البيت الكبير

[سمير حسين]

الشاعر القدير المبدع
طارق العمرى
سعادتى غامرة بتواجدكم الرائع دائما وبما تقدمه من
أعمال رفيعة المستوى ذات دلالات ومواقف

الباب يلاقى الأحبة
و الضلفتين جناحين
ينفتحوا من بس دبة
و لا محتاجين مُفتاحين

هذه الأبيات كانت دافعى للتواصل مع الشاعر الكبير
صاحب البيت الكبير ووجدت بابك مفتوحا للقاء الأحبة
وهذا الحنان الدافىء فى كلماتك مما أشعرنى باللمة والصُحبة
والجيرة .. أنه بيت الحب الكبير لصاحب القلب الكبير

ساعة الشدايد تمَلِّى
تلقى المدد كله جالك
شجرة و فروعها تِدَلِّى
ترويها بس بوصالك

هذا من أصلك وكرمك تحدثنا عن وطنك الكبير .. نشعر
أننا فى دارك .. أستطعت أن تطوف بنا لنتذكر كل ما هو جميل
ونتمنى أن يعود هذا الزمان .. لكن سعادتى أن باب
البيت الكبير لشاعرنا الكبير مفتوحا للجميع

لك تحياتى وتقديرى
...

[NAHID 76]

بسم الله الرحمن الرحيم
أيوه والله استاذ يا ثائر
البواب مفتوحه من الصبح ومحدش محتاج تلفون يستأذن قبل ما يزور
تروح فى اى وقت تلاقى وجبك معمول حتى لو شويه شاى مع قرصتين ومعاهم السمر والضحك والكلام
ونسيت الاطباق الطائره للجيران المحشى والمخلل
اللى تتبادلهم السيدات ومفيش شيكات تودى فى ستين داهيه والميت له قدسيته والشارع كله حزين وتلغى الافراح مجامله والراديو صوته ميعلاش
والفرح كان فرح مش دفتر تمضى فيه حضور وانصراف
ايو يا ثائر هو ده البيت الكبير
تحياتى على الضلفتين

[Tarek Elemary]

المشاركة الأصلية كتبت بواسطة ليلى ابو مدين

بسم الله الرحمن الرحيم

الشاعر الاسكندراني الكبير
الاستاذ طارق العمري
يا سلام يا سلام يا شاعرنا على بيت العيله واللمه والكرم
وحسن الضيافه
إيه الحلاوه دي كلها....مقطوعه شعريه جميله تلخص ما نفتقده
الآن من (لمة العيله في البيت الكبير) بعد أن فقدنا أعز الحبايب
وإفتقدنا السند لنا في الحياه بعد الله سبحانه وتعالى
وتفرقت بنا السبل الاخوه والاخوات كل في بلد بعيد كل البعد
عن الاخر
فجاءت قصيدتك لتذكرنا بما إفتقدناه من تجمع الاهل والاصحاب والجيران والاحباب جميعاً وبذكريات حلوه ليتها تعود.
سلمت يداك يا شاعرنا على ما نظمته من كلمات واضحه
سلسه ذات معاني غايه في الروعه
وفقك الله والى الامام دائماً
مع خالص تحياتي وتقديري واحتراماتي
ليلى ابو مدين

***

أنت سيدة فاضلة ........... يا ليلى هانم
كل سنة و أنت طيبة و يا رب أستطيع أن أسعد عينيك بكتاباتى و تنال دوماً إعجابك و أكون عند حسن ظنك

[عفاف سليمان]

المشاركة الأصلية كتبت بواسطة Tarek Elemary

عفاف هانم ................ ليه قلبتيها نكد كده ............. الذكرى للتأسى و إسترجاع الأشياء الجميلة و لو بالوجدان ......... و ليس البكاء على اللبن المسكوب ........ سنة الحياة أن آخرها فراق

كل سنة و أنت طيبة و سعيدة بنجاح أولادك يا أم أيمن ..... (إسم جميل أم أيمن) قابلة الرسول صلى الله عليه و سلم

((( عليه افضل الصلاة والسلام)))
اخى الكريم الشاعر الرقيق
(((الاستاذ طارق)))
اعذرنى والله لم اقصد بس
يمكن لان وقتها كنت فى حاله من الضيق وتذكرتهم جميعا
ودائما فى شوق لهم فاعذرنى استاذى ان كنت كتبت هذه الكلمات بفيض من الالم والحزن
واتمنى لك السعاده لك ولاسرتك الجميله وكل اخوننا الكرام فى سماعى الجميل
وكل سنه وانت طيب ويسعدك ايضا فى اولادك وما تشوف اى شر اللهم آمين
وحلو اسم ايمن الكثير ينادوننى به رغم ان حماده هو الاكبر لكن لا يمنع ان يكون ام ايمن
وربنا يحلى دنيتك
ارق تحياتى
اختك عفاف
(((ام ايمن)))

[abuzahda]

المشاركة الأصلية كتبت بواسطة Tarek Elemary

البيت الكبير

يا دار و مليانة فرحة

يا ذكرايات الحبايب

يا نخلة بالحب طارحة

شايلة نصيب اللى غايب

ضُليلة شِرحة و بِرحة

ياما دُوقْنا فيها الأطايب

كل الجِدور اللى سارحة

جامعة الجيران و النسايب

حُضْن القلوب المِسامحة

بيضُم كل القرايب

أبويا كان بانى صَرْحَه

و أنا قلبى فى ترابه دايب

***
الباب يلاقى الأحبة

و الدرفتين جناحين

ينفتحوا من بس دَبَّة

و لا مِحْتاجين مفتاحين

ورا سِحر عين نِستِخَبَى

بالورد و الرياحين

و لا يوم قَفَلْناه بِضَبة

ماهو أصلِنا ... فلاحين

الأب أدِّب و ربَّى

و مالى مخزن طِحِين

اللى مِحتاج جَهْ و عَبَّى

و لا كان سلف و لا دين

***
أهل الكرم همَّ أهلى

لو حتى سكنوا الزمالك

لا عمرى يوم أنسى أصلى

و لا قلبى حِمل المهالك

ياما ناس و عملوها قبلى

و أنا عمرى ما أبقى كذلك

صحيح من الطبع بأغلى

لكن دا عمك و خالك

ساعة الشدايد تمَلِّى

تلقى المدد كله جالك

شجرة و فروعها تِدَلِّى

ترويها بس بوصالك

البيت الكبير
يجعله عامر ، يا ابو عمر

زي قلبك الكبير ، يا شاعِر

خليها: الدرفتين ، أحسن ....
زي ما بنقولها عندنا