طلبات نوتة أ / عادل صموئيل الجزء الثانى

[عادل صموئيل]

احبائى

اقدم لكم نشيد عفاف راضى

احنا شبابك يابلادى

مع اطيب تحياتى

[عبد الإله]

حبيبي الأستاذ صموئيل كنت طلبت منكم نوتة ''مغرب الحضارة'' وهذا رابطها على الشبكة :

https://m.youtube.com/watch?v=DPR8kEt4SlI

وهي من الأناشيد التي نعرضها في المناسبات الوطنية .
وتقبل مني فائق التقدير والامتنان.

[خالدموسى]

مساء الخير يا استاذ عادل
من الاغانى النادرة والجميلة للمطرب هانى شاكر هى اغنية الشاطر حسن وهذا هو الرابط لها
https://soundcloud.com/user392142928-1/pqerkuzam67q

شاكرا لك مجهوداتك السابقة والحالية

[مينا رضا]

أرجو من الأستاذ القدير عادل صموئيل تدوين هذه الترنيمة
وهذا هو رابط الترنيمة

https://www.youtube.com/watch?v=ACDD...Y&spfreload=10

اخى العزيز
مش قلنا نختار الترانيم اللى ممكن تتدون ؟ انا سمعتها كذا مرة مش عارف امسك لها اى ميزان ... يعنى ما اقدرش ادونها مع الاسف
مع اطيب تحياتى عادل صموئيل

[egoth_sun]

د / عادل صمويل .. صديقى على الفيس بوك ،، تحياتى .. أتقدم إليك بطلب نوتة أغنية ليلى مراد " ماليش أمل " لحن الموسيقار محمد عبد الوهاب
اخى العزيز
الاغنية دى انطلبت كتير بس هى ليها مشكلة ... انها مش اغنية عادية .. هى اغنية تنقسم قسمين نص تلحين عبد الوهاب والنص التانى مهارة انور منسى يعنى انا اشتغلت مع عبد الوهاب اتكر من عشرين سنة ... كان لما بيبقى عازف رهيب مالوش زى .. مثل انور منسى او عمر خورشيد .. كان بيترك لو مساحة او اجزاء يطلع فيها كل اللى جواه وده ماينفعش يتكتب وحتى لو حد كتبه ماحدش حايعرف يقراه او مش حايطلع دقيق .. عشان كده انا خلال الخمس سنوات الماضية حاولت كذا مرة ابتدى اكتب فيها لقيت فيها حاجات ماحدش حايعرف لا ينفذها ولا يقراها ... وللعلم انا طبعا ماحضرتهاش يعنى ماشفتش ايام ما سجلوها بس بخبرتى بطبيعة الغل اتخيل ان كان الاجزاء بتاعة انور منسى كانت بتبقى فاضية والمكتوب فقط شغل الفرقة .. زى مثلا لما فى اى لحن يكون فيه تقسيمة عود مثلا ... عمرها ما بتتكتب ولكن بيتكتب فى النوتة كلمة تقاسيم عود او ناى مع اطيب تحياتى عادل صموئيل

[waleed.d]

مساء الخير استاذ عادل
الله يعطيك الف عافية على مجهودك الكبير.
اذا ممكن تحول لنا نوتة في يوم وليلة التي دونتها سابقا لدرجة الدو
مع جزيل الشكر
وليد

[مينا رضا]

شكراً للأستاذ القدير عادل صموئيل على تعبه من اجل نصيحته الخاصة لي بتدوين النوتة وكنت احب ان أقول لحضرتك انا مبتدئ في التعلم وليس لي خبرة كبيرة بنوعية الترانيم وبالتالي اجهل ماتطلبه مني لو امكن حضرتك تعطيني مثال عملي حتى لا اقع في مثل هذا الخطأ مرة أخرى وشكراً جزيلاً على اهتمامك بطلبي وكما قلت سابقاً ان مجرد قراءتك لطلبي هو شرف لي وأتمنى الا تنساني بمثل عملى على نوعية الترانيم وشكراً مرة أخرى

