أعمال من تنفيذ الفنان محمد الآلاتي

[رائد عبد السلام]

المشاركة الأصلية كتبت بواسطة الألآتى

إخوانى الأعزاء

بناءً على طلب خاص من أخى وصديقى الأستاذ رائد المصرى

أقدم لكم وله اليوم نشيد : حى على الفلاح

كلمات : الأخوان رحبانى
وهناك معلومة تقول أنها من كلمات الشاعر عبد الوهاب محمد

ألحان : محمد عبد الوهاب

عزف وتنفيذ ومكساج والذى منه : العبد لله

أستاذنا الكبير
محمد الآلاتي

أولاً : مليون شكر علي سرعة الاستجابة
لطلب العبد لله
ثانياً :أنا اللي لفت نظري للأغنية دي بصوت عبد الوهاب... توزيعها
لإن فيها صوت ترومبيت تقريباً....بيعمل زي خلفية
للمذهب لما يتكرر....طول ما أملي معايا (في المرة الثانية للكورس..)
العجيب بقي إني لقيتك محافظ علي نفس الخلفية دي في توزيعك
يعني صاحي لها وعاجباك...وواخد بالك منها أوي
ودي بقي (الحرفنة ) والتميز الغير عادي في توزيعاتك

بالنسبة للكلمات ...برضه لاحظت إنه في أغنية عبد الوهاب
الكورس غير مصري و ده واضح من لهجته
ده بيؤكد إنها كلمات وتوزيع الأخوين رحباني
زي : ضي القناديل (حليم) ..... دوارين (نجاة)
أخيراً ... الواحد مش عارف يقول لك غير
ربنا يحفظ لك موهبتك الغير طبيعية...

كل الشكر ياعمنا الآلاتي
********
وعلشان الرخامة بتاعتي تكمل
ياريت ترفع لنا الموسيقي بتاعة التوزيع
علشان -علي رأيك- اللي عايز يهبهب !!

[ahmed noor]

استاذى
عمل اكثر من رائع

ما شاء الله على الابداع فى كل الالوان

انا مش بحسد والله

لكن الطمع بداءت اعراضه عليا

ربنا يستر بقه وميحصليش حاجه

[الألآتى]

وهذه موسيقى ( حى على الفلاح )

لمن يريد الهبهبة .. هبهب ياعفيفى ..

[محمودسعد]

بدايه
السلام علي من اتبع الهدي
السلام علي اهل البلد دي سماعي واللي منه سلام كبير لكل الناس اللي شرفونا ونورونا في فرح الالاتي ابو خالد اللي بيمسي علي كل المهبهبين اللي بيهبهبهم الالاتي وانا كواحد من المهبهبين الاوائل بمسي علي فصل تالته تالت وبصبح وامسي علي كل الاداره التعليميه الالاتيه المهبهبيه وعاش مولانا ومزازيك مولانا ويحيا محمد حسن الالاتي ويحيي ابوها وشنبو اللي ماحدش ضربو وعاش الزعيم المفدي محمد بك افندي خديوي الالاتي راعي شئون الموسيقي والتوزيع والتدريب والتعليم والتثقيف والتحليل والمو نتاج والمكساج والتهبيب
عاش مولانا ومزازيك مولانا حامي حمي الموسيقي العالميه الذهبيه التاريخيه الاصليه اللي مالهاش في المهلبيه عاش مولانا وتوزيع مولانا عاش سيدنا اللي بياخد ايدنا عاش عمنا اللي منا ومننا عاش الفقير الغني عاش الحنون ابو صدر يسيع العالم عاش مولانا وجنان مولانا عاش مولانا وجنان مولانا وعاش السيد محمد حسن الالاتي ابو خالد ابو محمد ابو حسام ابو الاصاله ابو الجدعنه وعاش مولانا وتعليم مولانا وعاش مولانا وشاي مولانا وسيجاره مولانا اللي بيشربهم وهو بيطبخ طبخه مولانا
عاش مولانا وطبيخ مولانا
عاش مولانا وتاريخ مولانا
عاش مولانا وتأريخ مولانا عاش مولانا ومزازيك مولانا ودماغ مولانا وعنين مولانا وايد مولانا والهوا اللي بيشموا ويستنشقوا مولانا
عاش محمد الالاتي
وربنا يديلك علي قد نيتك

[unicorn]

المشاركة الأصلية كتبت بواسطة الألآتى

وهذه موسيقى ( حى على الفلاح )

لمن يريد الهبهبة .. هبهب ياعفيفى ..

