نوت متنوعة - الصفحة 34

**armendo** · #1 16/07/2010, 07h54

اقتباس:

المشاركة الأصلية كتبت بواسطة عاصم المنشاوى

الأصدقاء

صباح الخير عليكم

حبيت اجمع لكم الطلبات المبعثرة...للنوت ...وأقدمها الى الفنانين العظماء..وأضعها امامهم لو ارادوا تنويت اى أغنية فيهم...

الأستاذ/نيقولا رفيق ابو علاء..مرجيه وله صفحة بأسمه فيها نوت شامية حلوة...

الأستاذ الفنان التونسى السريع جدا فى التنويت/طارق 677 وهل اسمك الحقيقى طارق يافنان...وممكن نتعرف...عندى أحساس انك كمان دكتور...لأن الأستاذ نيقولا "صيدلى"والأستاذ/وسام طبييب جراح...

الدكتور الجراح الفنان الرقيق /وسام.

أما الطلبات الموجودة فى آخر عشر صفحات فهى:

الفنانة /وردة وشعبية طاغية ومركز أول بأغانى"بودعك-شعورى ناحيتك-طبعا أحباب-بعمرى كله حبيتك"
باقى الأغانى وباسم المطرب...وان كنت أفضل انا شخصيا ذكر أسم الملحن-
ابعد عن الحب وغنيله-عادل مأمون تحت السجر ياوهيبة -محمدرشدى تلات سلامات ياواحشنى -محمدقنديل
للصبرحدود -أم كلثوم ياترى يانسمة لعبد الوهاب راحت ليالى -صباح الدوامة-صباح.

الصديق الأستاذ /احمد "ارمندو"
ممكن نوتة "مال على مال " لفايزة احمد...أو قوللى فين مكانها؟مع جزيل الشكر

للأصدقاء خارج "مصر"....ماهى أمكانية حضوركم معانا لقاء الأستاذ/عادل صمويل؟

لكل الأصدقاء
انا بأفكر ان اللقاء يكون يوم 4 اغسطس بدلا من 8 اغسطس آب...لأن الأستاذ /عادل من مواليد 4/8 بالفعل...؟؟؟

صديقى العزيز عاصم صباح الخيرات اليك نوتة مال على مال وهى من تدوين صديقنا د.وسام مع تحياتى.....احمد(ارمندو)

**عادل صموئيل** · #2 16/07/2010, 16h19

احبائى

اقدم لكم نوتة
تحت السجر ياوهيبة

اتمنى ان تعجبكم
مع اطيب تحياتى

**وسام اكرم** · #3 22/07/2010, 06h29

اقتباس:

المشاركة الأصلية كتبت بواسطة وليد100

السلام عليكم ورحمه الله وبركاته
اسف لانقطاعي مده ولكن عذرا كنت علي سفر والحمد لله وصلت بلدي مصر الحبيبه وكمان اشتركت في بيت العود وماشي الحال الحمد لله .
كل امتناني وتقديري للاستاذ / وسام اكرم علي كتابه عطشان ياصبايه وغيرها من الاغاني الرائعه . اما الاخوه ارمندو واحمد سنايم ووائل وهيثم وعمرو هنداوي والاستاذ عاصم المنشاوي فلكم مني كل الاحترام والود الخالص وعذرا اذا نسيت احدا فكلكم اخوه افاضل وسعيد بانضمامي الي هذا المنتدي المفيد والرائع .
وختامه مسك طبعا سلامي وتقديري الي الاستاذ / عادل صموئيل ولو اني عاتب عليه عدم النظر في طلباتي الخاصه بنوت ياتري يانسمه وراحت ليالي والدوامه ولكن التمس لك العذر لانشغالك واخيرا استودعكم الله الذي لاتضيع ودائعه

