مشاركات خارج موضوع طلبات النوتة

[منذر44]

استاذ عادل من فضلك اريد تحميل برنامج انكور وشرحه الموجود في المنتدى
فهل هناك اي رابط للتحميل
اخى العزيز
خليك متابع معايا ان شاء الله حنزل لك البرنامج والشرح على رابط خارجى فى اسرع فرصة
مع اطيب تحياتى عادل صموئيل

[salhi_haithem]

بمناسبة حلول سنة 2014
كل سنة و الأخوة و القائمين و الأساتذة المدونين طيبين
و كلنا في وطننا العربي أمنين مطمأنين
هيثم

[منذر44]

استاذ عادل من فضلك انت قلت ان هناك اغاني لا يمكن وضع نوتة لها كأغنية اصون كرامتي
فهل يعني هذا ان الملحن لم يضع نوتة لهذا اللحن كي تحفظه المطربة والفرقة
واتمنى منك تحليل اغنية اصون كرامتي

اخى العزيز
ايام اصون كرامتى مكانش فيه تدوين موسيقى فى مصر كان الملحن بيحفظ الفرقة على العود
اما ام كلثوم نفسها والسنباطى شجعها على كده ماكانتش بتحب النوتة يعنى كان الملحن بيحفظ الفرقة على عود وده للعلم سر السلطنة والتميز بتاع ام كلثوم ان العازف بيكون حافظ كل حرف فى اللحن مش مقيد بالنوتة وفى الحفلة بتبقى كل عينه واذنه على ام كلثوم ويدها لما تشاور للإعادة يعنى لو انا حافظ الجملة دى مثلا انها 3 مرات وهى استحلتها وهى بتغنى وحبت تغنيها خمس ست مرات هى بتعمل اشارة بإيدها والفرقة كلها معاها لو الفرقة بتشتغل بنوتة بيبقى العازف ثلثى عينيه مع النوتة والمطرب بيخاف يعيد اكتر من المرجعات المكتوبة فى النوتة يخاف لا العازف يمشى على طول وتحصل فركشة .. كان بيتفادى المشكلة الخطيرة دى عبد الحليم ( بالذات بع وفاة ام كلثوم ) انو كان بيمعل 45 بروفة بحيث ان العازف بيحفظ اللحن صم وهو يعيد زى ماعايز او يرجع من اى مكان مايخافش لأنى متابعه وحافظ هو فين وبالطبع قلدتهم فايزة ووردة بزيادة عدد البروفات فى الاغانى الكبيرة وللذكرى والتاريخ ام كلثوم اشتغلت على نوتة مرة واحدة فى حياتها فى نشيد على باب مصر لعبد الوهاب والسبب كان فى عيد ثورة 23 يوليو كل سنة ام كلثوم بتعمل حفلة بيحضرها جمال عبد الناصر كانت بتغنى فيها فى الوصلة الاولى نشيد جديد والوصلة الثانية آخر واحدث اغانيها كان من المقرر انها تغنى اغنية لرياض السنباطى لكن الظاهر مكانتش جاهزة وكان عندها على باب مصر هى حافظاها بس محضراها لحفلة العام التالى ولما كان لحن السنباطى مش جاهز قررت تعمل لحن عبد الوهاب على باب مصر قبل الحفلة ب 3 ايام وخلوا لاستاذ نصر عبد المنصف كتبو نوتة وما اخدتش غير يومين شغل بالطبع
ومع ان كان عازفى الفرقة الماسية كانوا معظمهم هم هم فرقة ام كلثوم ولكن مع ام كلثوم كانوا بيحفظوا ومع الماسية كانوا بيشتغلوا بالنوتة
اما تحيليل اصون كرامتى عليك وعلى الاخ العزيز المايسترو محمد الآلاتى هو متخصص وبالطبع يحب يخدم
مع اطيب تحياتى عادل صموئيل

[armendo]

حبيب قلبى وائل...ارجوك لا تستعحل فك الجبس حتى تطمئن على سلامة التئام العظمه تماما من خلال الإشعه والف سلامه مرة اخرى,وبعدين مشى حالك باليد الثانيه وانا عارف انك عفريت وتعملها علشان تعقدنى...............

مع دعواتى لك بالشفاء العاجل يإذن الله

احمد ( ارمندو )

[عادل صموئيل]

احبائى
من كل قلبى اشكر كل الاخوة الاحباء اللى تقدموا بالمعايدة فى عيد الميلاد المجيد
واحنا كلنا اخوات يعنى عيدنا عيكم وعيدكم عيدنا
كان زمان المسحيين بيحتفلوا مع بعض فى الاعياد وحتى ربنا جابها مرة من ييجى 45 سنة ان جه يومعيد ميلاد السيد المسيح بيوافق المولد النبوى الشريف وكان فيه الصفحة الاخيرة فى جريدة الاهرام تهنئة انا مش ناسيها من 45 سنة يعنى العنوان مولد عيسى ومحمد وتحتها التاهانى من كل الدنيا كانت جميلة اوى

