ليه خيالك .. وأعمال أخرى

يا عم سمير لا هي ولا هو بيفهموا في لغة العيون
وعشان كدة مش عارفين يترجموا صح
ومن كتر حبهم لبعض الخوف مخليهم يفتكروا ان عيونهم كدابين
مع ان عيونهم فاضحاهم
والحب طالل منهم ومدلدء على الأرض كمان

أهو كدة فيه نوع من أنواع التطور

[سمير حسين]

الأستاذ .. الباشا قمر زمان
متمرس وذو موهبة فى إكتشاف نظرات العيون
أجمل تعبير : الحب المدلدء
من كتر حبهم لبعض الخوف مخليهم يفتكروا ان عيونهم كدابين
مع ان عيونهم فاضحاهم
والحب طالل منهم ومدلدء على الأرض كمان

.. شكرا أستاذنا الباشا لهذه الطلة الجميلة التى أفتقدها كثيرا ..

[سمير حسين]

الأستاذة .. ليلى أبو مدين .. متابعة جميلة منكم
وأؤكد أنكم لديكم الحاسة الشعرية .. وهذا يتبين فى
ردكم وهذا التساؤل :

بس إحنا كــده بقينا محتارين

مين فيهم اللي عيونه كدابين

.. فى الحقيقة لم أكن مرتبا لهذه المحاورة بين هو وهى لكنى أفكر الآن فى عمل توافق ينهى الموضوع ..

شكرا لكِ أستاذتنا الفاضلة لتواصلك الذى يسعدنى كثيرا
...

[سمير حسين]

..لازم نفترق ..

أرجــــــــــوكِ لازم نفــــــــــــــــترق

من غــــــــــــــــــــــــــــــــــــير كلام

مــــــــدى إيـــــــــــــــــدك ..سَلـّمى

من غــــــــــير خصــــــــــــــــــــــام

أخرجينى من حيــــــــــــــــــــــــاتك

وأقفلى باب الغــــــــــــــــــــــــــرام
...

أرجوكِ دمعك وفـَـــــــــــــــــــــريه

يمكن فى قصة حب تانيـــــــــــــــة

ويا غيرى ...... تحتـــــــــــاجيه

زى ما زرعتى الخيـــــــــــــــــــانة

استحالة حبى تانى ده تشوفيــــــه

وصــــــــــــــــــــــــدقينى زى قلبى

يوم فى عمــــرك ما تلاقيــــــــــــه

...

[NAHID 76]

بسم الله الرحمن الرحيم
الشاعر سمير حسين
والله كده أحلو الأمر
الهانم دفعت عن نفسها وطلعت الأخر عيونه هما الكذابين
يا لهوى ياترى نصدق مين
يالله قول حرام نظلم حد
وبصراحه مفروض ندافع ونبين الحقيقه مش ننسحب ونقول الفراق
لا لا مفيش فراق قبل ما نعرف الحقيقه
جميله جدا وحوار راقى وممتع والدنيا سيجال
تحياتى

[سمير حسين]

.. الأستاذة الفاضلة .. ناهد هانم .. لكِ كل الشكر لهـــــــذا التواصل .. أما بالنسبة للمشكلة القائمة بين .. هو .. وهى .. وأى منهما عيونه كذابين .. فى الحقيقة موضوع الفراق تمت كتابته حتى يتدخل أحد للصلح وكنت ِ سيادتك حمامة السلام بينهم
وإن شاء الله سيتم التوفيق وننهى المشكلة بسلام وسيكون دويتو
بينهما لعودة الود والمحبة
.. مع أطيب تحياتى ..

