طلبات نوتة أ / عادل صموئيل الجزء الثانى

[Dr.Fouad]

استاذنا الفاضل عادل صموئيل معلش انا تقلت عليك فى طلباتى
كان نفسي فى نوت لتقاسيم صبا و بياتى و نهاوند و ياريت ياريت تقاسيم الاكورديون للراحل الفنان حسن ابو السعود
اعزرنى فى كثر طلباتى الواحد ما بيصدق يلاقى محترف مخضرم زى حضرتك علشان يستفيد من خبراته
و الف مليون شكر على المجهود الرائع فى التدوين
مشكور

اخى العزيز
التقاسيم دى ما ينفعش تتكتب
لأنها بتبقى ارؤتجال من العازف مش فى اللحن اصلا يعنى العزف بيستعرض شطارته فى الانتقال بين المقامات والعلامات الايقاعية بتاعتها بتبقى مش محددة زى الموسيقى اللى على ميزان يعنى صعب جدا كتابتها وحتى لو اتكتبت لو انت قريتها حاتطلع حاجة تانية غير اللى اتعزف اصلا
مع اطيب تحياتى عادل صموئيل

[نور الصباح]

[QUOTE=عادل صموئيل;617443]

احبائى

اقدم لكم من تراث عبد الوهاب القديم
مين عذبك
مع تحياتى
عادل صموئيل
sssssssssssssssssssssssssssssssssssss
أســـــــــــــــــتاذنـــــــــــا الكبــــــــــــــــير الموسيقار القدير
عــــــــــــــــــــــــــــــــــــــــــــــادل باشـــــــــــــــــــــــــا صموئــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــد :
أولا : شكرا على نوتة عبدالوهاب ( مين عذبك بتخلص منى )
فهى من أجمل ما لحن وغنى عبد الوهاب
ثانيا : يوجد فى بداية النوتة دليل مقام الراست وفى نهاية
الصفحة الأولى تغير الدليل إلى دليل مقام الكورد ثم بداية الصفحة الثانية دليل مقام الراست
و أنا أعلم يقينا بأنه خطأ غير مقصود وحدث سهوا - وجل من
لا ينسى
أرجو منكم سرعة التصحيح - علما بأنى لا أعدل عليكم ولكن
أذكركم فقط
وشكررررررررررررررررررررررا
أخوكم
نور الصباح

اخى العزيز شكرا وتم التصليح
انا كنت فى الصفحة الثانية عايز اعمل الدليل 4 بيمول لكن اكتشفت ان عبد الوهاب مش غير المقام ولكن عمل حركة خبيثة والكمبيوتر مافهمهاش
مع اطيب تحياتى عادل صموئيل

[Dr.Fouad]

المشاركة الأصلية كتبت بواسطة Dr.Fouad

استاذنا الفاضل عادل صموئيل معلش انا تقلت عليك فى طلباتى
كان نفسي فى نوت لتقاسيم صبا و بياتى و نهاوند و ياريت ياريت تقاسيم الاكورديون للراحل الفنان حسن ابو السعود
اعزرنى فى كثر طلباتى الواحد ما بيصدق يلاقى محترف مخضرم زى حضرتك علشان يستفيد من خبراته
و الف مليون شكر على المجهود الرائع فى التدوين
مشكور

اخى العزيز
التقاسيم دى ما ينفعش تتكتب
لأنها بتبقى ارؤتجال من العازف مش فى اللحن اصلا يعنى العزف بيستعرض شطارته فى الانتقال بين المقامات والعلامات الايقاعية بتاعتها بتبقى مش محددة زى الموسيقى اللى على ميزان يعنى صعب جدا كتابتها وحتى لو اتكتبت لو انت قريتها حاتطلع حاجة تانية غير اللى اتعزف اصلا
مع اطيب تحياتى عادل صموئيل

