كلمات بعض أغاني كوكب الشرق

[علي سيف]

الحب كده
الحب كده وصال ودلال ورضا وخصام
اهو من ده وده الحب كده مش عايز كلام
الحب كده
حبيبي لما يوعدني تبات الدنيا ضحكالي
ولما وصله يسعدني ما افكر في اللي يجرالي
ينسيني الوجود كله ولا يخطر على بالي
ولما طبعه يتغير وقلبي يبقى متحير
مع الافكار ابات في نار وفي حيرة تبكيني
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
حبيب قلبي يا قلبي عليه ولو حتى يخاصمني
ويعجبني خضوعي اليه واسامحه وهو ظالمني
وبعد الغيم ما يتبدد وبعد الشوق ما يتجدد
غلاوته فوق غلاوته تزيد ووصله يبقى عندي عيد
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
يا سعده اللي غرف مرة حنان الحب وقساوته
ويا قلبه اللي طول عمره ما داق الحب وحلاوته
تشوفه يضحك وفي قلبه الاسى والنوح
عايش بلا روح وحيد والحب هو الروح
حبيب قلبي وقلبي معاه بحبه في رضاه وجفاه
اوريه الملام بالعين وقلبي على الرضا ناوي
بيجرح قد ما يجرح ويعطف تاني ويداوي
اهو من ده وده الحب كده مش عايزة كلام
الحب كده


كلمات: محمود بيرم التونسي
ألحان: رياض السنباطي
مقام: بياتي
تاريخ: 1965

[علي سيف]

القلب يعشق كل جميل
القلب يعـشق كـل جميل
وياما شفت جمال يا عين
واللي صدق في الحب قليل
وإن دام يدوم يوم ..ولايومين
والـلـي هـويته اليوم
دايـم وصـــالــه دوم
لا يعاتـب اللي يتـوب
ولا في طـبـعـه الـلـوم
واحــد مفيـش غيره
مــلا الوجــود نـوره
دعـــانـي لبيتـه
لحـد بـاب بــيـتـه
ولــمـا تـجـلالــي
بالــدمـع نـاجـيـتـه
كـنـت أبـتـعد عـنـه
وكــان يـنـادينـــي
ويـقـول مـصـيرك يـوم
تخـضـع لـي وتـجـينـي
طاوعــني….. ياعـبـدي
طـاوعـنـي أنا وحــدي
مالك حبيب غيري قبلي و لا بعدي
أنـا الـلـي أعـطـيـتك
مـن غـير مـا تـتـكـلـم
وأنـا الـلـي عـلـمـتك
مـن غـير مـا تـتـعـلـم
والـي هـديـتـه إلـيـك
لـو تـحسـبـه بـاديــك
تـشـوف جـمـأيـلـي عـلـيـك
من كـل شـئ …أعـظـم
ســلـم لـنـا تـسـلـم
دعــانـي لــبـيـتـه
لـحـد بــاب بـيـتـــه
ولـمـا …. تـجـلالـي
بـالـدمـع نـاجــيــتـه
مـكـه وفيها جبال النـور
طـالـه علي البـيـت الـمعمور
دخـلـنا بـاب الـسـلام
غـمـر قـلـوبـنـا الـسـلام
بـعـفـو رب غـفـور
فـوقـنا حـمـام الحـمي
عــدد نــجـوم الـسـمـا
طـأيـر علينـا يـطـوف
ألـوف تتـابـع الـــوف
طايريهني الـضـيـوف
بالـعـفـو والـمرحـمـة
والـلـي نـظـم سـيـره
واحــد مـفـيـش غـيره
دعــانـى لـبــيـتـه
لـحـد باب بـيـتـه
ولــمـا تـجـلالــى
بالــدمـع نـاجـيـته
جـيـنـا عـلـى روضـه
هــالـه من الـجـنـه
فـيهـا الأحـبـة تـنـول
كـل الـلـى تـتـمـنى
فيها طرب و سرور
و فـيـهـا نـور عـلـى نور
وكـاس مـحـبـة يدور
والـلـى شـرب … غـنـى
ومـلايـكـة الـرحـمـن
كـانـت لـنـا … نـدمـان
بالـصـفـح والـغـفـران
جاية تبشرنا
يـاريـت حــبـايـنـا
يـنـولـوا مــــا نـلـنا
يــارب تــوعــدهـم
يــارب واقــبــلـنـا
دعـــانـى لـبـيـتـه
لـحـد بــاب بـيـتــه
ولــمــا تـجـلالـى
بالــدمـع نــاجـيـتــه


