طلبات نوتة أ / عادل صموئيل الجزء الثانى

[armendo]

اخى الأستاذ ايهاب...اقتراحك بتوثيق اعمال خالد الذكر سيد درويش منوتا اعتقد انه اقتراح يليق نمنتدى سماعى الذى من اهم اهدافه هو الحفاظ على التراث الموسيقى وتخليدة,كما ان موقع سماعى يضم مجموعه رائعه من المدونين الممتازين فى التدوين وعلى رأسهم الأستاذ عادل صموئيل ولذا انا اقترح ان يقوم اخونا هيثم بحصر الأغاني والأدوار والطقاطيق وهى عمليه شاقه ولكنه جدير بها .
ثم تأتى الخطوه التاليه وهى التدوين وارجو من الأستاذ عادل ان يهتم بهذا الأقتراح وارجو ان اعرف رأيه فى هذا الأقتراح .
مع ارق تحياتى
ارمندو

[guest]

المشاركة الأصلية كتبت بواسطة armendo

اخى الأستاذ ايهاب...اقتراحك بتوثيق اعمال خالد الذكر سيد درويش منوتا اعتقد انه اقتراح يليق نمنتدى سماعى الذى من اهم اهدافه هو الحفاظ على التراث الموسيقى وتخليدة,كما ان موقع سماعى يضم مجموعه رائعه من المدونين الممتازين فى التدوين وعلى رأسهم الأستاذ عادل صموئيل ولذا انا اقترح ان يقوم اخونا هيثم بحصر الأغاني والأدوار والطقاطيق وهى عمليه شاقه ولكنه جدير بها .
ثم تأتى الخطوه التاليه وهى التدوين وارجو من الأستاذ عادل ان يهتم بهذا الأقتراح وارجو ان اعرف رأيه فى هذا الأقتراح .
مع ارق تحياتى
ارمندو

شكرا لتشجيعك الفكرة استاذ ارمندو

و لكن لي توضيح بعد اذنك
الاستاذ هيثم لن يجد مشقة في الحصر و احنا مش عاوزين حصر ..لأن الحصر موجود اصلا في ركن سيد درويش بواسطة مجهودات اساتذة افاضل
انا كان سؤالي هو فقط التوضيح بصفته الاكثر علما ب التدوينات المفهرسة يقولنا بس ما تم تدوينه لسيد درويش و موجود في الفهارس اللي انشئها لتفادي التكرار
ثم معاينة النوتات اللي موجودة في ركن سيد درويش و اعادة كتابة السليم منها و تصليح او اعادة تدوين الغلط منها ( او حسب رؤية المدون لو عاوز يدون من التسجيلات و ينسي اللي موجود و دا اسهل براحته )
ثم العمل علي التسجيلات الموجودة اصلا و تدوين اللي مش مدون منها
ربما أكون اوضحت الصورة اكثر
بالتأكيد مش واحد بس يعمل الكلام دة كله - دي قصة كبيرة ! يعني يبقي فيه قائد للعمل و متطوعين
تحياتي
احبائى
انا اؤيد الكلام ... بس انا مشكلتى ان وقتى ثمين اوى او بمعنى انى مش بقعد ع الكمبيوتر وقت طويل يعنى بالكتير نص ساعة وبقوم وطبعا من المهم جدا جدا والمستحسن ان النص ساعة دى تكون شغل يعنى تدوين .. يعنى لما حد منكم بيطلب نوتة انا بقول له عايز التسجيل ليه ؟ عشان ابتدى اشتغل على طول لأن ساعات بتطلبوا نوت بتكون صعب شوية الحصول على التسجيل وبفضل ادور عليها فى النت والنص ساعة بتخلص وممكن ما الاقيها ... المشكلة ان اغانى سيد درويش كتير اوى .. بس برضو فيه حاجة حلوة ان معظمها سهل جدا يعنى مش محتاج مدون عبقرى عشان يدونها يعنى مثلا زى الحلوة دى قامت تعجن والحاجات اللى زى كده اما الادوار : وهى بتعتبر اصعب الاعمال فيه اداور شهيرة جدا يعنى حتكون مرغوبة اوى بالنسبة لكم وفيه ادوار مش مشهورة او ماحدش يعرفها كتير ... المهم زى ما انتم قلتم ان فيه فعلا مدونات طبعا مش كلها 100% وبرضه اكيد مش كلها وحشة اكيد فيها حاجات تشتغل .. انتم شوفوهم وقولوا النتيجة على الجاهز بمعنى لو اغنية ما النوتة بتاعتها مش حلوة يبقى دى ندونها ... يعنى انا شفت النوتة بتاعة ليالى الشرق ماعجبتنيش دونتها تانى من نفسى من غير ماحد يطلبها ... لن من اهم مميزاتى انا لأنى كنت بتعامل زى ماقلت من القمة الى القاع يعنى من اكبر موسيقيين لحد التلاميذ المبتدئين فى المدارس لما بشوف نوتة بعرف دى ممكن اد ايه ناس تعزفها واد ايه ناس حتى ممكن تخاف من شكلها .. ونوتة ليالى الشرق اللى ممكن يعزفها واحد % من الموسيقيين المحترفين اوى نوتة .. لكن اللى انا دونتها ممكن 80% من الكل يعنى المحترفين والهواة والمبتدئين المكسب الفنى هنا
مع اطيب تحياتى
على فكرة التحفة القادمة العيون السود انا ابتديت فيها اصل المشكلة ان فى السوق كل العيون عسلى او خضر العيون السود ناقصة شوية بس لقيت 7 عيون سود ابتديت اشتغل

