مش ممكن يا اخونا و اقول لك ليه
المعتاد على سمع الوصلات الغنائية بتتكون له قاعدة إنه بتكون التقاسيم و الليال و الموال و ما بعدهما في مقام واحد ( وما تيسر من تحويلات داخلية )
طب عم محمد الفيومي إتسلطن بشوية قوالة ( راست ) عجب و راح مليلهم و ناتع موال من نفس المقام ( راست )
بس فضيلته ( مسبقا ) متفق مع باقي اللعيبه ( المذهبجيه ) إنه حيقول ( دور : بستان جمالك ) و طبعا حضرة ( بستان جمالك ) مقام ( صبا )
يمشي الحال يا عمنا بس وحياة أبوك ما تنسناش بشوية صبا ينسونا راستك عشان نقول عدل
يقوم إبن اللعيبه يلبد في الراست لآخر نفس من مواله عشان في ( مزنق ) آه و الله ( مزنق ) و على ( ألف ) ( أصونها لك ) و بكل إقتدار يخلص راسته و بسلاسة عبقرية فريدة من نوعها يقوم عامل ( تغزيلة فيومية ) يزحلق بيها على الصبا و يديهلهم ( مقشرة ) و كمان حرف ( الباء ) من بستان و ماحدش له حجه
طبعا إختصرت التسجيل لأنه طويل و عشان أوصلك لحلاوة عمايل سيدنا الفيومي
و كمان ( التغزيلة ) لوحدها و شوف جمال السلم الهابط للصبا
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ
من عاطفيات الوريث الشرعي للشيخ زكريا أحمد
رد: ينفع كده يا عم محمد يا فيومي
تصوري و حدسي يقول ربما يعود الى الراست، ليكون قد قدم لنا مقام الدلنشين و الله أعلم .هي البقية فين يا أستاذ صلاح؟؟ عشان نرتاح. دائما في اختياراتك الراقية. مع الشكر
العرض المتطور