كلمات: محمود بيرم التونسي
ألحان: رياض السنباطي
مقام: بياتي
تاريخ: 1971

[علي سيف]

الليل يطول ويكيدني
الليل يطول ويكيدني والفجر اسي بيضنيني
وبلبل الصبح يزيدني انينه من جنس أنيني
يبقى يغنّي
والدمع بيفيض من عيني
غصباً عنّي
صـــبّرت قلبي اللي شبكني وقلت مـــهلا يا جفوني
الحب ما رضيش يطاوعني والشوق غلب قلبي وعيني
خيّب ظني
ورجعت للنوح يواسيني
غصباً عنّي
ليه يا غرامي بتألمني وتهرب النوم من عيني
عمـلت إيه بتعذبني وتســــــــيبني للنار تكويني
ليه تأسرني
واسي من سهد جفوني
غصباً عنّي
مين اللي يقدر ينصفني غير الحبيب اللي ضناني
يبعد شجوني ويرحمني ويشفي قلبي اللي رماني
كان يسعدني
والدمع يبعد عن عيني
غصباً عنّي


كلمات: حسين حلمي المنسترلي
ألحان: زكريا احمد
مقام: راست
تاريخ: 1931

[علي سيف]

البعد علمني السهر
البعد علمني السهر
والليل يطول الليل يطول ع الللي انشغل
يا بهجة الروح والنظر
الهجر طال والدمع سال والقلب طاير بالامل
واسي الجريح واعطف عليه
واشفي الفؤاد اللي انكوى
وعود تعود الروح اليه وصلك هوى بعدك ضنى
هجرك عذاب قربك دوا



كلمات: احمد رامي
ألحان: داود حسني
مقام: حجاز كار
تاريخ: 1931

[علي سيف]

جددت حبك ليه
جددت حبك ليه بعد الفؤاد مارتاح
حرام عليك خليه غافل عن اللى راح
ده الهجر وانت قريب منى كان فيه أمل لوصالك يوم
لكن بعادك ده عنى خلى الفؤاد منك محروم
ياهل ترى قلبك مشتاق يحس لوعة قلبى عليك
ويشعلل النار والأشواق اللى طفيتها إنت بأيديك
دنا لو نسيت اللى كان وهان على الهوان
أقدر أجيب العمر منين وأرجع العهد الماضي
أيام ماكنا احنا الاتنين أنت ظالمنى وانا راضي
صعبان على أقول لك كان والحب زى ماكان واكتر
وافكر بليالى زمان واوصف فى جنتها واصور
إنت النعيم والهنا وانت العذاب والضنى
والعمر إيه غير دول
إن فات على حبنا سنه وراها سنة
حبك شباب على طول
إنت اللى فات بنعيمه وراح وفات لى طيفه فى خيالى
أسهر معاه الليل سواح عايش على العهد الخالي
وانت اللى فات بضناه وشقاه وساب لى ناره فى ضلوعي
أن مر ع الخاطر ذاكره تنزت من الوجد دموعى
ياللى قضيت العمر معاك ارضى بجفاك واتمنى رضاك
أنت النعيم والهنا وانت العذاب والضني
والعمر ليه غير دول
إن فات على حبنا سن وراها سنة
حبك شباب على طول
ياللى هواك فى الفؤاد عايش فى ظل الوداد
انت الخيال والروح وانت سمير الأمل
ييجنى الزمان ويروح وانت حبيب الأجل
وازاى أقول لك كنا زمان والماضى كان فى الغيب بكره
واللى أحنا فيه دلوقت كان ح يفوت علينا ولا ندرى
ولما أكون وياك هايم فى بحر هواك
مااعرفش إيه فات من عمرى إن كان رضا أو كان كان حرمان
وافضل وبس أنت فى فكرى ياللي بحبك زى زمان


