لقاء جديد - الصفحة 2

**غازي الضبع** · #11 23/02/2009, 06h15

اقتباس:

المشاركة الأصلية كتبت بواسطة حسن كشك

ماشى يا عم غازى

بتنقرزنى انت مش كده
وبتسخن عليا عماد جمعة بلدياتى
ماشى ياعم غازى
اولا لقاء سعيد لكل الاخوه الاعزاء اللى كانوا واحشنى فعلا والله
وانا كما اتفقت معاك انك ها تكلم المجموعة وتبقى تقوللى انهم هاييجوا والا لأ .... وانتظرت منك موبايل لتأكيد اللقاء لكن حضرتك ما اتصلتش ... فأنا احرجت اتصل بيك ... وقلت يمكن الاخوه مش هاييجوا ... ولذلك اذا اتصلت بيك يمكن احرجك والا حاجه من كده ....وده هو السبب الوحيد اللى ماخلنيش اجى ... لكن اقسم بالله العظيم انى كنت محضر نفسى وممون العربيه ( الفورد ) وغاسلها ... ومحضر الزاد والزواد .... لكن انت ما اتصلتش غير الساعة حوالى التاسعة مساء .... وكان حضورى وقتها هايكون زى قلته .....
واذا كان على الحضور .... فمعلش ماليش نصيب .... واذا كان على الاعتذار ... حقكوا عليا انا اللى خسرت ...
بس والنبى اعملوا لقاء تانى قريب وانا هاجى باذن الله وهكون بايت فى القاهرة قبلها بيوم
تحياتى لكم جميعا ... والله العظيم واحشنى ....

حلـِّني بقى لما نتجمع تاني

**Sami Dorbez** · #12 24/02/2009, 03h34

اقتباس:

المشاركة الأصلية كتبت بواسطة الباشا

كان لقاءا جميلا إفتقدنا فيه حضور الدكتور أنس البن والأستاذ رائد المصري والمهندس محمد علي والأستاذ حسن كشك والفنان محمود سعد

وسأرفع لكم صور اللقاء التى لم تكن واضحة نظرا لقلة الضوء
وأرجو من أخينا الدكتور محمود رزق رفع ما لديه من صور أيضا

انا سعيد جدا بهذا اللقاء لانه بيفكرني باحلى اياماتي في مصر وفي نفس الوقت زعلان كثير

طيب يا عدول ويا غازي ويا عمو الالاتي!!!!!!
ببسي ؟

احنا مش اتفاهمنا الامريكاني لا ونلتزم بمقطعت منتجات اولاد الكلب دول؟؟؟

يعني يا عدول بالذمة البيبسي هيطلع احلى من الشبح والا من ام علي؟؟؟

**الألآتى** · #13 24/02/2009, 04h14

اقتباس:

المشاركة الأصلية كتبت بواسطة Sami Dorbez

طيب يا عدول ويا غازي ويا عمو الالاتي!!!!!!
ببسي ؟

معلش ياسامى .. فاتتنا دى .. مش حانعملها تانى ..

أصل أنا كنت فرحان بالشفاطة ( الشاليمو )

**محمود** · #14 24/02/2009, 09h24

اقتباس:

المشاركة الأصلية كتبت بواسطة غازي الضبع

بالأمس 18 فبراير 2009 كان لقاءً جميلاً
جمع كل من :
معالي الباشا .. رؤوف المسيري
السينيور الدكتور .. محمود رزق
الموسيقار .. الآلاتي
البارون الأستاذ .. السيد المشاعلي
المهندس .. عادل سيد
والعبد لله
واعتذر كل من الدكتور أنس البن ، والأستاذ رائد المصري ، والمهندس محمد علي
ولم يحضر ولم يعتذر كلا من الأستاذ حسن كشك ، والفنان محمود سعد

**

تشرفت بحضراتكم جميعاً
وأتمنى أن يتكرر اللقاء ، ويكون أوسع من ذلك بصحبة كل الأحبـّـة

أول كلامي سلام ..

في مصر دائما نقول "الغايب حجته معاه". احنا طبعا سعدنا باللقاء بقدر ما خسرنا وافتقدنا من لم يحضر. كنا نتمنى حضور الجميع وأن تعود رايات الألفة والمحبة والصفاء .. خصوصا الصفاء .. لترفرف في أرجاء سماعي مثلما كانت في الأيام الخوالي. فاتحة خير هي .. وجود اخونا رؤوف المسيري (بيننا دور شطرنج لم يكتمل) وعودة احمد الديب إلى بيته (عدم استخدام الألقاب متعمد) .. لكن نتمنى أن تكتمل الفرحة ويعم الصفا .... يا ريت. كنت قد سمعت خبرا عن حضور الدكتور أدهم .. كان هذا سيصير لقائي الأول به وكنت أترقبه .. أتمنى لقاءه وكل الغائبين في مرات قادمة .. عشقي للأمثال الشعبية يغلبني .. الجايات اكتر من الرايحات.

بالنسبة للصور فالحقيقة أنا كنت أصور باستخدام الموبايل .. عكس الصديق رؤوف المسيري الذي أحضر كاميرته الشيك التي يتوارى أمامها موبايلي الغلبان خجلا. لذلك لم ألتقط سوى صورتين .. أحداهما طلعت مهزوزة ولا تصلح وأرفع لكم الثانية هنا :

تحياتي

محمود