أعمال من تنفيذ الفنان محمد الآلاتي - الصفحة 43

**الألآتى** · #1 24/09/2009, 01h32

اقتباس:

المشاركة الأصلية كتبت بواسطة محمد إبراهيم

يا أستاذ محمد، عبد الحليم حافظ يسكن في أعماقي و أنت لقد أصبحت تسكن جنبه بأعمالك الرائعة و احساسك النبيل للفن الأصيل ،

فتقبل مني تحية تقدير وشكر كبيرين،
تعيش يا أستاذ وعيدكم مبارك أجمعين

يشرفنى أن أكون فى قلبك وجنب عبد الحليم .. ده إيه الهنا ده كله ياأستاذ محمد .. كل سنة وإنت طيب .

**الألآتى** · #2 24/09/2009, 02h35

أخوانى الأعزاء ..

هاقد إنقضى شهر رمضان المبارك .. بأيامه ولياليه الروحانية الجميلة ..

ومضت أيضاً أيام عيد الفطر المبارك .. أعاده الله ( عز وجل ) علينا وعلى المسلمين بالخير والبركة ..

وأعود إليكم ببعض النشاط .. فأقدم إليكم اليوم ..

رائعة من روائع عبد الوهاب ..

فين طريقك

مقام : بياتى

كلمات : حسين السيد

ألحان وغناء : محمد عبد الوهاب

عزف وتنفيذ وميكساج ومونتاج وتروكاج ونفخ عجل : العبد لله

**عفاف سليمان** · #3 24/09/2009, 08h28

صباح الخير على حضرتك استاذنا محمد الالاتى
احسنت بالاختيار واحسنت بالاداء
واحسنت بالمكساج والتوزيع والاخراج وكل ما قمت به
نرجوا مزيدا من اغنيات محمد عبد الوهاب الطربيه الجميله التى نحبها
بفكر فى اللى ناسينى ....خى خى....هان الود
كتيرررررررررر لعبد الوهاب جميل عليك بأختيار
وربنا يوفقك ويوفق الجميع ويسعد اوقاتكم جميعا بكل الخير
تحياتى لحضرتك وجميع اهل ومواطنى سماعى الكرام
اختكم عفاف

**ahmed noor** · #4 24/09/2009, 11h47

يا سلام عليك يا كبير وانت بتغنى برحتك

يا قريب وبعيد شوقى لك بيزيد

جميله جدا والديمو اكثر من رائع وده كله طبعا علشان بلمسات حضرتك

نفسى اتكلم كتير لكن خير الكلام ......

ملحوظه ... هــــان الود بعد اذن حضرتك خاصه بأحمد نور

ابنك

وربنا يبارك لنا فيك يا عالمى

**محمودسعد** · #5 01/10/2009, 05h21

مع اني عارف طريقك كويس ؟
بس برضه دايما اسالك فين طريقك فين ؟
ربنا يباركلك وينورلك طريقك دايما ياحاج محمد ياالاتي ياجميل

**MUNIR MUNIRG** · #6 01/10/2009, 06h09

نقول إيه .. أكتر من اللي إتقال وبيتقال.....
قمه في ألأداء يا أستاذ آلاتي.... يافنان

**مازن عابدين** · #7 01/10/2009, 06h29

أستاذنا الكبير الالاتي
أشكرك على هذا العمل الجميل الملىء بالطرب والحرفية. لقد أستمعت كثيرا بلاستماع الى هذه الرائعة من أعمال عبد الوهاب.
أما أذا كنت تسأل عن طريقي أنا فأحب أن أبلغك أني وجدتها عند أشتراكي في هذا المنتدى الرائع. أما أذا كنت بتدور على حد تاني قوللي وانا أوعدك ها أهدورلك عليه حتى لو في الصين أنت غالي علينا يا أستاذ... ومش ممكن ما نساعدك في هذه المحنة.
الله يخاللينا أيك ويحفظك لكي تشنف اذاننا وتطربنا بالتحف دائما يارب.

**الألآتى** · #8 24/09/2009, 07h53

وتأكيداً لحالة النشاط التى أرجو أن تستمر ..

إليكم رائعة من روائع عمنا محمد قنديل

ياللى جمالك عجب

مقام : بستنكار ( بستنه كار )

كلمات : عبد المنعم السباعى

ألحان : محمد فوزى

عزف وتنفيذ والذى منه : العبد لله

**عفاف سليمان** · #9 24/09/2009, 08h31

استاذ محمد الالاتى
بعد صباح الخير على حضرتك وال سماعى الطيبين
اقولك
انا كنت ناسيه الاغنيه دى
وعنوانها فكرنى باغنيه لمتقال
ياللى جمالك عجب
لكن اول ما سمعت اللحن افتكرتها
من اجمل الاغنيات لمحمد قنديل رحمه الله
دائما يا استاذنا ابو حسام اختياراتك جميله وموفقه
اسعدك الله واسعد الجميع بكل الخير
تحياتى لكم
اختكم عفاف

**ahmed noor** · #10 24/09/2009, 12h02

ياللى الهوا لعبتك .. يا خوفى منه عليك

والله اول مره اسمع الغنوه دى ومن حضرتك بالخصوص

ده ايه الحظ ده وايه بقه يا مايسترو الصوت الدافى ده

ايه سر الطبخه يا عالمى

ربنا يبارك فى حضرتك