نوت متنوعة

[armendo]

[QUOTE=عزت شحاته;472983]

المشاركة الأصلية كتبت بواسطة عاصم المنشاوى

الأصدقاء
كل الحب لهذه الأسرة الجميلة

صديقى.....عزت شحاتة
ألف مبروك ياصديقى ال"سكانر" ...انا توقعت الاقى شلال هادرمن النوت ...كما وعدتنا ...ولكن انا بعلم الصبر يصبر على صبر حبيبنا عزت....قول ياعم شفيق جلال

************************************************** ****

صديقى المؤرخاوى/ عاصم الشناوى
اله يبارك فيك .. تأخيرى كنت بس مشغول حبه ..فى بدايات المدارس والخناقات على الجدول والحصص والفتره الصباحيه والمسائيه ..( وكفايه كده - ندخل فى المهم )
..بعد موسيقى التتر ..والتى تتسم بالغموض والتربص .. اقدم اولى النوت التى اخترتها وادخلتها على الاسكنار .. وهى رائعه العملاق محمد فوزى (تملى فى قلبى يا حبيبى ).. وهى من احدى اعداد المجله الموسيقيه التى كانت تصدر زماااااان
واقتنيت بعض منها من سور الازبكيه زمااااااااااااان لما كانوا البياعين بيفرشوا على الارض -.. والبياع اللى كان عنده الاعداد دى من المجله كان يصر انه يبيع العدد ب جنيه.. يا جبروته ( اللى كان ممكن اشترى بيه من عنده اربع كتب ).. اليكم النوته ..لحظه ..ارجع بالكاميرا تانى ..
اعتذار واجب النوته بهتانه شويه .. وانا كنت مستنى اعيد كتابتها .. لكن اعمل ايه فى حبيب قلبى ابو منشاوى واسلوبه اللى فعلا حرام ما يكونشى ليه سكه ف الصحافه..
اعتذار تانى ليكم .. نسيت اعذمكم على عرض فنى قمت بتقديمه يوم الخميس الماضى على مسرح قاعة منف بالعجوزه فى افتتاح وكان عرض الافتتاح لمهرجان نوادى المسرح( لقصور الثقافه) باسم (غناوينا) لفرقة قصر ثقافة مغاغه وحضره احمد مجاهد وهدى وصفى وحشد كبير من النقاد والمهتمين بالمسرح وكان العرض نتاج ورشه (الظواهر الشعبيه )مهتمه بجمع التراث الشعبى فقدمنا عرض ( مجموعه من الاغانى الشعبيه الخاصه بمجتمعنا المغاغاوى .. وايضا بعض الانشاد الدينى والترانيم والالحان القبطيه فى اشكال منفرده وفى تداخل وتضافر جميل ..وايضا بعض الحكاوى الخاصه بنا ..) والحمد لله خطفنا الاضواء وكان توفيق كبير .. وسوكسيه عالى جدا من الحاضريين .. ولقاءات صحفيه بقى .. ومقتطفات من العرض فى صباح الخير يا مصر .. ودريم والحياه و...
...
طولت عليكم - خدوا النوته وبعدين ..نزل ياابنى موسيقى التتر بتاع نهاية البرنامج

صديقى العزيز ابو دم خفيف عزت شحاتة..الف مبروك على الأسكانر وايضا على العرض وكنت اتمنى منك ان تعطينا ميعاد عرضة فى صباح الخير يا مصر وعلى كل انا متأكد انك قمت بالواجب تماما..نوتة تمللى فى قلبى فعلا غير واضحة واسمحلى ان اهديك نسخة اوضح واسهل وتقبل منى كل التحية والأحترام اخوك......ارمندو

[عادل صموئيل]

اخوتى الأحباء
كيف احوالكم جميعا
اقدم لكم نوتة طبعا احباب
انا دونت المقدمة والمذهب لأنها اغنية صعبة جدا يعنى انا اعتبرها تمرين تكنيكى مش اغنية طربية لأن من أهم مواصفات الاغنية الطربية استقرار المقامات لفترة حتى يحس بها المستمع , ناهيك عن اللازمات السريعة فى الرد على الغناء وهذا ما لا يستوعبه المستمعين العاديين , بعكس زمان ايام الفن الجميل كانت تلك اللزمات صغيرة او واضحة وغير معقدة يعنى ممكن اى مستمع حتى لو لا يكون دارساً للموسيقى او عازفاً يستطيع ان يستوعبها ويدندنها صح عندما يدندن الاغنية
المهم اتمنى ان تستطيعوا عزفها انا حاولت ابسطها بقدر الإمكان , لأنها معمولة لبيان الإحترافية العالية فى العزف
مع اطيب تمنياتى

[armendo]

اصدقائى صباح الخير اهدى اليكم واحدة من احلى ما غنت السيدة ام كلثوم وهى اغنية حبيبى يسعد اوقاتة التى ارجو ان تسعدوا بها
مع تحياتى .......ارمندو