الف شكر على الرد
انا قصدى على التقاسيم الطويلة مش تقاسيم زخرفة الاغانى
ممكن حضرتك تشوف اول الفيديو ده
‫ط¹ط²ظپ ظ†ط§ظ‰ ظˆظƒظ…ط§ظ† ط§ظ„ظ…ط§ظ„ ظˆط§ظ„ط¨ظ†ظˆظ†‬‎ - YouTube
فيه جمل موسيقية كاملة اتعزفت فى اول العزف
هل ديه كلها اجتهاد ؟ يعنى كلها حاجات مش مكتوب قبل كده او اتعملت بخبرة محلنين و الناس بتتناوبها عنهم ؟
و لك منى جزيل الشكر و الاحترام
اخى العزيز
اولا لاحظ هنا وظيفة اليد اليسرى يعنى بتعمل حاجات وبتكون من ارتجال العازف يعنى اول شىء لمس نغمة عملت ارضية للتقسيمة وبعد كده ادخل منها اليقاع والمصاحبات
اما القسيمة هنا هى ارتجال من الازف انه بيبتدى بمقام ويروح لمقامات تانية او يلمس نغمة غريبة عن المقام بس هنا مطلوب ذوق عالى وخبرة يعنى لازم اولا دراسة المقامات بحيث لما تكون فى مقام تخرج منه تروح على فين وفين وهكذا
اما اللحن الاساسى وهو اللى بيبدأ من اول الايقاع
كمان زى ماقلت لك التقسيمة مش بتتحفظ يعنى لو نفس اللحن الللى فيه تقاسيم فى مكان معين عزفه عشر عازفين شطار لازم حتكون التقسيمة مختلفة لأنها بتعبر عن نكهة العازف نفسه
مع اطيب تحياتى عادل صموئيل

[عادل صموئيل]

احبائى

اولا اشكركم على المعايدات الرقيقة
اما العيد هو عيدنا كلنا يعنى اى يوم يعدى على امتنا العربية والاسلامية فى خير وسلام هو عيد
وهنا جديد بالذكر اننا نحس بالود والمحبة والسلام والوئام وكل الصفات الكريمة اللى بتحض عليها الاديان السماوية
يعنى من اهم مميزات نزول الاديان على الارض ان الناس تتعلم المحبة والتسامح والسماحة وكل الصفات الجميلة
وانا بيصعب عليا السلوكيات الخاطئة اللى بيعملها البعض والتى تحض على الكراهية والعنصرية وهم بيتخيلوا ان ده تطبيق لتعاليم دين مع انها تطبيق سافر لتعاليم الشيطان ... يعنى الكراهية دى من شيم الرسل ولا من شيمة الشيطان ؟؟

انتهز فرضة العيد واقدم لكم اغنية فيها شوية تفاءل

مع رائعة فريد الاطرش

الحياة حلوة

مع اطيب تحياتى وشكر من القلب لكل من تفضل بالمعايدة سواء بالكتابة او تليفونيا

[عادل صموئيل]

احبائى
واقدم لكم من طلبات الاخ العزيز نور الصباح

بعد اللى كان

مع اطيب تحياتى

[علي ثلاثة]

أخي الفاضل نور الصباح
هنيئا لنا
الحياة حلوة
بعد اللي كان
بفضل الكريم
عادل صموئيل
..منذ عقود وعهود
استمعت إلى
يا حبيبي يا اللي جنبي
في فيلم عفريتة هانم
والأغنية في الفيلم تحتوي على
الكوبليه الأول والكوبليه الثاني
ولكنني كنت أعلم أن الأغنية 3 كوبليهات
وكلها غاية في الجمال
ونحن نريد- وأنت معي ما في ذلك شك-
الـ 3 كوبليهات
وهنا رابط الأغنية كاملة

Ya habibi yalli ganbi-ظٹط§ ط*ط¨ظٹط¨ظٹ ظٹط§ظ„ظ„ظٹ ط¬ظ†ط¨ظٹ - YouTube

وشكرا

[Dr.Fouad]

