أعمال - كمال عواد

[mohamedafify]

اخى وحبيبى كمال اليك الغنوة بعد ما شيلت منها النويز وحطيت شوية افكت اللة ينور عليك صوت جميل وعزف على العود متمكن وطبعا اللحن جميل لانة من الالاتى الجميل مع تحياتى محمد عفيفى

[كمال عواد]

كلك كرم وزوق يااستاذ محمد....فعلا كده التسجيل احلى..
بس صوت الاستاذ الألآتى احلى بكتير....ودى مجرد تحيه
منى لاستاذنا الكبير لانى سمعت الاغنيه امس..وشدنى الرقه اللى فيها....وقلت اغنى مقطع افكره بيها....ولكن اعمل ايه خبرتى
فى التكنولوجيا بسيطه جدا..وطبعا مابغنيش فى جمالك ولا جمال
الاستاذ..............

[الألآتى]

رائع .. بديع ياأستاذ كمال ..

كنت فين من زمان .. والله إستمتعت .. وكأنى أسمع الأغنية لأول مرة ..

عزف العود جميل ومتمكن .. أما الصوت .. ياعينى .. مطرب ياناس مش أى حاجه ..

وأدينا كسبنا مطرب معانا .. يعنى مالناش حجه .. أنا مش حاغنى تانى .. لأن حرام نهيقى يقارن بهذه الأصوات الجميلة ..

أحسنت ياأستاذ كمال .. وليتك تكمل الأغنية .. عايزين نسمعها على بعضها ..

[كمال عواد]

ياعمنا ياحبيب قلبى...والله انا عاوز اشارك بعمل فى مستوى اعمالكم الجميله...او على المستوى الشخصى..بعمل اخر متكامل
يشبه صوره وايه وانشاء الله قريبا جدا باذن الله...نحن نجهز لاعمال .انشاء الله تحوز رضاكم......بس انا عجبنى اللحن.وقلت ادندن جزء منه على العود...وكنت والله خايف منك
لان اسىء الى لحنك خصوصا بصوتى اللى قدى وعزفى المتواضع...واما حضرتك تقول على صوتك نهيق ( امال انا اكون ايه)..انا سمعتلك سيبه يندم..وياكمال ياكمال....وبقول خساره..الناس الحلوه دى مش واخده حقها........ولازم حضرتك تعلم جيدا اننى هاوى.ولست محترفا

اشكرك كل الشكر على استحسانك لى

[مروان شلبي]

الأخ كمال
اولا كنت موفقا باختيار هذا اللحن الجميل للأخ الالاتي . والحقيقة بأنك لست ملحنا موهوبا فقط بل تتمتع بصوت جميل وأداء اجمل .. يجب الا تستهين بصوتك فهو ليس عادي .
كما ارجو ان تركز على التلحين ولكن لاتهمل الغناء .
فهو يجعلك متكاملا تستطيع ان تعبر عن احاسيسك دون وسيط .
وشكرا

[كمال عواد]

والله وحق من يحيى ويميت..قابلت اناسا كثيرين..لم اجد فى روعة اخلاقكم..فعلا ..مايميز هذا المنتدى القيم..هو الاخلاق.
والتعامل..والاحساس بالغير..وكم انتم الاساتذه تشجعون.من تلمسون فيه بادرة امل وخير..من حسن حظى ان تعرفت عليكم...

فهنا فى هذا المنتدى..لايحتاج ابدا الى مطربين..فالاستاذ اللاتى خير من يعبر واول ماسمعته قلت صوته برىء..والاستاذ عفيفى المتمكن..والاستاذ محمود سعد..صوت شعبى من الطراز الحديث.................وغنيت حبا واثناء على جهد الاستاذ الالاتى.......اما التلحين فهى خواطر بالفطره وبما اعطاه الله لى من مشاعر...فصوره وايه نجحت بفضل عمق الاحساس.بجمال الخالق..والدكتور اشرف.يملك كل هذا الاحساس..وليس التلحين فقط..فكلها هبات من الله........................

ادام الله عليك استاذ مروان نعمة الصحه ..اولا ثم الاحساس المرهف..فى فنك وعزفك الراقى البديع

[ahmed noor]

ما شاء الله على هذا الصوت البديع والاكثر من رائع
وعزف تحفه وأداء متمكن
باختصار أود شكرك يا استاذ كمال على هذا الاداء الروعه
كما. اتمنى لحضرتك كل التوفيق وأمتاعنا دائما
أشكرك

[كمال عواد]

ايه يااستاذ احمد فينك ياعمنا...انت انسان مجتهد ومحترم.وانا بحبك فى الله ياخى والله....لانى طبعا سمعتلك المحاولات الرائعه
ويابختك ياعم...مجاور الاساتذه...وانت تستاهل كل خير
واشكرك على اثنائك على..وانا بتعلم والله لسه ياابو حميد..
وما اجمل الهوايه المحترمه لانها تبعدك عن كل سىء فى الحياه..
وكفايا انها عرفتنا بناس محترمه جدا وفنانين على حق ربنا

وبدعيلك من كل قلبى ان تحقق كل ما تتمناه فى دنيا الفن وبعيد عن الفن....................اخوك كمال

[محمودسعد]

فنان جميل ومهذب ومتربي وابن ناس 00 = صوت حلو عزف حلو ملحن حلو
احساس واداء وانفعال ومشاعر 00 = كمال عواد
الحلو يتحب لاجل النبي
000000000000000الحلو يتحب لاجل النبي
الحلو يتحب لاجل النبي
الحلو يتحب لاجل النبي

[عفاف سليمان]

يا استاذ كمال انت فعلا اسم على مسمى
كمال وفيك الكمال من الصوت والاداء واللحن والاحساس
عواد وانت فعلا عواد فى الاحساس فى التعبير
بتتكلم بالعود فى جمال ورقه وعذوبه
ثنائى جميل انت والعود ممتزجون ببعض...... هو بيعبر عن احساسك ودفء مشاعرك
نيجى بقه للصوت مش هعرف اقول زى اللى سبقونى
والله خساره انك متحاولش تستخدم هذه المواهب الجميله التى تمتاز بها
واتمنى من الله عز وجل ان ارى اعمالا لك فى المجالين
ولك وللجميع كل التقدير والاحترام
اختكم عفاف