الفنانه الراحله عائشة المرطة 1931-1979 - الصفحة 4

**بو بشار** · #31 21/07/2011, 17h39

تذكرت من عيني
فن سامرى
كلمات والحان عبدالله فضاله

**بو بشار** · #32 21/07/2011, 18h01

حكم الهوى

كلمات ماجد سلطان
ألحان خالد الزايد

*****

يا ليله دانه لدانه .. يا ليله دانه لدان
يا ليله دانه لدانه .. اشكي ولا من يجيب

يا ليله دانه لدانه .. يا ليله دانه لدان
يا ليله دانه لدانه .. الله يجازي الحبيب

يا ليله دانه لدانه .. اشكي ولا من يجيب
ان كان هذا جزانا .. الله يجازي الحبيب

---

وين اللي اول معانا كل يوم .. كل يوم .. كل يومٍ ما يغيب
حتى لي منه عصانا .. الهوى .. الهوى حكمه صعيب

يا ليله دانه لدانه .. يا ليله دانه لدان

يا ليله دانه لدانه .. اشكي ولا من يجيب
ان كان هذا جزانا .. الله يجازي الحبيب

---

والزين غره زمانه مادرى .. مادرى .. مادرى فيني صويب
وان كان قلبه جفانا .. كل واحد .. كل واحد له نصيب

يا ليله دانه لدانه .. يا ليله دانه لدان

يا ليله دانه لدانه .. اشكي ولا من يجيب
ان كان هذا جزانا .. الله يجازي الحبيب

**كويتى** · #33 21/07/2011, 22h16

الفنانه الراحله :عايشه المرطه

ودعتك الله ياحبيب الروح

كلمات مبارك الحديبى
الحان خالد الزايد

*****

ودعتك الله يا حبيب الروح
أمانة اللي ما سلت عينه
وان كان ما عندك غرض لا تروح
فرقا السفر يا حبيب شينه
ودعتك الله ودعتك الله

يا عيني ما فكرت في حالتي اش يصير
لو تدري ما سافرت الا بعد تفكير
وان كان ودك ما اقدر اردك
وما اقدر ما اقدر اقولك يا حبيبي يا حبيبي روح
ودعتك الله ودعتك الله

هون ورد رد الرأي واقعد معاي اقعد هنيٌ
كانك تحب رضاي طاري السفر ما ابيه
وان كان ودك ما اقدر اردك
وما اقدر ما اقدر اقولك يا حبيبي يا حبيبي روح
ودعتك الله ودعتك الله

**كويتى** · #34 21/07/2011, 23h01

الفنانه الراحله :عايشه المرطه

يا هنى اللى بالعيد قلبه تهنى - حفله

كلمات الشاعر طلال السعيد
الحان خالد الزايد

دورة الخليج الثانيه عام 1972م

الاشراف
شكرا للاخ الفاضل الفيحاء على تصحيح اسم الاغنيه

**كويتى** · #35 22/07/2011, 22h05

الفنانه الراحله : عايشه المرطه

سامرية : ياوليف القلب

*****

يا وليف القلب ياللي في هواك
مبتلي يا زين صاير لي سنين
ماتقول لي يا وليفي وش بلاك
ياعديل الروح يا صافي الجبين
...
يالذي بالقلب مكنون غلاك
في ضميري يالغضي ماهو يبين
أنت روحي ومهجتي وبتبع رضاك
وأنت لازم ماتخليني حزين
...
أنت عارف يالغضي مقدر جفاك
لو ماشوفك ساعة زاد الونين
لا تطاوع كل من يحجي معاك
أتبع اللي قلبه حبك من سنين
...
يا وليف القلب ياللي في هواك
مبتلي يا زين صاير لي سنين
ماتقول لي يا وليفي وش بلاك
ياعديل الروح يا صافي الجبين

