فزورة عن الالات الموسيقية - الصفحة 15

**حسن كشك** · #**141** 19/12/2010, 06h44

لا ياحوده المره دى بقى ... حاول مره اخرى
طيب ها اقرب لكم الاسم شويه
فيه ممثل فى فيلم لعبة الست .. كان متسمى على اسمها
عرفتوه وعرفتوها

#**142** 19/12/2010, 06h57

اقتباس:

المشاركة الأصلية كتبت بواسطة محمود العيادى

انا قلتلك ياسطي مصطفي حمد الله علي السلامه في حته تانيه و نخش علي الشغل شوف ياسيدي الاله بتاعتك هي مجموعه طبول و تسمي في مصر بالتماتم ( جمع تمبه ) و هي تستخدم في مصر مع مجموعه الباركشن و سبق ذكر ذلك و هي معنيه بزخرفه الايقاع و عمل تريلات او افيهات ايقاعيه و ممكن ظبطها زي ماقلت عن طريق مفتاح للشداد بمفتاح النكيه معاها و يمكن ظبطها علي البيانو لنغمه الصوت المطلوبه سواء غليظ ( باص ) او ميتالك ... و بالنسبه للاله الموسيقيه بتاعه الاسطي حسن هيه نوع من الجيتار الاسباني ( الاسبنش ) و الله اعلم .... و سياده الرئيس لابد في الذره لللاجابات بتاعتنا و خليك صاحي .

الله يسلمك ورديت عليك هناك في الحتة التانية .............. وحلو قوي الكلام بتاعك ده وفي الصميم وخلي المعلم يجيب صورة ليها وعزف ليها كمان خليه يشتغل شوية بدل ما هو نازل يطبل على دماغي(دعابة يا معلمي )
وبعدين خد راحتك شوية اصل انا عرفت من حتة تالتة ان الريس (لا خليها فخامة الرئيس أحسن يكون مراقب البلدية متنكر ويرفع الأمر للحكومة) مسافر.

**عادل فؤاد رفاعى** · #**143** 19/12/2010, 09h17

ممكن معلومات عن هذه الألة وكيفية استخدامها(((وإسم الآلة العلمى)) !!!!!!

#**144** 19/12/2010, 14h02

Balalaika

يا معلمي بس عليك تجيب الفيديو عشان الفيديو اللى وجدته مش عاجبني

**حسن كشك** · #**145** 19/12/2010, 14h47

اقتباس:

المشاركة الأصلية كتبت بواسطة حبيب عبد الوهاب

ممكن معلومات عن هذه الألة وكيفية استخدامها(((وإسم الآلة العلمى)) !!!!!!

يا حبيب .... الحل بالترتيب
نحل الموجود ... وبعدين اللى عليها الدور
والدور دلوقتى على البلاليكا

**حسن كشك** · #**146** 19/12/2010, 14h55

اقتباس:

المشاركة الأصلية كتبت بواسطة حسن كشك

ما اسم هذه الاله الموسيقية

وايضاً لها احجام متنوعه كثيره

فعلا كما قال اخونا الاسطى الكبير الباش قمر
أنها اله البلاليكا ... الروسية

عزف على البلاليكا

YouTube - balalaika amok Aleksei Arkhipovsky

واله البلاليكا هى اله روسية شعبية وترية ذات صندوق صوتى خشبى مثلث ولها ثلاث اوتار ... ويرجع الاختلاف فى احجامها ... حيث تمثل اسره ... او فرقة موسيقية كاملة ... ففيها البريمو بالاليكا .. والسكوندو بالاليكا ... والالبتو بالاليكا .. وحتى الباس بالاليكا ... والكونتر باس بالاليكا ..(.كما اله الكمان ) ويظهر ذلك فى الصورة

**عادل فؤاد رفاعى** · #**147** 19/12/2010, 15h49

معلومات قيمة جدا فى الموضوع استفدت منها كتير

تحياتى

#**148** 19/12/2010, 16h32

اقتباس:

المشاركة الأصلية كتبت بواسطة حبيب عبد الوهاب

معلومات قيمة جدا فى الموضوع استفدت منها كتير

تحياتى

اكيد لازم تستفيد انت جيت لأحلى ورشة وايه شغلها مية مية مفيش زيها ..... الورشة وفيها خبراء متخصصين وواخدين ترخيص من البلدية ومعلمين واسطوات ده شغل وله أصوله

اتفضل اشرب الشاي يا بيه وادي كمان كرسي .... بس استنى لما انضفه لك من غبار الورشة .... بعدين نلاقي دو والا مي كدة ..... عشان البدلة
وحاضر حشوف لك البضاعة اللى عندنا واجيب لك احلى حاجة ..... نورتنا يا بيه ويارب تصير زبون دائم عندنا... عن اذنك اروح المخزن اجيب البضاعة.

**حسن كشك** · #**149** 20/12/2010, 08h33

اقتباس:

المشاركة الأصلية كتبت بواسطة حبيب عبد الوهاب

ممكن معلومات عن هذه الألة وكيفية استخدامها(((وإسم الآلة العلمى)) !!!!!!

اتفضلوا حلو فزورة الاخ حبيب

**حسن كشك** · #**150** 20/12/2010, 12h35

اقتباس:

المشاركة الأصلية كتبت بواسطة حبيب عبد الوهاب

ممكن معلومات عن هذه الألة وكيفية استخدامها(((وإسم الآلة العلمى)) !!!!!!

Bagpipes
مزمار القرب

عزف على مزمار القرب ( القربة )

YouTube - 78th Highlanders of Canada