الرتوش الأخيرة فى لوحة الخيل و البحر

[سمعجى]

حبيبي عصفور طاير ..

ممكن تديني عنوان الشجرة ( محل الإقامة ) ..
}و لاَّ عشك فوق سحابة ؟! .. كلنا عصفور .. و غابة .. {
جات معايا موزونة بظروفها .. كمل إنت بقى يا عم ..

يا سلام يا عصفور .. دا نا مشهور و مش واخد بالي .. كيف تحصلتَ
على هذا المعجم ؟! ..
ذكرتني بالزمن الجميل يا أخي ( كان الواحد لسة شفايفه حمرا ) .. و كنت قايم نايم بالزفت اللي إسمه الشِعر ده ..

بس كنت فرحان جدا ً لأن اللجنة ( الفخيمة ) التي انعقدت لعدة سنوات ،
و أذكر منها د.جابر عصفور ، فاروق شوشة ، د.محمود مكي، فيصل السعد ....إعتبرتني واحدا من أهم الشعراء العرب ( الأحياء ) في القرن العشرين .. شفت الهنا اللي انا فيه !

و يا سلام بقى لما لقيت معايا في المُعجم الفخيم أسماء ( تخـُض العفريت ) ..نزار قباني ..جورج جرداق .. نازك الملائكة..محمد مهدي الجواهري ..
سعيد عقل .. محمود درويش .. محمد الفيتوري .. عبد الله البردوني ..
غازي القصيبي .. ممدوح عدوان .. حسن طلب .. عبد العزيز المقالح.. بلند الحيدري ..عبد الوهاب البياتي .. الهادي آدم .. عبد الله الفيصل .. أحمد عبد المعطي حجازي ..فدوى طوقان .. سعدي يوسف .. عفيفي مطر ..
و أسماء أخرى كثيرة لناس صعاليك زى حالاتي ..

و يبدو أن اللجنة كانت ترصد ما ينشر من قصائد في الإصدارات المتخصصة في الأدب ، مثل مجلة إبداع ، و الشِعر ، و المجلة العربية ، و الحرس الوطني السعودي .. و عند إصدار المعجم ، عملوا حفلة كبيرة حضرها ( كـُبارات البلد ) في مكتبة القاهرة في الزمالك .. و كان وزير الثقافة ( ذات نفسه ) هو اللي بيوزع المعجم علي من وقع عليهم الإختيارمن مصر المحروسة

و كانت ليلة أ ُبهة ، إشي جاتو ، و إشي كاكولا .. وإشي شهادات تقدير.. و إشي تليفزيون و اذاعة ..لاء و إيه .. قاعد متونس بمحمد أبو دومة و ابراهيم أبو سنة و فاروق شوشة و ملك عبد العزيز و عبد القادر القط و زكي العشماوي و جابر قميحة ..حاجة مـُفتخرة ..

أما الآن .. فالسعىُ البغيض ( على رأى الشاعر عادل عزت ) إستولى على ال13مليار خلية اللي ف نافوخي .. و فاضل خليتين .. هما اللي باكتب لك بيهم دلوقت

يا ترى يا عصفور ، في عالمك العصافيري المُحَلق .. لسة فيه عصفورات
... بيزأزأوا ؟!

[سمعجى]

عصفور طاير ..

تِصَدَّق إن أنا عارف مدير قصر الثقافة الذي تتحدث عنه !!
حتى بالأمارة إسمه ( مصطفى ال......) صح ؟!

