طلبات نوتة أ / عادل صموئيل الجزء الثانى

[علي ثلاثة]

أستاذ عادل
لك مني خالص الشكر
على كل الذي تقدمه للإخوة الأعزاء
أعضاء المنتدى

وأشكرك على أغنية
كمال حسني وشادية
وما دونته للأخت بسمة
وسعدنا به

وبما أن الفنان كمال حسني
في الواجهة
فهذارابط لأغنيته
أنا هنا والقلب هناك
فحبذا يكون لها دور في التدوين
وأشكرك أيضا إذ أنك أعدتنا لزمن الفن الجميل
بتدوين بعض أعمال هذا الفنان
الذي مر بالساحة الفنية
وترك بصمته وأسعدتنا بطربه
http://www.sama3y.net/forum/showpost...6&postcount=20

[نور الصباح]

احبائى واقدم للأخت بسمة
عن مصر متسألنيش
طبعا ماحدش يتخيل السرعة دى بس هى حظها او قول دعاء والدين .. انا اختى جاية م السفر واحنا متفقين ان تتصل اول ما الطيارة تنزل ... فى الوقت ده بكون قلقان يعنى عشان التأخير جه حظ الاخت بسمه قتلت الوقت فى تدوينلا الاغنيتين
مع اطيب تحياتى
SSSSSSSSSSSSSSSSSSSSSSSSSSSSSSSSS
مع اطيب تحياتى
طبعا لحـــــن جمــــيل وكـــــــــلـنا ننتظــــــــره
عموما أنا وراك على طول الخط
فيما تختاره وتقترحه
من نوتات من زمن الفن الجميل
عمومـــــــــــــــــا شكرا لكم وشكرا لمن أحسن الاختــــــيار
وتســـــــــلم إيـــــــــديك يا مايســــــــــــترو
وشكرررررررررررررررررررررررررررررررا
أخوكم
نور الصـــــــــــــــــباح

[نور الصباح]

احبائى
اقدم للأخت العزيزة بسمة
حياتى كلها لله
النشيد ده صعوبته فى كذا حاجة اولها انو تحس مالوش خريطة يعنى انا تهت فيه كمان لأن اللى بيغنوا بيسيحوا النغمات يعنى لما بيقول صول بتبقى مش صول صريحة بتبقى معاها حاجة اخاف اكتبها ل مش حاتتقرى ... بس طبعا الاخت طالما هى طالباه بنفيها اكيد حافظته وفاهمة تتصرف فيه ازاى ... وطبعا انا مقدر انها طالباه عشان حفلة
وربنا يستر فى الاغانية التانية تكون صريحة شوية
مع اطيب تحياتى
SSSSSSSSSSSSSSSSSSSSSSSSSSSSSSSSS
مع اطيب تحياتى
طبعا لحـــــن جمــــيل وكـــــــــلـنا ننتظــــــــره
عموما أنا وراك على طول الخط
فيما تختاره وتقترحه
من نوتات من زمن الفن الجميل
عمومـــــــــــــــــا شكرا لكم وشكرا لمن أحسن الاختــــــيار
وتســـــــــلم إيـــــــــديك يا مايســــــــــــترو
وشكرررررررررررررررررررررررررررررررا
أخوكم
نور الصـــــــــــــــــباح

[waleed_shelly]

استاذ عادل لكي منى كل الشكر والتقدير على المجهود المتواصل لمساعده اعضاء المنتدى بكل هذه النوته الجميله .. الف شكر

[غازي الضبع]

مساء الخير أستاذي وصديقي الأستاذ عادل صموئيل
واحشني كتير يا أستاذ
كنت عاوز أستفسر من حضرتك بصفتك عاصرت الأستاذ عبد الوهاب وعملت معه كثيراً
ما صحة شائعة أن الأستاذ عبد الوهاب لم يكن يقرأ نوتة ؟؟
اخى العزيز
فيه فرق بين قراءة النوتة والتدوين الموسيقى .. عبد الوهاب كان كدارس موسيقى بيقرأ نوتة بس مش بالسرعة الاحترافية ... واقصد بالسرعة الاحترافية يعنى زينا فى الفرقة الماسية كنت تحط الورقة تتقرى فورا .. ودى بتيجى من كتر الممارسة .. طبعا عبد الوهاب كان مطرب مش عازف فى فرقة .. يعنى كان بيمسك النوتة بيقرأ الجملة بس بطىء شوية اما التدوين كان لازم يجيب مدون محترف واشهر المدونين كان الاستاذ نصر عبد المنصف .. يعنى بعد اللحن ما يكتمل كان بيجيب المدون عنده فى البيت ويسمعه اللحن على العود جزء جزء والمدون يدونه
مع اطيب تحياتى عادل صموئيل