المشاركة الأصلية كتبت بواسطة Dr.Fouad

الف شكر على الرد
انا قصدى على التقاسيم الطويلة مش تقاسيم زخرفة الاغانى
ممكن حضرتك تشوف اول الفيديو ده
‫ط¹ط²ظپ ظ†ط§ظ‰ ظˆظƒظ…ط§ظ† ط§ظ„ظ…ط§ظ„ ظˆط§ظ„ط¨ظ†ظˆظ†‬‎ - YouTube
فيه جمل موسيقية كاملة اتعزفت فى اول العزف
هل ديه كلها اجتهاد ؟ يعنى كلها حاجات مش مكتوب قبل كده او اتعملت بخبرة محلنين و الناس بتتناوبها عنهم ؟
و لك منى جزيل الشكر و الاحترام
اخى العزيز
اولا لاحظ هنا وظيفة اليد اليسرى يعنى بتعمل حاجات وبتكون من ارتجال العازف يعنى اول شىء لمس نغمة عملت ارضية للتقسيمة وبعد كده ادخل منها اليقاع والمصاحبات
اما القسيمة هنا هى ارتجال من الازف انه بيبتدى بمقام ويروح لمقامات تانية او يلمس نغمة غريبة عن المقام بس هنا مطلوب ذوق عالى وخبرة يعنى لازم اولا دراسة المقامات بحيث لما تكون فى مقام تخرج منه تروح على فين وفين وهكذا
اما اللحن الاساسى وهو اللى بيبدأ من اول الايقاع
كمان زى ماقلت لك التقسيمة مش بتتحفظ يعنى لو نفس اللحن الللى فيه تقاسيم فى مكان معين عزفه عشر عازفين شطار لازم حتكون التقسيمة مختلفة لأنها بتعبر عن نكهة العازف نفسه
مع اطيب تحياتى عادل صموئيل

الف شكر على ردك الوافى الجميل
اصلى بصراحة متعلم مش بقالى كتير و مستصعب الموضوع اوى
انا مش بقالى 6 شهور مثلا يعنى لسه نونو
روحت الكونسيفتوار و المدرس اللى هناك كان بينام منى فى الجلسة و مش بيعلمنى اكتر من النوتة اللى انا اساسا اتعلمتها عن طريق الانترنت
انا بقرى كل نوت حضرتك دلوقتى اللى انت مدونها ..
مش بقرها ببراعة طبعا يعنى زى التلميذ الخبيان اللى بيستهجا الكلمة حرف حرف بس بقرها كلها و بنفذها فى الاخر
هو انا معا كلام حضرتك طبعا فى موضوع اليد الشمال انها بتبقى على البيتش او بيغر اصوات و يشغل ستايلات و كده لكن فيه كتير بيعزفوا نغم بايديهم اليسر و ده اللى خلانى اسال حضرتك فى اول رد عن اليد اليسرى
اما بالنسبة لموضوع التقسيم فانا مستصعب الموضوع جدا جدا
يعنى بيتهيألى لو كل واحد قدر يقول جمل موسيقية كاملة فيها نغم و بدون نشاز طب ما ممكن كلهم يلحنوا بقى ..
انا افتكرت ان ممكن يكون فيه قواعد و اسس للموضوع ده ممكن ادرسها و اطبقها عملى او مثلا حاجات من العباقرة الكبار لكن للاسف خاب ظنى
تانى بكرر شكرى لحضرتك على تعبك و مجهودك الفوق رائع ..
وكل عام و انت بالف صحة وسلامة يارب ..
لك منى جزيل الشكر و الامتنان مشكور جزيلا

