السلام عليكم
(اسمح لى عشان اكون انا مستريح انشر رسالتك بتاعة امبارح وحرد عليها فى المنتدى ده لو سمحت مع اطيب تحياتى على الاقل عشان هم يحسوا انك كمن فاهم الموضوع غلط مش تهجمت على من الباب للطاق كده بدون سبب اقصد اخف ااااالحملة اللى هم عاملينها عليك ممكن ؟ )
هذه اخر فقره كتبها لي الاستاذ عادل صموئيل بعد عده رسائل بيني وبينه يعني هو همه ايه ؟؟؟ همه ان يخف الحمله علي ......همه ان تظهر الحقيقه .....استاذ عادل رأسك اقبلها امام الجميع والله انت انسان جميل ومن الزمن الجميل فعلا ولو اعتذرت لك الف مره فلن اصلح ماافسدته بسبب ماأمرتني به نفسي من السوء ومن تسرعي وعدم تقديري لحجم المجهود الذي تقوم به خصوصا في ردك ع الرسائل ....ياجماعه الراجل مش همه حاجه الا ان يخف الحمله اللي علي والله يعجز لساني عن التعبير ولكن اقول اتمني ان يجمعنا الله علي الخير في الدنيا والاخره ياأستاذ ياعظيم في خلقك وفنك والله دموعي تسيل واستطرد لاقول كمان ناقشني بهدوء وبحب لمسته بقلبي ولكن عزائي انه سامحني واتمني ان يقبل اعتذاري ايضا جميع الاعضاء والمشرفين للمنتدي
وابشر الاعضاء ....فقد طلبت منه العوده للتدوين ولتلبيه طلبات محبيه ومريديه فوعدني بذلك فابشرو وطلبت منه ان يخصني باسم الاغنيه القادمه وقد كان ولكن ساقول اسم الاغنيه فيما بعد
والان يجب ان تكون الصاله هادئه والانور مطفئه لتفتح الستار ويطل علينا اروع موسيقار عرفته مصر ليتحدث لنا
ولكن قبلها انشر رسالتي له حسب طلبه ليوضح مايوضح ومايحلو له ان يقول
السلام عليكم
استاذ عادل تعالي نجبها م الاول حرصا علي ان مايكونش في نفوسنا شئ لبعض
انت زعلت قوي عشان ماحدش جالك في اول عيد ميلاد وانا مقدر ذلك بس انا اتصلت بعاصم وكنت بحاول احضر وتحدثنا في الموبيل يوميها ولكن كانت الاجازه قصيره وانا مش عايز نتكلم في ده لكن اللي انا بعترف بيه ان ليك حق تزعل ولكني اعتذرت لك في المنتدي وحضرت في الموعد الثاني السنه التانيه اقصد واحضرت لسعادتك هديه ودي لاتذكر فدي اقل حاجه اليس كل ذلك يغفر لي عدم حضوري في المره الاولي ولكن غلبتك نفسك وكنت مازلت تحمل ذلك لي وكان واضح في ردودك وتجاهلك لبعض الالحان اللي بطلبها ( ويمكن اكون مخطئ ) برغم جمالها وانها تناسب ذوق الجميع زي الدوامه ويامالكه القلب وكنا بتنتواصل ع الخاص الي ان ارسلت لك رساله بخصوص حكايه غرامي وانت ماردتش علي ولاعرف لذلك سبب ممكن تكون مشغول انا عارف بس سبني اكمل عارف ان عليك حمل جامد من طلبات النوت ومقدر كل هذا ولكن انا كلمتك ع العام وبرضه تجاهلت كلامي
يمكن بسبب اول عيد ميلاد يمكن ماعرفش فالله وحده هو اللي يعلم وانا مابفتش في ضميرك ولكن هدفي من الدردشه هو اني ازيل مافي صدرك تجاهي ماتكونش شايل مني زي انا والله يعلم اني نسيت كل اللي فات
مش لازم اكون القصبجي والا انور منسي عشان ترد عليا يعني وارجو انك ماتزعلش من صراحتي فبعض الفنانين كنا نحبهم جدا وعندما عرفنا عنهم اشياء خاصه انصدمنا وقل رصيدهم عندنا او تبللورت فكرتنا عنهم فطالما انا بتحدث معك عليك ان تتحذث معي ليكون الاحترام متبادل وماتزعلش من صراحتي ف انا احس انك انسان طيب جدا ولكن ظروفك الخاصه بعد ان كانت الاضواء مسلطه عليك انت وزملائك في الفرقه الماسيه قد انحسرت ولكن الايكفيك ان تحتضن كمانك وتدندن عليها الايكفيك كل محبيك في كل مكان ممن تسعدهم في جميع انحاء العالم بتدويناتك يااخي هذا حال الدنيا ولايديم فيها الا الكلمه الطيبه والعمل الصالح دول اللي بينفعونا في اخرانا اتمني انك تسامحني لان زي مانفسك بتغلبك كمان انا نفسي بتغلبني يااستاذ كل انسان بيعتز بنفسه زيك بالظبط ولويرضيك اني اعتذر لك مره اخري ع العام ماعنديش مشكله الاعضاء اتهموني اني اشكك في تدويناتك ولكن هذا ليس صحيح والله يعلم الله يعلم اني اقدر مجهودك جدا واتمني ان يجازيك الله عليه خيرا ولكن الحقيقه انه خلاف شخصي انا قلت كل اللي عندي وممكن اكون مخطئ وواهم وممكن اكون مصيب ولكن اللي متاكد منه واتمني ان يعينني الله عليه اني لاحمل لك في قلبي الا كل الحب ومره اخري انا اسف
علي فكره انا اسمي محمد بس لمااسجلت في المنتدي لاقيت محمدات كتير وماعرفتش اسجل باسمي الحقيقي فسجلت بوليد 100 وكلها اسماء الله
مع الشكر
محمد
ملاحظه : انا عايز ازروك عشان اتاكد انك مسامحني وهطلب ده ع العام ياتري هتكسفني .؟
رد: طلبات نوتة أ / عادل صموئيل الجزء الثانى
العرض العادي