لا و الله
لو دى الهبهبة أمال النار و الولعة تبقى شكلها ايه يا مايسترو ,
تسلم صوابعك و يسلم صوتك يا أبو حسام .

[الألآتى]

المشاركة الأصلية كتبت بواسطة ahmed noor

استاذى
عمل اكثر من رائع

ما شاء الله على الابداع فى كل الالوان

انا مش بحسد والله

لكن الطمع بداءت اعراضه عليا

ربنا يستر بقه وميحصليش حاجه

هاهاهاها .. ميرسيه ياأحمد .. وتحت أمرك فى أى مساعدة لتصل إلى ماتريد بعون الله ..

[الألآتى]

المشاركة الأصلية كتبت بواسطة رائد عبد السلام

أولاً : مليون شكر علي سرعة الاستجابة
لطلب العبد لله

طلباتك أوامر ياعم رائد .. إنت تؤمر ياتيتشر ..

أما بالنسبة لمحافظتى على التوزيع .. فأنا بحب الأغانى دى علشان توزيعها ..

إزاى بقى اغير فى التوزيع أو ماخدش بالى منه ..

[مروان شلبي]

المشاركة الأصلية كتبت بواسطة الألآتى

إخوانى الأعزاء

بناءً على طلب خاص من أخى وصديقى الأستاذ رائد المصرى

أقدم لكم وله اليوم نشيد : حى على الفلاح

كلمات : الأخوان رحبانى
وهناك معلومة تقول أنها من كلمات الشاعر عبد الوهاب محمد

ألحان : محمد عبد الوهاب

عزف وتنفيذ ومكساج والذى منه : العبد لله

الأخ العزيز أبو حسام
بعد انقطاع بسيط عن المنتدى لضرورة العمل عدت فوجدت هذا العمل الجميل الذي أعادني إلى فترة حبيبة إلى قلبي وقلبنا جميعا حيث كان الفن الأصيل يشكل الريادة الفعلية في جمع المشاعر الوطنية في شتى إرجاء الوطن العربي الكبير.
العمل متكامل في جميع عناصره العزف الجميل والتقيد بالتوزيع الأصلي للأغنية وضعنا في جوها الحقيقي ثم تركيبة الكورس كانت معقولة ولكن الأجمل كان الغناء فقد استطعت أن تعبر عن معاني الأغنية بشكل جيد وكان الصوت في منتهى النظافة والدقة , وكنت أتمنى أن ترفع تراك الصوت درجة واحده وذلك كونك اعتمدت على طبقة منخفضة وكان القرار في صوتك نظيفا ودقيقا بحيث كان يستحق أن يكون أوضح من ذلك .
وشكرا

[محمودسعد]

المشاركة الأصلية كتبت بواسطة مروان شلبي

الأخ العزيز أبو حسام

بعد انقطاع بسيط عن المنتدى لضرورة العمل عدت فوجدت هذا العمل الجميل الذي أعادني إلى فترة حبيبة إلى قلبي وقلبنا جميعا حيث كان الفن الأصيل يشكل الريادة الفعلية في جمع المشاعر الوطنية في شتى إرجاء الوطن العربي الكبير.
العمل متكامل في جميع عناصره العزف الجميل والتقيد بالتوزيع الأصلي للأغنية وضعنا في جوها الحقيقي ثم تركيبة الكورس كانت معقولة ولكن الأجمل كان الغناء فقد استطعت أن تعبر عن معاني الأغنية بشكل جيد وكان الصوت في منتهى النظافة والدقة , وكنت أتمنى أن ترفع تراك الصوت درجة واحده وذلك كونك اعتمدت على طبقة منخفضة وكان القرار في صوتك نظيفا ودقيقا بحيث كان يستحق أن يكون أوضح من ذلك .

وشكرا

حمد الله علي السلامه ياحبيبي وحبيب الناس

[كمال عواد]

بترجعونا لاجمل الحان يا استاذ محمد ...........بجد حاجه ممتعه وجميله..........مجرد ان حضرتك تعيد الحاجات الجامده
دى ده معناه انك فنان من ساسك لراسك............وزى ماقلت لحضرتك قبل كده صوتك فيه براءه جميله ونقاء.........

الف الف شكر.......................