اخى العزيز
انا عايز اقول لك كلام كتير ( والكلام موجه طبعا للجميع ) فيه مدرس بيعلمك المنهج فى 90 حصة وماتفهمش حاجة ومدرس بيعلمك بطريقة تفهم اوى .... انا مدرس الحمد لله كنت شاطر اوى .. انا قريت فى بياناتك انك مبرمج كمبيوتر واكلمك من ناحية الكمبيوتر .. عندك مثلا برنامج الوورد اوفيس انا لما حبيت اتعمه كما ينبغى واحد من اصدقائى اهدانى كتاب ييجى 400 صفحة قعدت اذاكر فيه اتعقدت من كتر الرغى لكن ما جربت مع نفسى يعنى اجرب مع الاستعانة بالكتاب لما اتزنق اكتشفت انك شان تقرا لازم تبتدى من صفحة 75 يعنى اللى قبلها هرش مخ .. ومن هنا اخترعت لنفسى طريقة وبقيت اجرب واسأل كل المستويات لحد ما وصلت لردة عاية جدا والحمد لله يعنى مدرسين كمبيوتر كتير حسيت انهم مايعرفوش 10% من اللى انا بعمله ... يعنى مثلا حاجة منهم لما تحب تعمل مراجع والرقم داخل قوس دى ما يعرفش يعملها غير اللى بين السؤايات فقط والمحترفين اوى اوى منهم مش كلهم
لما نتكلم عن التقاسيم بالذات انت بتقول انك لسه مبتدىء والتقاسيم دى دلوقتى انت المفروض تسمعها فقطلكن عشان تعزف تقسيمة لازم تكون بتعزف سماعى من كذا سنة ... يعنى تسمع اى لحن تعزفه صح 100% بعدين تتخيل نغمة فى ودنك وتعزفها وهو بالطبع درجة ما من التلحين بس اسهل طبعا من التلحين ومش مقيد ... اما بالنسبة للنوتة .. النوتة مشكلتها انها محتاجة تقرأ بسرعة وصح اسرع شوية من لما تقرأ عربى ودى بتيجى بالتدريج
يعنى من غير الاورج الاول نزل النوت اللى انا مدونها ولو عندك طابعة الاول اختار النوتات السهلة واقرأ فيها شوية وحاول انك على الاقل ماتعطلش اثناء الجملة الواحدة .. بعدين طلع ع الاورج وبالتدريج حاتتيجى
ويهمك جدا جدا جدا فى قسم الدروس انا منزل برنامج الانكور اللى انا شخصيا بدون عليه ومنزل له شرح انا عامله سهل ومنج يعنى ممكن تشتغل عليه ببسرعة جدا ..
من البرنامج ده ممكن اول حاجة تنقل النوت بتاعتى عليه وتسمعها هو حايقراها لك وبالتدريج مستواك حايرتفع جرب وانا معاك
وعلى فكرة انا شاطر اوى فى الكمبيوتر لكن بحب اتعلم لأن الكمبيوتر بحره واسع اوى واكيد حسألك فى حاجات وجرب وانا تحت امرك
مع اطيب تحياتى عادل صموئيل

[عادل صموئيل]

احبائى
اقدم لكم اغنية من بدايات فريد الاطرش

يا ريتنى طير

مع اطيب تحياتى

[المنير]

السلام عليكم
مطلوب نوطة"يا عيد الصحراء يا عيد" لعبد الهادي بلخياط.
تحياتي

[Dr.Fouad]

المشاركة الأصلية كتبت بواسطة Dr.Fouad

الف شكر على ردك الوافى الجميل
اصلى بصراحة متعلم مش بقالى كتير و مستصعب الموضوع اوى
انا مش بقالى 6 شهور مثلا يعنى لسه نونو
روحت الكونسيفتوار و المدرس اللى هناك كان بينام منى فى الجلسة و مش بيعلمنى اكتر من النوتة اللى انا اساسا اتعلمتها عن طريق الانترنت
انا بقرى كل نوت حضرتك دلوقتى اللى انت مدونها ..
مش بقرها ببراعة طبعا يعنى زى التلميذ الخبيان اللى بيستهجا الكلمة حرف حرف بس بقرها كلها و بنفذها فى الاخر
هو انا معا كلام حضرتك طبعا فى موضوع اليد الشمال انها بتبقى على البيتش او بيغر اصوات و يشغل ستايلات و كده لكن فيه كتير بيعزفوا نغم بايديهم اليسر و ده اللى خلانى اسال حضرتك فى اول رد عن اليد اليسرى
اما بالنسبة لموضوع التقسيم فانا مستصعب الموضوع جدا جدا
يعنى بيتهيألى لو كل واحد قدر يقول جمل موسيقية كاملة فيها نغم و بدون نشاز طب ما ممكن كلهم يلحنوا بقى ..
انا افتكرت ان ممكن يكون فيه قواعد و اسس للموضوع ده ممكن ادرسها و اطبقها عملى او مثلا حاجات من العباقرة الكبار لكن للاسف خاب ظنى
تانى بكرر شكرى لحضرتك على تعبك و مجهودك الفوق رائع ..
وكل عام و انت بالف صحة وسلامة يارب ..
لك منى جزيل الشكر و الامتنان مشكور جزيلا

