ليه خيالك .. وأعمال أخرى

[ليلى ابو مدين]

المشاركة الأصلية كتبت بواسطة سمير حسين

.. هزيمة الأهلى ..

ساعة ما قال لى يا لهـــــــوتى

غيرتها .. وبعلو صــــــــــوتى

با أصرخ وأقول يادهـــــــــوتى
...

الاخ الفاضل الشاعر الكبير
الاستاذ سمير حسين
السلام عليكم
متزعلش مني يا شاعرنا في السؤال ده
وبجد أنا عايزه أعرف الاجابه
إيه الفرق بين يا لهوتي و.....يا دهوتي
متعك الله بالصحه والعافيه
مع تحياتي واحتراماتي
ليلى ابو مدين

[سمير حسين]

.. الأستاذة سلوى .. هدية جميلة ورائعة تستحق أن أكتب عنها
رغم حزنى العميق لأنى إنسان وأنتمى للأهلى بحب :

أجمل هدية شوفتهــــــــــــــــــا

حاجـــــــــــة عظيمـــــــــــــــة

هرم كبير بيزيد نادينـــــــــــــا

قــــــــــــــــامة وقيمـــــــــــــــة

وغصب عنى كتبت شعــــــــــر

بعد الهزيمـــــــــــــــــــــــــــــة

بس أعذرونى .............

دا غصب عنى وما بيدى حيلة
...

.. أكرر شكرى للأستاذة سلوى .. وأشكر لكِ هذا التواصل الذى خفف عنى بعض الشىء ..

[سمير حسين]

الأستاذة / ليلى أبو مدين .. أهلا بك أما عن سؤالك يا لهوتى بالطبع مأخوذة من اللهو والنسيان وعدم الإهتمام بالأشياء .. أما يا دهوتى فهو ماحدث اليوم .. أشعر أن أربعة اهداف شوية عليهم يا دهوتى ..

بعد اذن اخونا سمير أرد على الأخت ليلى

الأخت ليلى بومدين

من قاموس العامية المصرية:

يا دهوتي: تقال اختصارا من الداهية

يا لهوتي: تقال اختصارا من اللهو الخفي

والاثنان: تستخدمهما النساء المصريات عندما يصيبهم الهلع من جراء اي خبر يسبب لهم الهلع او يحمل مصيبة


ايه رأيك في التفسير ده

مع خالص التحية

[سمير حسين]

.. أستاذى الباشا .. تحياتى .. تفسير يالهوتى لم نختلف عليه وهو ما ذكرته مأخوذ من اللهو .. لكن بصراحة عايز أصرخ وأقول يا دهوتى على رأى عمنا نجيب الريحانى .. يا أستاذ حال الأهلى النهاردة عمل لى إحباط لدرجة أننى زهقان فعلا ..

المشاركة الأصلية كتبت بواسطة سمير حسين

.. أستاذى الباشا .. تحياتى .. تفسير يالهوتى لم نختلف عليه وهو ما ذكرته مأخوذ من اللهو .. لكن بصراحة عايز أصرخ وأقول يا دهوتى على رأى عمنا نجيب الريحانى .. يا أستاذ حال الأهلى النهاردة عمل لى إحباط لدرجة أننى زهقان فعلا ..

شوف ياعم سمير أنا أهلاوي صميم وحتى النخاع ليه معرفش ومتابع للكرة قبل ظهور التليفزيون سماعي من صغري في الراديو وانتظر كمان تعليق فهمي عمر على المباريات وكنت متعصب بحكم السن في ذلك الوقت لكن حبي للحقيقة أضاع هذا التعصب ولم يضيع انتمائي للنادي الأهلي وللعلم انا ناقد رياضي كروي جيد والسبب بسيط يا عم سمير في اني غير متعصب كيف يلعب على محسن أو رضا او الشاذلي او مصطفى راض او الفناجيلي او عزت ابو الروس او خيشة او على خليل كرة حلوة واقول انها وحشة للمجرد انها ضد الأهلي والشئ الآخر دوام الحال من المحال ولكل مجتهد نصيب اتعكنن ليه واحرق دمي ليه وفيه أشياء أهم وأجدر بهذا الاهتمام وبصراحة كنت عايز الأهلي يسيب المباراة يمكن جماهير الاسماعيلي تهدى شوية... سلام يا صاحبي

[د.حسن]

المشاركة الأصلية كتبت بواسطة سمير حسين

.. هزيمة الأهلى ..

يا أستاذ سمير ..
إخلع النضارة السودا
وبص للدنيا بمنظار جديد
الأهلى أهلى ... مما حصل
دا طول عمره الأهلى حديد
وهزيمة النهارده دى بس
عشان نفرّح الإسماعيلاوية
كشك وعماد .. ورضا رشيد
مع تحياتى

[سمير حسين]

أستاذنا الفاضل د . / حسن ..سعدت جدا بأهلويتكم وأستاذنا الباشا .. ولست متعصبا ولكنى شديد الإنتماء وهذا يجعلنى أتفاعل مع الأحداث وإلا ماكتبت حرفا وأكثر ما كتبت دعابات لا ترتقى لرؤية الأشياء كلها رمادية وهى كذلك رفع معنويات لأصدقائنا من مشجعى صاحب أجمل كورة وهو الإسماعيلى مبروك لهم وأتمنى أن يفرجها علينا المولى ونكسب الماتش القادم .. مع أطيب تحياتى ..

[سمير حسين]

.. روح رياضية ..

فضـــــــــــــــــــــلت أكلم نفسى

وتعبت من التفكـــــــــــــــــــــير

بعد ما خدنا الأربعــــــــــــــــــة

وأجوان ما لهــــــــــــاش تفسير

لا عندنا حـــــــــــــارس مرمى

ودفاعنا ف لحظة يطـــــــــــــير

أنــــــــــــــــا قلت أحجم نفسى

وبلاش وبلاها تفكــــــــــــــــير

وان حــــــــــــــــد كسب الأهلى

ممكن م الفرحــــــــــــــــة أطير

وعشان روحى الريـــــــــاضية

يارب هزيمة كمـــــــــــــــــــان

واجوان أكتر بكتـــــــــــــــــــير

...

[سمير حسين]

.. نهاية حلم ..

أظن بعــــــــــــــــــــد الحب ده

أبـــــــــــــــــــــــــــــدا ما فيش

بعد غـــــــــــــــــــروب شمسك

أنـــــــــــــــــــــا رافض أعيش

دا الجسم من غـــــــــــير روح

إزاى ممكن يعيـــــــــــــــــــش

...

صدقينى بقيت خـــــــــــــــلاص

ما عنــــــــــــــــــــــــديش كلام

وكأنى طفل وضــــــــــــــــــاع

وسط الزحــــــــــــــــــــــــــــام

دا الحب كان بينى وبينك حــلم

ودى نهــــــــــــــــــــــــــــايته

يا دنيا ... على الحب السلام

...