نجوم الغناء والتلحين .. صور نادرة

[أبوإلياس]

صورة نادرة تجمع بين محمد فوزي وحليم ومحمد عبد الوهاب ، رفعها الأستاذ القباج في ألبوم محمد عبد الوهاب أعيد تثبتها هنا لأهميتها

[أبوإلياس]

[خليـل زيـدان]

المشاركة الأصلية كتبت بواسطة فؤاد عبد الحميد

آه

أن كان كده ماشي
طب منلقاش عندك صوره للجميله الرائعه فايزه أحمد
تكون كده في فترة السبعينات
من الصور اللي كانت بتنزل في مجلة الكواكب مثلاً

والله انت خطير يافؤش .. وتعجبني صراحتك ولا تحب أن تضيع الوقت .. ودخلت على طول في صميم الموضوع .. الأخت بتقولك صباح الخير، تقول لها " طب منلقاش عندك .... " والله أسعدتني بعفويتك وطيبتك..

عموما بأمر الله لازم أسعدك وبالنيابة عنها ياسيدى تلاقي عندي .. تفضل ياباشا انت وأبو الطل حبيبنا

دي فايزة مع أولادها فريال وأكرم

خالص المودة .. الريحانى ....... ومتقولش اني أنا خلو يافؤش علشان دا سر .. ولا قول اللي يعجبك .. ما انت ورايا ورايا عمال تقول خلو .. خلو ..

[خليـل زيـدان]

بص يا فؤش .. طبعا انت استفزتني علشان أطلع صورة تانية .. ماشي ياعم فؤاد ..
بس عاوز أقول لك ان الجمال جمال الروح أولا .. وعندنا في مصر بيقولوا : مراية الحب عامية .. ودا مثل شعبي ، والمقصود به ان من يحب ، يبحث أولا عن جمال الروح ويتغاضى عن الباقى .. ويشعر أن حبيبه أجمل انسان في الدنيا رغم انتقاد الآخرين له ..
وبعدين أنا كنت أقصد صراحتك وأسلوب حوارك مع عفاف .. والآخر تقول : أنا صريح وأعلنها صريحة أن فايزة مش جميلة .. طيب .. خد الصورة دي وشوف عتاب فايزة أحمد لك ، وبتقول لك أيه ..وبعدين اعطي الصورة لأخونا أبو الطل .. مادامت فايزة مش عجباك ..
خالص التحية .. ومافيش توقيع ولا حاجة ..
_____________

ماذا لو أنك يارفيق العمر .. قد أخبرتني أن انتهى أمري لديك ..
فجميع ما وشوشتني أيام كنت تحبني ، قد بعته في لحظتين وبعتني .
شوف نظرة العتاب وكلامها لك يا فؤش .. انت تستاهل ..

[خليـل زيـدان]

الأخت عفاف مساء الفل
محاولات جيدة .. والآن قد عرفت كيفية رفع الصور .. أسعدي أخونا أبو الطل وفؤاد باشا عبد الحميد برفع المزيد ..
ومستوى الصورة الأولى جيد جدا ولكن الحجم صغير.. حاولى ألا تقللى الروزيولشين الخاص بالصورة وممكن تفتحى الصور عندك والتحكم فيها وفي حجمها من خلال برامج الفوتوشوب أو الباور بوينت
خالص المودة وفي انتظار المزيد .. خلو

[عفاف سليمان]

فى همس الشجر بلاقى حبيبى
وضى القمر بشوفه حبيبى
ولمس النسيم بفتكره حبيبى
فى ليل المطر بتصور اتصور حبيبى
بشوفه حقيقه واشوفه سراب
وقنديل مضوى على كل باب

[خليـل زيـدان]

يا حبيبي يافؤش .. لك أسلوب .. حرام عليك كده .. بتعرف تأسرني بطيبة قلبك وجمال كلماتك
وعموما لن أرد عليك بالكلمات .. فالصورة كما يقولون ، بألف كلمة ..
___________________
شوف فايزة بتقولك ايه ..
قلبك مش راسي على حال ، وكتير بتحيرني بصدك
تخاصمني وترجع تصالحني وتقولي دا كان غصبن عني
آه ياخويا منك ، آه ياخويا منك ..
عليك حبة شقاوة ، دوبت القلب بيها ، لكن نارك غلاوة والناس حاسديني عليها .. وانا خايفة عليك وباغير وغلبت من التفكير

شفت جمال الصورة و كلمات فايزة لك يافؤش ..خليك شاهد يا حبيبنا أبو الطل .. خليه يبطل شقاوة
خالص المودة .. أخوكم .. خلّو سابقا .. الريحاني حاليا

[خليـل زيـدان]

حبيب قلبي فؤاد باشا
مش قلت لك ، لك أساليب سحرية علشان تخليني أطلع الصور المستخبية ..
أقل شيء طبعا أعمله .. اني أهديك رائعة أخرى من روائع الكروانة اللي مدكنها في مغارتي ، بعد الحوار الجميل بينك وبين الأخت العزيزة عفاف .. وبعدين ما عاش اللي يزعلك ياعفت .. وما تصدقيش كلام فؤش عني .. دا أسلوب ساحر منه لكي أنزل بصورة جديدة .. وحياة ربنا يا فؤش مش خسارة فيك .. ولو طلبت عنيا ما أتأخرش عنك
تفضل ياسيدي .. صورة جديدة .. انتو تزعلوا وتصطلحوا وانا أنزل بالروائع .. عموما حق أخونا أبو الطل محفوظ هو وحبيبنا منعم .. وخليكوا شاهدين على حبايبنا .. خليكوا شاهدين
خالص تحياتي للأخ الأستاذ سامي عبد العزيز على تعليقه الرائع
ولكم خالص محبتي .. الريحاني

[خليـل زيـدان]

الفنان الجميل محمود شكوكو في شبابه

[el kabbaj]

السنباطي في شبابه




أم كلــثوم في صـباها




محمد عبد المطلب




كــــارم محمـود