فزورة عن الالات الموسيقية - الصفحة 19

**حسن كشك** · #**181** 04/01/2011, 22h26

باهر المصري و Tarak766

بانــــجو

Banjo

هى الة من عائلة الجيتار ...وهى ذات صندوق مستدير كان يصنع من الخشب ثم تطور وصار يصنع من الالمونيوم ....ومشدود عليه رق من الجلد بعدد من 8 الى 24 مشد .. والاله من ابتكار زنوج امريكا ...والاله ذات رقبة طويله حوالى 85 سم وعرض الصندوق حوالى 20 سم ولها من 4 الى 7 وتر من امعاء الحيوانات ... ويعزف عليها بريشه وهى شديدة الشبه بآله المندولين التى تشبه العود اكثر ولكن صوتها اكثر حدة من العود
صوت االبانجو قريب من الة السمسمية

عزف تدريبى لجيم مايلز على البانجو

YouTube - Jim Mills - A Winning Banjo Style

#**182** 05/01/2011, 08h21

يا أسطى محمود انت عارف ما أقدرش أتأخر وبصراحة مكنش فيه مزاج والورش كلها كانت في حداد .... الله يرحم سمير حسين
ماشي يا معلمي إنت والاسطى باهر بتختارو الآلات ذات المزاج العالي والصنف الجيد ...... طيب الآلة دي اسمها إيه بس من دي اسمها مشتق من صنف شعبي

**حسن كشك** · #**183** 05/01/2011, 09h37

اقتباس:

المشاركة الأصلية كتبت بواسطة الباشاقمرزمان

يا أسطى محمود انت عارف ما أقدرش أتأخر وبصراحة مكنش فيه مزاج والورش كلها كانت في حداد .... الله يرحم سمير حسين
ماشي يا معلمي إنت والاسطى باهر بتختارو الآلات ذات المزاج العالي والصنف الجيد ...... طيب الآلة دي اسمها إيه بس من دي اسمها مشتق من صنف شعبي

خد بالك يا أسطى قمر باشا ان فيه فزوره لباهر لسه ما اتحلتش ... نحلها الاول وبعدين فزورتك .... وهما دول كلهم اله واحده ولا عائلة ....

#**184** 05/01/2011, 10h09

اقتباس:

المشاركة الأصلية كتبت بواسطة حسن كشك

خد بالك يا أسطى قمر باشا ان فيه فزوره لباهر لسه ما اتحلتش ... نحلها الاول وبعدين فزورتك .... وهما دول كلهم اله واحده ولا عائلة ....

حاضر يامعلمي والله افتكرتها صورة مضافة بس، مش انها سؤال ، لا تؤاخذوني ........
بس دول كلهم عائلة واحدة
تحياتي

**محمود العيادى** · #**185** 05/01/2011, 21h58

اقتباس:

المشاركة الأصلية كتبت بواسطة باهر المصري

غالي و الطلب رخيص وشكرا للترحيب الدافئ

عمناالغالي الاستاذ باهر .... الاله دي اسمها المثلث و هي اله من عائله الايقاع و انها تستخدم كما سبق ان ذكرنا ( بركشن ) زخرفه الايقاع و هي اله مثلثه و لها يد تقرع بها و هي اله ايضا تسخدم الاوركيستر لانها اله ايفيه سوء في الخاتمه او اثناء الايقاع للفصل بين الارتام او ( الاس ) يعني لحظه سكوت و انها اله قديمه جدا و لها وجود مع فرق السمسميه و ايضا في الموسيقي الكنائسيه و هي من ماده الاستنلس ستين و بس كفايه كده علشان نشوف شغلانه تانيه ... و من المفارقات العجيبه و الله ياخ باهر انني في بدايه هوايتي للموسيقي كان الاستاذ المعلم توسم في شخصي موهبه ما و خصوصا في الايقاع و لتدريب اذني علي الحس الايقاع امسكني المثلث للعزف عليه في الاسات السابق ذكرها للاحساس بزمن الرتم . اوعي تقول لحد و خلي الطابق مستور .

