أعمال من تنفيذ الفنان محمد الآلاتي

[غازي الضبع]

جميل جدا يا عم محمد
حقيقي .. الله ينور عليك
طبعا إنت عارف رأيي في الأغنية نفسها
كنت قلتلك عليها أكتر من مرة ..
وآخر مرة كنت قاعد مع الفنان محمد عفيفي طلبت منه أن يغنيها
ولذا يا ريت يا عم محمد نسمعها بصوت الفنان محمد عفيفي ..
التوزيع جميل
صوت الفنان معتز عصام في منتهى الجمال
يا ريت تبلغه تحياتي
ولكم جميعا خالص محبتي

[محمودسعد]

المشاركة الأصلية كتبت بواسطة الألآتى

ميرسيه ياعم محمود .. يارافع راسى وجابر بخاطرى ..

أتمنى أن تعجبك الأغنية والمطرب ..

ياسيدي وتاج راسي كل الكلام الحلو قليل عليك
وانت لما تختار بتختار وبتنقي
ماهو انت متربي تربيه موسيقيه عاليه
ازاي لما تختار ماتختارش فنان جميل زي معتز
بس اقوللك علي فكره؟
ايه رايك ان كل اخواني المطربين الحلوين قوي لما كلنا نغني الابداعات دي ؟
اصل كلنا طمعانين فيك بصراحه
والا بقي الا ؟
لو كمان اشترك معاك عم عادل صمويل بكمانجته الرائعه
ايه رايك
عاوز نخربها ياعمنا انت وهو بجد
اصوات ؟ عندنا
ملحنين؟ عندنا
مؤلفين؟ عندنا
فنانين كبار اوي وبعاد عن السوق لتفاهته
وموجودين وربنا يديهم طوله العمر ويمتعهم بالصحه والعافيه
طب ليه بقي ماننشرش اعمالنا مجمعه بنا جميعا والفن الجيد بيفرض نفسه واحنا ناس عندنا شحنات لازم تطلع بجد
ماتيجوا ننتج لنفسنا اعمالكم اللي هي اعمالنا
احنا ناس اكبرمن الفلوس
وفننا الصح مش هايقع في زمن ردئ فكم من زمن ردئ مر وكان فيه مدعين فن وكان فيه هلاسين فن والجيدلايموت
اذا طالما كلنا كده موجودين كاصوات في وسط اساتذه عظام وعباقره فلن نرسب ولن نسقط
اعطونا ماتوزعون وانت بالذات ياالاتي خليها تحريري يعني كلنا كده نغني من توزيعاتك ونرفع شغلنا الكامل من جميعه هنا في بيتنا الكبير وخلوا الناس تدخل وتحمل ببلاش وانا واثق باننا سننتصر علي التوافه والتافهين والمدعين
واثق بان فنكم الجميل باشتراكنا المتواضع عفيفي ومعتز والعبدلله وغيرنا
لن نغني اغاني جديده ولكنا سنقدم للناس هذه التوزيعات والاغاني بصوتنا وباخراجكم والله والناس هاتصدقنا لان الناس مش وحشه اوي للدرجادي الناس لسه بتسمع والله صدقوني وماتصدقوش الكلاب الصايعه لامؤخذه في اللفظ ماتصدقوش ان الحلو خلص
لالالالالالالالالالالا
اخيرا انا معرفش انا قولت ايه لان كل كلمه انكتبت كانت حلم وياريته يتحقق بيكم
ياااااااااااااااااااااااااااااااااااارب

[الألآتى]

إخوانى الأعزاء

معانا النهاردة رائعة من روائع بليغ حمدى وعبد الحليم حافظ

أغنية ماشى الطريق

تنفيذ وعزف : العبد لله

غناء : المطرب الصاعد : معتز عصام

[محمودسعد]

الله الله الله
الله اكبر عليك يابو حسام انت ومعتز عصام
اغنيه جميله ومطرب جميل ومخرج رائع ومحترف حلويات اسمه محمد الالاتي
ادام الله عليك الصحه والعافيه ويخليك لينا ياغالي قوي يابو حسام

[الألآتى]

ربنا يكرمك ياعم محمود .. ياأستاذ ..

أشكرك على كلامك العسل ..

[mohamedafify]

اخى العزيز محمد الالاتى توزيع راقى جدا وغنوة جميلة واول مرة اسمعها مش بقولك انك بتجيب نوادر وصوت المطرب جميل جدا واحساسة عالى ربنا يوفقنا جميعا ويديم علينا محمد الالاتى اللى بيعمل حاجات جميلة كدا
مع تحياتى محمد عفيفى

[محمودسعد]

انت العسل كله يابو حسام ياحبي
ياسرا حبي
يامالكا قلبي
يارب تعملها بالمناسبه
اللي هي يامالكا قلبي وخلي بالك هي خطرت في بالي دلوقت وانا بكتبلك
بس هاتبقي تحفه منك ياغالي اوي



ملحوظه صغيره
وراك وراك يامحمدياعفيفي ياللي بتدخل علطول ورا الالاتي في كل موضوع ومراقبه اوي ومفنجل عينيك اوي علي شغله وعمال تغنيله كل حاجه لوحدك ياعم هههههههههههههه
ماشي ياعفيفي
لما اقابلك وانشاء الله هاقابلك انت والالاتي ومعتزكمان
وعلي فكره اعذروني انا بحمل الدرر دي وبانقلها بالبلوتوث للناس
بعد اذنكم
وبرضه وراك وراك ياعفيفي
هههههههه في الرد طبعا ياجميل
وسلملي علي الالاتي
وبوسلي كل جميل في سماعي من جبينه

[الألآتى]

إخوانى الأعزاء

أقدم لكم اليوم أغنية

سوتى الهندية

وهى إحدى أغنيات الفنانة سعاد حسنى فى مسلسل ( هو وهى ) التلفزيونى ..

وهى من أعمال الأستاذ الموسيقار عمار الشريعى

ولقد أعجبنى فيها إستخدامه الجيد للألآت الهندية .. مما أعطى إنطباعاً بالصبغة الهندية ..

وأعجبنى فيها أيضاً براعته فى الإنتقال من مقام العجم .. إلى مقام النهاوند بطريقة سلسة وجميلة ..

التنفيذ والغناء للعبد لله ..

[ALY ELHELALY]

إيه الجمال ده يا أستاذ محمد
والله أول ما قريت العنوان قلت الأستاذ محمد هيسمعنا حاجة بالهندى
قلت إيه ده هيغنى بسبع لغات
يسلم أبداعك
بجد جميله قوى
لك تحياتى

[محمودسعد]

انت عاوز تجنني
ايوه عاوزتجنني
اكيدانت اتفقت مع نفسك عليه وعاوزتجني
ايه الدماغ دي
ايه الفكر ده
ايه الثقافه دي
ايه اللي عاوز تعمله تاني ياالاتي
عمال تصطاد حاجات مصر كلها مش فاكراها وانت لوحدك فاكرها
انت ايه ؟
مجنون عاقل ؟
ولا عاقل مجنون ؟
ولا ايه ولا ايه ولا ايه
اقوللك ؟
هو حكايه قسم يكون فيه ابداعاتك دي اصبحت حاجه صغيره عليك
وانا رايي المجنون بيقول انك تستحق وبجداره يعملولك محطه زي بتاعه ام كلثوم زمان وكمان مش تبدا وتنهي لالالالالا
دانت تفضل شغال علطول
يا ا لاتي
يااستاذ محمد
يابو حسام وخالد
ربنا يذيدك ويخليك لينا
يافخر المنتدي
يااصلي
يااصيل