[حامدالروزاوي]

الاستاذ القدير والكبير عادل صموئيل ارجو منكم الحصول على نوتة اغنية (غريبة الناس ) للفنان وائل جسار
لان محتاجها وشكري وتقديري لكم مقدماً.
خالص التحايا

[basma2265]

استاذ عادل
الف اشكر لحضرتك

علي النوت الرائعه بصراحه مش عارفه اعبر عن شكري لحضرتك

[عادل صموئيل]

احبائى

اقدم لكم من اغانى فيروز القديمة

بيتك ياستى الختيارة

مع اطيب تحياتى

[غواص النغم]

مرحبا أستاذ عادل
ممكن حضرتك تدون اغنية بدون موسيقى يعني مثلا اغنية ام كلثوم كل الأحبة اتنين اتنين.. مفقودة ولكنها موجوده تسجيل للأغنية بصوت وداد سليمان تغنيه بدون موسيقى هل تسجيل مثل هذا يقبل التدوين؟

www.sama3y.net/forum/showpost.php?p=23257&postcount=1

وكذلك اغنية محمد فوزي كلمني طمني التي غناها بدون موسيقى هل أيضا ممكن تتكتب نوتة؟

سؤال آخر هل ممكن تخبرنا أشهر من دونوا النوت الموسيقية يعني مثلا من هو استاذك الذي علمك تدوين النوت و ماهي اول اغنية دونتها كمدون محترف؟ وآخر ملحن دونت له لحنه؟
هل كان هناك من ينافسك في التدوين الموسيقى ومن هو؟
هل لديك تلاميذ في التدوين الموسيقي تخرجوا من مدرسة عادل صموئيل؟
هل تشارك في حفلات غنائية ك صوليصت كمان وهل اذا طلب منك تقبل؟
شكرا وألف تحية لحضرتك ولكل أعضاء مدرسة عادل صموئيل للتدوين الموسيقي