-----------------------------------------------------------
الاخ العزيز وليد
اشكرك جدا على كلماتك الطيبة. اذا كنت من محبي نوتات الاغاني القصيرة ,, مرفق مع هذه المشاركة نوتة و ملف صوتي لاغنية ( اوراق الورد) للفنانة القديرة وردة الجزائرية و ارجوا ان تستمتع بها. سلامي الى كل الاحبة ارمندو, نور الصباح, هيثم , عمرو, استاذ عاصم..........
مع خالص امنياتي
وسام

**عادل صموئيل** · #4 22/07/2010, 09h20

احبائى
اقدم لكم نوتة
من روائع ام كلثوم ومحمد الموجى
للصبر حدود
وفى هذه الاغنية ملحوظة مهمة كان فيها جزء بيقول واهى غلطة ومش حاتعود
هذا الجزء من المستحيل تدوينها كما تقولها ام كلثوم
لكن انا فكرت واخترعت لها طريقة بحيث اخضعها للتدوين بدون طبعا الإخلال بشىء فى الجملة لكن محتاجة ممنكم حساسية فى الأداء , ودى كانت مشكلة عند ام كلثوم بالذات يعنى انا حضرت تلحين وإعداد كل الأغانى الكبيرة اللى من 1970 وطالع لاحظت ان الملحن لما بيلحن لأم كلثوم ( وطان التحفيظ والبروفات عند ام كلثوم سماعى ولا نستعما النوتة ) كان الملحن بيعمل كل اللى فى نفسه بدون حواجز ولا قيود طبعا فرقة رائعة وام كلثوم يعنى مفيش عندهم موانع فى اى شىء وبينى وبينكم ما كانوش عاملين حسابهم ان ف يوم حا ييجى حد ويكتب الاغانى دى نوتة لأن اساسها انها طلعت سماعى واللى ينفذها بعد كده بيعزفوها سماعى لذلك كانت احيانا اجزاء كتير فيها من المستحيل تدوينها وده كان من اهم المشاغل عندى انى احل المشاكل دى طالما ان ابتديت ادون الاغانى الصعبة دى ولاحظتم طبعا انى بدون الاغنية من اولها لآخرها مش بترك منها فتفوتة , يعنى فيه ناس ممكن تدونجزء من الأغنية وتسيب الجزء الصعب ده
لكن فى الفرقة الماسية لما كنت بدون اى لحدن جديد لأى ملحن ما كانش فيه مجال انه يعمل جزء لايصلح للتدوين لأننا كنا اثناء التدوين بنحل المشكلة دى والملحن لازم يعمل تعديل عشان ما يحصلش مشاكل فى البروفات
ختاما اشكركم وانا طبعا بسبب مشغولياتى االكثيرة مش برد على طلباتكم لكن الحمد الله فيه فرسان جدد بيكملوا المسيرة
يعنى انا اليومين دول بحاول اعمل الاشياء العويصة اللى بصمتى الخاصة مفيدة جدا فيها واللى بتفيد عدد كبير من الأعضاء
مع اطيب تحياتى

**عادل صموئيل** · #5 22/07/2010, 11h09

احبائى

لفت نظرى وانا اتصفح طلب اغنية
حتجن ياريت يا اخواننا
بتاعة عمى الشيخ زكريا احمد
والنهاردة عندى نوبة كرم
الاغنية دى انا دونتها فى عشر دقائق
اقدمها لأخى العزيز ارمندو

وعلى فكرة النهاردة عندى على الغذاء جمبرى
اللى يحب يتفضل
وشكرا لأخوتى الأحباء وائل واديب

**عادل صموئيل** · #6 22/07/2010, 15h50

عزيزىنور الصباح
انا دونت لك اغنية
اتوب كما وعدتك
بس انا مقدرتش اكتب غير نصها
لأن الميزان ملخفن شوية فى الكتابة بيحتاج اداء صريح محدد زى بتاع الموسيقى العربية
ولكن عم الشيخ الظاهر اندمج وسخن وابتدا يغنى على مزاجه يعنى ابتدا يكسر الواحدة وطبعا من المستحيل كتابة الكلام ده
يعنى معاك نص الاغنية احسن من بلاش مع اطيب تحياتى

