فزورة عن الالات الموسيقية - الصفحة 18

**باهر المصري** · #**171** 02/01/2011, 15h23

والله متشكرين للاستاذ حسن ماحبش يزعلنا مرة و مرة للمعلومات الهايلة بصراحة تشجعت و بقدم الة تانية ليها معزة كبيرة عندنا احنا المصريين

**حسن كشك** · #**172** 04/01/2011, 04h36

باهر المصري

آلة الهارب
Harp

آلة الهارب

هى آلة وترية طولها 170 سم ويتراوح عدد اوتارها بين 45 و48 وتر ومجالها الصوتى 6 اوكتاف ونصف ويوجد فى اسفلها دواسة ( بدال ) وذلك من اجل عزف بعض العلامات الموسيقية الخاصة كالديبيزات والبيمولات .
وهذه الالة من الالات الموسيقية الهامة فى الفرق السيمفونية وفرق موسيقى الحجرة . وتعود اصولها الى الفراعنة

عزف على الهارب لـ لويز طومسون

http://www.youtube.com/watch?v

#**173** 04/01/2011, 09h07

اقتباس:

المشاركة الأصلية كتبت بواسطة محمود العيادى

ياعم مصطفي اولا حلت البركه علينا ... انت مش مصدقني ليه ايو اسمها كاسه المهني و العلمي الجونج و بعدين الصاجات و التوره من نفس السكه و حسب الله و فرقته كان معاهم الكاسات و ليس الجونجات و كل سنه و انت طيب بمناسبه العام الجديد .

لا مصدقك يا عمنا بس المعلومة كانت جديدة عليا واستغربت إن كاسة المهني دي طلعت عيلة كبيرة قوي من أول العيال الصغيرة لغاية الجد الثالث عشر فقلت أسالك بطريقة غير مباشرة عشان نوضح المعلومات......... وانت بألف صحة وخير يارب

اقتباس:

المشاركة الأصلية كتبت بواسطة حسن كشك

اغنية نار حبك نار ... يا اسطى

نعم يا معلمي يا عندليب.... قصدي يا لعيب .... هي الأغنية دي ........نار يا حبيبي نار........ بس انت فتحت الورشة إمتى بعد فترة الحداد ..... لسة دوبي شايف الشغل الهارموني ده وشفت الأسطى الجديد الأستاذ/ باهر المصري واللى بهرنا بوجوده معنا وشرفنا في ورشة المعلم حسن كشك وله أحلى

**باهر المصري** · #**174** 04/01/2011, 15h19

الباشا قمر الزمان كلامك دة كتير و انا اللي متشرف بوجودي معاكم يا احلى اسطوات

**باهر المصري** · #**175** 04/01/2011, 15h34

وفي انتظار معلومات الاسطى الكبير

**tarak766** · #**176** 04/01/2011, 15h59

اقتباس:

المشاركة الأصلية كتبت بواسطة باهر المصري

وفي انتظار معلومات الاسطى الكبير

البانجو ؟

**باهر المصري** · #**177** 04/01/2011, 16h35

مضبوط وكما هو ظاهر هي اله شبيهة بالجيتار و البزق وهي الة منتشرة بالولايات المتحدة و يفترض انها ذات اصل افريقي

#**178** 04/01/2011, 17h41

اقتباس:

المشاركة الأصلية كتبت بواسطة باهر المصري

مضبوط وكما هو ظاهر هي اله شبيهة بالجيتار و البزق وهي الة منتشرة بالولايات المتحدة و يفترض انها ذات اصل افريقي

ـ البانجو banjo: آلة شعبية أمريكية، ذات أصل إفريقي، لها زند طويل ذو دساتين وجسم مستدير الشكل مغطى برق جلدي مشدود، يشد عليه ما بين خمسة أوتار وتسعة، وتضرب بالريشة. تستخدم هذه الآلة في الموسيقى الشعبية والراقصة وكان يستخدمها أهل الريف ونشاهدها كثيراً في أفلام رعاة البقر .... ومن يستمع لأغنية الشاب خالد الدي دي وا يستمع إلى آلة البانجو.
واستخدمها عبد الوهاب في عاشق الروح وكنت أظنها والغالب الأعم من الناس أنها آلة المندولين ولعل أحد الأساتذة يفك لنا العلاقة بين الآلاتين إذا كان هناك علاقة.

**محمود العيادى** · #**179** 04/01/2011, 18h06

و الله ياقمر هيه ... هيه .. ماندولين و او بانجو واحد نفس الاله واحد بس الاختلاف في الشكل و زمان كان فيه منلوجست بيطلع علي المسرح و معهاه نفس الاله البانجو و يقدم فاصل منلوجات و كان دمه خفيف جدا مش عارف حد عارفه و لا ايه و كان اسمه ( سيد مندولين ) و الكلام ده كان في الستينات و السبعينات .... و اهلا و سهلا بالاسطي الجديد باهر باشا و عاوزين حتتين شغل تاني علشان نشتغل و تفضل الورشه مفتوحه و بعدين ايه يامصطفي انت فين بقالك اسبوع .

**باهر المصري** · #**180** 04/01/2011, 21h13

غالي و الطلب رخيص وشكرا للترحيب الدافئ