[salhi_haithem]

المشاركة الأصلية كتبت بواسطة ehabalaaeldin

احبائى
على فكرة التحفة القادمة العيون السود انا ابتديت فيها اصل المشكلة ان فى السوق كل العيون عسلى او خضر العيون السود ناقصة شوية بس لقيت 7 عيون سود ابتديت اشتغل

السلام عليكم ورحمة الله وبركاته
الله عليك يا استاذ عادل و اللهي سعدت جدا لانك ستدون العيون السود و انشاء الله تخلصها بسرعة و نشفها اخيرا من تدوينك العظيم و الجميل.. و يارب يكرمك و يجازيك خير
سؤال لك و لكل الاخوة هل من افكار او اقتراحات يمكن اضافتها في الفهرس الجديد علما اني انتهيت منه و بقي بعض الترتيب
و شكرا
اخوكم هيثم

[guest]

استاذ هيثم

فهرسك عظيم
فقط سيب ارشادات لكل سهم وظيفته ايه قبل الفهرس عشان تبقي السهم دة للمشاركة و دة للاستماع للملف الصوتي و دة للنوتة زي ما حضرتك شرحتهالي قبل كدة عشان نفهم كلنا
و طلب شخصي من اخوك
لو سمحت قوللي تدوينات استاذ عادل ل حاجات سيد درويش لأن عارف موجودة فين ( اهو دا اللي صار ) و متاكد انه قام بتدوين حاجات بس مش عارف هي فين .. وجهني ل مكانها بعد اذنك

و شكرا

[salhi_haithem]

المشاركة الأصلية كتبت بواسطة ehabalaaeldin

استاذ هيثم

فهرسك عظيم
فقط سيب ارشادات لكل سهم وظيفته ايه قبل الفهرس عشان تبقي السهم دة للمشاركة و دة للاستماع للملف الصوتي و دة للنوتة زي ما حضرتك شرحتهالي قبل كدة عشان نفهم كلنا
و طلب شخصي من اخوك
لو سمحت قوللي تدوينات استاذ عادل ل حاجات سيد درويش لأن عارف موجودة فين ( اهو دا اللي صار ) و متاكد انه قام بتدوين حاجات بس مش عارف هي فين .. وجهني ل مكانها بعد اذنك

و شكرا

اخي العزيز ايهاب هي اعمال السيد درويش قليلة جدا
فيه اغنية
☚ ** الحلوة دى **بديع خيرى**سيد درويش
☚ ** اهو ده اللى صار - سيد درويش
☚ ** يا عاشق النبي**أمين صدقي**سيد درويش