اخى العزيز
هو الموضوع سهل اوى .. انت طبعا حافظ ترانيم كتير .. اذهب الى الفهرس بتاع النوتات بتاعتى حتلاقينى مدون ترانيم كتير اوى اكيد انت عارف منها .. دى النوعية اللى مش ممن تتدون .. الموضوع مش ترانيم او اغانى .. الموضوع موضوع الموسيقى نفسها ... يعنى تخيل انك بترسم مثلا وقدامك شكل ترسمه لازم تكون فاعم ايه اللى انت شايفه .. بالنسبة لنا فى الموسيقى لازم اولا يكون ميزان ثابت محدد انا اول ما اسمع اقول ده ميزان 4/4 او 2/4 مثلا بحدد كل مازورة فيها ايه ولازم يكون الميزان واضح وضوح الشمس عشان اكون مستريح وانا بكتب.. لكن هنا الميزان عايم مش فاهم اللى لحنه عمله ازاى بحيث انى حاولت القط منه ميزان ماعرفتش طيب حاكتب ازاى .. وحاجة تانية المفروض انا لما اكتب لازم اكون فاهم اللحن يعنى النغمات ايه والتفعيلة بتاعة الجملة ازاى وهنا لازم الاداء يكون مبسط ومفهوم يعنى ام كلثوم وعبد الحليم وكل عمالقة الزمن الجميل ادائهم بسيط بحيث انك تفهم اللى بيقولوه بسرعة وتدونه اما الجيل الحالى زى اصالة والاخت المرنمة هايدى ... بيتفزلكوا فى الاداء بحيث انهم بيشوهوا اللى احنا بنسمعه ومانفهمش بالظبط الجملة اللى بيقولوها ايه يعنى بيعملوا حليات كتير ... انا زمان لما كنت بكتب للملحنين الكبار كان بيسمعنى اللحن سادة بدون اى حليات عشان اعرف اكتب ايه .. وبعد النوتة ماتتكتب واللحن يتحدد لو المطرب حب يحط حليات هو حر مع نفسه ... انا نفسى ده يوصل للجميع .. يعنى احنا فى المنتدى ليه مش بنتعامل مع الاغانى الحديثة ؟ لأن عشان معندهمش جملة لحنية جميلة زى زمان اول حاجة بيوزعوا كل الاغانى من اولها لآخرها ودى مش ممكن تتدون لأنى لازم اسمع لحن واحد زى الحان زمان وثانيا بيتفزلكوا فى الاداء عشان المستمع ما يفهمش هم بيقولوا ايه وصلت الرسالة ؟ مع اطيب تحياتى عادل صموئيل

[عادل صموئيل]

احبائى
تحياتى للمغرب الشقيق وشعب المغرب الحبيب

اقدم لكم انشودة

مغرب الحضارة

انا سعيد بالشغل ده ... انا طبعا اول مرة اسمعها معرف اذا كانت قديمة ولا حديثة ... فإن كانت قديمة ده موضوع اما اذا كانت حديثة فهى بتتبع نظام الحان زمان الجميلة يعنى لحن جميل والاداء بسيط يتفهم بسهولة ... مفيش فزلكة فى الاداء بحيث تعوق فهمى انا للجملة .. واحلا حاجة ان هى اغنية اطفال والاطفال هم اللى بيغنوها ... يعنى احيانا لما مطرب كبير بيغنى اغنية للاطفال ممكن تكون الاغنية اما اقل من مستواه هو كمطرب كبير او تكون اعلى من مستوى الاطفال .. اقصد من الاطفال واليهم
انا اتذر لأنى تأخرت فى كتابتها لأن كان عندى عطل مزعج فى الكمبيوتر ... والحمد لله تغلبت على جزء منه
مع اطيب تحياتى

[عبد الإله]

حبيبي الأستاذ الجميل :
ألف شكر وتقدير لشخصك الكريم النبيل وتقبل تحيتي الحارة:

تعوَّدَ بسط الكفِّ حتى لو أنه ... ثناها لقبضٍ لم تُجِبهُ أنامِلُهُ
ترَاه إذا ما جئته متهللا ... كأنَّك تُعطيهِ الذي أنتَ آمِلُهُ

[مينا رضا]

شكراً للنصيحة الغالية أستاذ عادل صموئيل وانا سأعمل بنصيحتك هذه في تعلمي للموسيقى وأيضا عند طلب نوتة أخرى وشكراً لك مرة اخرى