قطرات من مداد قلم الشاعر السمعجي كمال عبد الرحمن

[سمعجى]

المشاركة الأصلية كتبت بواسطة abuzahda

ياسين ، يا بو الفوارس

عِزَّك ، كإنه فارس
راكِب حصان يبَرْجِس
كَايد عِداك و فارس

و العِز يا ضبع بِيتْ
فيه الفُرسان تَبـِيتْ
و الشِعر بيت و بيت
و كمال عالشِعر حارِس

عارف سِر الكمال
زيْ الميزان ، ما مال
وزَّان القـُول ، كمال
و نوّارة المجالِس
*
*
فين عمي كمال ؟ يقولّي رأيه في حكاية "قطرات" دي ... لما "القطرات" عملت فينا كده ! ، أمال "الشلالات" هتعمل إيه؟
و النبي يا ست منال ، لو ناوية تكملي لغاية "شلالات من مداد الشاعر السمعجي" ما تنتظريش مني رد ، علشان لو فِضل فيّا قدرة على الكيبورد هستغلها في كتابة وصيتي "أشرَع" -نسبة إلى الشرع-
أنا عايز عمي كمال
إنتوا ما درستوش تشريح يا اخواننا ؟ إنتوا مفكرين القلب يتحمل كل ده ؟ ده هو حتة مضغة أد الكومتراية ...
فين عمي كمال
اللي يشوفه يقوله: سيّد كان نفسه يشوفك قبل ما يرجع لأول صفحة

لو مش مصدقينّي ، تعالوا معايا كده لغاية أول صفحة ، و الجدع فيكوا يوصل هنا

"عاقل"

يا مِيت نـَـــدامة على اللـي الشـِّــعر بيذِلـُّه

يامـا انحَــنيت له ، و لا يِـِشفـَـق على خِلـُّه

أبوس إيدين المعاني ، برضـُه تِعصـــــاني

و تفوت على عمي سيد ، ترتِمي ف ضِلـُّه

***

قالوا زمان في المَثــل : مِن دقنه و افتِل له

خـَدني في ضِلـِّة سحابه ،، خدتو في ضِلـُّـه

ينضب مَعين العَسَل ، و يجف نبع الجَمــال

و الشِعر ما يصطِفي ،، غير الجميـــل خِلـّه

[سمعجى]

المشاركة الأصلية كتبت بواسطة سيادة الرئيس

مداخله من علي علام

يا صلعة العبقرية ،، أنا في عِشقِك ضحية
و ليسقط الشـَّعرُ إن لم ،، تـزِينه الإنسانيـة

باق ٍفي صلعتي 15 شعراية ( في طريقها للسقوط ) ،،
و أصل إلى نفس المستوى الألمعي

[unicorn]

المشاركة الأصلية كتبت بواسطة عصفور طاير

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

عسل و الله
تعالى شوف يا استاذ جمال الكلمتين دول

يا مِيت نـَـــدامة على اللـي الشـِّــعر بيذِلـُّه

يامـا انحَــنيت له ، و لا يِـِشفـَـق على خِلـُّه

أبوس إيدين المعاني ، برضـُه تِعصـــــاني

و تفوت على عمي سيد ، ترتِمي ف ضِلـُّه

***

قالوا زمان في المَثــل : مِن دقنه و افتِل له

خـَدني في ضِلـِّة سحابه ،، خدتو في ضِلـُّـه

ينضب مَعين العَسَل ، و يجف نبع الجَمــال

و الشِعر ما يصطِفي ،، غير الجميـــل خِلـّه

يا قوووووووووووووة الله

[سمعجى]

المشاركة الأصلية كتبت بواسطة عصفور طاير

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

((((((((((()))))))))))

الليلة يا عمدة

بس أحلى جُملة ف تاريخ البشرية :

هوَّ انا حاشحتها مِنـّك يا وَلـَه ؟!