هذا ما دونه الاستاذ عادل
☚ تاخذك للمشاركة الاصلية للاستاذ عادل
♫ تاخذك للمشاركة فيها عزف الاستاذ عادل لنفس الاغنية
♪ ملف صوتي للاغنية
☆ تحليل للاغنية او معلومة للاغنية
حبيبتى من تكون المشاركة باسم الاغنية التي تحتها سطر تنزلك ملف النوتة
اخوك هيثم

[guest]

المشاركة الأصلية كتبت بواسطة ehabalaaeldin

احبائى
انا اؤيد الكلام ... بس انا مشكلتى ان وقتى ثمين اوى او بمعنى انى مش بقعد ع الكمبيوتر وقت طويل يعنى بالكتير نص ساعة وبقوم وطبعا من المهم جدا جدا والمستحسن ان النص ساعة دى تكون شغل يعنى تدوين .. يعنى لما حد منكم بيطلب نوتة انا بقول له عايز التسجيل ليه ؟ عشان ابتدى اشتغل على طول لأن ساعات بتطلبوا نوت بتكون صعب شوية الحصول على التسجيل وبفضل ادور عليها فى النت والنص ساعة بتخلص وممكن ما الاقيهاش

يعني يا استاذ عادل /
عشان اصل هو الموضوع كبر في دماغي و مش من قريب
كل اسبوع مثلا .. اسيب ل حضرتك لينك النوتة الموجود في سماعي و لينك التسجيل .. حضرتك تبص عليهم
لو النوتة سليمة بس مش واضحة .. قوللي و انا اكتبها علي البرنامج مش اكتر و اديها لحضرتك تراجع و تنشر
و لو فيها غلطات حضرتك صلحها ( اقصد النوتات القديمة )

مثلا ; انا عندي نوتة دنجي دنجي ( انا مدونها بس طبعا ملهاش علاقة باصل اللحن لأني كنت كتبته لتوزيع بكذا خط لحني بشكل يضفي الروح الافريقية للحن ( مزيكتي و انا حر !! ) يعني مزود جملة .. مسرع نغمة , مأخر نغمة ) لكن مش عاوز ارفع نوت بالشكل دة يتقال دة ودنه بايظة .. انا اطمح في نوتات موثقة للتاريخ

ارجو الرد علي اقتراحي بخصوص ارفاق الروابط للنوت و التسجيلات لحضرتك .. لأن علي اساسه هبتدي اعمل ربط بين النوت و التسجيلات من ركن سيد درويش
و تحياتي للجميع

[guest]

المشاركة الأصلية كتبت بواسطة salhi_haithem

اخي العزيز ايهاب هي اعمال السيد درويش قليلة جدا
فيه اغنية
☚ ** الحلوة دى **بديع خيرى**سيد درويش
☚ ** اهو ده اللى صار - سيد درويش
☚ ** يا عاشق النبي**أمين صدقي**سيد درويش

هذا ما دونه الاستاذ عادل
☚ تاخذك للمشاركة الاصلية للاستاذ عادل
♫ تاخذك للمشاركة فيها عزف الاستاذ عادل لنفس الاغنية
♪ ملف صوتي للاغنية
☆ تحليل للاغنية او معلومة للاغنية
حبيبتى من تكون المشاركة باسم الاغنية التي تحتها سطر تنزلك ملف النوتة
اخوك هيثم

1000 شكرا يا هيثم باشا
دة بالظبط اللي كنت منتظره .. وفرت عليا وقت
3 النهاردة
تاتا تاتا و هنعمل الباقي ..
الف شكر

