سعاد أحمد- 28 مارس 1907 - 2 أغسطس 1962

[رضا رشيد]

وفى هذا الحفل الذى أقيم فى دار سينما قصر النيل
يوم 10ـ5ـ1956 غنت :
الفنجان
كلمات : محمد لطفى
ألحان : كمال بشندى
وغنت أيضا :
هاتى ياسيدره
كلمات : عبد الفتاح ماضى
ألحان : على إسماعيل

أصل السماح .... طبع الملاح
ويابخت من سامح

[د أنس البن]

صديقنا الحبيب عم الشباب الجميل رضا رشيد الذى يعيش ليالى الأنس فى فيينا ..
أسعدتنا ولا زلت تسعدنا وأبهجتنا مع الست سعاد أحمد وأحييت صفحتها التى تنتظر المزيد من تلك الأعمال الإنتقاديه الرائعه بآدائها اللطيف وطلتها الجميله وصورتها التى لا نزال نتذكر ملامحها حتى اليوم . ربنا يبارك فيك ويجعلنا وإياك من أهل السماح الذى هو طبع الملاح .. وللمناسبه أود أن أقول لك ان أجمل دعاء عندى أدعو به ربى : اللهم اعفو عمن ظلمنى واعط من حرمنى وصل من قطعنى .. اللهم آمين

[رضا رشيد]

عمنا... دكتور : أنس
أشكرك على الكلام الجميل ... ياعم الأصالة والنغم الجميل
الدعاء الذى تفضلت سيادتك بكتابته رائع ... والسماح حلو... وربنا يجعلنا من أهل
العفو والسماح ....
وأنا بعد إذنك عندى منلوج لمنلوجست إسمه ( محمد إلجنيدى ) وكمان منولوجست
إسمه ( عصام ) ده غير رفيعة الشال والسبع أفندى ... بس مش لاقى لهم مكان
فى أى قسم أقدر أرفعهم ....
وأنا زى ماحضرتك قولت أجواء فيينا وليالى الأنس تطرب ... بس صدقنى يادكتور
ثانية واحدة فى أى شبر فى بلدنا يساوى أوروبا كلها بما فيها مش فيينا بس ....
لك تحياتى ... وشكرى

أصل السماح .... طبع الملاح
ويابخت من سامح

[د أنس البن]

المشاركة الأصلية كتبت بواسطة Reda Raschid

عمنا... دكتور : أنس
أشكرك على الكلام الجميل ... ياعم الأصالة والنغم الجميل
الدعاء الذى تفضلت سيادتك بكتابته رائع ... والسماح حلو... وربنا يجعلنا من أهل
العفو والسماح ....
وأنا بعد إذنك عندى منلوج لمنلوجست إسمه ( محمد إلجنيدى ) وكمان منولوجست
إسمه ( عصام ) ده غير رفيعة الشال والسبع أفندى ... بس مش لاقى لهم مكان
فى أى قسم أقدر أرفعهم ....
وأنا زى ماحضرتك قولت أجواء فيينا وليالى الأنس تطرب ... بس صدقنى يادكتور
ثانية واحدة فى أى شبر فى بلدنا يساوى أوروبا كلها بما فيها مش فيينا بس ....
لك تحياتى ... وشكرى

أصل السماح .... طبع الملاح
ويابخت من سامح

حبيب قلبى رضا بك رشيد
أهنيك من كل قلبى على مكتبتك الفنيه العامره والأسماء التى تفضلت بذكرها رجعتنا لزمن جميل ووالله لا يزال صوت رفيعه الشال يرن فى أذنى حتى اليوم .. شكرا لك من كل قلبى ويا ريت ترفع أعمالهم هنا وتفتح لكل واحد موضوع مستقل فى هذا القسم وتنزل فيه أعماله بمعنى تفتح موضوع باسم محمد الجنيدى وموضوع باسم رفيعه هانم والسبع افندى مع خالص تحياتى القلبيه وربنا مايحرمنا منك يا ابو الذوق والسماح

[رضا رشيد]

