أخطاء نادرة في النص الغنائي - الصفحة 24

**hanyelwed** · #**231** 27/10/2008, 14h11

الناس زمان قالوا علشان الورد يتسقى العليق يعنى يكرم العليق اكراما للورد ولكن الاستاذ عبد الوهاب له رأى آخر

(علشان الشوك اللى فى الورد احب الورد) فهو احب الورد اكراما للشوك أو ربما دى توريه مقصوده (الله اعلم)

**جابر الحسيني** · #**232** 27/10/2008, 17h54

اقتباس:

المشاركة الأصلية كتبت بواسطة د.حسن

الأخوة والأخوات
سأبتعد قليلاً عن الموضوع
الخطأ المرفوع ليس خطأً غنائياً
وليس ملف صوتى ... بل ملف مرئى
سأترككم لتروه وتسمعوه و ... ماليش دعوة
هى إللى أخطأت !!!
مع تحياتى

مشكور يا د. حسن على المقطع ده أنا مت من الضحك

ياللاّ شدو حيلكو يا جدعان، كمان مقطعين ولاّ ثلاثة من النوعية ديه و الأخ حسن كشك صاحب الموضوع يروح في أبو نكلة

**د.حسن** · #**233** 28/10/2008, 00h38

اقتباس:

المشاركة الأصلية كتبت بواسطة جابر الحسيني

الأخ حسن كشك صاحب الموضوع يروح في أبو نكلة

أخى العزيز أ. جابر الحسينى
مُش عارف ليه بعد مشاركة حضرتك
هنـــــــا
حاسس إنك ح تودى حسنين فى أبو نكلة !!
مُش حسن واحد .. يالله ماهم توأم
مع تحياتى

**جابر الحسيني** · #**234** 07/11/2008, 23h44

اقتباس:

المشاركة الأصلية كتبت بواسطة جابر الحسيني

كمان مقطعين ولاّ ثلاثة من النوعية ديه و الأخ حسن كشك صاحب الموضوع يروح في أبو نكلة

بشوف التعليق ده و بيتولد عندي إحساس بالذنب زي ماكون كده فولت عالراجل، يرجع لنا بالسلامة.

نعود لموضوع الأخطاء الغنائية، كنت منذ مدة قد شاهدت برنامجا يعنى باللغة العربية و خلال سرد المقدم لمجموعة من الأخطاء الشائعة في اللغة أتى بمثال من الأغنية العربية و هو من قصيدة عيرتني للراحل ناظم الغزالي و ذكر بأن عيرتني بالشيب خطأ لغوي و أن الصواب هو عيرتني الشيب و للأسف قد نسيت التفسير الذي أورده، فأردت أن أستفسر منكم و أرى رأيكم فيما قاله مقدم البرنامج، خصوصا و أن المنتدى يضم أساتذة أفاضل ممكن يفيدونا في هذا الباب.

**momodarwish** · #**235** 20/11/2008, 05h59

فى أغنية عليك صلاة الله و سلامه..قالت أسمهان ( على منى وعرفات لله) بضم الميم و هى بالكسر....أشكركم على الموضوع الجامد ده

**Islam Eidrisha** · #**236** 20/11/2008, 08h13

ممكن سؤال برئ يا دكتور حسن
السؤال ده مهم جدااااا بالنسبالك
هي هاله صدقي أخبارها إيه دلوقت؟؟؟

**د.حسن** · #**237** 20/11/2008, 08h17

اقتباس:

المشاركة الأصلية كتبت بواسطة إســـلام

ممكن سؤال برئ يا دكتور حسن
السؤال ده مهم جدااااا بالنسبة لك
هي هاله صدقي أخبارها إيه دلوقت؟؟؟

كل اللى أقدر أقوله لك
يا إسلام يا أخويا
إنى لسه برئ
لحد دلوقتى
مع تحياتى

**غواص النغم** · #**238** 28/11/2008, 01h45

إستمعت بالأمس صباحا لأغنية لوردة على اذاعة الاغاني
وبعد ان انتهت الاغنية المذيعة قالت:غنت وردة من كلمات والحان ...
ثم صمتت وقالت لا مش ح اقول لأنني غير متأكدة من اسم المولف والملحن
وانا غير مصدقة ان هذه الاسماء قد تعاملت مع وردة
*************************
ورفضت النطق باسمي المولف والملحن حتى لاتتحسب عليها نقطة
وانا بقولها برافو أحسنتِ
حسيت وكأنها متابعة لهذا الموضوع
وهذا جيد ويعتبر نجاح للموضوع
تحياتي

**نبيل عبد الرحمن** · #**239** 28/11/2008, 20h00

ليه كل الأزهار بتحبك والطير والناس
علشان الرقة اللى فى قلبك ولا الإحساس

**جابر الحسيني** · #**240** 30/11/2008, 23h22

الأغنية الشهيرة اللتي غناها عبده السروجي من ألحان السنباطي و غنتها بعد فترة قصيرة أم كلثوم، هي تبقى :
على بلد المحبوب وديني بمعنى بلاد الحبيب،
أو تبقى على بلدي المحبوب وديني بمعنى بلادي أنا المحبوبة.