امثال من الموال والمربعات فى الفن الشعبى

[بيومى الخولى]

بهديك يا لاعم نور
وحياة جمالك وورد الخد وعيونك
ونور جبينك وحسن القد وعيونك
داري الجمال اللي من غير وصف في عيونك
ورق وحياة حنان قلبك علي عاشق
صبر وقاسي كتير من الهجر واتحمل
ولسه عندي امل بعد الفراق عايش
يا اعز الاحباب كفايه عذاب واتحمل
اللي يلومني يجرب لوعة العاشق
ويسهر الليل بس ان كان يتحمل
سمع كلامي ضحك سنه وظهر العود
في رقته غصن بان واجمل وظهر العود
لما حبيبي خطر غنيت انا علي العود
وقلت يا حسود حصوة ملح في عيونك

[بيومى الخولى]

خد كمان يا عم نور

بعد الحبايب علي كان بغير خاطري
والشوق اصله كواني في الفؤاد خاطري
شاورو من البعد لاكن لم رضي خاطري
يا طيور يا نسيم خدو مني سلام ودوه
وروحو لحبايبي اللي يوم غابو مودعونيش
قولو لهم خلكم روحو في المنام ودوه
سافرو بدون علم وانا غايب مودعونيش

لو كان حداكم دوي روحو للعليل وادوه
انا روحي فيهم وباديهم مودعونيش
كان قلبي يرتاح لهم والعين في رحابهم
علشان ايه سابوني وانا محتاج لرحابهم
من يوم غيابهم وانا واخد علي خاطري

يسعد صباحك يا ماليه من سواقينا
يا طالعه ومبدره من جار سواقينا
انا وانتي يا مسعده صدفه سوي جينا
احلف بشرفي وانا صادق في ايماني
بين الصبايا الملاح لم شفت مساليكي
يا اهلي لمحبتي الطاهره وايماني
يا اللي العفاف والكرم الاتنين مساليكي

[نور زايد]

الحـــــب غير الهوى ياللى الهوى سابك
مجروح ولالك دواء وسـهم الهوى سابك
احترت بين دة ودة لما الحــــبيب سابك

[elazf]

تعبت عيوني و مش لاقي دوا ليها
جابولي طبيب العيون والدمع ماليها
كشف عليا الطبيب وراح مغطيها
قاللي دي وحشة الاحباب ما أقدر اداويها

ـــــــــــــــــ

ياما أبويا نهاني وقاللي توب يا إبني
أسس جدار المحبة قبل ما تبني
أنا رحت بحرالغرام أهد فيه وأبني
واللي عشمان يبني له طوبة لم قدر يبني
بالود والإخلاص تلاقي قصر الغرام مبني

ـــــــــــــــــ

مين اصل السبب وسلسال البلا انت
تلوف بغيري ومالك مهجتي انت
انا امسيت مجروح
ع الفرش مطروح
والطببة تجي و تروح
وعند زهجت الروح تجيني بالدوا انت

ـــــــــــــــــ

جـمــل النـقا عـض كـتـفـي وانـشـبـك نـابـه
والـحـلـو بـلــده بـعـيـداللـي انـشـبـكنـا بـه
يا عـم بـيــع الـجـمـل وأسـكـر عـلـى نـابـه
وإن جـاك صـاحـب الـجـمـل قـله سـكـرنـا بـه
دنـيــا دايـــرهبــالـغـلـبــان وحــيــــرانه بــه
البـلـح اكـلـنــاه والجـريــد الاخـضـرلـعـبـنــا بـه

ـــــــــــــــــ

سبع مراكب اسى وسبع مراكب مر
مرت عليا وخلتاحلى أيامي مر
انا رحت لشيخ عالم داق الحلو والمر
رمى الكتاب من يمينه والتفت قاللي
انت بلاك من اقرب الناس اللي دايم عليك بتمر

