عبدالسلام بوجلاوى الفـــــــــــــاخري
مــــــــــانا ضراري ضرة .. خوت م الظهر يا ليبيا والسرة .. ظناك كلنا
ظنــــــــــــــــــــــــــــــــــاك الاصليين .. تلقينا ان جد الجد موجودين
وعارفين واجب طاعة الولدين .. ان شاء الله مـــــــا منا اتجيك مضرة
ولا من ترابك حالفين يمين .. لغازي دخيل نسلموا فــــــــــــــي ذرة
اللـــي من أنساب الحسن والحسين .. دونك يهون الراس عند الزرة
ترابك عزيز انحزوا فيه ثمين .. حتـــــــــــــى صغيرنا حب البلاد مقرا
ولا تسمعي تشكيك من وحدين .. مـــــــا هم ظنا كبدك لمد من برا
اللاعب على الحبلين بو وجهين .. قليل الحيا يكفيك ربـــــــــي شره
لخيرك بــــــــــــــــــــــلا تقنين نهابين .. الجامد كلوه ولحقوا المجرة
مــــــــــا لهم وفا بالعهد خداعين .. ان صار الخطر منك اسراع الفرة
يرخوك عند مــــا دار الرصاص زنين .. ويجوك وينما تبقي عزيزة حرة
حتى ان كان تفتيش المذابح شين .. ويتعب تقول الناس قص الجرة
نلومك ومـــــــــــــــــــا يلتام غير الزين .. ولومي عليك نأكده ونكره
خايف مع كمين قط سمين .. خيرك علــــــــى المسكين يقصر بره
لا من حليبك تحرمي الجنين .. ولا ع الظليل تسارعــــــــــي بالدرة
نحنا لسيتك من قبل حمالين .. دمالة مكان الضيق مــــــــــــا اتورا
علــــــــي مثل قيل زمان مستندين .. الناقة ولدها مستحيل تضره
مــــــــــــــا تهيس وطيتها عليه بلين .. ولكن بثقل الزور زور الصرة
ربيبك السابق من مدد وسنين .. التاريخ غير فــــــي مساق مجرة
وأحفادهم إلى هــــالوقت مركونين .. وقدولك النار ورقدوا ف القرة
فراشك عليه بعيد مدفورين .. وغيرهم مربخ فـــــــــي محر محرة
ولك أخلاصهم ثابت بلا تظنين .. جنينك بحبك فـــــــــي لباك امغرة
مــــــــــــا يخذلوك ويتبعوا لخرين .. حبيبك لصف عداك صاعب جرا
ومـوش ظن طيبك نعلمه يقين .. حتى وين جعتي ما ابقيتي هرة
ويعيش من سند صفك بعد توهين .. حماك من قواعد بينهن منزرة
وقام لشهيد الوطن بالتبيين .. لـــــــــــولا الغيور البطل مات بسره
جميله علينا حمل بـــــوتسعين .. فوق من كتوف المخلصين معرا
وختام الكلام صلاه ع الأمين .. الصادق اللــــــي ذكراه فيه مسرة
العرض العادي