**كويتى** · #36 23/07/2011, 11h11

الفنانه الراحله : عايشه المرطه

سامرية : هانت العشره عليكم

كلمات بنت الجزيره
الحان ؟

*****

هانت العشرة عليكم والفرح
وانتهت ذيج الليالي من زمان

وينها ايامي معاكم والمرح
وين فرحي والهنا وذاك الحنان

هام فكري والجسم مني انطرح
يوم بدلتوا صفاكم بالهوان

كل محبوبٍ مع خله مرح
وانا وحدي انتظر منكم امان

قلبي صارحكم وبالخافي شرح
انتم شبه الطير لا مل الاغصان

ماجبرتوا بخاطري اللي صبح
من جفاكم شاردٍ في كل مكان

**صالح المزيون** · #37 23/07/2011, 15h24

دائماً دائماً متميزة بإبداعاتك الفريدة أستاذتنا ومضات سلمت يداك
ودمت ذخراً لنا وللفن الأصيل ...

أحببت معرفة كاتب كلمات أغنية :
هانت العشره عليكم

**كويتى** · #38 23/07/2011, 16h01

اقتباس:

المشاركة الأصلية كتبت بواسطة صالح المزيون

دائماً دائماً متميزة بإبداعاتك الفريدة أستاذتنا ومضات سلمت يداك

ودمت ذخراً لنا وللفن الأصيل ...

أحببت معرفة كاتب كلمات أغنية :
هانت العشره عليكم

شكراً جزيلااً أخى الكريم صالح المزيون على ذوقك وطيبك
وردودك الرائعه ,, الله يجزاك كل خير
فأنت وجميع اخوتي الكرام تستحقون منى كل كلمه طيبه وكل
مشاركه قيمه ,, لاخلا ولاعدم من الطيبين .
بالنسبه لكاتب كلمات اغنيه (هانت العشره عليكم) للاسف والله
لم أجد معلومه تخص هذة الاغنيه مع إنى حريصه على كتابة
كل ماتصل له يدى ,, وحتى تكون مشاركتي ذات قيمه لمن
يستمع لها ,,
أتمني ان يساعدني الاخوة الكرام ومن لديه مايفيد هذه الاغنيه .
دمت بكل الود والتقدير

,,

**كويتى** · #39 23/07/2011, 16h11

الفنانه الراحله : عايشه المرطه

سامرية : جزى الله

كلمات مبارك الحديبى
الحان خالد الزايد

*****

جزى الله .. من جازا حبيبه بالصد
لك الله .. يا شاري القطيعه بالود

باعوك ورخصوا فيك
ما يوك وسألوا إشفيك
لك الله .. لك الله .. يا شاري
---
يا شاري هواهم بالغلا والود
وبليلة جفاهم لا تروح وترد
لا لا لا لا تظن انهم شقوا
الوكاد إنهم .. انهم لقوا ..
لقوا إللي عن هواك يسد!!

---
باعوك ورخصوا فيك
ما يوك وسألوا فيك
لك الله .. لك الله .. يا شاري
---
لا تدور رضاهم لا ولا تنشد
ولو تسوي سواهم تلقى .. تلقى إللي يسد
لا لا لا لا تظن انهم شقوا
الوكاد انهم .. انهم لقوا ..
لقوا إللي عن هواك يسد
---
باعوك ورخصوا فيك
ما يوك وسألوا فيك
لك الله .. لك الله .. يا شاري .

**كويتى** · #40 23/07/2011, 16h20

الفنانه الراحله : عايشه المرطه

حمام الشوق ( طير الحمام )

كلمات مبارك الحديبى
الحان خالد الزايد

*****

أنا بالله وفيك يا طير الحمام
مرني بوصيك عندي لك كلام

على دربك يا حمام .. وصل وهات السلام
انا بالله وفيك ياطير الحمام

أهوا نساي أهوا .. ولا يذكر بدياره حبيبه
ولا اوياي اهوا ... ولا يقدر حتى الشوق يجيبه

ارجوك ياطير ... ذكره بالخير
ذكره بدياره بدياره .. ترى دياره قريبه

ياحمام .. ياحمام الشوق لاتخلي .. لاتخلي الوصيه
وإنت طاير .. طاير فوق وصل له التحيه

أرجوك ياطير ... ذكره بالخير
ذكره بدياره بدياره .. ترى دياره قريبه