ـــــــــــــــــ

جرحي القديم الولاني انا كنت راضي به

جدد عليه الجديد زادت لهاليبه

يا بدر حل اللثام اللي انت حالي به

والله أكل البلح حلو يا جميل لكن النخل عالي به

ـــــــــــــــــ

حلوه صلاة النبي .. محمد نبينا وعيسي و أيوب

لو شكيت ربع مابي للحديد يـدوب

الأولة صحبتي والتانيه المحبوب

والتالتة غربتي والرابعة المكــــــــتوب

والخامسة كنت غالب صبحت أنا المغلوب

ناس بالغالي شاريهم بالرخيص باعونـي

وكنت عندهم زي الدهب محسـوب

دنياحلو غير بس ماشيه معايا بالمقلوب

ـــــــــــــــــ

حظي معاندني و عكر معايا صفا الأعوام

والحزن والجرح ملازمني دايم في بحر الألم عوام

دمعي على خدي يحكم على الروح بالأعدام
ولو طال الزمن ع الديب يموت من الجوع وما يصاحب الأغنام

ـــــــــــــــــ

سبع الغابة عجز وسقطت أنيابه

قالوا بكره العيد أنا قلت العيد لأصحابه

وأيه ينفع العيد مع اللي مفارق أحبابه
معك أمانه ياطير خذ الجواب في الجو وأعلا به
وحط بيه عند بيت الحبيب وأرتاح
وإن سأل الجواب دا منين

قول له من اللي إبتلا بالحب و لا نابه

ـــــــــــــــــ

يا مركب العشاق أرسي على المينا

ولفلف شراع الهوى لأحبابنا جينا
صياد ورامي الشبك والاصل من غارب

وع السمسميه يا غارب ياما غنينا

[elazf]

مواويل من التراث

فلكلور أصيل

[elazf]

تابع :

مواويل من الفلكلور الأصيل

[elazf]

تابع :

مواويل من الفلكلور الأصيل

قام بالتعديل على الملفات السابقه شاعرنا الكبير سيد ابو ذهده

احمد

[عبدالكريم فتاح]

بسم الله الرحمن الرحيم

فاكرين ياناس فاكرين القعده ويا الحبايب
والقمره ويا النخيل أهو كلو دلوقتي غايب
حتي الطيور هربت وشردت
واللهفه فترت وبردت
والقليب مكوي ودايب

الليل والقمر راح والذكريات صبحت جراح
نبكي علي ناس كانو معانا نقضي معاهم أفراح
نحط أدينا تحت خدودنا
ودموع عنينا شهودنا
في الفرحه مالينا نصيب

كنا نوصف عيون سود في المعني للصبح نبات
ويا أوتار العود وزغاريد الحبيبات
دلوقتي كلو راح
وصبح مكانو جراح
وحزن وبكاء ونحيب

كنا نسهر للصباح لينا حبايب يسمعونا
حكم الزمن بلفراق راحو ولا ودعونا
بعداللي شفتو أنا من الويل
ولاكرهتو سهر الليل
وسهرو بقا عليا غريب

فاكرين ياناس فاكرين

خانه شباب الطويسه وردود الفنان رشاد عبدالعال

[عبدالكريم فتاح]

بسم الله الرحمن الرحيم
القدس القدس بتشكي
وأيه النهايه
وكل يوم عماله تبكي
وتزيد أسايا
لاكان سلام ولاهيكون
لوراح باراك هايجي شارون
وهياهيا الحكايه

يتمو الأطفال ياعيني
خلو النساء أرامل
وهتكو الأعراض ياولدي
وأجهضو الحوامل
الصعبان عليا يابا
حجر يوجه دبابه
وأحنا بنتفرج يابايا

وياما أدونا وعود
وخانوها زمان
وعلي مر العهود
دول مالهومش أمان
عايزين توحيد الصف
ونضحيلهم بلألف
ونوضع لهم نهايه
القدس القدس بتبكي

خانه شباب الطويسه وردود الفنان رشاد عبدالعال

[عبدالكريم فتاح]

بسم الله الرحمن الرحيم
دا سبب ماليلنا نسهر
كل شي بنقننوه
نعرضو لمعنانا جوهر
لأفاضل يحسنوه

الواحد مهما قال وحدث
مربع مخمس مسدس
أهل المعني خبوه في المكان المقدس
لكن الغشما هانوه

دور القاضي وردود الفنان رشاد عبدالعال