قصاد عيني بقيت تضعف

[علاء طه ياسين]

الأخت الفاضلة
رغد اليمني

محبوس ورا أسوار حديد
والقلب لو يقدر يفوت
واذا قلبي مل من الأغاني
صدقيني خلاص يموت
لكن ساعات كتير يكون
أحسن كلام هو السكوت
.......................................
عود أحمد وإن شاءالله تكون أخر الغيبات
أعجبتنى كثيراً هذه السيمفونية العذبة التى أطربتنى بهذا الصباح..
وكأن طوفان الحب أقتلع الإحساس من القلوب..

.................................................. .....................

كل ده ليا أنا ..
الله يسترك .. ويكرمك ..
..........................................
مني ليكي وردة
وشوية كلام أتمني يكونوا حلوين
....
العشق صدفة تلمنا
يعني مهوش ترتيب
العشق بنت بترسم الجنة ..
في كف حبيب ..
العشق هو جواز سفر ..
لمداين الأحلام ..
والخوف يحاوط بسمتك ..
خايف يروح ويغيب ..
...
العشق طلاية قمر ..
العشق غنوة مفرحة ..
يعني مهوش اتنين كده ..
غاويين فنون المسرحة ..
في العشق تلقي واد وبنت ..
واقفين علي الناصية ..
ومش في بالهم أي شيء ..
لو حتي بقيت مدبحة ..

أتمني علي الله أن تكوني من السعداء

علاء

[حمدي السمر]

حمدله علي السلامة يا استاذ ... علاء يا سين

عدت وعادت معك نكهة حروفك الانيقة
تسلم علي هذا الجمال

[سعدالشرقاوى]

شقيق روحى/ابوياسين
من حق المسلم على المسلم
(اذا اقسم عليه أن يبرّه)
عموما مش وقته
نحمدالله على سلامتك
وطالما معك مفاتيح القلوب
فقد ذابت الابواب امام مقدمت العودة
اطلع على الجبل فى العصارى
يمكن تلاقى شبكه

[علاء طه ياسين]

الشاعر الرقيق
حمدي السمر

أمسياتي الحالمة بيها
ديمه تحلم بالتلاقي
ترمي وعد الشوق عليها
تسرق الوعد السواقي
والنخيل بيمد ضل
والقمر لما يهل
يبتسم ثغر الحبيبة
تضحك الأرض الشراقي

انت إنسان كريم الأصل ..
كلماتي - مهما قولت -
لن تستطيع التعبير عن مدي حبي لك ..
علاء

[علاء طه ياسين]

توأمي

وشقيق روحي

وحبيبي

سعد الشرقاوي

يا ابو قلب أخضر حنون

وفيه غناوي كتير

والدم زي العسل

يا فارس الأساطير

تركب حصان الكلام

وتروح بعيد وتطير

وتجيب نجوم السما

متلضمين بحرير

حقك عليا .. وآسف

يابو قلب مليان خير

غلطت وانا الصغير

فسامحني دا انت كبير

سامحني يا ابو مدحت

وحقك عليا

انا مقصر معاك كتير

وعارف مليش عذر

لكن طمعان في ذوقك وكرمك

وعشمان فيك ..

أخوك

علاء

[yosry_at]

بقولك انى مش فاكره
وف بعادك أكيد قادرة
أعيش عادي بدون رؤياك
...
باداري شوقي وبأبين
واقول إن الفراق هين
وانا من قلبى بتمناك
...
وليه وازاى انا باقوى
عليك ومبينه القسوه
وانا كلى حنين لهواك
...
بأحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء
اخى علاء طه
جميل جدا انك تكتب والاجمل اننا نقرا ونستمتع
فهذا الشعر السلس لا يكتبه الا صاحب قلب كبير فشكرا لكلماتك الرقيقه
يسرى عطيه سليمان

[علاء طه ياسين]

الأستاذ الفاضل
يسري عطية

أول مرة تشرفني بزيارتك
وده من حسن حظي
إن شاعر كبير زيك يطل طلة حلوة علي موضوعي
اقبل مني الوردة دي

من حب لحب يا قلبي ..
ولا تزعل ولا تتضايق ..
غيرك ضيع أيامه ..
وانت ضيعت دقايق ..
ودا طبع البنت الحلوة ..
تشاورلك وتغنيلك ..
لو مش بترد عليها ..
تيجي لعندك تحكيلك ..
وان رحت متيم ليها ..
تنظر ف الأرض عنيها ..
وكانها لا ابتسمت لك ..
ولا كانت عاوزة تجيلك ..

علاء

[yosry_at]

العزيز علاء طه
سهل انك تكتب ولكن ليس من السهل ان يدخل القلب كل مايكتب
فالمعنى جميل والرتم الموسيقى رائع والكلمات رقيقه ويارتنى مطرب
تحيه من القلب
يسرى عطيه سليمان

[علاء طه ياسين]

الشاعر الرائع
يسري عطية

هذا الكلام الجميل أعتبره وساما ..
شَكَرَكَ قلبي قبل لساني ...
وتحيتك التي من القلب وصلت إلي القلب ..
ولك مني تحية أرق من نسائم باردة في ليلة صيف حارة ..
............
مابين ساقية وبين توتة
بيهرب حلمنا العطشان
وقلبي سجين في حدوتة
ودايب في المرار دَوَبان
................
علاء

[عفاف سليمان]

المشاركة الأصلية كتبت بواسطة علاء طه ياسين

بقولك انى مش فاكره
وف بعادك أكيد قادرة
أعيش عادي بدون رؤياك
...
باداري شوقي وبأبين
واقول إن الفراق هين
وانا من قلبى بتمناك
...
وليه وازاى انا باقوى
عليك ومبينه القسوه
وانا كلى حنين لهواك
...
بأحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء

اخى الاستاذ علاء
بصراحه جميله جددددددددددا ورائعه
حلوه منك تلك الكلمات
احساس جميل بتوصفه
من راجل..... لامراه
او من امرأه...... لرجل
بجد سلمت يداك وسعيده بوجودى معكم
فى هذا المنتدى الجميل
الذى كل يوم نكتشف فيه روائع جميله
من شعراء الكلمه..... والاغنيه
واتمنى ان تجمع الاغنيات والقصائد الخاصه بك
حتى لا تتوه فى جمال وزحام الكلمات
تحياتى لك اخى علاء
واتمنى لك التوفيق دائما
وارق الاوقات
اختكم عفاف