اقدم لكم برنامج انكور للتدوين احث نسخة كاملة مع الشرح - الصفحة 2

**احمد سنايم** · #1 12/01/2009, 10h37

اخى العزيز الاستاذ عادل شكرا على هذة العبقرية وهذة البساطة فعلا انكور برنامج رائع لانك شرحتة جيدا لكن عندى مشكلة ان الصوت لا يعمل ارجو حلا لهذة المشكلة وفى اقرب فرصة والف الف شكر استاذى الحبيب

**عادل صموئيل** · #2 12/01/2009, 13h49

اقتباس:

المشاركة الأصلية كتبت بواسطة احمد سنايم

اخى العزيز الاستاذ عادل شكرا على هذة العبقرية وهذة البساطة فعلا انكور برنامج رائع لانك شرحتة جيدا لكن عندى مشكلة ان الصوت لا يعمل ارجو حلا لهذة المشكلة وفى اقرب فرصة والف الف شكر استاذى الحبيب

اخى العزيز
اشكرك على رسالتك
واحاول ان اقدم لك الحل
عادة نحن نستفيد من المشاكل التى تحدث فى الكمبيوتر للآخرين مشكلتك لها عندى قصة
انا عندى جهاز بانتيام 4 من اكتر من 7 سنوات واضفت اليه من باب الدلع كارت صوت فيبرا 128 على اساس انه كارت صوت ممتاز وانا عندى عشر برامج هى اهم برامج اعمل ب ها ولكن اهمها على الإطلاق الانكور لأن كل شغلى اكتبه عليه وفجاة منذ 4 سنوات لقيت البرنامج مش بيطلع صوت والغريب ان الصوت فى الجهاز كان زى الفل يعنى الاغانى والافلام بتشتغل عادى يعنى الصوت فى الجهاز 100% ماعدا الانكور طبعا اتجننت وندهت الفنى اللى كان بيعمل لى صيانة الكمبيوتر وبينزل الويندوز كانت ساعتها خبرتى محدودة ولما جه ( انا اكتشفت بعد سنين ان خبرته محدودة هو الآخر ) قعد يجرب وقال لى نسخة الويندوز وشالها ونزل غيرها كذا مرة ومافيش فايدة , وبعدين كان فيه محل بجوار بيتى فاتحه شاب متخرج جديد من كلية كمبيوتر اول ماشاف الجهاز قال لى كارت الصوت فيه حاجة قلت له شيله فوراً وفعلاً اول ما شال كارت الصوت البرنامج اشتغل عادى اكتشفت ساعتها ان برنامج افنكور هو البرنامج الوحيد اللى بيكتشف لو فيه عيب فى كارت الصوت انا انصحك تشوف حد شاطر بتاع صيانة كمبيوتر وتديله البرنامج وتقول له شغل لى الصوت وانشاء الله مشكلة بسيطة وممكن يكون فيه شىء فى الصوت عايز ينظبط او حاجة مقفولة وطمننى لأن اهم شىء عندى مش انك تنزل البرنامج ولكن لما تشغله وتستفيد به وانا بقول لك انه اروع برنامج كتابة وانا جربت فعلاً كل البرامج لقيت الانكور احسن وابسط واسهل برنامج وكمان فيه امكانيات عالية انا اكتشفتها مش موجودة فى اى برنامج تانى وانا تحت امر كل من يسأل

**رضا القاضى** · #3 02/09/2009, 23h27

الف شكر استاذنا على هذا البرنامج الرائع والاروع منة هو شخصكم الكريم

**سامي عزالدين** · #4 18/04/2009, 14h08

لك أجمل التحايا وأنبل الأشواق علي هذه المجهودات الرائعة في مجال الفن

**Arkan Adib** · #5 20/05/2009, 20h09

ألف شكر أخي العزيز الأستاذ عادل لقد نزلت البرنامح من الرابط الذي وضعته وسأقوم بتنصيبه وأتبع المعلومات التي كتبتها في الدليل
أكرر شكري لك ودمت فخرا لنا ويعطيك ألف عافية وصحة
تحياتي لك
أخوك
أركان

**Arkan Adib** · #6 01/07/2009, 19h02

مرة أخرى أتوجه بالشكر للأخ للأستاذ عادل على برنامج (انكور) وأرجو أن يكون البرنامج الذي نزلته كاملا لأنه لم يعمل عندي لا أعرف السبب.. فبعد أن ضغطت على setup45 لم يكمل بل يغلق دون أن يتابع.
أركان