كلمات: احمد رامي
ألحان: رياض السنباطي
مقام: نهوند
تاريخ: 1952

[علي سيف]

إلى لقاء قريب ان شاء الله لتكملة باقي الكلمات

[علي سيف]

حكم علينا الهوى
حكم علينا الهوى نعشق سوا يا عين
واحنا اللي قبل الهوى شوف كنت فين وانا فين

وآه يا ليلي آه ع الوعد والمقسوم
يا ليل يا عيني آه ع الوعد والمقسوم

لا تحوشه لا .. ولا آه ما بين عيون و قلوب

حكم علينا الهوى نعشق سوا وندوب
صدق اللي قال الهوى فوق الجبين مكتوب

---

السعد وعد يا عين والإسم نظرة عين
وانا وانت روح مغرمة كان حظها من السما
واتجمعوا القلبين

وآه يا سلام ع الهوى آه يا سلام سلم يا سلام
خلانا من قلبنا بالفرحة نتكلم يا سلام

وآه يا ليلي آه ع الوعد والمقسوم
يا ليل يا عيني آه ع الوعد والمقسوم

لا تحوشه لا .. ولا آه ما بين عيون و قلوب

حكم علينا الهوى نعشق سوا وندوب
صدق اللي قال الهوى فوق الجبين مكتوب

---

الأوله .. يا أنا بنقولها تحيينا
والثانيه آه يا هنا احضن ليالينا
والتالته آه يا هوى
سلمنا ليك أمرنا ولقينا فيك عمرنا
وأجمل أمانينا

وآه يا سلام ع الهوى آه يا سلام سلم يا سلام
خلانا من قلبنا بالفرحة نتكلم يا سلام

وآه يا ليلي آه ع الوعد والمقسوم
يا ليل يا عيني آه ع الوعد والمقسوم

لا تحوشه لا .. ولا آه ما بين عيون و قلوب

حكم علينا الهوى نعشق سوا وندوب
صدق اللي قال الهوى فوق الجبين مكتوب

---

قالوا المحبة قدر أنا قلت جمعنا
والقرب تمم لنا .. وادّى الحياة معنى

خلا الليل يا حبيبي يعدي .. وانا وياك في ثواني
بعدنا كان اليل وانا وحدي .. بيطوّل حرماني

من حبك يا روحي نور الفرح بان
وف ضلّك يا روحي حسيت بالأمان
والحظ ابتسم لي وضحك لي الزمان

وآه يا سلام ع الهوى آه يا سلام سلم يا سلام
خلانا من قلبنا بالفرحة نتكلم يا سلام

وآه يا ليلي آه ع الوعد والمقسوم
يا ليل يا عيني آه ع الوعد والمقسوم

لا تحوشه لا .. ولا آه ما بين عيون و قلوب

حكم علينا الهوى نعشق سوا وندوب
صدق اللي قال الهوى فوق الجبين مكتوب


كلمات: عبدالوهاب محمد
ألحان: بليغ حمدي
مقام: راست
تاريخ: 1973

[علي سيف]

