ليه خيالك .. وأعمال أخرى

[سمير حسين]

.. الأستاذة عفاف .. تحياتى لسيادتك .. وأشكر مروركم الكريم الذى يُضفى على موضوعاتى البهجة بتعليقاتكم الرقيقة ويُدخل فى نفسى السرور .. لك ِ كل الشكر .. ورمضان كريم ..

كلامك إنت الأجمـــــــــــل
يا كاملة الأوصـــــــــــاف
الشكر ليكِ كتـــــــــــــــــير
يا أختى العزيزة عفــــاف
...

[سمير حسين]

.. أهلاوى زعلان ..

ليلة صعبة علينــــــــــــــــا
وتقيلة على قلبنــــــــــــــــا
يوم ما الشبيبة غلبكــــــــوا
وحرقتم دمنـــــــــــــــــــــا
...
مُش لازم نقــــــــول العيب
فى الأرض والحكــــــــــام
لكن سبب الهزيمـــــــــــــة
كان من عنـــــــــــــــــــدنا
...
عملنــــــــــا ماتش ضعيف
وكان مُِش ع المستـــــــوى
دا يومهـــــا ما تسحـــرتش
ونمنـــــــــــا كلنـــــــــــــا
...
فرحتوا الزمالك فينــــــــــا
وعابوا على لعبنـــــــــــــا
وإحنا بصراحة كنـــــــــــا
لعيبة على قدنــــــــــــــــــا
...
عايزين منكم رجـــــــــولة
و الماتش على أرضنـــــــا
المكسب يبقى جــــــــــــامد
وتفتحوا نفسنـــــــــــــــــــا
...

[سمير حسين]

.. الجواز ..

أول سنة فى الجـــــــــواز
أيام سعادة وصفــــــــــــو
...
تانى سنة منـــــــــــــــــه
صابنى العبط والسهــــــو
...
تالت سنة اتغيـــــــــــرت
جانى الخبل واللهـــــــــو
...
وبعد رابـــــــــــــــع سنة
مستنى ييجى العفـــــــــو
...

[سمير حسين]

.. يا قلبى إنسى ..

يــــــــــــــــــــا قلبى إنسى
وارْضىَ بنصيـبـــــــــــــك
دا اللى من بختــــــــــــــك
لازم يصيبــــــــــــــــــــك
يا قلبى إنسى
...
إياك تفكـــــــــــــــــــــــــر
فى الحب تــــــــــــــــــانى
ما خلاص نصيبـــــــــــــك
عدى ف ثــــــــــــــــــوانى
يا قلبى إنسى
...
إنت اللى عــــــــــــــــارف
إيه اللى نــــــــــــــــــــــابك
ما شفت منــــــــــــــــــــــه
غير طول عـــــــــــــــذابك
يا قلبى إنسى
...
هو أنت فـــــــــــــــــــــــاكر
إنه فاكـــــــــــــــــــــــــــرنا
أحلف وأقـــــــــــــــــــــــولك
دا حَب غيرنــــــــــــــــــــــا
يا قلبى إنسى
...

[بلقيس الجنابي]

رمضان كريم سيدي
كل عام وأنتم إلى الله أقرب

صدقا مررت سريعا فقط وأقولها لك"
ألوم نفسي على عدم درايتي لكل هذا الجمال تراث عربي حدوته مصرية
بحق ذكرتني بالحكواتي

ساعود لإقرأها من البداية بعد الإفطار طبعا
رمضان كريم يالطيب
عاشت ايدك

[محمد رمضان ماضي]

المشاركة الأصلية كتبت بواسطة سمير حسين

.. فكرة ..

عزمت واحـــــــــــــد ع الفطار
كانت معرفتـة إنتحــــــــــــــــار
اللحمة كانت من نصيبـــــــــــه
وسابنى أقزقز ف االخيـــــــــــار
...

بسم الله الرحمن الرحيم
أخي سمير المرة القادمة
اعزم صاحبك دا وأعزم معاه صاحبك الأولاني،
وساعتها مش هتلاقي يا ولداه حتى الخيار.

تحياتي ومحبتي أخي سمير
السلام عليكم ورحمة الله وبركاته.

[سمير حسين]

.. شكر وتقدير للشاعرة الكبيرة / بلقيس الجنابى ..

.................
لما رأيتهـــــــا فى صفحتى
كـَتبـــــــــــت وحْيت كلمتى
قلبى إنشرح منهــــــــــــــا
وزادت فــــــــــــــــــرحتى
...
بنت الكــــــــــــــــــــــــرم
بنت الأصــــــــــــــــــــول
كلامها يُدخـُل فى العقــــول
ينور الضلمة اللى فيهـــــا
ويجْلى بالحب الصـــــــدور
...
الشـّعرهو دُنيتــــــــــــــــك
بنشوف ونقــــــرا رباعيتك
ياللى كتبتى عن المحبـــــة
فى قلوبنا زادت محبتــــــك
...
رمضان كريم ياستنــــــــــا
وجميل نشيله على رأسنــــا
الليلة دى أجمل ما فيهـــــــا
مرورك سيادتك عندنـــــــا
...

[سمير حسين]

.. أخلعينى .. حلويات بعد الإفطار ...

بتقوليلى زهقت منــــــــــك
شيل هــــدومك روح لأهلك
إستحالة العيشة بينـــــــــــا
ربنــــــــــــا يخلصنى منك
...
إنت ناسية لم كنتِ بتلومينى
وتقوليلى يا ابن خــــــــــالى
راح أشيلك ف نن عــــــينى
أتارى دا كــــــــان لؤم منك
عشان أحبــــــك وتتجوزينى
...
النهـــــــــــــــاردة بتشتكينى
وعايزه تجـــــرى وتسيبينى
والأكــــــــــــادة اللى تاعبنى
رافعة دعوى كمان عليـــــــا
عايزه إيه ! قال تخلــعينى
...

[ليلى ابو مدين]

بسم الله الرحمن الرحمن
أخي الكريم وشاعرنا الكبير
الاستاذ سمير حسين
أسعدك الله بكل خير
أناأول مره أدخل على صفحة "ليه خيالك..وأعمال أخرى"
والحقيقه فوجئت بأشعار غايه فى الرقه والبهجه
وأعجبنى جداً ما قرأت واسمح لي لم أمنع
نفسي من الضحك ابتهاجاً
وسعاده
متعك الله بالصحه واسعدك بكل خير
شاعرنا الكبير
أختك ليلى ابو مدين

[سمير حسين]

.. الأستاذة / ليلى أبو مدين .. كل عام وأنتم بخير .. زادنى شرفا أختى العزيزة ما قرأته عن كتاباتى وهذه شهادة من أخت كريمة .. لك شكرى وامتنانى ودعائى بدوام الصحة والسعادة والبهجة والسرور .. مع خالص تحياتى