رد: طلبات نوتة أ / عادل صموئيل الجزء الثانى
السلام عليكم
الله عليك يا صموئيل الاغنية من العيار الثقيل و المدون ذهب 24 قراط.
هل تلاحظون تأثر الاستاذ بليغ حمدي بإيقاعات و أسلوب الموشحات. ما القصة يا أستاذ عادل؟
اخى العزيز
القصة سهلة اوى وانا شرحتها كتير من قبل .. ايه الفرق بين ملحن عبقرى وملحن عادى ؟ ان من اهم صفات الملحن العبقرى انو مش فقط يبقى موهوب فى التلحين ولكن كمان يبقى مذاكر اوى كل ما يتعلق بالموسيقى العربية من ايقاعت ومقامات وبالذات وضع خطا تحت بالذات دى : المقمات اللى مش مستخدمة كتير والإيقاعات اللى مش مستخدمة كتير وكذلك الايقاعت المتميزة بتاعة بعض الدول العربية الشقيقة واللى الدول التانية ماتعرفهاش ... وانا قلت قبل كده ان مواصفات التلحين فى الزمن الجميل بالنسبة للملحنين الكبار للمطربين الكبار اول شرط ان الاغنية الجديدة تكون مختلفة عن كل ماقبلها يعنى لازم يكون فيها حاجة جديدة مش مسبوقة غير طبعا حلاوة اللحن وانه مايشبه اى لحن سابق ولكن التغيير ان بيضع فيها اما جملة فى مقام مش متداول او حتى نصف مقام او ايقاع مش متداول بيطعم بيه جملة وسط كذا جملة واللى كان بيساعدهم طبعا الفرقة الماسية يعنى مثلا مثلا لو الملحن عمل صولو لناى نستحيل اى عازف ناى يعزفه كان محمود عفت بيعزفه وهو مغمض .. لو ايقاع متعب حسن انو موجود واهم حاجة واخطر حاجة فى كل ده المناخ يعنى الجمهور اللى كان بيتذوق الحاجات دى يعنى لو عملت جملة بإيقاع مش مألوف الجمهور بيحسوا وبيتجنن غير طبعا لو تخبيط وخلاص والجمهور مش بيحسوا زى دلوقتى .. وتفاعل الجمهور بيخلى المحلن المرة لاقادمة بيعمل حاجة احلى .. يعنى انا مثلا لما كتبت اغنية بودعك اخدت منى عشر ايام شغل بمنتهى التركيز .. رد فعلها ايه حيكون عندكم.. لو عملت رد فعل بالطبع حاكتب لكم احلى كمان لو مرت مرور الكرام ماحدش حس لابيها ولابجهودى واقصد اغنية بتعب فيها نصف ساعة زى اغنية بتعب فيها عشر ايام هنا تلاقى انتاجى حايختلف حايبقى اقل .. وصلت المعلومةيعنى لاحظ دلوقتى تلاقى ملحن عامل عشر الحان يمكن حتى ماتلاقيش فيهم علامة تحويل عارضة واحدة خلاف اللى فى الدليل وارجع شوف بودعك وشوف كام علامة عارضة يعنى كام مرة تلاعب بالمقام
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 17/06/2014 الساعة 04h43
|