**عادل صموئيل** · #7 13/07/2009, 20h56

اقتباس:

المشاركة الأصلية كتبت بواسطة Arkan Adib

مرة أخرى أتوجه بالشكر للأخ للأستاذ عادل على برنامج (انكور) وأرجو أن يكون البرنامج الذي نزلته كاملا لأنه لم يعمل عندي لا أعرف السبب.. فبعد أن ضغطت على setup45 لم يكمل بل يغلق دون أن يتابع.
أركان

يا اخى العزيز
انا اشك ان يكون عندك عيب فى جهازك وبالذات فى الميدى او كارت الصوت
لأن كل الأعضاء نزلوا البرنامج واشتغل عندهم 100 % وبالذات انا فى الشرح كاتب كل خطوات التسطيب خطوة خطوة
واى خلل فى كفاءة البرنامج سواء فى التسطيب او بعد التسطيب يكون الشك فى كارت الصوت او فى الميدى
مع اطيب تحياتى وطمنى
ولو نزلت البرنامج على جهاز آخر اكيد سيعمل بكفاءة

**عادل صموئيل** · #8 14/10/2010, 20h49

اقتباس:

المشاركة الأصلية كتبت بواسطة Arkan Adib

مرة أخرى أتوجه بالشكر للأخ للأستاذ عادل على برنامج (انكور) وأرجو أن يكون البرنامج الذي نزلته كاملا لأنه لم يعمل عندي لا أعرف السبب.. فبعد أن ضغطت على setup45 لم يكمل بل يغلق دون أن يتابع.
أركان

تنبيه إلى كل الأخوة الاحباء
الاخ العزيز هنا اشتكى من ان البرنامج لم يبدأ معه فى التحميل انا اول الامر لم ااهتم بالموضوع لأن الكثير من الاعضاء بيكون عندهم مشاكل فى احهزتهم او ان بتكون خبرتهم قليلة فى تنصيب البرامج وتركت الاخ يحاول يحلها مع نفسه لكن هذا الشهر انا اشتريت جهاز كمبيوتر جدي احدث واعلى مكونات عندنا فى مصر وفو جئت ان البرنامج لا يعمل عليه يعنى لا يبدأ فى التسطيب اصلا وطبعا طار عقلى لأن هذا البرنامج هو روحى وحياتى يعنى اهم شىء اعمل به وبعد جهد جهيد وصلت لحل المشكلة ممكن يكون الجهاز اللى عندك احدث من بانتيام فور ( لأن برنامج انكور اربعة ونصف عمرة حوالى خمس سنوات فلك ان تجرب انكور اربعة فاصل خمسة وخمسين هو موجود عندى لو حد منكم طلبه بس انا لما نزلته عمل عندى مشكلة ان اى لحن مكتوب على اربع خمسة وخمسين لا ينفتح على اربعة ونص طبعا دى عندكم ممكن مش تفرق لكن عندى ممكن تعمل مصائب لأنى محترف كتابة يعنى اللاحن اللى بكتبه اعطيه للناس ولابد ان يستفيدوا منه , وهنا وصلت لآخر حل انا كنت اعمل ععلى نسخة ويندوز اكس بى sp2 ول الوقت لكن اتضح انها بتعمل حساسية مع برنامج انكور فى الاجهزة الحديثة جدا وبعد البحث نزلت نسخة ويندوز sp3 لمشهورة باسم العقرب وهى التى اعمل عليها الآن والانكور اربعة ونصف اشتغل عليها 100% والحمد لله
يعنى اساس المشكلة اننا نحن المحترفين عندنا برامج قديمة نعمل بها والحديث منها بيعمل مشاكل فلابد ان نحاول توظيف برامجنا القديمة بأى حل
مع اطيب تحياتى عادل صموئيل

**ابتسام عباس** · #9 15/10/2010, 07h00

البرنامج مش شغال معايه انا كمان بعد ما انزله واعمل set up وخلاص خلص تحميل اجى افتحه تطلع رساله بأن التحميل ما اكتملشش ما انه بيبقى اكتمل 100%ونزلته من اكتر من موقع نفس المشكله بتحصل

**الرفيق** · #10 10/07/2009, 18h02

شكرا يا أخي العزيز