أول كلام بينا من سنيــــــــن
تقوليلي دول مظلوميـــــــــن
وانا ساكن بين رموشهـــــــم
رموش عيونك الحلويــــــــن
.......
وانهاردة عيوني بأو سهتانين
اللى ياما دوبتي فيهم حنيـــن
وقلتي عيونك بحبهــــــــــــم
عشان جمال وملونيـــــــــــن
...........
ياما خفت على حب السنيــن
وقلبي قال انتبهي م الحاقدين
دول عوازل سلوتهـــــــــــم
ومرادهم يفرقوا بين قلبيـــن
.......
قالوا بيبص لعيون ياسميـــن
وعيون ليلى وهناء ونسريـن
اتهموني فـ بنات كتيرآخرهم
بتعة العمشة بنت ام سماعين
.......
اسألي دقات قلبك الحزيـــــن
كان قالك حبيبك مسكيـــــــن
هايم يبص في كل العيـــــون
يدور على عيونك الكدابيــن

[سمير حسين]

.. أنت اللى جميل يا باشا .. وباين حا أستخبى أحسن أضيع وسطكم .. بس على فكرة ( الفراق ) حاجة تانية .. وبعيدة عن الموضوع وليس لها دخل بعيونهم الكدابين ..

أنا فكرت أقف شوية بحاجة فاصلة بين الحكايتان لغاية ما أى حد ابن حلال يتوسط بينهم وقد كان منهم سيادتك والأستاذة ناهد والأستاذة ليلى أبو مدين والتى سوف آخذ من ردها بيتين كتبتهم فى ردها سوف يكونا هما مدخل المصالحة :

إحنا كــــــده بقينا محتارين
مين فيهم اللي عيونه كدابين

.. وعلى فكرة كلام الأستاذ الباشا سأستعير منه الكثير بعد أذنكم
حتى نكون جميعا أشتركنا فى الوفاق بين هو وهى .. لكم أطيب تحياتى ..

[سمير حسين]

.. صُلح الأحباب .. هو.. هى

الناس إنشغلوا ما بينــــــــــــــــــــا

أكترهم محتـــــــــــــــــــــــــــــارين

مين فينا يبقى الصــــــــــــــــــــادق

وعيــــــــــون مين كــــــــــــــدابين

...

ناس يا ما شاهــــــــــــــــدين عليك

بغرامك مشغـــــــــــــــــــــــــــولين

دلوقتى عرفوا الحقيقــــــــــــــــــــة

وكانوا فيك مخـــــــــــــــــــــدوعين

...

قلبــــــــــــــــــــــــــــــــك لازم يدلك

حبيبــــــــــــــــــــــــــــــك يبقى مين

دا حبـــــــــــــــــــــــــك شاغل عقلى

من واحنــــــــــــــــــــــــــا صغيرين

خلينا ننسى اللى فــــــــــــــــــــــــات

ونعيش بقى مرتاحــــــــــــــــــــــين

...

وحيــــــــــــــــــــــــــــــــاتك ياحبيبى

قلبى ما حب غـــــــــــــــــــــــــــيرك

ولا يــــوم عشقت عنيّــــــــــــــــــــه

إلا عنيك الحلــــــــــــــــــــــــــــــوين

...

يا أغــــــــــــــــــــــــــــلى حب عايش

جـــــــــــــــــــــــــــــــــوايا من سنين

عيونِك أنتِ الأجمـــــــــــــــــــــــــــــل

من أى عيـــــــــــــــــــــــــــون تانيين

...

وحيـــــــــــــــــــــــــــاتـَك أنت الأحلى

م الفـُـــــــــــــــــــــــــــل وم الياسمين

خلاص ما نسينا خصـــــــــــــــــــامنا

وبقينا متصـــــــــــــــــــــــــــــالحين

...

وحياتك عهـــــــــــــــــــــــــــــد عليّا

نبقى أسعــــــــــــــــــــــــــــد حبيبين

والماضى يصبح ذكــــــــــــــــــــــرى

لاجل عنيكى الحلــــــــــــــــــــــــوين

وأحلـــــــــــــف وأخــــــــتم بالعـَشرة

وأهل سماعى الشاهـــــــــــــــــــــدين

...

يا عم سمير

انت متسرع ليه خليهم يطلعوا اللى في قلوبهم الأول ويتعاتبوا وبعدين نشوف حيوصلوا لإيه يا يتصالحوا يا يفترقوا انت يعني لازم تنهي الفيلم بسرعة هو فيلم تسجيلي انا كنت متوقع انك حترد على لسانها بعد اللى انا كتبته على لسانه