ماشى يا ايهاب
بس انا دلوقتى بدون العيون السود وهى للعلم صعبة جدا فى التدوين فيها حاجة مش مألوفة من بليغ وبالذات السيكونس او التتابع مش عادى بيلخبط شوية انا خلصت المقدمة والمذهب وبكتب فى الكوبليه بس ما بص على حاجات سيد درويش إلا لما اخلصها عشان مخى ما يتشتت .. لنى لما بكون دبون حاجة صعبة مش بفكر فى حاجة غيرها عشان تطلع مزبوطة 100 % وللعلم موسيقى انا كاتب اللى كتبته بسرعة 100 وحلوة وسهلة لليكم كده لكن موسيقى الكوبليه من اول الايقاع بعد ماكتبت 3 اسطر على سرعة 100 لقيتها حاتبقى صعبة جدا وشبه مستحيلة على كتير اضطريت اعيد كتابتهم على سرعة 140 اعتقد حاتبقى سهلة اوى ... وده درس لكل المدونين ان لما تكتب خلى بالك من اللى حايقروها يعنى السرعة تفرق كتير اوى اوى
مع اطيب تحياتى وححاول اخلصها بأسرع وقت ان شاء الله
عادل صموئيل

[guest]

استاذ عادل /

المشاركة التالية
اللحنين ليهم اسم واحد
بس اللحنين مختلفين
خلينا في اللحن الاول بصوت حياة صبري أن اللحن التاني اغنية تانية خالص

http://www.sama3y.net/forum/showthread.php?t=96383

و فيه نوتة مرفقة للأغنية

http://www.sama3y.net/forum/showthread.php?t=871
بنت اليوم
سلم ( لا ) مانير

النوتة بالنسبة لي مبهمة و شكلها غامق مش واضح .. هل دي نوتة سليمة ؟
لو سليمة .. قوللي و انا اعيد كتابتها علي البرنامج و نسيبها للذكري

و بالنسبة للاستاذ ابو كارم عشان مهتم ب حاجات سيد درويش و سأل عنها شخصيا

اللي تحت ايدينا في سماعي نوت ب شكل مرضي و كويس ( من وجهو نظري يعني ) و بعد مساعدة استاذ هيثم الأتي :
عادل صموئيل : اهو دا اللي صار - يا عاشق النبي - الحلوة دي
نزيه محمد : طلعت يا محلا نورها
الشاب سيد : محسوبكو انداس
خالد صدوق : سالمة يا سلامة
السلام الوطني المصري ( مرفقة عن طريق guest ! )
لحن الوارثين من تدويني
يعني ممكن تقزقز فيهم لحين اشعار اخر
و مش هنسيب سيد درويش يضيع مننا كدة
قبل المطر .. بتندع
كله هييجي مع الوقت

تعديل
نزود عليهم دنجي دنجي
http://www.sama3y.net/forum/showthre...177#post599177

تاتا تاتا .. كله هييجي

[salhi_haithem]

السلام عليكم ورحمة الله وبركاته
اخي العزيز و صديقي الحبيب الاستاذ عاصم المنشاوي بحكم خبرتك في التاريخ ساطلب منك طلب صغير هو نظرة على الفهرس من هنا لو فيه اخطاء في السنة او اسم ملحن او اسم شاعر ممكن انك تدلني لاصلح الاخطاء قبل رفع المشاركة و الفهرس النهائي
مع الشكر
اخوك هيثم

[أحمد صلاح1]

المشاركة الأصلية كتبت بواسطة عادل صموئيل

احبائى
اقدم لكم من اغانى داليدا

سالمة ياسلامة

واهديها للأخت العزيزة المجتهدة زينة الغريبى
ملحوظة الثلاثاغانى اللى طلبتيهم واحدة منهم انا كتتها من قبل
اما الثالثة ( يالا بينا يالا ) انا مش فاهمها لأنها مخلوطة فرنسى على عربى بطريقة مش مألوفة بالنسبة لى
مع اطيب تحياتى

يا أستاذ عادل أنا مش عارف أشكرك أزاي بجد
أنا كنت دايخ على النوته ولقيتها في أكثر من مكان لكن ملخبطه كتير
لكن تددوين حضرتك غير
وسهل عليا العزف بشكل رائع

بشكرك جدا جدا جدا جدا
الاخ العزيز
اهلا بك فى المنتدى واشكرك جدا على ذوقك
مع اطيب تحياتى عادل صموئيل