**محمود العيادى** · #**186** 05/01/2011, 22h06

اقتباس:

المشاركة الأصلية كتبت بواسطة الباشاقمرزمان

يا أسطى محمود انت عارف ما أقدرش أتأخر وبصراحة مكنش فيه مزاج والورش كلها كانت في حداد .... الله يرحم سمير حسين
ماشي يا معلمي إنت والاسطى باهر بتختارو الآلات ذات المزاج العالي والصنف الجيد ...... طيب الآلة دي اسمها إيه بس من دي اسمها مشتق من صنف شعبي

ايه دي يامصطفي .... لبشه قصب دي و لا ايه ... مش واخد بالي .. قوللي بجد انت عاوز تعرف ايه الالات دي ... انا كده هاازعل منك ... انت عمرك ما روحت مولد كنت شفتها هناك و بعدين العازف صاحبهم فقير قوي فين الجراب بتاعهم ... دي اسمها مجموعه عقل ناي و معاهم حتتين كوله علي الماشي و الشيكرتون الازرق ده بينشف الريق و صعب جدا العزف علي العقل دي ... بالمناسبه اقولك معلومه عن عازف الناي انت تعرف ان العازف الكويس ينقال عليه بين العازفين ايه ... تفته حلوه يعني نفسه حلو و.

#**187** 05/01/2011, 22h48

اقتباس:

المشاركة الأصلية كتبت بواسطة محمود العيادى

ايه دي يامصطفي .... لبشه قصب دي و لا ايه ... مش واخد بالي .. قوللي بجد انت عاوز تعرف ايه الالات دي ... انا كده هاازعل منك ... انت عمرك ما روحت مولد كنت شفتها هناك و بعدين العازف صاحبهم فقير قوي فين الجراب بتاعهم ... دي اسمها مجموعه عقل ناي و معاهم حتتين كوله علي الماشي و الشيكرتون الازرق ده بينشف الريق و صعب جدا العزف علي العقل دي ... بالمناسبه اقولك معلومه عن عازف الناي انتت تعرف ان العازف الكويس ينقال عليه بين العازفين ايه ... تفته حلوه يعني نفسه حلو و.

شوف يا أسطى محمود أنا زي الناس كلها أعرف المزمار البلدي وعادي نجيب البوصة من على الترعة وننضفها بالسكينة ونعمل فيها شوية فتحات وعشان الواحد ما يزعجش ابوه كنا نزمر لما ينام والواحد يعمل فيها عفت واهو برضه كنت بروح موالد بس مش بلف في الموالد هناك فرق طبعاً المجموعة دي اسمها (طقم كاوالا - سلامية ) وتتصور إنها بتباع على النت بسعر 72 دولار ... ايه رأيك نجيب شوية خوص ونظبتهم ونكسب بس الغريب ان العزف عليها بيكون صعب ليه والله ما عرفت قريتها كدة مع ان الراجل زمان كان بيلف في امام المدارس وفي حواري القاهرة ويبيعها بتعريفة واحنا نشتري قال حنعزف زيه من جمال عزفه وخاصة لما كان بيعزف انت عمري بعد ما غنتها ام كلثوم ما تقولش فشرة عفت في زمانه.

**باهر المصري** · #**188** 06/01/2011, 13h06

الاستاذ العيادي و الباشا قمر الزمان احلى سلام لاحلى زكريات
اما الالة الجاية فسامحوني انا غشتها من موقع سماعي بس حبيت نقدمها هنا لاتمام المجموعة

**حسن كشك** · #**189** 07/01/2011, 04h49

اقتباس:

المشاركة الأصلية كتبت بواسطة باهر المصري

الاستاذ العيادي و الباشا قمر الزمان احلى سلام لاحلى زكريات
اما الالة الجاية فسامحوني انا غشتها من موقع سماعي بس حبيت نقدمها هنا لاتمام المجموعة

اظن يا اخ باهر ان هذه الاله سبق التعريف بها هنا فى نفس الموضوع ( بيكالو )

**باهر المصري** · #**190** 07/01/2011, 07h48

تحياتي لاستاذي حسن كشك الحقيقة هي ليست بيكلو وهذه الالة تم التعريف بها بمنتدى سماعي في احد الشرائط اخترعها موسيقي عراقي كتطوير لالة الناي كي يمكن العازف من عزف جميع المقامات من جميع الطبقات دون ان يحتاج لحمل مجموعة من النايات المختلفة الاطوال و الاحجام كما هو معروف وقد اسماها مخترعها النايلوت

http://www.sama3y.net/forum/showthread.php?t=80363
هذا هو الرابط الخاص بموضوع الالة بالمنتدى لك خالص المحبة