عمنا دكتور ... أنس
ألف شكر على تفضلك بنقل الملفات ... وألف ألف شكر على عمل قسم خاص بإسمى
أقصد لمكتبتى ... مش عارف أقولك إيه ???
لك شكرى مرة أخرى ... وأعدك وأعد أعضاء المنتدى برفع المزيد ... مازال عندى
الكثير ... تحويشة العمر


أصل السماح .... طبع الملاح
ويابخت من سامح

[غواص النغم]

من يعرف سفينة ابوللو؟؟
فاكرينها ؟؟
لو نسيتوها او متعرفوهاش :
الواد ده
اللي جنن سعاد احمد اوهي اللي جننته
حيفكركم بيها
فتحي قورة ...عزت الجاهلي
____________________________

@ المشاهدات (91 ) نسخة بجودة افضل هنــــاااا

[د أنس البن]

يا سلام عليك يا منعم انت يا جميل وعلى تحفك . ما انا لو اعرف اعوم كنت جيت لك اشكرك بنفسى .
لا تتصور مدى سعادتى بنجاح رسالة سماعى فى جمع وتوثيق التراث ودا بفضل ذوق وكرم الناس المحترمين اللى زيك . كل يوم ربنا سبحانه وتعالى بيرزقنا بصداقات جديده . الحمد لله
وسعيد أيضا بهذا السباق الماراثونى الجميل مع الحبيب رضا رشيد والفائز فى النهايه هم أعضاء سماعى وأحبابه .

[غواص النغم]

المشاركة الأصلية كتبت بواسطة د أنس البن

يا سلام عليك يا منعم انت يا جميل وعلى تحفك . ما انا لو اعرف اعوم كنت جيت لك اشكرك بنفسى .
لا تتصور مدى سعادتى بنجاح رسالة سماعى فى جمع وتوثيق التراث ودا بفضل ذوق وكرم الناس المحترمين اللى زيك . كل يوم ربنا سبحانه وتعالى بيرزقنا بصداقات جديده . الحمد لله
وسعيد أيضا بهذا السباق الماراثونى الجميل مع الحبيب رضا رشيد والفائز فى النهايه هم أعضاء سماعى وأحبابه .

د.انس لو عايز تتعلم العوم انا ح اقولك وصفة سماعية ممتازة
اسمع فوزي وهو يغني عوام قبل الاكل بنص ساعة( وما تسالنيش ليه لاني بصراحة مش عارف ) لمدة اسبوع وعلى بال ماييجي الصيف تروح الصبحية في اسكندرية وتسيب نفسك في البحر لو نجحت يبقى خير ولو ..اهو تبقى تشرف عندي ونسمع وردة وهي تغني بتونس بيك

[د أنس البن]

صديقى العزيز منعم أشكرك على نصيحتك لكن خلاص زى ما بيقولوا راحت علينا . المهم شوف الست سعاد أحمد وهى تسمعنا فى كلمات بسيطه وآداء جميل ولطيف مونولوج يتضمن معنى فلسفى جميل ينبه الإنسان الى حقيقة هذه الدنيا . وأثبتت فعلا أن الكوميديا قمة الفلسفه ..

دنيا بتجرى
وانت بتجرى
وانا من بدرى
بجرى وبجرى

______________________________________

@ المشاهدات ( 63) نسخة بجودة افضل هنــــاااا

[د أنس البن]

أيضا شوف الست سعاد أحمد وهى تسمعنا مونولوج يتضمن معنى فلسفى جميل ينبه الإنسان الى أن يعايش الواقع ولا يطوى نفسه على الهموم ويرمى بها فى خزانة النسيان ..
ليه .. ليه بتفكر
ليه .. زعلان ليه
وتأملوا عبقرية الملحن فى تلحينه كلمة ليه الأولى وهو يمدها ويترك بعدها مساحه من الصمت وكأنها ملئت بعلامات التعجب والإستفهام وكيف توصل لنا سعاد أحمد هذا المعنى فى طريقة آدائها التى تحاول فيها أن تنبه هذا الإنسان المهموم الذى سرح بفكره فى الماضى وتعيده لأرض الواقع بعد أن يلقى همومه وراء ظهره ..