أعمال من تنفيذ الفنان محمد الآلاتي

[الألآتى]

المشاركة الأصلية كتبت بواسطة محمودسعد

انت عاوز تجنني
ايوه عاوزتجنني
اكيدانت اتفقت مع نفسك عليه وعاوزتجني
ايه الدماغ دي
ايه الفكر ده
ايه الثقافه دي
ايه اللي عاوز تعمله تاني ياالاتي
عمال تصطاد حاجات مصر كلها مش فاكراها وانت لوحدك فاكرها
انت ايه ؟
مجنون عاقل ؟
ولا عاقل مجنون ؟
ولا ايه ولا ايه ولا ايه
اقوللك ؟
هو حكايه قسم يكون فيه ابداعاتك دي اصبحت حاجه صغيره عليك
وانا رايي المجنون بيقول انك تستحق وبجداره يعملولك محطه زي بتاعه ام كلثوم زمان وكمان مش تبدا وتنهي لالالالالا
دانت تفضل شغال علطول
يا ا لاتي
يااستاذ محمد
يابو حسام وخالد
ربنا يذيدك ويخليك لينا
يافخر المنتدي
يااصلي
يااصيل

إيه ده كله ياعم محمود .. بشويش والنبى عليا أحسن أفرقع ..

إذاعة مرة واحدة .. ليه يعنى .. هو أنا إبن بارم ديله ..

الكلام ده كله إللى إنت قلته .. لو أنا واحد عادى .. كنت إتنفخت لأقصى درجة ويمكن أفرقع كمان ..

لكن علشان عارف إنك بتحبنى .. حافوت المرة دى ..

ربنا يجعل بيت المحسنين عمار .. ويخليك ليا ياحبيب قلبى ..

[محمودسعد]

المشاركة الأصلية كتبت بواسطة الألآتى

إيه ده كله ياعم محمود .. بشويش والنبى عليا أحسن أفرقع ..

إذاعة مرة واحدة .. ليه يعنى .. هو أنا إبن بارم ديله ..

الكلام ده كله إللى إنت قلته .. لو أنا واحد عادى .. كنت إتنفخت لأقصى درجة ويمكن أفرقع كمان ..

لكن علشان عارف إنك بتحبنى .. حافوت المرة دى ..

ربنا يجعل بيت المحسنين عمار .. ويخليك ليا ياحبيب قلبى ..

كل لحظه وانت طيب الطيبين ياجميل
وحشتني اوي اوي
وتاخيري كان غصب عني ولعن الله الفيرس المدمر اللي اصاب جهازي والحمدلله طلع وهو ماعطلني واخرني في دخول الموقع اقصد البيت الكبير
تحياتي لردك الجميل علي ردي
وخلي بالك انا ماكنتش ببالغ ولا بهوول ولا بفول كلام مجامله في رد
لالالالا
هذا الكلام غير موجود في سماعي
وانا اصر عليه اصرارا
لانك فعلا بتثرينا وبتثري المنتدي باعمال كانت الناس خلاص نسيتها اوضاعت هباءا ولكن ربنا جعل انسان فنان قدير زيك يقلب ويقدم الدرر دي وبصياغه اجمل كمان وهذا علي الاقل في نظري ورايي المتواضع
وخلي لبالك انك عارف اني مغرم بالبحث عن هذه الاغاني واتعامل بها والناس فاكرين اني بطل وانا اللي مخترع اعادتها وعندما اغني ياتري انت فين ياحبيبي الناس بيفكروا ان انا لوحدي اللي حافظ الحاجات دي
ولكني باعلنها في افراحي وانا شغال وبقول انها من افكار الاستاذ محمد الالاتي وبعدين يجي موسيقيين جداد من بتوع اليومين دول بس كويسين ويسالوني عليك انت مين اقوللهم ادي لينك منتدي سماعي ادخلوا واتعلموا واتغذوا شويه نغم اصلي من ناس اصيله
وانا كده عارف انك مش مصدقني
طب والله وحياه الشهرالكريم ده هو اللي بيحصل ده
وانا ياهم باعشقك والله
وتاني وتالت ورابع وخامس وللابد
وحشتني قوي
وكل لحظه وانت طيب
ياطيب الطيبين

[الألآتى]

بتعمل لى دعاية ياعم محمود .. ربنا يكرمك ويخليك ليا يارب .. عموماً أهو مكسب للمنتدى وللأعضاء الجدد ..