**عادل صموئيل** · #7 25/07/2010, 12h20

[QUOTE=السماعي;454700]سلام الله علكم لو تتكرموا بتوين هذه المقاطع الموسيقيه سنكون لكمYouTube - ‫ظ…ظˆط³ظٹظ‚ظ‰ طھط±ظƒظٹظ‡ ظ‡ط§ط¯ط¦ظ‡ ظ…ط¹ ط±ظˆظ…ظ†ط³ظٹط§طھ ظƒط§ط¸ظ… ط§ظ„ط³ط§ظ‡ط± ظ‚ظ…ظ‡ ظپظٹ ط§ظ„ط±ظˆظ…ط§ظ†ط³ظٹظ‡‬&lrm; شاكرين

اخوتى الاحباء
اقدم لكم نوتة هذا اللحن الجميل اللى عجبنى انا شخصيا ودونته لكم عشان تستمتعوا بيه معايا
اول شىء لفت نظرى انه حجازكاكورد وانتم بتحبوا المقام ده
ثانيا لو تلاحظوا اللحن سهل جدا لكن بيحتاج لمسة خاصة فى العزف يعنى انت تحط الحليات اللى تحسها
مع اطيب تحياتى

**عادل صموئيل** · #8 27/07/2010, 01h01

احبائى
افخر بان اقدم اليكم اغنية من العيار الثقيل جدا
الأغنية دى من اول ما طلعت انا عزفتها سماعى اكثر من 7000 مرة وانا دونتها من الذاكرة من غير الرجوع للشريط عشان اكتبها بمزاج عالى
انا كنت متخيلها سهلة بسبب انى عازف شاطر شوية يعنى ما صادفتش مشاكل من اى نوع لما كنت بعزفها لكن عند التدوين اكتشفت انها اصعب من ما تخيلت كتير
وكان دورى كما عهدتم انى حاولت ابسطها على قد ماقدرت
وان شاء الله ما يكون فيها مشاكل بالنسبة لكم لأن اللحن محفوظ عندكم
اقدم لكم رائعة ام كلثوم وبليغ حمدى
بعيد عنك حياتى عذاب
كاملة
انا كتبتها بطريقة اعتقد حتى لو تم تدوينها من قبل بتاعتى اسهل كتير
مع اطيب تحياتى وهيا سمعونا

**عادل صموئيل** · #9 28/07/2010, 13h07

احبائى
اقدم لكم وللأخت العزيزة انيتا
نوتة
منتش اد الحب يا قلبى
لسعاد حسنى من فيلم صغيرة على الحب
مع اطيب تحياتى

**عادل صموئيل** · #10 28/07/2010, 18h02

اخى العزيز وسام اكرم

انا شفت سؤالك عن ايقاع مقدمة رسالة من تحت الماء
احنا فى الفرقة الماسية عزفناها 4/4 مش 6/8 زى ما انت عملت ولما انت سألتنى حبيت آخد رأى الاستاذ محمد الآلاتى لأنه خبير فى الإيقاع
وهو انسان ممتاز جدا يعنى بيسعد لما حد يسأله فرد مش بس بالكلام لكن تعب نفسه وعمل ملف صوتى يشرح الموضوع
ومرفق سطرين انا كتبتهم زى ما كانت مكتوبة امامنا فى الفرقة الماسية ياريت انت تصلح النوتة بتاعتك وتنزلها تانى

http://www.4shared.com/audio/K2bUlw-D/__online.html

ده الملف اللى انزله الاستاذ الآلاتى
ومرفق السطرين

ادارة المنتدى حذفوا الامشاركة الاولى وحايحذفوا المشاركة دى بعد ما تقراها
وانا منتظر تصلح النوتة وتنزلها تانى
مع اطيب تحياتى عادل صموئيل