باحبّك يامصر - الصفحة 2

**Tarek Elemary** · #11 18/07/2009, 05h27

اقتباس:

المشاركة الأصلية كتبت بواسطة ام مدحت

الاستاذ/طارق العمرى

فعلا شئ غريب جدا
الحاج سعد كتب القصيدة دى واحنا فى احدى القرى المطله على البحرالمتوسط
بعد صلاة المغرب وبعد وضعها فى المنتدى قبل مراجعتها
علشان النت فترات وصوله ضعيفة جدا
زكرت له هذه الملحوظات وفوجئت انى بيقول لى بالنص
(طارق ح يصلحها)
فضحكت وقلت له طيب اتصل عليه قول له
وفعلا حاول الاتصال وقال 012مافيهوش شبكه
خليها على الله
ودا كان سر اصرارى انى انا اللى ارد عليك
سبحان الله مااراها الا لغة القلوب
مع ان الموضوع عنده عادى وفى منتهى الهدوء
بيقول لى (مش قلت لك)
اسمح لى بهذا التدخل فما شغلنى الا انتظارى حتى قرات ردك المتوقع منه
تحياتى لكما

ام مدحت

السيدة الكريمة الفاضلة حرم عم سعد المصون (أم مدحت)
يعلم الله أن القلوب عند بعضها و ما يكنه الفؤاد للمبدع عم سعد لا تسعه الصفحة من حب و تقدير و إعجاب و هو على عظيم إبداعه شديد التواضع و شديد الألفة دام عزه و دام تواضعه و دام إبداعه
يا سيدتى .....
التواصل هنا فى مخيلتى ماهو إلا محاولة للوصول للأجمل و الأفضل فما معنى أن أكون أنا الأفضل أو أتصارع مع غيرى
إنه شعر و الشاعر فنان و الفنان مبدع فإذا أبدع شاعر فجمال إبداعه يصيبنى بحالة نشوة و غبطة و إنتشاء (فأنا مستفيد بلا شك من إبداع غيرى)
و الله هو المبدع الأول و الأعلى و لله المثل الأعلى و أمرنا أن نتفكر فى خلقه و إبداعه (ثم إرجع البصر كَرَّتين هل ترى من فتور)
الحمد لله على صفاء النفوس و على شفافية عم سعد و على قلبك النبيل و سمو مشاعركما و الله أدعو أن يديم هذا الحب السامى النظيف

**Tarek Elemary** · #12 18/07/2009, 05h30

اقتباس:

المشاركة الأصلية كتبت بواسطة سعدالشرقاوى

مع خالص التقدير للمخلص الشاعر الاستاذ/طارق العمرى
القصيدة قبلة حب واعزاز على جبين الامّورة

ابنتنا/سلمى طارق العمرى

إنت راجل جامد و شاعر تقيل و لا يفعل ما تفعل سوى جبل راسخ من الموهبة و الثقة بالنفس و سلامة الفطرة و عدم سيطرة الهوى عليك
دمت مبدعاً كبيراً و شجرة جميز فى العطاء أيها الأرغول الشجى

**سعدالشرقاوى** · #13 26/07/2009, 14h41

اقتباس:

المشاركة الأصلية كتبت بواسطة Tarek Elemary

إنت راجل جامد و شاعر تقيل و لا يفعل ما تفعل سوى جبل راسخ من الموهبة و الثقة بالنفس و سلامة الفطرة و عدم سيطرة الهوى عليك
دمت مبدعاً كبيراً و شجرة جميز فى العطاء أيها الأرغول الشجى

اخى الاستاذ/طارق
معزرة لانقطاعى الذى كان بسبب النت
ونحمد الله على عودتكم بالسلامه
ولعلكم والاولاد استمتعتم بالمصيف وعقبالنا يارب
ونحن متشوقون للجديد
وقد اكتملت بعودة الحبيب علاء

**yosry_at** · #14 26/07/2009, 16h02

جميل جممال ياحاج سيد
ايه الحلاوه دى
قول كمان
واحنا فى انتظارك
يسرى عطيه

**عفاف سليمان** · #15 03/08/2009, 11h40

اقتباس:

المشاركة الأصلية كتبت بواسطة سعدالشرقاوى

بحبّك يامصر

آه لو بايدى ياستّ البلاد
واقدرأليّن قلوب الولاد
نراجع تاريخك فى يوم الميلاد
ونرفع رايات الكرامة يامصر
,,,,,
آه لو بايدى واضمّك لحضنى
وابوح لك بحبّى وحنانك ياخدنى
واحسّ انّى ابنك وعطفك ساندنى
وترخص حياتى عشانك يامصر
,,,,,
وأشوفك اصاله وضلّ وامان
وريحة جناين ونخل وغيطان
وألفّ السواقى وأروّى الشراقى
وليكى اشتياقى بيكبر يامصر
,,,,,,
ابنك وكان البعاد غصب عنىّ
وراجع وعارف لطيرك تحنىّ
تقولى ضنايا اللى كان حتـّه منىّ
وأزيّن خدودى بترابك يامصر
,,,,,,
وحنان الامومه يبان ترضى عنىّ
وتحت جناحاتك تسيل دمعة منىّ
ساعتها ح يظهر دليلك لأنىّ
بحبّك بحبك بحبك يامصر
,,,,,,
واخضّر فى سيوه واعمّر فى سينا
فى وسط الصحارى تبان كام مدينه
وأعمل شطوطك مرسى ومينا
واقابل ضيوفك بحضنى يامصر
,,,,,
وقوتى ف يوم التحدّى الوقود
واوقـّف عنيّه حرس ع الحدود
زخيرتك فى دمّى ونفسى بارود
وأفدى ترابك بروحى يامصر
,,,,,,
وأشوفك عروسة فى يوم الزفاف
وأحسّك طهاره واصل وعفاف
وبين الحبايب يموت الخلاف
ونزرع جدورك محبّه يامصر
,,,,,,
ياحضن المقطـّم ياكبرى اللمون
ياريش الحمامه ياغصن الزاتون
ترابك مكاحل لنور العيون
ونيلك مسجّل تاريخك يامصر
,,,,,
كلامى وسكوتى ياغاليه بحبك
حياتى وموتى مدوّبنى حبك
واكرّر بصوتى اللى ضايع بحبّك
واحبك احبك احبك يامصر

,,,,,,,

يا عم سعد يا جميل
كلامك خارج من قلبك
داخل مباشرتا جوا قلوبنا
كلام جميل من أصل عربى جميل
كلام كله دليل على حب مصر
مين فى مصر ما يحب مصر
مهما تعمل فينا تدوخنا وتحيرنا
لكن بردوا هى هى مصر
هى حياتنا وبيتنا واولادنا
اهلنا وجيران وسكتنا
يااااااااااااااااه يا عم سعد
والله كلنا فى حبها دايبين
تحياتى لك وللجميع وللست ام مدحت
دائما بالسعاده والخير
اختكم عفاف

**ام مدحت** · #16 03/08/2009, 16h02

ازعل براحتك انت واخوانك الشعراء
لاارى الا انها اجمل قصيدة قراتها فى حب مصر
الله ينور

**عبودة 1** · #17 03/08/2009, 16h14

رائع جدا وأكترمن رائع وهذا الأسلوب والله يذكرني بأيام الطرب الأصيل حقا
أدامك الله ذخرا وتحفة للوطن العربي الكبير

**سعدالشرقاوى** · #18 06/08/2009, 10h38

اقتباس:

المشاركة الأصلية كتبت بواسطة السيد عبدالفتاح

الله عليك ياعم سعد والله مش لاقى كلام أقوله غير ان ربنا يمتعك بالصحة والعافية وراحة البال

اخى الحاج/السيد عبد الفتاح
صاحب الكلام الجميل
ربنا مايحرمناش من أغنياتك العظيه

**سعدالشرقاوى** · #19 06/08/2009, 10h42

اقتباس:

المشاركة الأصلية كتبت بواسطة عفاف سليمان

يا عم سعد يا جميل

كلامك خارج من قلبك
داخل مباشرتا جوا قلوبنا
كلام جميل من أصل عربى جميل
كلام كله دليل على حب مصر
مين فى مصر ما يحب مصر
مهما تعمل فينا تدوخنا وتحيرنا
لكن بردوا هى هى مصر
هى حياتنا وبيتنا واولادنا
اهلنا وجيران وسكتنا
يااااااااااااااااه يا عم سعد
والله كلنا فى حبها دايبين
تحياتى لك وللجميع وللست ام مدحت
دائما بالسعاده والخير

اختكم عفاف

اختنا الكريمه أم حماده
(مدام عفاف)
أسأل الله تعالى أن يديم علينا حب مصر
ويحيينا حتى نراها فى صورتها المرجوه

**سعدالشرقاوى** · #20 06/08/2009, 10h47

اقتباس:

المشاركة الأصلية كتبت بواسطة عبودة 1

رائع جدا وأكترمن رائع وهذا الأسلوب والله يذكرني بأيام الطرب الأصيل حقا

أدامك الله ذخرا وتحفة للوطن العربي الكبير

اخى الاستاذ/عبوده1
مصر قلب العروبة وأمّها
وشقيقتها فى الدفاع عن الكرامة
سوريا وباقى الوطن
فاليعيش العربى بالعزة والكرامة
فى كل بلدان العالم