(أيادى مصريّه)بايقاعات زهديّه بقطفات سمعجيّه

[سعدالشرقاوى]

المشاركة الأصلية كتبت بواسطة abuzahda

إيه يا عم انت اللي بتعمله فينا ده ؟

إنت حابس شيطان الشِعر حداك ؟

طب هجيب وقت منين علشان الاحق عليك ؟

ما تتصل لنا بسي طارق ، ييجي ياخد بإيدي .... ينوبك ثواب

تسلم يا عمّي سعد

و دي كمان ، مع وردة اخويا حمدي

المبدع الاستاذ/سيد ابو زهده

طول عمرى بقول لك علـّمنى
مش راضى حتـّى تكلـّمنى
لو حتى تروح آخر الدنيا
ما ح تقدر منـّك تحرمنى

[سعدالشرقاوى]

المشاركة الأصلية كتبت بواسطة Tarek Elemary

أنا جيت أهه ......

عم سعد يا بوق الغلابة
===========

حامل شكاوى الفلاحين
عازف على الناى الحزين
يا صرخة فى زمن العطن
يا بلسم الآه و الأنين
***
الشعر مش كلمة و خلاص
الشعر سكة ل اللى لاص
وسوط على ضهر الزمن
و كلمته رصاصة خلاص
***
أصرخ يا سعد بقوتك
إصرخ و سمَّع كلمتك
ل اللى ودانه من عجين
و بنى القصور على جتتك
***
الفلاحين و الكادحين همَّ البلد
منهم أملنا فـ بكرة دايما يتولد
و أنا قلتها حبلى الصبية و شفتها
يا تموت و هى بتولده
يا هاييجى من بينَّا الولد

اخى واستاذى/طارق العمرى
ياعم طارق انا سارق نغم منـّك
وباعترافى يزيد خوفى عليك منـّك
فى قلوبنا ثبت الكلم وكان جماله السبب
ودخلنا قسم الادب شوفنا العجب منـّك
,,,,,,,,,
جراب حياتك حوى عن كلّ شئ كلمه
دبّاح شرور المهن سكـّينته كات تالمه
لعلع بنورك لنا ماحنا النجوم ياقمر
موروث عظيم يا(عمر)وصّى عليه (سلمى)

[سعدالشرقاوى]

المشاركة الأصلية كتبت بواسطة إســـلام

شكرا يا عم سعد لإلقائك الضوء على بعض مما يتعرض له الفنان من قسوة ليس في زماننا فحسب ولكن على مر الأزمان

ذكرني بما غناه شيخ الشيوخ والملحنين الشيخ زكريا أحمد
الأوله عايروني إني أنا فلاح
والتانية بزرع وبقلع للي نام وارتاح
والتالتة اللي أحبه شط مني وراح
أهديكم هذا المقطع الصغير للشيخ زكريا
من سهرة في بيت محمد التابعي

العزيز الغالى الاستاذ/اسلام
اولا مشكور على الاغنيه الجميلة اللى رجّعتنا بيها للزمن اللى راح
ثانيا انت انسان جدير بالاحترام وكل شئ منك يدل الأصاله والكرم
والتلقائيه البريئه ويكفيكم حب الناس
وكل انسان له من اسمه نصيب

[عصفور طاير]

عم سعد
تسلم أياديك وإيقاعاتك وتفانينك..
ودول ثلاثة من عندي مع بتاعة أخونا حمدي وأخويا ابوزهدة.. علشان تكمل الصحبة.

[yosry_at]

السيد الاستذ سعد الشرقاوى
صاحب الملكه الموسيقيه الهائله برعت فى تجسيد معاناة الفلاح بموسيقى سلسه قد تكون قريبه جدا من القلب
ولكن لى ملحوظه فكلما اكثرت من الصور فى القصيده زادت من روحانيتها وافسحت المجال للعقل وهذا ليس بنقد
بل رايى الشخصى القصيده اعجبتنى وفى انتظار المزيد منك
اخوك يسرى عطيه سليمان

[سعدالشرقاوى]

المشاركة الأصلية كتبت بواسطة عصفور طاير

عم سعد
تسلم أياديك وإيقاعاتك وتفانينك..
ودول ثلاثة من عندي مع بتاعة أخونا حمدي وأخويا ابوزهدة.. علشان تكمل الصحبة.