طيب إزاى بتغنى الأغنية دى فى الشغل .. بتغنى ( غطسان ) و ( حضن السلاسل دى ) و ( لونى بقى شاحب وكركم ) .. ألخ

إنت الظاهر عايز العريس يضربك إنت والفرقة ..

[محمودسعد]

المشاركة الأصلية كتبت بواسطة الألآتى

بتعمل لى دعاية ياعم محمود .. ربنا يكرمك ويخليك ليا يارب .. عموماً أهو مكسب للمنتدى وللأعضاء الجدد ..

طيب إزاى بتغنى الأغنية دى فى الشغل .. بتغنى ( غطسان ) و ( حضن السلاسل دى ) و ( لونى بقى شاحب وكركم ) .. ألخ

إنت الظاهر عايز العريس يضربك إنت والفرقة ..

بص بقي ياصاحبي وحبيبي القديم الجديد
انت عارف طبعا ان كل شغلي في الاقاليم يعني عند الفلاحين او بمعني اصح الفالحين وبجد هم فالحين
والناس دي ياصديقي بتعشق وبتفهم في الفن اوي اوي اوي وانا مطلوب مني اني في كل شغل باعمله هناك اني اقول حاجه جديده ومعروف ان جديدي بيبقي غريب وماحدش بيقوله خالص وبعدين الاغنيه جامده اوي وتصدق لو قلتلك ان انا في فرح طلب مني بواسطه العريس اني اغني بطلوده واسمعوده عشان يغازل عروسته بيها وولعت الفرح وهو كان بيمثل دور الريحاني كمان ويااخي مش ام كلثوم قالت ليه تلاوعيني وكمان الرجاله غنت اغنيه نجاه وقالوا ياورده بيضه في شعري حبيبي جاي وكمان غنيت لانا صاحيه ولا نايمه مابقدرشي
هههههههههههههه
انت عارف قصدي وانا فاهم قصدك وبرضه اي حاجه هاترفعها هاغنيها لاني بفهمها منك زي مالناس فهمت تلات سلامات من مدحت صالح وكمان افتكروا ان اغنيه مانحرمش اللي نزلوها في كاسيت مضروب باسم ولدكويس اسمه وليدالحكيم الناس افتكرت ان الاغنيه بتاعه وليدالحكيم
تصدق دي
يبقي الناس دي هاتفهم ازاي غطسان ولوني شاحب وكركم وحضن السلاسل دي
صدقني ماحدش بيفهم بس انا ربنا رزقني بمقاتل يغذيني عشان اعرف اخلي الناس تفهم وتفهم وتفهم
وكفايه بقي عشان انا مابصدق اكتبلك وبلاقي نفسي مش عاوز ابطل كلام معاك

[الألآتى]

هاهاهاهاها .. أنا تحت أمرك ياعم محمود .. إذا كان على التغذية بكل غريب من الأغانى .. فده شئ سهل ..

وبالمناسبة .. ربنا يكون فى عون الفرقة ..

[محمودسعد]

..

وبالمناسبة .. ربنا يكون فى عون الفرقة .. [/quote]



تلتميت مليون ههههههههههههه
جبت من الاخر ياصاحبي
ربنا يكون في عوني انا علي الفرقه عشان تلات ارباع العازفين دلوقتي زي مانت راسي بيزمروا المولدوالمزماروالجمهوري


امال ايه ؟
تراث ؟؟؟؟؟.؟؟؟؟؟؟؟

[الألآتى]

أحبائى

معكم اليوم المطرب العاطفى المرهف الحنين أبو قلب زى الخصاية ..

محمد الألآتى

يهوهو لكم اليوم

أغنية : كان وإن

وهى من الأعمال الوطنية لمطربنا المحبوب محمد فوزى

شوفوا الراجل ده بيعمل إيه

عزف وتنفيذ وغناء طبعاً للعبد لله

[mohamedafify]

حبيبى الفنان الجميل ابو احساس عالى اية الحلاوة دى ياعم واللهى برنس قولتها حلو جدا تحياتى ليك على كل الاعمال الجميلة دى
مع تحياتى محمد عفيفى

[الألآتى]

ميرسيه ياعفيفى ياحبيب قلبى ..

عايزين نسمعك فى شغل جديد بقى .. بلاش الكسل ده ..

[محمودسعد]

ايه ده
؟؟؟
فيه ايه
عمل جديدمن الالاتي وانا مادخلش احمل واتعلم ؟
تيجي ازاي دي
؟؟؟
هواحناعندناكام الاتي في مصر
هوالاتي واحد
حبيبي يامحمد