اخى العزيز
اولا اشكرك على كلامك الجميل
فيه عدة نوعيات من الملفات الصوتية صعب جدا تتكتب يعنى اللى انت قلت عليها مثلا اغنية بصوت مطربة فقط بدون موسيقى دى ماحدش يقدر يكتبها لأن اول حاجة لو الاغنية على فرقة موسيقية بيبقى محدد النغمات والايقاع لأن اهم حاجة عندى ابقا سامع نغمات سليمة يعنى المطربة بدون موسيقى انا مش متأكد هى بتقول دو ولا سى وبعدين المطربة بتغنى الكلام بدون لزمات موسيقية يبقى هنا التدوين ناقص واخطر حاجة فى الموضوع الايقاع يعنى انا لازم اسمع الدوم عشان هى اللى بتحدد كل مازورة النغمات اللى فيها ايه .. يعنى حتى ساعات بيبقى حفلة فرقة مع مطرب بس فيه عيب فى وضع الميكروفونات او ميكروفون الايقاع عطلان وانا مش سامع الدوم مش حعرف اكتب الاغنية وده مش انا فقط ولكن كل المدونين اللى عايز يكتب حاجة صح .. بإختصار انا مثلا الرسام اللى بيشوف منظر قدامه لازم يرسمه بكل تفاصيله لو فيه حاجة جوهرية مش شايفها الرسام ممكن يرسمها سيريالية انما فى الموسيقى ماعندناش سيريالية اما مكتوبة صح 100% او لا اكتبها نهائيا .. ثانى نوع ما ينفعش يتكتب مطرب على عود حتى لوعبد الوهاب او السنباطى ... لسبب يعنى مثلا فيه اغنية جميلة اسمها نجوى لعبد الوهاب انطلبت كتير لكن سمعتها كذا مرة ما ينفعش تتدون والسبب .. ان الملحنين كانوا بيسجلوا الاغنية بعدين بيدوها للمطرب يحفظ فيها يحفظ الغنا طبعا .. لكن ساعة التدوين ما ينفعش الملحن يبعت لى الشريط فى البيت وانا ادونه .. لازم حسب مكانته انا اروح بيته او لو ملحن صغير هو ييجى عندى البيت ويمسك العود ويسمعنى المقدمة جزء جزء ولازم نظبط كلجملة قبل مانروح للى بعدها وهنا ممكن نكعمل حاجات مش موجودة فى الشريط .. وكمان الملحن لما يكون لوحده ع العود ممكن يسخن ويتسلطن ويسرع فى اماكن او فى ادليب يديك انكباع انو على ميزان والعكس .. اغني كلمنة برضو اخاف اكتبها لن اللى حكتبه ممكن يطلع مشمظبوط لأن مافيهاش فرقة بتحدد لى النغمات ومافيهاش ايقاع بيحدد لى الوزن ..اما بالنسبة للتدوين ده بيبقى اولا 50% موهبة شخصية من الشخص نفسه يعنى انا ما ينفعش اجيب واحد اعلمه التدوين ولكن ممكن يكون عنده موهبة 50% وقابلة للزيادة وانا اعلمه ازاى يتفادى الاخطاء وطبعاممكن تجيب نتيجة وممكن لأ .. بس التميز انى انا كنت بشوف المدون بيعمل ايه والقط منه على قد ما اقدر يعنى اسأله فى حدود خمسة % فقط .. بس استاذى الرئيسى المرحوم الاستاذ نصر عبد المنصف .. يعنى كان عازف كمان فى الفرقة الماسية وهو الى دون 90% من جميع الاعمال .. هو طبعا كان ابر منى ب35 سنة بس كان بيحبنى وكنا ساكنين قريب من بعض .. وكتير بعد الشغل فى الفرقة الماسية كان بياخدنى معاه عند الملحنين هم يعزفوا بالعود وهو يدون وانا قاعد ساكت بس طبعا بدرس كل همسة بتحصل .. والاستاذ نصر لو الفضل فى جميع المستطلحات اللى انت بتشوفها فى التدوين الشرقى واللى مايعرفوهاش فى الغرب .. وبالطبع الحكاية دى عرفتنى اوى بكل الملحنينبعدين بعد وفاة الاستاذ نصر كانوا بيستعينوا بيا هم الاول طبعا جربونى عجبهم تدوينى وبقوا يتعاملوا معايا .. كمان من اشهر المدونين الاستاذ ميشيل المصرى بس هو كان موزع وكمان متخصص عبقرى فى الموسيقى الخليجية ويرجع لو فضل كبير جدا جدا جدا فى التطور الموسيقى الخليجى .. يعنى كان زمان الموسيقى الخليجية الاغنية بدائية سطر واحد هو كل اللحن ونفضل نعيده خمسين مرة .. لحد اول السبعينات .. ومع وجود الاستاذ ميشيل المصرى لما ظهر ملحنين عباقرة اهمهم محمد عبده وكذا ملحن تانى لقوا ان الجمل اللى بيعملوها الاستاذ ميشيل بيدونها بجودة عالية جدا وده اللى خلاهم يطلعوا كل اللى جواهم .. طبعا فيه مدونين كتير بس هو المشكلة اللى يدون ورقة اسهل عشان مش كل الفرق مستواها واحد .. انا طبعا دونت آلاف الالحان مش بفتكر دونت ايه طبعا بس آخر ملحن دونت لو كان خالد الامير لكن طبعا دونت لكل الملحنين ...انا مش بحب المنافسة ... انا بعمل شغلى واللى يحتاجنى بيطلبنى وهو طبعا رزق بيبعته ربنا ... بس زى ماقلت لك ان لو شغلى عجب حد اكيد طبعا بيطلبنى وكلمة عجب دى لها ابعاد خطيرة يعنى انا اخترعت لنفسى قول مدرسة او طريقة هى التدوين السهل .. يعنى النوتة لو على فرقة زى الماسية بتتسجل فى خمس دقائق ولو فرقة مستواها اقل بتاخد نصف ساعة ودى عملية فى منتهى الاهمية لأن هنا لو الملحن عاز يسجل خمس اانى مش حياخدوا وقت والعازف حايخرج سعيد جدا اخد فلوس بمجهود قليل .. نفس الاغنية لو مدون دونها صعبة معركشة حتاخد عشر اضعاف الوقت وبدل ما العازف يسجل خمس اغانى فى اليوم حايسجلهم فى خمس ايام وشوف الفرق طبعا .. بالطبع ممكن اعزف فى حفلات بس يشترط الجو يعنى لازم فرقة حلوة ومطرب حلو .. يعنى انا مش اى شغل وخلاص لازم اكون بحب اللى بعمله مع اطيب تحياتى عادل صموئيل



شكراً جزيلا لك أستاذ عادل على هذا الرد الجميل والمفيد ربنا يحفظك ويعطيك طول العمر والصحة والوقت الطيب

[منذر44]

كل الشكر للاستاذ عادل على التدوينات الرائعة