ليه خيالك .. وأعمال أخرى

هـيّ

انت لسة برضه بتقول عيونك كدابين ؟
طب واحنا سوا كنت بتبص لميــــــن ؟
وعيونك ليه تملي زايغة شمال ويميـن
حاقول واعيد واشكي عذابي لميــــن ؟
ده انت خليــــــــت الشك عندي يقيــن
ومش عايزني اصدق العوازل واللايمين

ومدام عيوني هي احلي عيــــــــــــون
ليه تبص لكل واحدة م الماشييــــــن ؟
والا انت عندك حبايب غيري تانييـــن
وبتتسلى بقلبي وعيوني الحلويــــــن
يا حبيبي عيون مين فينا هي الكدابين؟

[سمير حسين]

.. هو ..

وحيـاتك أنا مُش فاكــــــــــــــر

يومهـــــــــــا بصيت على مين

الدنيـــــــــــــــــــا كانت زحمة

ومليــــــــــــــــــانة بنى آدمين

ولا كنت شايف قـُـــــــــــــدامى

ولا حتى شمــــــــــــــال ويمين

وكنت لابس نضــــــــــــــــــارة

غامقـــــــــــــــــة وبزفت الطين

دلوقتى ليه بتفتكـــــــــــــــــــرى

دى حكاية بقالهــــــــــــا سنين

الباشا عملها وسابنـــــــــــــــــا

مع بعض بقينــــــــــــــــا واقعين

على فكرة عنيكى مُش حلـــــــوة

وحا أشوف لى عيون تـــــانيين

إن شا الله تكون عــــــــين بتعة

العمشة أخت اسمـــــــــــــاعين

...

[ليلى ابو مدين]

...وساطه...

ليه بس يحصل كده
يا عم سمير حسين
ماكنتم خلاص إتصالحتوا
وبقيتوا .... متفقين
إيه اللي غير رأيك
وعايز تسيب الحلوين
ده عم الباشا قاصده
يروق الجو حبتين
ويعود الصفا بينكم
ولبعض تبقوا مخلصين
وبلاش حكاية بتعه
بنت عم ابو سماعين
واللي قابلينا قالوا
الصلح خير..للمغرمين
*****

يا ختى يا ست ليلى بنت ابو مدين
سيبك من سمير ابن عم حسيـــــن
كل يوم يحـب واحدة واتنيـــــــــن
ما يعرفش العتـاب بين الحبيبيـــن
واهو مسك في بتعة اخت سماعين
حتقولي لمين وتفهمي ف ميــــــن
..........
طب بذمتك يسيب ست الحلوين
ويمسك في بنت ام سماعيـــــــن
بعد ما كان عايش بين التايهيين
يدور على أم عيون حلويـــــــــن
بذمتك ده يرضى ميــــــــــــــــــن
.........

يرمي ذنوبه على الباشا التخيـــن
ويهرب من مواجهة ست الحلوين
عشان أفحمته بدليل واتنيـــــــــــن
وسألته عيون مين فيهم الكدابيـــن
راح يرمي نفسه مع اخت سماعين
بالذمة مش يبأى واحد م المجانين
وفاكر حنقول مجنون ام عيون حلوين
لا حنقول مجنون بنت ام سماعيـــــن

[سمير حسين]

.. آخر الحكاية ..

مُش ممكن أنسى حبيبــــــــــــتى

وأنسى عيونها الحلــــــــــــــوين

أنا كنت قاصــــــــــــــــد أخدعكم

آه من لــــــــــــــــــــؤم اللايمين

وقلشت ميعـــــــــــادى مع سُمعة

بتعة مين وقــــــــــــــــــرف مين

عايزنى أتجــــــــــــــــــوز عمشة

وأسيب ست الحلــــــــــــــــــوين

والله لا يمكن أبــــــــــــــــــــــــدا

دى حبيبتى بقالــــــــــــها سنين

...

وأديكى شايفة كلامــــــــــــــــــه

قاصــــــــــــــــــد يضرب آسفين

والست ليلى أبو مــــــــــــــــدين

عايزانا متصــــــــــــــــــــــالحين

مُش ممكن أقـــــــــــــدر أخاصمك

يا حبيبتى يا نـــــــــــــور العين

وحيـــــــــــــاتك ما أعرف غيرك

وأحلف لك ألف يَمــــــــــــــــــين

دى حـــــــــروف أسمك مكتـــوبة

على قلبى بقالهـــــــــــــــــا سنين

أسمعى دقــــــــــــــــــــاته بتقولك

أنتِ أحلى الحلـــــــــــــــــــــــوين

ولا عمرى حبيت غـــــــــــــــــيرك

مهما قـــــــــــــــــــــــالوا اللايمين

إزاى أنا أنسى عيـــــــــــــــــــونك

وأحب عيـــــــــــــــــــــون تانيين

قـُدامهُم .. عهد عليّـــــــــــــــــــا

ولا فى شمــــال .. ولا فى يمين

والباشا وستنـــــــــــــــــــا ليلى

يبقوا عليّا الشاهـــــــــــــــــدين

يا حبيبـــــــــــــــــة قلبى وروحى

يا أحلى عيــــــــــــــــون صادقين

...

سعيدة يا عم الباشـــــــــــا
أهو كـــــــده بقينا خالصين
والست ليلى ابو مـــــــدين
للواسطة قوى شاكــــــرين
نتقابل فى حكاية تانيـــــــة
غير أم عيون حلــــــــوين
وننسى بتعة العمشـــــــــة
وأخــــــوها الواد سماعين
...