تلك كانت مقولته الشهيرة ( تجوللي تكره ايه .. أجوللك البتاع اللي إسمه الشِعر دِه ) ..
و أذكر في إحدى المرات ، أننا إجتمعنا به كأعضاء نادي الأدب ، بهدف استرداد جمعية الأدباء ، و هى جمعية مُشهرة ، كان قد استولى عليها
و استخدمها كمقر و مكتب سفريات لرحلات الحج و العمرة و خلافه ، و كانت تلك ( سبوبته ) الكبرى و مصدر رزقه ( الواسع ) ، فلما استشعر أن هدف الإجتماع هو استرداد الجمعية ، كشَّر عن أنيابه ( حلوة كـَشَّر دي ) .. و قال بالفـُم المليان :

شِعر إيه و جـِصِّة ( قِصَّة ) إيه .. دا الواحد يعبِّي كراتين م الهجص بتاعكم دِه ..
إنتوا جايين تشتغلونا .. مش كفاية لـَمِّيناكم من على القهاوي .. جال شِعر جال .. تكونوش فاكرينِّي تايه عنكم يا شيوعي انتَ و هُوِّه .. عايزين تمنعوا الناس تحج بيت الله ؟! يا .........

أمـّا ذراعه اليمين في نادي الأدب ، الذي كان ينطق السين
ثاءا ً .. و يتدخل في الحوار عندما يتصاعد ( باعتباره المشرف ) ، ظنا ً منه أننا على وشك التشابك بالأيدي ، فيقول : يا جماعة إنتوا بتتفلثفوا كده ، ما أنا درثت الفلثفة دي في الكلية .. مش أرثطو و أفلاطون و ثقراط ؟! بث عايزين الثراحة ، الفلثلفة دي تودي ف داهية و تتوه الإنثان ، و الفلاثفة دول شوية ناث كفرة .. لا عندهم دين و لا ملة

[سمعجى]

الباشمهندس ناصر ( الكريم ابن الكريم )

ما كل هذا الكلام الكبير يا أخي .. الله يكرمك ..
كلنا نجتهد فيما يسرنا الله له .. و أشكرك من كل قلبي
على ثناءك على القصيدة .. جايز الكتابة الصادقة بتمس
القلوب الصادقة .. و أنت إنسان نقي و شفاف ..
و تسير على درب الشِعر بخطىً واسعة ..

و بعدين الظاهر إن القصيدة دي ( مبروكة )، علشان جمَّعت كل الحبايب ..
الأستاذ حسن و الأخت لولي و الأخت مى و الأستاذ فريد و الأستاذ هاني
و الأخت منال و الأستاذ سامح الأسواني و أختنا مدام ناهد و الباشمهندس إيهاب و الأستاذ صلاح السويفي و الدكتور محمود رزق و الأستاذ عصفور طاير ، ثم حضرتكم ..

وفقنا الله جميعا
و لك خالص تحياتي

[سمعجى]

الدكتور محمود ..
شفت بقى الزهايمر و عمايلـُه ..
نسيت أشكرك على لوحة الخيول المتسامية ..
و إسمح لي أهديك واحدة من أحب اللوحات الىّ ، للبلجيكي رينيه ماجريت ..

[عصفور طاير]

المشاركة الأصلية كتبت بواسطة سمعجى

حبيبي عصفور طاير ..

ممكن تديني عنوان الشجرة ( محل الإقامة ) ..
}و لاَّ عشك فوق سحابة ؟! .. كلنا عصفور .. و غابة .. {
جات معايا موزونة بظروفها .. كمل إنت بقى يا عم ..
[/FONT]

خد عندك يا عم سمعجي..

و لاَّ عشك فوق سحابة ؟! .. كلنا عصفور .. و غابة

تعزف الموّال يغني.. ينجرح قلب الربابة

طب ايه رأيك بقى إني حضرت حفلة تكريم شعراء المعجم.. شفت الدنيا زغننة ازاي

واسمح لي وكذلك الدكتور محمود أن أشارك في معرضكم الجميل بلوحة عبقرية لفان جوخ (فرس النار).. والتسمية لي

[صلاح السويفي]

المشاركة الأصلية كتبت بواسطة سمعجى

و بعدين الظاهر إن القصيدة دي ( مبروكة )، علشان جمَّعت كل الحبايب ..
الأستاذ حسن و الأخت لولي و الأخت مى و الأستاذ فريد و الأستاذ هاني
و الأخت منال و الأستاذ سامح الأسواني و أختنا مدام ناهد و الباشمهندس إيهاب و الأستاذ صلاح السويفي و الدكتور محمود رزق و الأستاذ عصفور طاير ، ثم حضرتكم ..