اخى العزيز
انا عايز اقول لك كلام كتير ( والكلام موجه طبعا للجميع ) فيه مدرس بيعلمك المنهج فى 90 حصة وماتفهمش حاجة ومدرس بيعلمك بطريقة تفهم اوى .... انا مدرس الحمد لله كنت شاطر اوى .. انا قريت فى بياناتك انك مبرمج كمبيوتر واكلمك من ناحية الكمبيوتر .. عندك مثلا برنامج الوورد اوفيس انا لما حبيت اتعمه كما ينبغى واحد من اصدقائى اهدانى كتاب ييجى 400 صفحة قعدت اذاكر فيه اتعقدت من كتر الرغى لكن ما جربت مع نفسى يعنى اجرب مع الاستعانة بالكتاب لما اتزنق اكتشفت انك شان تقرا لازم تبتدى من صفحة 75 يعنى اللى قبلها هرش مخ .. ومن هنا اخترعت لنفسى طريقة وبقيت اجرب واسأل كل المستويات لحد ما وصلت لردة عاية جدا والحمد لله يعنى مدرسين كمبيوتر كتير حسيت انهم مايعرفوش 10% من اللى انا بعمله ... يعنى مثلا حاجة منهم لما تحب تعمل مراجع والرقم داخل قوس دى ما يعرفش يعملها غير اللى بين السؤايات فقط والمحترفين اوى اوى منهم مش كلهم
لما نتكلم عن التقاسيم بالذات انت بتقول انك لسه مبتدىء والتقاسيم دى دلوقتى انت المفروض تسمعها فقطلكن عشان تعزف تقسيمة لازم تكون بتعزف سماعى من كذا سنة ... يعنى تسمع اى لحن تعزفه صح 100% بعدين تتخيل نغمة فى ودنك وتعزفها وهو بالطبع درجة ما من التلحين بس اسهل طبعا من التلحين ومش مقيد ... اما بالنسبة للنوتة .. النوتة مشكلتها انها محتاجة تقرأ بسرعة وصح اسرع شوية من لما تقرأ عربى ودى بتيجى بالتدريج
يعنى من غير الاورج الاول نزل النوت اللى انا مدونها ولو عندك طابعة الاول اختار النوتات السهلة واقرأ فيها شوية وحاول انك على الاقل ماتعطلش اثناء الجملة الواحدة .. بعدين طلع ع الاورج وبالتدريج حاتتيجى
ويهمك جدا جدا جدا فى قسم الدروس انا منزل برنامج الانكور اللى انا شخصيا بدون عليه ومنزل له شرح انا عامله سهل ومنج يعنى ممكن تشتغل عليه ببسرعة جدا ..
من البرنامج ده ممكن اول حاجة تنقل النوت بتاعتى عليه وتسمعها هو حايقراها لك وبالتدريج مستواك حايرتفع جرب وانا معاك
وعلى فكرة انا شاطر اوى فى الكمبيوتر لكن بحب اتعلم لأن الكمبيوتر بحره واسع اوى واكيد حسألك فى حاجات وجرب وانا تحت امرك
مع اطيب تحياتى عادل صموئيل

