معروفة بيها وبمفردتها في كل انحاء الوطن العربي مش زي لهجة غيرها. ومحاولة حصر فهم ومعرفة ام كلثوم على اللي عاش في القاهرة فيه اجحاف نوعا ما لحق الأشقاء العرب وقبلهم اهل اسكندرية اجدع ناس - شيلاه يا مرسي يا بوالعباس - وأهل بور سعيد بلد الحلواني اللي بنا مصر واهل طماي الزهايرة اللي منهم الست.

------------------------------------------
يا عندليب ما تخافش من غنوتك
قول شكوتك واحكي على بلوتك
الغنوة مش حتموتك، إنما...
كتم الغنا هو اللي حيموتك
عجبي
صلاح جاهين

[سيادة الرئيس]

أخي العزيز هوه أنا لو مش عارف أفرق بين نطقها في خايف يكون حبك عليا شفقة و محلى عتاب إتنين أو محلا عتاب إتنين زي ما كتبتها يبقى إيه لازمة كل الرغي بتاعي ده
و أعوذ بالله لو حاولت أنتقص من قدر أحد
و يا سيدي ودني صواب تحتمل الخطأ و ودن غيري خطأ تحتمل الصواب
أما عن مساس المصداقية فنحن لسنا بصدد نقاش نص مقدس
و الملفات مكانها حتى يثبت ما أدعي إنشالله تتنقل لقسم عبد المطلب
أما عن سكوتي كل هذه المده تقدر تقول لما ربنا أراد و لا أنسى أني كتبت شكر على أحد الملفات
و بعدين لو ركزت شوية دي مش قنبلة و لا حاجة ده مجرد رأي لوداني ممكن بكل بساطة يطلع غلط
مع كل حبي و إحترامي و تقديري للجميع