[سمعجى]

المشاركة الأصلية كتبت بواسطة unicorn

عسل و الله

تعالى شوف يا استاذ جمال الكلمتين دول

يا قوووووووووووووة الله

حبيبي أبو مندور معانا على الهوا يا عصفور

إلهي و انتَ جاهي ،، تجمعنا على شط بحر الهوى

بس و النبي يا بو مندور ، تبعِدنا عن قهوة ( أنـَّح ) اللي ف بحري ( أكيد عارفها ) ،،
أحسن العيال اللبط اللي هناك ،
مِتعَلـِّم عليهم من عصفور طاير ( أيّام الشآوة ) ،،


خليها قـَعدة ( رِوِشة طحن ) عند كوستا كوفي

[عصفور طاير]

حبيبي أبو مندور معانا على الهوا يا عصفور

إلهي و انتَ جاهي ،، تجمعنا على شط بحر الهوى

بس و النبي يا بو مندور ، تبعِدنا عن قهوة ( أنـَّح ) اللي ف بحري ( أكيد عارفها ) ،،
أحسن العيال اللبط اللي هناك ،
مِتعَلـِّم عليهم من عصفور طاير ( أيّام الشآوة) ،،


خليها قـَعدة ( رِوِشة طحن ) عند كوستا كوفي

مانا ندرتها له في الصفحات دي برضه إن لما ننزل اسكندرية لازم نتقابل ونقعد شوية على الكورنيش ناكل درة ونشرب مانجه
لكن بلاش بحري فعلا يا ابومندور
عشان فيه وَلَه هناك مدّيله واحده في وشه من اللي بيحتار فيها الأطبا


أما كاليثيا فبرضه بيعمل شاي حلو....

ما تحبكهاش يا عم كيمو ما تبئاش حنبلي ياااا راااجل

[unicorn]

[quote=عصفور طاير;293937]

المشاركة الأصلية كتبت بواسطة unicorn

انت اللي يسلم حسك.. والله مستني الحضن يا باشا

فاتح دراعي، وقلبي للحبيب مندور

زينة سماعي عمّي أَبو مندور

يا اسكندرية يا رمل متعطر

من غير محمد فيكي يوم ما ندور

ليه بس الكلام الكبير دة يا عم جمال ,
آسف و الله لسة شايفها
يا دى الكسوف ,
بالحضن يا أخويا ,
قادر ربنا يجمعنا بيك على خير ان شاء الله يا ابو الذوق .

[سمعجى]

المشاركة الأصلية كتبت بواسطة رايا

اميرة الاميرات

الساحرة الصغيرة
منال
انتى اكثر من رائعة فى تجميعك لهذة
الالماظات المتنثرة فى ارجاء المنتدى
من الجوهرجى استاذ كمال

وانا قرات حيتة مقطوعة جبت لى حالة
من الازبهلال يعنى العين والبوق مفتوحين
وتستوعبيها بعد ساعة كدة

اسمها
قارئة المج

قارئة ُ المَجّ

حَضَرَت
و الرعب بعينيها
تتأمل في مَجَّي المقلوب

ميرسي خالص يا رايـــا على قارئة المَجّ
و سلامتِك من الإزبهلال ( إن شالله عَدُوّينك يا رب )

و مداخلتِك دي لوحدها ،أجمل و أغلى مِن أغلى ألماسة في العالم

على فِكرة ،،
أغلى ماسة في العالم زرقاء بلا شوائب ، و موجودة في هونج كونج ، و آخر تثمين لها ، 6 مليون دولار بَس

أشكرك يا رايــــا

[سمعجى]

المشاركة الأصلية كتبت بواسطة غازي الضبع

أختي الفاضلة .. عيون المها

أهو المشاركة دي لوحدها بمليون دولار
مع إني قرأتها من قبل مئات المرات
إلا أنني قرأتها الآن بمنتهى البهجة والإعجاب والانبهار
وكأني أقرأها للمرة الأولى
شكرا لكِ أن ذكرتينا بهذه المشاركة الجميلة ( ليلة مع العفاريت ) للشاعر الكبير كمال عبد الرحمن

و لا ملايين دولارات الدنيا ،،
تساوي صُحبتنا الجميلة يا بو فارس

عاملين حِسابك في سهرة اسكندرية ،،
بس و النبي بلاش قهوة أَنـــَّح

[سمعجى]

المشاركة الأصلية كتبت بواسطة سيادة الرئيس

(( ياربي صلي عليه و آله ))

يا راجل إنت ما تخلناش نغلط في مواضيع الناس

يا إبن دين النبي إنت بتجبهوم منين

في الدنيا المقلوبة يا رَيّس ،، غـَلـَطك هُـوَّ الصَّح
و يا ريتك تِقبَل عزومِتنا ،، بس بلاش قهوة أنـَّحّْ