الاخ الاستاذ/العصفووووور الطاير
احنا اتفقنا ان دول مش من عندى دول بتوع اصحابهم
واحنا منهم بنتعلم
اما اللى من عندك على راسى

[yosry_at]

لولا الفلاح – ماكان التفاح
ولا كان الخير يملى بيوتكم

فى إيديه الفاس- لولاها ياناس
ماتلاقوا الدنيا ف دنيتكم

شاف منكوا زمان- أشكال وألوان
وسامحكوا وسامح غلطاتكم

وما كانش بخيل – على أرض النيل
طول عمره بيتعب لراحتكم

طول ليله سهران- ونهاره عرقان
بشقاه بيكمّل فرحتكم

ياما بات مهموم – وماضاقش النوم
علشان بيوفر لقمتكم

وقضيتوا عليه- ماسألكم ليه؟
وداريتوا عنيه عن أفعالكم

عند الأسعار- عاملين له حصار
وبأىّ قرار بيسلمكم

ولا فى المحصول – من حقّه يقول
ولا كلمة تكسّر أوامركم

ولا فى التطهير- ولا فى التطوير
من حقه يراجع فواتيركم

وجنابكو يقول- يدفع على طول
لو حتىّ ح يشحت على بابكم

تبيعوله مبيد- ثروتكوا تزيد
وما حدّش يقدر يحاسبكم

لازم يرتاح- ويعيش فى براح
وكرامته ترادح كرامتكم


الله الله الله ياسعد ياشرقاوى إيه السمفونيه الرائعه دى إيه الجمال ده كلام من اللسان إلى القلب مباشرة إبداع فى الحركات الموسقيه شعور مطلق بأحاسيس الفلاح المصرى الصبور
ديابه فى غابه وغابه لديابه
أحب أن أسمع منك المزيد من النقد الهادف
إسمح لى أن أقول
حبيب قلبى
سعد الشرقاوى

[عفاف سليمان]

المشاركة الأصلية كتبت بواسطة سعدالشرقاوى

(أيادى مصريّة)

بايقاعات زهديّة بقطفات سمعجيّة

لولا الفلاح – ماكان التفاح
ولا كان الخير يملى بيوتكم

فى إيديه الفاس- لولاها ياناس
ماتلاقوا الدنيا ف دنيتكم

شاف منكوا زمان- أشكال وألوان
وسامحكوا وسامح غلطاتكم

وما كانش بخيل – على أرض النيل
طول عمره بيتعب لراحتكم

طول ليله سهران- ونهاره عرقان
بشقاه بيكمّل فرحتكم

ياما بات مهموم – وماضاقش النوم
علشان بيوفر لقمتكم

وقضيتوا عليه- ماسألكم ليه؟
وداريتوا عنيه عن أفعالكم

عند الأسعار- عاملين له حصار
وبأىّ قرار بيسلمكم

ولا فى المحصول – من حقّه يقول
ولا كلمة تكسّر أوامركم

ولا فى التطهير- ولا فى التطوير
من حقه يراجع فواتيركم

وجنابكو يقول- يدفع على طول
لو حتىّ ح يشحت على بابكم

تبيعوله مبيد- ثروتكوا تزيد
وما حدّش يقدر يحاسبكم

لازم يرتاح- ويعيش فى براح
وكرامته ترادح كرامتكم

وعلى شط النيل- ح يقول مواويل

ويكون اللحن ف غنوتكم

يا عم سعد يا جميل
يا حامل هم الغلابه والتعبانين
تسلم ايدك يا جميل
ويسلم قلمك يابن النيل
لك خالص التحيه والتقدير
وللجميع اجمل وارق الاوقات فى سماعنا الجميل
اختكم عفاف

[سعدالشرقاوى]

المشاركة الأصلية كتبت بواسطة عفاف سليمان

يا عم سعد يا جميل

يا حامل هم الغلابه والتعبانين
تسلم ايدك يا جميل
ويسلم قلمك يابن النيل
لك خالص التحيه والتقدير
وللجميع اجمل وارق الاوقات فى سماعنا الجميل

اختكم عفاف

نوّرتينا ياست الكل
نحمدالله على سلامتك يااخت/عفاف
انتى اللى دايما شمعتنا
يا ام حماده

[سعدالشرقاوى]

المشاركة الأصلية كتبت بواسطة yosry_at

السيد الاستاذ سعد الشرقاوى
صاحب الملكه الموسيقيه الهائله برعت فى تجسيد معاناة الفلاح بموسيقى سلسه قد تكون قريبه جدا من القلب
ولكن لى ملحوظه فكلما اكثرت من الصور فى القصيده زادت من روحانيتها وافسحت المجال للعقل وهذا ليس بنقد
بل رايى الشخصى القصيده اعجبتنى وفى انتظار المزيد منك
اخوك يسرى عطيه سليمان

الاخ الاستاذ/يسرى عطيّه
كل ما ذكرته لى تاج على راسى
وجميلا أطوّق به عنقى
لكن كيف والحديث عن عنصر واحد؟
ربما لم ادرك معنى تعدد الصور فى مثل هذا العمل
أرجو التدخل مرّة أخرى للتوضيح
جزاكم الله خيرا