الحفلات الخارجية للإذاعة المصرية

**hossamabousalem** · #1 26/05/2007, 20h47

المكان:الجمهورية العربيه المتحده-- القاهره---سينما قصر النيل
الزمان:31/5/1964
المناسبه:احتفال دار الاذاعه المصرية بمرور ثلاثون عاما على انطلاق كلمه هنا القاهره من العقار رقم 4 بشارع الشريفين حيث انشات الاذاعه المصريه فى 31مايو عام 1934
مقدم الحفل:السيده امال فهمى صاحبة البرنامج الشهير على الناصيه وصاحبة اجمل وارق لدغه فى حرف الراء
المطرب:الموسيقار فريد الاطرش وعوده الذى لايتكرر حيث قدم فقرتين
الاولى:موسيقى توته من مؤلفاته ومااجمل رنه العود فيها
الثانيه :اغنية اول همسه باسلوب مختلف عن سابقتها

الحفل كاملاً هنا

**hossamabousalem** · #2 27/05/2007, 04h48

المكان:الجمهوريه العربيه المتحده---القاهره---سينما قصر النيل
الزمان:31/5/1964
المناسبه:الاحتفال بالذكرى الثلاثون لافتتاح دار الاذاعة المصريه
مذيع الحفل:السيده امال فهمى صاحبة برنامج على الناصيه الشهير
برنامج الحفل:
مقطوعه موسيقية للفنان احمد فؤاد حسن باسم مبروك
تسجيل استوديو اهدته الست ام كلثوم للحفل يتضمن اغنيه ياصوت بلادنا اذيع فى الحفل كمشاركه منها
فقره للفنان الكبير محمد عبد المطلب وهى اغنية بتسالينى بحبك ليه من الحان الراحل محمود الشريف
فقره للفنانه فايده كامل قدمت فيها البركان العربى الهادى جالوا الوقت وثار
اصغر مطربى الاذاعة فى ذلك الوقت ماهر العطار يغنى مين يامن لك مين
فقره للفنان عبد العزيز محمود قدم فيها يانجف بنور ثم اغنيه يانخل بلحك بينقط سمن وسكر
ثم اخيرا الفنان فريد الاطرش الذى تركت من فقرته جزء من موسيقى توته اما فقرته كامله ففى ملف خاص خاص منفصل وذلك لطول الحفل

الحفل كاملاً هنا

**د أنس البن** · #3 27/05/2007, 14h35

تسلم ايديك يا أستاذ حسام . باقه رائعه وهديه معتبره تعيدنا لماض جميل وتفكرنا بشبابنا . الله يخليك

**hossamabousalem** · #4 27/05/2007, 15h10

الله يكرمك يادكتور انس ده ولا شىء جنب الهجوم الكاسح اللى سيادتك عملته فى صفحات فريد ومااتحفتنا به من روائعه
اى والله يادكتور انس كل شىء جميل كان زمان وبس

**mokhtar haider** · #5 27/05/2007, 19h52

حبيبنا حسام كبير البشوات
سيادتك عملت لنا برنامج طويل و عريض و إحنا غلابة مش عارفين نهضمه مرة واحدة و مش عارفين حتى نحمله الآن مع بطئ النت حاليا و مضطرين يا عظيم ننتظر قبل الفجر عشان نحمله
إنما ما يمنعش أننا نشكرك مسبقا على هذه النوادرخاصة من الحفلات الإذاعية... و خذ وقتك يا سيدي مع رفع فريد و موسيقى توته... دا الموجود داسم و طالب هضم مطول و متلذذ و انتشائي و كزا و كزا... ما أنت عاااااااااااااااف يا حسام ... بلاش اتفضح أكثر من كدا

مع محبتي
مختار

**hossamabousalem** · #6 27/05/2007, 22h56

طيب موش تستنى شويه ياعمنا مختار باشا يمكن لما تحمل الحفله ماتطلعش الوجبه دسمه زى مانتا فاكر؟
موش يمكن تطلع وجبه تيك اواى؟
تحياتى اخى الفاضل

**tarab** · #7 11/12/2008, 20h55

احتفال بعيد الاذاعه الثلاثين 31 مايو 1964

التسجيل في ملف واحد
حفل دار سينما قصر النيل 31-05-1964 أقامته الإذاعة المصرية احتفالاً بمرور 30 عاماً على إنشاء إذاعة مصر وقدمت الفقرات الإعلامية أمال فهمي
مقطوعة مبروك(الفرقة الماسية)
يا صوت بلدنا (أم كلثوم)
بتسأليني بحبك ليه(محمد عبد المطلب)
البركان العربي (فايدة كامل)
مين يأمن لك مين (ماهر العطار)
يا نجف بنور(عبد العزيز محمود)
مقطوعة موسيقية و أول همسة(فريد الأطرش)