بجد تعجز الكلمات عن انها توصف مدى سعادتى برد حضرتك عليا و الله بجد
على فكرة انت قريت كل اللى فى دماغى بس انا نفسي اوضح لحضرتك نقط صغيرة و نتكلم فيها واحدة واحدة

اخى العزيز
انا عايز اقول لك كلام كتير ( والكلام موجه طبعا للجميع ) فيه مدرس بيعلمك المنهج فى 90 حصة وماتفهمش حاجة ومدرس بيعلمك بطريقة تفهم اوى .... انا مدرس الحمد لله كنت شاطر اوى .. انا قريت فى بياناتك انك مبرمج كمبيوتر واكلمك من ناحية الكمبيوتر .. عندك مثلا برنامج الوورد اوفيس انا لما حبيت اتعمه كما ينبغى واحد من اصدقائى اهدانى كتاب ييجى 400 صفحة قعدت اذاكر فيه اتعقدت من كتر الرغى لكن ما جربت مع نفسى يعنى اجرب مع الاستعانة بالكتاب لما اتزنق اكتشفت انك شان تقرا لازم تبتدى من صفحة 75 يعنى اللى قبلها هرش مخ .. ومن هنا اخترعت لنفسى طريقة وبقيت اجرب واسأل كل المستويات لحد ما وصلت لردة عاية جدا والحمد لله يعنى مدرسين كمبيوتر كتير حسيت انهم مايعرفوش 10% من اللى انا بعمله ... يعنى مثلا حاجة منهم لما تحب تعمل مراجع والرقم داخل قوس دى ما يعرفش يعملها غير اللى بين السؤايات فقط والمحترفين اوى اوى منهم مش كلهم