ماشي يا عم سمير
عارف انا لما كتبت هي كنت كاتب رد ليها من هو بس قلت اسيبك ترد عليها انت بس انت كدة سلمت بدري ... انا كنت كاتب لها رد على عيونك الزايغة كنت بتشوف عيون الناس اللى باصة لكم بنات وستات ورجالة كمان كان فيه عيون فرحانة لكم وعيون بتحسدكم وعيون رجال غيرانة منك واخرى عيون غيرانة منها ، وانت بتبص عشان خايف عليها وبكدة حتضيع الشك منها وهى حتكذب العوازل وانت حتطلع منها زي الشعرة من العجين مش تسلم كدة على طول ما ينفعش لازم تستعطفها وهي لما تصدقك تعرف انها بتحبك وقول ياسيدي بعد كدة زي ما انت عايز والا انت حبك زي حب الأيام دي حب تيكا وي
سلام يا صاحبي

[سمير حسين]

.. آه منك يا عمشة ..

يـــــــا بتعة .. يـــــــــــــاعمشة

يــــــــــــــــــــا بنت ام سمعين

كان وشك حلــــــــــــــــو عليهن
وحياة سيدنــــــــــــــــــا الحسين

الكل عـــــــــــــــــــــــرفوا أسمك

وبقيتى م المشهـــــــــــــــــورين

أستاذنا الباشا أخــــــــــــــترعك

وفين سمـــــــــــــــير ابن حسين

والست ليـــــــــــــــــلى أبو مدين

كتبت عنك سطــــــــــــــــــــرين

إدوها قــــــــــــــــــــــــوام ترقية

ونصيبى أنـــــــــا والباشــــا فين

...

أما أنتى يا بتعــــــــة يــــاعمشة

يا بنت ام سمعـــــــــــــــــــــــين

إن شاء الله أيــــــــــــــــــــــامك

سودة وبزفت الطـــــــــــــــــــين

علشان سيبتى الرجــــــــــــــــالة

وكنا فيكى واقعـــــــــــــــــــــــين

دلوقتى رحتى ل ليـــــــــــــــــــلى

وبكرة حـــــــــــــــــــتروحى فين

والست نـــــــــــــــــــــاهد تسألنا

بتعة دى جبتــــــــــــــــــوها منين

والست عفاف كتبــــــــــــــــــالها

يا بتعة بيتــــــــــــــــــــــــــك فين

عايزين ياخـــــــــــــــــدوا الترقية

وابقى أنا والبــــــــــــاشا لايصين

إحنــــــــــــــــــــــا بنكتب وبنتعب

وهما المستفـــــــــــــــــــــــــــدين

خــــــــــــلاص أنــــــا عندن فيهن

حا أعملك غــــــــــــــُرزة ف وشك

آه يا ام عيــــــــــــــــــون عمشين

...

والله برافو عليك يا ابن عم حسيـــن
هو ده الكلام وكلامك زيـن الزيـــــن
بس غرزة ايه هي بتعة ناقصة شين
كفاية يدوب عليها مية نار بقرشيـن
بلاش احسن سمعتنا اللى حتبأى طين
وكل ده عشان العمشة بت ام سماعين
لا ياعم خلينا مع ام عيون حلويـــــن
وان شاء الله على وشها ناخد وسامين

[عفاف سليمان]

اه منك يا بتعه يا بنت ام سمعين
الكل عايز يجيب لك هدايا كتير
انا عايزه اجيب لك عريس
يكون زين الزين
والباشا عايز يجيبلك مية نار بقرشين
وسمير ابن ابو حسين عايز يديكى غورزتين
كل ده وعايزين كمان وسامين
قال ايه وكمان عايزين نياشين
الحقى نفسك يا بتعه وخبى نفسك من العين
العين عليكى كتير منهم اللى عايزين يهنوكى
ومنهم اللى عايزين يقتلوكى
يا بتعه يا بنت ام سمعين
حاسبى على نفسك فى هنا سكاكين
وعلى رأى المثل ان وقع العجل
يكتروا عليه السكاكين
عندك سكين الباشا وسكين ابن ابو حسين
يلا يا بتعه تختارى مين يدبحك مين
خلينا نخلص منك يا عمشه يابنت ام سمعين
علشان عم سمير يشوف بقه العيون الحلوين
ناقصين عمشه وكمان رجليكى مكسحين
روحى يا بتعه يرزقك بمية نار وغرزتين حلوين
ههههههههههههههههههه
تحياتى
اختكم عفاف

[سمير حسين]

إحتفالية ترقية ( ليلى هانم أبو مدين )

...

ناقصين عمشه وكمان رجليكى مكسحين
روحى يا بتعه يرزقك بمية نار وغرزتين حلوين
...

إيه رأيك شُفتى يا بتعــــــــــــــــة

كلام ست العـــــــــــــــــــــــاقلين

بتقـــــــــــــــولك يا لا يـا عمشة

رجليكى مكسحــــــــــــــــــــــــين

دول ضحكـــــــــوا عليكى ياهبلة

عريس مين وبتــــــــــــــاع مين

دا شعــــــــــــــــــــرك زى الليفة

وعنيكى معمصـــــــــــــــــــــــين

دول فرحوا بالترقيـــــــــــــــــــــة

وخلاص على طــــــــول ماشيين

أتاريهـــــــــــــا واختنـــــــا ليلى

عليكى متفقــــــــــــــــــــــــــــين

بمية نــــــــــــــــــــــــار يرموكى

وعلى طول حيروحــــــوا هاربين

خدى بالك وماليش دعـــــــــــوة

يا هبابة يا زفت الطـــــــــــــــين

...

مُش ناوى أسيب بتعة