ظلمنا الحب
انا وانت .. ظلمنا الحب ظلمنا الحب بايدينا
وجنينا عليه .. وجرحناه ما داب حوالينا
ما حدش منا كان عايز يكون ارحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بنلقاه .. انا وانت
انا وانت اللي كنا زمان احب اتنين واحن تنين
وكان اكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
انا وانت
انا وانت ظلمنا الحب بالغيره وجبنا للظنون سيره
وقطعنا الامل مرات ما بين الشك والحيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
 انا وانت
انا وانت .. نسينا نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا يفوت اصعب من امبارح
نسينا رقه العاشقين قسينا واحنا مش داريين
نسينا ازاي كده نسينا وايه ده اللي جرى لينا
انا وانت
انا وانت .. ظلمنا الحب ظلمنا الحب بايدينا
وجنينا عليه .. وجرحناه ما داب حوالينا
ما حدش منا كان عايز يكون ارحم من .. التاني
ولا يضحي عن .. التاني
وضاع الحب .. ما بين عند قلب وقلب
ضاع الحب .. ودلوقت لا انا بنساه
ولا بتنساه ولا بنلقاه .. انا وانت
انا وانت اللي كنا زمان احب اتنين واحن تنين
وكان اكبر خصام بينا يدوب في يومين يا دوب في يومين
خصامنا ليه النوبه دي زاد وخلّى الخطوه بينَّا بلاد
فرقنا على طريقين وضاع الحب ضاع
وضاع الحب ما بين عند قلب و قلب
ودي الوقت لانا بنساه ولا بتنساه ولا بنلقاه
انا وانت
انا وانت ظلمنا الحب بالغيره وجبنا للظنون سيره
وقطعنا الامل مرات ما بين الشك والحيره
وكان الحب بينّا كبير صغر لما ابتدينا نغير
وبردت نار وقادت نار وبرضه مشينا في التيار
 انا وانت
انا وانت .. نسينا نتعاتب ونتصارح
وعز عليك تسيب العند وتسامح
وعز علي اكون البادي واتصالح
واصبح كل يوم بينا يفوت اصعب من امبارح
نسينا رقه العاشقين قسينا واحنا مش داريين
نسينا ازاي كده نسينا وايه ده اللي جرى لينا
انا وانت



كلمات: عبدالوهاب محمد
ألحان: بليغ حمدي
مقام: بياتي
تاريخ: 1962

[علي سيف]

على بلد المحبوب
على بلد المحبوب ودبني
زاد وجدي والبعد كاويني
ياحبيبى انا قلبى معاك
طول ليلي سهران وياك
تتمنى عينى رؤياك
أشكي لك وأنت تواسينى
يا هنايا لما افرح بيك
واتهنى بقربك وانعيك
وعنيه تبقى في عنيك
احكيلك وانته تراعيني
يامسافر على بحر النيل
أنا ليه فى مصر خليل
من حبه مابنام الليل
على بلد المحبوب ودينى


كلمات: احمد رامي
ألحان: رياض السنباطي
مقام: بياتي
تاريخ: 1935

[علي سيف]

انت عمري
رجعوني عنيك لأيامي اللي راحوا
علموني أندم على الماضي وجراحه

اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

---

قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة

ولا ذاق في الدنيا غير طعم الجراح
ابتديت دلوقت بس أحب عمري

ابتديت دلوقت اخاف لا العمر يجري
كل فرحه اشتاقها من قبلك خيالي

التقاها في نور عنيك قلبي وفكري
يا حياة قلبي يا أغلى من حياتي

ليه ما قابلتش هواك يا حبيبي بدري
اللي شفته قبل ما تشوفك عنيه

عمر ضايع يحسبوه إزاي عليّ
انت عمري اللي ابتدي بنورك صباحه

الليالي الحلوه والشوق والمحبة
من زمان والقلب شايلهم عشانك

ذوق معايا الحب ذوق حبه بحبه
من حنان قلبي اللي طال شوقه لحنانك

هات عنيك تسرح في دنيتهم عنيه
هات ايديك ترتاح للمستهم ايديه

يا حبيبي تعالى وكفاية اللي فاتنا
هو اللي فاتنا يا حبيب الروح شويه

اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

---

يا أغلى من أيامي
يا أحلى من أحلامي

خدني لحنانك خدني
من الوجود وابعدني

بعيد بعيد أنا وانت
بعيد بعيد وحدينا

ع الحب تصحى أيامنا
ع الشوق تنام ليالينا

صالحت بيك ايامي
سامحت بيك الزمن

نستني بيك آلامي
ونسيت معاك الشجن


رجعوني عنيك للأيامي اللي راحوا
علموني أندم على الماضي وجراحه

اللي شفته قبل ما تشوفك عنيه
عمر ضايع يحسبوه إزاي عليّ


كلمات: احمد شفيق كامل
ألحان: محمد عبد الوهاب
مقام: كرد
تاريخ: 1964