وانا اتقدم بجزيل الشكر للسيد رئيس الجمهورية المستشار المحترم عدلى منصور على لفتته الكريمة انه ذهب الى الكاتدرائية المرقسية بالعباسية شخصيا وقام بتهنئة قداسة البابا بالعيد والحدث ده ماحلش من خمسين سنة يعنى كان الرؤساء بيرسلوا مندوبين فقط
يعنى ما اقدرش اوصف لكم شعور كل قبطى بالسعادة لأننا بينى وبينكم فيه ناس يعنى لما تطلع مجموعة تقول لك حرام انك تعيد على الاقباط فى عيدهم وانا متأكد ان الدين الاسلامى الجميل مقالش كده .. يعنى سيدنا محمد لو كان فى المكان اللى هو فيه كان فيه اقباط اكيد كان حايعيد عليهم ودى مالهاش دعوة بالعقيدة ولكن لها دعوة بالاخلاق والمعاملة يعنى انا درست الدين الاسلامى كويس جدا واى مرة فى التليفزيون اشوف شيخ محترم فلا التليلفزيون بقعد اسمعه لحد ما يخلص ... يعنى اللى بيتمسحوا فى الرسول وسلوكيات الرسول يعنى لو انت اتعملت من الرسول 7 حاجات محددة وجت قدامك حالة الرسول ماقلش عليها بالتحديد او ماجاتش مناسبة المفروض انت بتتصرف من السلوكيات اللى اتعلمتها من الرسول ده هو الدين الصح .. يعنى مثلا قصة اليهودى اللى كان كل يوم بيرمى الزبالة بتاعتو امام بيت الرسول ( لو كان دلوقتى كان الاخوة بالطبع قتلوه ومثلو بجثته ) ولكن التسامح بتاع الرسول الكريم كان بيخلى حد يشيل الزبالة وماعمل لوش حاجة وفى بعد فترة كذا يوم اليهودى انقطع عن انو يرمى الزبالة الرسول سألأ عليه فين الاخ ... قالوا لو انه مريض .. قام الرسول راح يزوره والتهودى اتكسف وحس ان اخلاق الرسول الكريمة دى هى اخلاق الاسلام وبعد كده اعلن اسلامه عارفين الحكايات دى يا كل المسلمين
طيب لو فيه يوم عيدعند اليهودى ده مثلا مش اكيد الرسول كان حيقول له كل سنة وانت طيب ؟ يعنى كلمة طيبة مش حاتخسر حاجة مش كده ولا ايه ؟؟؟؟؟؟ لأن فيه حاجة اسمها العين بالعين يعنى مثلا لو واحد هندوسى وواحد بوذى ( بمنتهى الحياد ) لو يوم عيد واحد منهم ماعيدش عليه اكيد يوم العيد بتاع التانى مش حايعيد عليه الحركة دى ممكن تعمل جفوة بينهم وهم جيران ساكنين فى عمارة واحدة بعدين يبطلوا كلام اصلا و مراتو ماتكلمش مرات التانى وهلم جر ...
مع اطيب تحياتى

[عادل صموئيل]

الاخ العزيز منذر 44

اليك انكور مع الشرح

http://www.a7ssass.net/download95603.html



مع اطيب تحياتى

[سليم العباس]

