ايه تنتظر !!! ؟

[علاء طه ياسين]

حبيبي وتوأم روحي وصاحبي محمد المراغي
الأخت عفاف بتقول الأمل .. ايه رأيك .. دي حتة عن الأمل ؟؟ ..
خلاص خلاص ضاع الأمل
ويئست من حب انغزل ..
في القلب بالنار والأنين ..
مين اللي يقدر ع القوي ..
لما يكون خدّاع أوي ..
وبحسنه مغرور حبتين ..
نسي اللي كان واللي حصل ..
ولامرة حن ولا اتصل ..
ولا غمزلي برمش عين ..
...........................
كمل يالغالي .................
عارف مين اللي مفروض يكون معانا في لعبة التكملة دي .. الصديق المخلص التلقائي الرائع سعد الشرقاوي ..
علاء

[عفاف سليمان]

استاذ علاء
يعنى انا بقوله الامل
وانت بتقول له ايه الامل
ولا فين الامل
اقولك
الانسان هو اللى بيخلق فى حياته الامل
لو عايز يشوف الدنيا حلوه اكيد راح يشوفها حلوه بالامل
ولو عايزها تنغص عليه حياته وتبقى سوده ومقفله فى وشه
هتبقى كذلك
احنا اللى ممكن نغيرها ونخليها حلوه ازاى معرفش
هى دنيا معندانا لكن احنا لازم نتحداها
والتحدى ميجيش الا بالامل
لكن هنقعد ونقولها ليه بتعملى فينا كده
هتدينا اكتر واكتر
ياما تدينا ورده ريحتها حلوه
ياما تدينا على روسنا وتدوخنا
تحياتى لكما جميعا
اختكم عفاف

[محمد المراغى]

المشاركة الأصلية كتبت بواسطة عفاف سليمان

اخى الكريم محمد المراغى

ممكن بالامل تنتظر
بالامل نصلح الوتر اللى انكسر
بالامل ندوس ع الصعب وراح يندثر
بالامل هنشوف بكره شمسه جايه
على مرمى البصر
بالامل تنسى اللى خانوك فى لمح البصر
بالامل تبنى حياه جديده بين البشر
ويارب يسعد الله اوقاتك
تحياتى لقلمك واحساسك الجميل

اختكم عفاف

الاستاذه الكبيره مدام عفاف
رائعه انت كالعاده
بنفس كلمات اليأس فى القصيده تم تحويلها بأبداع الى امل وتفأئل
الله عليك يا استاذه
وتسلم اناملك الرقيقه

[محمد المراغى]

المشاركة الأصلية كتبت بواسطة أبوصلاح

هذا نغم ..
ينتظر محمد منير يشدوها

!

أنا سامع صوت منير فيها

===

صديقى العزيز ابو صلاح
سعيد جدا بتواجدك فى مشاركتى البسيطه
وسعيد اكثر بكلماتك التى ارها وساما قد يكون اكثر مما استحق
تقبل اخلص التمنيات القلبيه لك

[محمد المراغى]

المشاركة الأصلية كتبت بواسطة علاء طه ياسين

..

خلاص خلاص ضاع الأمل
ويئست من حب انغزل ..
في القلب بالنار والأنين ..
مين اللي يقدر ع القوي ..
لما يكون خدّاع أوي ..
وبحسنه مغرور حبتين ..
نسي اللي كان واللي حصل ..
ولامرة حن ولا اتصل ..
ولا غمزلي برمش عين ..
...........................
كمل يالغالي .................
عارف مين اللي مفروض يكون معانا في لعبة التكملة دي .. الصديق المخلص التلقائي الرائع سعد الشرقاوي ..