طبعا انا مع حضرتك فى كل الكلام اللى انت بتقوله بالنسبة لموضوع المدرس بس اقولك حضرتك على حاجة انا طول عمرى مبعرفش اتلقى معلومة من حد ..
انا احب جدا جدا استفيد بخبرات لكن شرح لا يعنى كدا انت اديني المفتاح و الباب و سيبني بقى شوية كده من غير ما تشرحلى و انا حفتح و ادجل و اعيش كمان جوه الشقة بس محتاجك بقى تقولى بخبرتك تقولى مكان اوضة النوم فين و اديني فكرة عن التعامل معاها و سيبني برضه و المطبخ عرفنى على اجهزتوا و سيبني برضه و هكذا
كده انت فدتنى كتيرررررر بخبرتك من غير ما تعلمنى حاجة انا اتعلمت بنفسي و ده بقى تمام عكس اللى عمله معايا المدرس
يعنى مبدأيا هو تقريبا مش بيتعامل غير مع اطفال بس و ديه مشكلة كبيرة لما يدخله شب فى الثلاثينات من عمره غير لما يدخله طفل
الموضوع لاقيته استنواف فلوس اكتر منه تعليم مع العلم هو لو طلب فلوس قصاد حاجة مفيدة انا ممكن اديله اللى هو عايزه بس هو قال لا
يعنى هو كان يديني مثلا شكل من اشكال الحروف الموسيقية روند مثلا
و يقولى طبق فى البيت عملى على شوية تمارين من كتاب باير اروحله الجلسة اللى بعديها يقول اعمل التمارين اللى انت عملتها فى البيت اخلص و اروح و اللى بعديها يديني حرف واحد و هكذا
وقتها انا مستخدمتش امكنياتى على الانترنت او فى الكومبيوتر لانى مع المثل اللى بيقول ادي العيش لخبازه ولو اكل نصه بس حسيت انه مش ناوى يديني حاجة من العيش خالص
اشتغلت شوية و بحثت و جبت دروس على ايدي استاذة ودكاترة كبار بس كلهم غرب طبعا ده بما ان احنا العرب مش مهتمين اوى بالمزيكا يعنى و ان كان اهتماننا موجود فابينصب على انك تتعلم معزوفة و شكلها على البيانو ازاى و مش حخوض كتير فى النقطة ديه لان الكلام ده معروف و الدليل ان بعد ما شقلبت الانترنت بمعنى الكلمة ملقيتش غير منتدى سماعى بس هو اللى فيه دروس و الباقى بينقل منه ده لو نقل و طبعا حضرتك على علم بالكلام ده
يعنى من المواقف الغريبة اللى حصلت انى دخلت على منتدى موسيقي و المفروض انه كبير بدون ذكر اسماء لقيتهم بيكتبوا النوتة الموسيقية بالحروف
فا لا دو مى
مى صول سي ري فا
و هكذا فكروني ايام الثانوى العام لما كانوا بينزلوا الــ Novel بتاعت السنة فرانكوا اراب و تلاقى الانجليزي مكتوب مثلا (واتس يور نيم ؟) ههههههههه
المهم ما علينا وصلت الحمد لله للمنتدى هنا و هو فعلا عامر بالخيرات و المحترفين و محدش بيبخل بمعلومة نهائى وده شئ اصيل كا مصريين و الحمد لله
ده بالنسبة لموضوع المدرس و انا مؤمن كل الايمان انه لو استمرت معاه سنة او اكتر حتى مكنش حيديني اكتر من اللى اخدته من الانترنت فى شهر مثلا و الله اعلم .
بالنسبة لموضوع برنامج الــ Word فانا بجد ممتن جدا جدا من حضرتك لسبب انى بقابل كتير عندهم مشكلة كبيرة بالنسبة للناس الكبار يعنى اللى عدوا سن الــ 35 (مش 35 برضه يا عم عادل ولا ايه انهم بيرفضوا حتى التعليم يقولك يا عم ما العيال بيعملوا كل حاجة فمجرد ان حضرتك تحب تتعلم حاجة و تتعلمها و تتقنها خصوصا لو متصلة بالتكنولوجيا فديه حاجة جميلة اوى اوى انا فعلا فرحان بيها و الطريقة اللى حضرتك مشيت بيها فى التعليم ديه نفس طريقتى فى رحلتى مع الكومبيوتر من يوم ما قررت ابدأ دراسته من 16 سنة مثلا ..
لك ان تتخيل بقى ايمها كان اول جهاز اشوف فى حياتى اهدهونى الوالد رحمة الله عليه و كان صخر عندى لحد دلوقتى و مع بداية حبي ليه و بداية تعلمى مكنش فييه ولا كتب ولا حد عنده خبرة علشان اسأله يعنى اساسا كان اللى عندهم اجهزة فى اسكندرية كلها معددودين على الاصابع و مش كلهم بيعرفوا يتعملوا معاه و كنت علشان اجيب كتاب DOS مثلا كان لازم نكلم حد من المعارف فى الخارج علشان يجيبه
النطقة اللى عايز اوضحها لحضرتك و ديه ان شاء الله تقرب وجهات النظر بينا حضرتك كنت عايز تتعلم برنامج الـ Word و الحمد لله احترفته السؤال بقى لو عايز تتعلم تعمل برنامج زى الــ Word حيكون الموضوع شكله ازاى ؟
هنا بقة بقى زي ما بيقولوا نقطة و من اول السطر
كدا احنا بنبتدى نتكلم عن دراسة كومبيوتر بجد لو انت دلوقتى بدات تبحث على الانترنت ازاى اعمل برنامج زى الــ Word
حتلاقى مليون مقال و درس عربي و اجنبي يدلوك على الطريق اللى انت لازم تسلكه علشان فى النهاية توصل ازاى تعمل البرنامج
بغض النظر اذا كان الطريق طويل يعنى سنين مثلا او شهور او ايا كانت المدة المهم انك حتلاقى الدليل
يعنى مثلا :
1- لازم تتعمل لغة برمجة للــ Desktop Applications زى مثلا الــ .NET
2- لازم تعرف يعنى هندسة برمجيات
3- لازم تعرف يعنى ايه Database او قواعد بيانات
4- لازم تعرف يعنى ايه برمجة شيئبة Object Oriented Programming
5- لازم تعرف يعنى ايه UI اللى هى User Interfaces او واجهة المستخدمين اللى حيقدروا يتعملوا منها مع البرنامج ازاى تصممها و بعدين تبرمجها
و هكذا
شوفت انا قولتلك ازاى تعمل برنامج Word ادتيلك المفاتيح افتح بقى انت و اتعلم و عيش
بس انت لقيت حد دلك اهو انا حطيتك على الطريق وانت تكمل برحتك ولو عايز تعرف كل حاجة من دول و ازاى تبدأ تتعلمها اديلك دروس و كتب مالهاش حصر و ممكن كمان اشرحلك حاجات.
تعالى بقى نعكس الكلام على موضوعنا انا عايز اتعلم ازاى ابقى محترف مزيكا
على فكرة انا قولت مزيكا مقولتش ولا اورج ولا بيانو ولا كمان ولا عود ولا الكلام ده كله انا عايز احترف مزيكا اطبقها بقى بالعود بالكمان بالفلوت ان شاء الله حتى بالتشيلو او الهارب ديه بتاعتى
تعالى بقى انا و انت نبحث على الانترنت و نشوف بالعربي ممكن البحث يوصلنا لايه ؟ خالى بالك فى الكومبيوتر ممكن نبحث عربي او انجليزي عادى الاتنين حيوصلونا لنفس الهدف لان الكومبيوتر واحد و لغات البرمجة وحدة و الهندسة البرمجية واحدة فاحنا لو بحثنا بالعربي مش حنستفيد كتير لو بحثنا انجليزي حنستفيدددددد كتير و حنتقن و نحترف احتراف تام من نتائج البحث بتاعتنا و المراجع المتاحة لكن فى المزيكا
احنا هنا مرتبطين بالمزيكا الشرقية فبحثنا منحصر على العربي تعالى بقى نبحث و نشوف النتائج
ها بحثت ؟ طلعت ايه النتائج ؟ ايه رائك بلاش نقول علشان الفضائح ؟ ههههههههههه
ولا حاجة فعلا بالتمام و كمال ولا اى حاجة نهائى طب والحل ؟ حتعلم مزيكا ازاى ؟ نقطة و من اول السطر تانى و هنا بقى انا حنتظر الاجابة منك
على فكرة للتجربة العملية بس ياريت اخونا كلهم يسعدونا كمان ادخل جوجل مرة اكتب
كيف تعزف بيانو
و مرة اكتب
Learn piano
ياريت نقارن و نشوف