تحية مستمرة للأستاذ الكبير عادل صموئيل ، و تعقيباً على كلامك العاطفي فيما يخص المعايدات المتبادلة بين مختلف الأديان و المذاهب ، فهو يندرج تحت عنوان الأمنيات و الرغبات و ليس الحقيقة و التي يجب أن نراها بشكل واضح . إذا ما تناولت الأحداث التاريخية البعيدة والقريبة فهي تشير بشكل واضح إلى الخطر الحقيقي الذي يحدق بالمسيحيين في الدول الإسلامية ، و الأمر لا يتعلق هنا بالتطبيق بل بالتشريع بحد ذاته ، ما رأيك مثلاً في أن الشاب المسيحي لا يمكن أن يتزوج من مسلمة حتى يشهر إسلامه أما العكس فهو مباح !
لن أذكر المزيد من الأمثلة الكثيرة التي تحتم على المسلم تقييد علاقته مع بقية الأديان ، ما لم نقل تكفيرهم .
أقول هذا الكلام خوفاً على مسيحيي مصر من مصير مشابه لأخوانهم في العراق و سوريا و لبنان ... مع تمنياتي القلبية أن تكون مصر استثناء لهذه القاعدة المأساوية .
اخى العزيز اشكرك
الموضوع اخطر من مشكلة مسيحيين ولكن الموضوع خاص بإبادة العرب جميعا
اولا المسيحيين ثم ثانيا المسلمين .. الموضوع ان اسرائيل عايزة تستولى على من الفرات الى النيل فى عقيدتهم كده وعشان تعمل كده مش حاتقدر تحارب كل دول لأن العرب فى المنطقة من الفرات الى النيل عددهم وجيوشهم اكتر من اسرائيل كتير واى مواجهة عسكرية حاتقضى نهائيا على اسرائيل ومن هنا جاء ذكاء اسرائيل ومن وراها امريكا طبعا بإختراع جديد اسمو الجيل الرابع من الحروب يعنى الحروب بالوكالة يعنى يدفعوا فلوس ويشتروا مرتزقة يحاربوا بدلهم لتدمير دول المنطقة ووجدوا فى الجماعات المتطرفة التكفيرية ضالتهم انهم بيكفروا اى حد وطالما كفروه فدمه وعرضه وامواله وممتلكاته حلال اول حاجة ابتدوا بالمسيحيين بمعنى انهم لو ربع عدد سكان دول المنطقة لو انت قضيت عليهم يبقى قضيت على الربع ثم نأتى لباقى الثلاث ارباع .. التكفيريين بيكفروا كل واحد مشفى جماعتهم يعنى زى كا بيكفروا المسيحيين بيكفروا المسلمين المعتدلين اللى مش معاهم او مش مقتنعين بفكرهم واكتر شىء بيعملوه هو استهداف الشرطة لتدمير الدولة من الداخل ثم استهداف الجيش حتى يتم اضعافه والقضاء عليه وللعلم ان امريكا واسرائيل هى عشمتهم ( وهم مش بيفكروا )بالإستيلاء على الحكم فى الدول دى واقامة الامبراطورية او دولة الخلافة الاسلامية هم صدقوا لأنه مش بيشغلوا مخهم .. هم وهم مش داريين بيشتغلوا لصالح اسرائيل وامريكا ولو حصل لا قدر الله انهم قدروا ومسكوا الحكم فى الدول العربية حاتيجى امريكا واسرائيل يفرموهم وياخدوها منهم
يعنى هم دلوقتى بيشجعوهم على الكذب يعنى تعالى اقعد فى مصر شوف اللى بيحصل ثم افتح قناة الجزيرة تسمع كذب عكسه تماما لأن اسرائيل بتشجعهم على هذا التخريب ولو قضوا فعلا على جيوش الدول دى ومسكوا الحكم ساعتها اسؤائيل حاتقبل معاهم يعنى حاتطلعهم ارهابيين وبيقتلوا المسيحيين عشان يقلبوا اوروبا عليهم وتقول بيقتلوا المسلمين عشان يقلبوا عليهم العالم الاسلامى ويبقى ذريعة عشان يدخلوا يقتلعوهم وهم ياخدوا من الفرات الى النيل
مع اطيب تحياتى

[منذر44]

المشاركة الأصلية كتبت بواسطة عادل صموئيل

الاخ العزيز منذر 44

اليك انكور مع الشرح

http://www.a7ssass.net/download95603.html



مع اطيب تحياتى

الله يا استاذ عادل انت دائما رائع ومتواضع
ادعو لك بدوام الصحة وطول العمرحتى حتى يبقى نهر العطاء دافق
مع اجمل تحياتي

[منذر44]

استاذ عادل بعد ما حملت برنامج انكور لم اجد ملفpdf الذي به الشرح باللغة العربية

احى العزيز معلش انا آسف
اليك الرابط
http://www.a7ssass.net/download95604.html

فيه ملف مضغوط انا عامل فيه شرح على الوورد اوفيس لنكور من جزئين اقراه كويس جدا جزء جزء واى مشاكل تقابلك انا تحت امرك ومتابع معاك
مع اطيب تحياتى

[منذر44]

استاذ عادل البرنامج يعمل والحمد لله ولكن هناك مشكلة مزعجة اذ كل ما اريد عمل شيئ بالبرنامج
تظهر لوحة لها صوت مزعج لا تذهب الا بعد ان اكبس ok ثلاث مرات
وهذه اللوحة مكتوب عليها كلمات انجليزية وقد ترجمتها وهي:
خطأ في فتح منفذ قياسي
جهاز ميدي غير مثبت
ميناء ميدي الإعداد selecion غير صحيحة
تطبيق ورقة أخرى
فأرجو الحل ان كان لديك وشكرا
اخى العزيز
المشكلة دى حلها سهل اوى
عندك فوق فيه شريط الادوات كلمة set up
افتح القائمة اول كلمة فيها midi set up
فى وسط القائمة حتلاقى نافذتين تحت بعض جنبهم كلمة
midi in افتح الخيارات فى النافذتين دول واختار كلمة none فى النافذتين
بعدين اقفل النافذة دى واضغط على كلمة set up تانى
فى آخر القائمة حتلاقى كلمة save preferences
اضغط عليها واقفل البرناج ثم افتحو حتلاقى مفيش مشاكل
وخلى بالك اوى اوى من كلمة save preferences
دى بعد كده يعنى انت لما بتفتح البرنامج اول مرة بتكون شكل الصفحة حاجة بعدين انت بتعمل تعديلات عليها يعنى مثلا بتنزل الباليتات زى الشرح وتحطهم فى المكان الفاضى على يمين المدرجات عشان تاخد منهم وانت بتكتب لما تضغط على سيف بريفارينسز دى بتحفظ اللى انت عملته فى شكل الصفحة لو ماضغطش عليها اللى عملتو كلو بيروح
دى غير طبعا كلمة save العادية ودى بتحفظ لك الملفات الموسيقية اللى بتكتبها
وانا تحت امرك
مع اطيب تحياتى