علاء

اكمل ايه ياعم بعد الكلام الجامد ده

( ويئست من حب انغزل ..
في القلب بالنار والأنين )

انا مش قدك فعلا ده تشبيه عمرى مقدر حتى افكر اعمل زيه
فعلا برافوا عليك
استنا اشوف حببنا عم سعد هيقول ايه الاول

[علاء طه ياسين]

اسمح لي يا محمد بيه بتعليق بسيط لأختنا / عفاف
أنا مش قصدت شيء بتعليقي اللي قولت فيه خلاص خلاص ضاع الأمل .. أنا بس انفعلت بكلماتك الحلوة في الرد علي محمد المراغي .. إنه يتمسك بالأمل .. وده من أجمل الأشياء .. وطبعا حضرتك عارفة حكاية (صندوق بندورا) الأسطورة الاغريقية .. البنت اللي فتحت الصندوق بدافع الفضول فانتشرت منه الشرور والأمراض وملت الأرض فقفلته علي شيء واحد هو الأمل .. وده اللي بيخلي الانسان يعيش ويصبر .. حتي في سكرات الموت بيكون عنده أمل إنه يستمر في الحياة ..
أنا كل اللي قصدته يا أختي يا عفاف .. إني أقول طيب ولو الأمل أنا يئست منه ... ايه الحل ؟ .. يعني تعليقك هو اللي أوحي لي بشوية الشعر اللي كتبتهم .. يعني الفضل لتعليقك اللي مليان بالأمل (والفضل لله أولا وأخيرا) ..
وسعيد جدا بردك .. ولك منا كل تقدير واحترام لشخصك الكريم
وتحياتي ليكي

أما بالنسبة لعم سعد الشرقاوي .. انا مستنيه يا محمد يرد ويشاركنا .. ومش عارف ايه شاغله عننا .. لعل المانع خير يا شرقاوي ..

علاء

[عفاف سليمان]

اخى الاستاذ علاء
انا ايضا سعدت بكلماتك التى استوحت من كلماتى او كلمات اخونا محمد
واسعد اكثر لكوننا اسره واحده فى سماعى الجميل
واتمنى ان ارى مزيدا من ابداعاتكم ومداخلاتكم الجميله وكل ما تنثروه علينا من رياحين وفل وورد وياسمين
ربنا يسعدكم جميعا وتقضوا اجمل اوقات فى سماعى وتروح حضرتك وترجع بالف خير
بس خلى بالك من العيال اللى فى ثانوى الله معك ومعهم
تحياتى
اختكم عفاف

[علاء طه ياسين]

الأخت / عفاف
أنا الأسعد بردك .. والأسعد بسرعة فهمك .. والأسعد بكلماتك الحلوة .. والأسعد بوجودك .. لأنك بتنشري العطر علي مواضيعنا .. وبترمي جواها أحفان من زهور الفل والياسمين ..
ومتخافيش علي الأولاد بتوع ثانوي خافي علينا إحنا .. إحنا اللي بنتبهدل .. وبتنيل علي عينّا ..
شاكر تعليقك ومرورك .. أما دعاءك ليا إني أروح وأرجع بخير .. فده ما أعرفش أكافئك عليه إزاي .. غير إني أدعي لك ربنا .. إنه يستر عليكي ويوفقك في كل حياتك ..
تحياتي ليكي
علاء

[Tarek Elemary]

المشاركة الأصلية كتبت بواسطة محمد المراغى

ايه تنتظر ؟!!
لو شئ عزيز ... راح واندثر
لو يوم خانوك ... كل البشر
لو الوجوه اتبدلت ..
لو القلوب صبحت .. حجر
ايه اللى ممكن تنتظر
زهر الجبل
مادقش يوم ... طعم المطر
ايه تنتظر
لحن جميل من عود قديم
مقطوعه فيه كل ... الوتر (مكتومة(محبوسة) فيه ... رنة وتر)
ايه تنتظر
غير الجراح ... غير الدموع
غير الالم
غير (من) قلب عاشق ... وانكسر

المراغى الجميل
أعجبتنى جداً
و هى مغناة و ملحنة من تلقاء نفسها
رائعة و تبقى قصيرة بعض الشئ .... لديك ما يضاف لها
تحياتى

[محمد المراغى]

استاذى ومرشد قلمى
الرائع الاستاذ طارق
دائما انتظر تعليقك كتلميذ ينتظر نتيجه الامتحان
ودائما لا تخذلنى بتوجهاتك
دمت لى
ودام قلمك المبدع ناصحا وامينا