الغالي أبو كمـال
الأستاذ كمال عبد الرحمن

عند الإغريق أسطورة تقول إن الفنان زويكسس كان يرسم لوحات بديعة.
من بين هذه اللوحات واحدة عن الفاكهة.
وقد أسعد الفنان أن يجد العصافير تحط على اللوحة وتنقر الفاكهة ـ . .
الى هذه الدرجة كانت اللوحة طبيعية و حقيقية. .
وقد ظل الفنان يضحك سعيداً بما فعلته العصافير . .
(منقولة عن أنيس منصور )

إحساس الإبداع الصادق فيك . . .

جعل عصــافير المنتدى ..تحط عندك...

وفي مقدمتهــا العصفور الطــائر...

وتحيـاتي

[سمعجى]

يا سلام يا عصفور ..

إيه ال suspense إللي أنا فيه ده ؟!

تكونشي حسن الهلالي ؟!
و لا َّ رفيق الكفاح في مرحلة ( ذوي الياقات المتسخة ) ؟!
و لا َّ مناضل في حزب ( توتو ) ؟!
لكن هاتروح مِنِّي فين .. مسير الحى يتلاقى !

بس الله ينور على المزاج العالي .. شاعر صحيح ..
خد عندك :

و لا َّ عشك فوق سحابة .....كلنا عصفور و غابة
تعـزف المـوَّال يـغـني .....ينجرح قـلب الربابة
يا وتـر سارح في دمِّي ....حِنّ..دا العشاق غلابة

أما عن فرس النار ، فهو يوقظ الخيال من ثباته ، و يحضُّ على ممارسة الجنون ، و لو على رؤوس الأشهاد !

و إليك أحدهم :

[سمعجى]

الأستاذ صلاح السويفي

إيه الجمال دا كله ..ما أروع الأساطير الإغريقية

و أذكر بالخير هنا د. ثروت عكاشة الذي نفح القارىء العربي بعدة ( إبداعات ) في الميثولوجي .. منها الأساطير الإغريقية ..

و لوحة زويكسس التي تحدثتَ عنها ، تذكر بأسطورة ( بجماليون )
الذي صنع تمثالا ً لامرأة ( مُثلىَ ) تعد نموذجا ً للجمال المُطلق ..
و بعد أن انتهى منه ، جلس بجواره يبكي و هو يتضرع للآلهة أن تجعل الروح تدب في (جالاتيا).. و قد كان !

[عصفور طاير]

بارك الله فيك يا أستاذ صلاح
الطيور دائما تحط حيث تطمئن


أما الأستاذ سمعجي.. فرغم إني مش شاعر ولا يحزنون.. لكن فقط أردت أن أشاغبك
خد يا سيدي:

و لا َّ عشك فوق سحابة .....كلنا عصفور و غابة
تعـزف المـوَّال يـغـني .....ينجرح قـلب الربابة
يا وتـر سارح في دمِّي ....حِنّ..دا العشاق غلابة
زقزق العصفور ندهني... قاللي انا مغرم صبابة :ras:

[سمعجى]

الأستاذ عصفور طاير ..

الله ينور يا سيد عصافير الأرض
بس كدا القافية ابتدت تدخل في حارة سَد
إذ لم يبق غير ( يابا / دِيابة / خرابة )
كفانا الله و إياك شر الخرابات

سأدخل على قافية أخرى ، مع الاحتفاظ بنفس البحر ( مجزوء الرَّمَل ) ..
و لا ّ عشك فوق سحابة .....كلنا عصفور و غابة
تعـزف المـوَّال يغـني .......ينجرح قـلب الربابـة
يا و تر سارح في دمي .....حِن دا العشاق غلابة
زقزق العصفور ندهني .....قاللي انا مغرم صبابة

قلت يا عصفور يا طاير....في فضاك تايه و حاير
دِبلت الأشجار و قلبـك .....حسرة مُرَّة و حزن فاير