[armendo]

احبائى واصدقائى صباح الخير وكل عام وانتم جميعا بالف خير بمناسبة ذكرى حرب اكتوبر المجيدة ..وبهذة المناسبة اليكم النوتة الخاصة باغنية استمدت كلماتها من اول صيحة زأر بها جنودنا البواسل عند العبور العظيم وهى اغنية بسم اللة اللة اكبر وبفضل هذة الكلمات المباركة تم العبور باقل خسائر ممكنة والحمد للة.
وانا ادعو صديقى عاصم ان يعطينا نبذة مختصرة عن هذا اليوم العظيم باسلوبة الجميل ليعرف الأجيال الجديدة التى لم تعيش هذة الأجواء الجميلة التى عشناها نحن..ولكم منى التحية والحب أخوكم.......احمد(ارمندو)

[armendo]

اخوتى واعزائى فى كل انحاء وطننا العربى من المحيط الى الخليج وبمناسبة هذا اليوم العظيم والذى ادخل الفخر الى نفس كل عربى اليكمك نوتة اغنية جميلة تتحدث عن الأخوة العربية وهى اغنية كل اخ عربى لموسيقار الأجيال محمد عبد الوهاب وكلمات حسين السيد رحمهما اللة........ارمندو

[armendo]

واخيرا اعزائى اليكم واحدة من احلى ما غنى محمد عبد الوهاب للوطن وهى اغنية حب الوطن فرض عليا ارجو ان تسعدوا بها
جميعا وكل عام وانتم بخير......ارمندو
واعتذر لكم جميعا عن رداءة النسحة لقدمها ولكن التنويت واضح مع تحياتى.....ارمندو

[نور الصباح]

الأخت الفاضـــــــــــــــــــــــلة الأســـــــــــــــتاذة الجلـــــــــيلة /
أنـــــــــــــــــــــــــــــــــيتا
الأخــــــــــــــــــــــــوة الأفاضــــــل والأصدقــــــــاء الأعــــــــزاء /
أعضــــــــــــــاء المنتدى ومحـــــــبى زمن الفن الجمـــــــــــــــــــيل
سلام الله عليكم جميعا ورحمة الله وبركاته
وبعـــــــــــــــــــــــــــــــــــــــــــــــ ـــد :
إليكــــــــم النوتة الموسيقية لأغـــــــنية ( ماجــــــدة الرومى )
طيرى طيرى يا عصفورة *** أنا زيك حلوة صغيورة
طيرى طيرى يـــــــــــاعصفورة
وشكرررررررررررررررررررررررررررررررررررررررررررا
أخوكـــــــــم / نور الصباح

[عادل صموئيل]

اقدم لكم نوتة فى البحر سمكة
اهديها للإبنة العزيزة النابغة انيتا
وانا حبيت اشجعها مثال للطالبة الشاطرة الموهوبة ويارب كل مدرسة يكون فيها طلبة زى انيتا كان وضع الموسيقى فى مصر كلها يختلف ( مش فى المدارس بس )
انا آسف يا انيتا اتأخرت عليكى يعنى انا مادخلتش المنتدى من يومين وصدفة دخلت دلوقتى يوم الجمعة الساعة 4 بعد الظهر لقيتك طلبتى النوتة دى وقلتى انك محتاجاها النهاردة الجمعة ضرورى لأن عندك بروفة بكرة وانا طبعا ما اقدرش اخذل اى انسان يطلب منى اى مساعدة وفعلا دونتها لك ( وطبعا حايستفديد منها ناس كتير حا يدعولك ويدعوا لى ) ومن حسن حظك يعنى ربنا ساعدك ان الاغنية سهلة جدا وفيها الكوبليه الثالث والرابع زى الاول والتانى يعنى تعتبر 2 كوبليه بس , يعنى حظك حلو ما اخدتش وقت , اتمنى تطلعيها حلو وتبقى حفلة جميلة وانا بقدمها طبعا كمان لكل مدرسين الموسيقى اللى عندنا ف المنتدى , وكل عام دراسى جديد وانتم بخير وتعملوا حفلات جميلة
مع اطيب تحياتى عادل صموئيل

[عاصم المنشاوى]

الأستاذة رانيا حمدى
هذه هى نوتة "رايات النصر" او " رايحين يايدنا سلاح

هل هى ماتقصدين؟؟؟.....أتمنى هذا ....
الأغنية من تنويت المبدع دائما والمعطاء دائما...الأستاذ /عادل صمويل

[armendo]

اصدقائى اليكم واحدة من اغانى صباح الجميلة وهى من الحان الموجى على ما اعتقد وهى اغنية الحلو لية تقلان اوى ارجو ان تسعدوا بها والنوتة سهلة وواضحة اخوكم........ ارمندو