مطربون تفوّقوا على أم كلثوم في أداء أغانيها

[سيادة الرئيس]

لا تنسوا

و حقك أنت المنى

[سيادة الرئيس]

المشاركة الأصلية كتبت بواسطة hafid

أمّا بخصوص المقارنة بين أداء السّتّ و آمال لهذه "الحتّة" (ألف رضااااك) فإنّي محتار فعلاً: إذا كان طول النّفس هو المقياس، فألف الستّ أطول من ألف آمال بثانيتين و شويّة (ألف الستّ كان حوالي 15 ثانية)

سيدي الفاضل

أنا لا أقصد طول النفس

إن كان هذا المقياس فما أطرب ( حليم ) في ( جباره )

أنا قصدت ( الثبات ) بمعنى ( عدم نقصان أو زيادة النغمة ) يعني ( لا بتخس و لا بتزيد )

دوزان ع الشعره

[abuzahda]

المشاركة الأصلية كتبت بواسطة سيادة الرئيس

(( رأي شخصي جدا أوي خالص ))

رغم ولهي الشديد بالست فتحية أحمد لكن لازم كل واحد ياخد حقه

من يوم ما عرفت أسمع أم كلثوم زادت خبرتي الموسيقية بشكل كبير و بتزيد كل ما سمعت حرف منها
و طبعا من كتر سماع اللحن منها كنت ديما بدور على صوت تاني عشان أسمع اللحن منه فكانوا دول

روحية عبد الخالق
إجلال المنيلاوي
سوزان عطية
صوفيا صادق

و غيرهم أسماء كتيرة جدا لا داعي لذكرهم

لكن في النهاية كلهم أسماء بس قدروا يغنوا أعمال كان واضعها متخيل جباروت صوت الست في كل حرف موسيقي بيكتبه حتى مؤلف الكلمات

و بالطبع الكل لم يتعرض لأعمال غاية في التعقيد اللحني و كأنها كانت حكرا على صوت الست صاحب ( الدفع الرباعي ) أذكر منها

غنى الربيع
غلبت أصالح في روحي
هوى الغانيات
يا طول عذابي
يا قلبي بكره السفر
رق الحبيب

و غيرها من معضلات الألحان التي وضعت ل ( DIVA ) الغناء العربي

لغاية ما جت أمال ماهر و قدرت بموهبتها ( المهملة ) تتعرض للنوع ده من الألحان

و في كل المجالات ( خلونا نقول كلام علمي ) تقاس الجودة على الأصعب

و من أصعب الطرق التي مشى عليها صوت الست صاحب (الدفع الرباعي ) و ( الثبات ) و ( المناورة الفائقة) و كل ما تتخيل من نعم الله على عبده كما جاء في تفسير ( ابن كثير ) لسورة ( فاطر )

كان طريق ( غلبت أصالح في روحي )

طيب أقارن بأكتر صوت قدر يقول طرق الست ( الوعرة ) أمال ماهر ( صاحبة أفضل تشريح فم غنائي في أيامنا الحالية )

و أرفق لحضراتكم مقارنة وحيدة ( هناك الكثير ) يعتبرها دارس الموسيقى مقياس هام لقدرة الأداء الغنائي ألا و هى

الثبات النغمي

غلبت أصالح في روحي

من أول : كنت أشتكي لك ( عشان تتسلطن ) و أوصل معاك ل ( و كان رضاك )

عايزك تقارن بين أمال و الست و تقول لي مين أثبت من التاني في ( ألف ) ( رضاك ) وخليك منصف

قال عنها عبد الوهاب ( كان اللحن بيتعمل ليها بعدين هى تكلثمه )

يا جماعة الخير هناك من استطاع أداء أعمال وضعت للست و بس

أكتر من كده ظلم

(( رأي شخصي جدا أوي خالص ))

يا جمالك يا ابو علي ، لما تفضى لنا
بتبقى حاجة كدة عاملة زي المزيكا المعجونة بالمزيكا
بس هو سؤال مـُحـْرَج ، بعد إذن فخامتك
: ماذا عن عامل الزمن "عُمر المطربة" في "المقارنة" ؟
يعني لو أمال ماهر "عاشت" و "فضلت تغني" لغاية ما توصل "سن" الست اللي غنت فيه نفس "الأغنية" يبقى إزيْ فخامتك ؟


و السلام عليكم و رحمة الله و بركاته

[سيادة الرئيس]

حبيبي الغالي

فيه صوت بيكبر يحلو و صوت بيكبر يوحش و كل واحد و ظروفه لما ياخد مصروفه

لكن الأكيد إن الخبرة بتزيد و الحظ الحلو إن الصوت يفضل حلو

أم كلثوم كان وراها فريق فاهم إزاي يألف و يلحن لها حسب ظروف صوتها الساعة 9 و 45 دقيقة من يوم 21 نوفمبر سنة 1944

و في المقارنة الست أكبر سنا من أمال و رغم كده شوف انت

[كوباني]

أعتقد أن المطربة ربا الجمال تفوقت على كوكب الشرق في أغنية
إفرح يا قلبي.

[hafid]

المشاركة الأصلية كتبت بواسطة كوباني

أعتقد أن المطربة ربا الجمال تفوقت على كوكب الشرق في أغنية

إفرح يا قلبي.

لقد أدّتها ربى باقتدار كامل لكنّي أطربُ لها أكثر بصوت الستّ (لا تنس أنّ الستّ كانت في كامل عنفوانها عندما غنّتها لأوّل مرّة سنة 1937)

[hafid]

كُثر هم من يظنّون أن هذه الطّقطوقة من التراث الحلبي، أو القدود الحلبيّة لأنّ مطربي حَلب درجوا على غنائها في وصلاتهم و حفلاتهم مثل صباح فخري و محمّد خيري، (و تكون عادة متبوعة بطقطوقة سيّد درويش سيبوني يا ناس)

أرفعها هنا لحضراتكم مسبوقة بجزء من موّال صدّوك عنّي العدا بصوت العملاق محمد خيري و هي مأخوذة من حفلة كازينو فريد الأطرش (ببيروت) و لمن أراد الوصلة كاملة فليتفضّل هنا

اسمعوا و احكموا بأنفسكم يا سادة

تجدونها هنا بصوت الستّ

طقطوقة الفلّ و الياسمين و الورد
كلمات: أحمد رامي
الحان: أحمد صبرى النجريدي
التّاريخ: 1924 أو 1925

[جابر الحسيني]

محمد خيري ده طلع حكاية
لكن رغم ذلك أفضلها بصوت ثومة
توقف النجريدي عن التلحين لأم كلثوم كان خسارة كبرى

[عصمت النمر]

المشاركة الأصلية كتبت بواسطة جابر الحسيني

توقف النجريدي عن التلحين لأم كلثوم كان خسارة كبرى

زى مايكون فى بينا توارد خواطر تليبثى ياعنى انا ارى ان النجريدى استطاع ان يخرج من حنجرة ثومة مالم يخرجه احد واسمعوا مالى فتنت .....وعندى سؤال هل لحن النجريدى لغير ام كلثوم وماهى اعماله ... وهل هناك نوع من التظليم على هذا المبدع القدير

[عصمت النمر]

من الأصوب ان نقول مطربون تكلثموا على ام كلثوم فى اداء اغانيها...