لما نتكلم عن التقاسيم بالذات انت بتقول انك لسه مبتدىء والتقاسيم دى دلوقتى انت المفروض تسمعها فقطلكن عشان تعزف تقسيمة لازم تكون بتعزف سماعى من كذا سنة ... يعنى تسمع اى لحن تعزفه صح 100% بعدين تتخيل نغمة فى ودنك وتعزفها وهو بالطبع درجة ما من التلحين بس اسهل طبعا من التلحين ومش مقيد ... اما بالنسبة للنوتة .. النوتة مشكلتها انها محتاجة تقرأ بسرعة وصح اسرع شوية من لما تقرأ عربى ودى بتيجى بالتدريج

و الله انا بحاول و انا فعلا مبتدأ جدا جدا يعنى بالكاد بقرها و ينفزها بصعوبة اوى اوى بس فى الاخر بتتنفذ و انا اتفق مع كلام حضرتك مليون فى المية نها فعلا محتاجة تدريب كبير كبير اوى بس شوية شوية لقيت نفسي بعرف يعنى ايه ميزان يعنى ايه كورد يعنى ايه Tempo و هكذا واحدة واحدة
اما بالنسبة لموضوع السماعى ده فانا معرفش اتدرب عليه ازاى و بيتهيألى انه اصعب من النوتة كتير

يعنى من غير الاورج الاول نزل النوت اللى انا مدونها ولو عندك طابعة الاول اختار النوتات السهلة واقرأ فيها شوية وحاول انك على الاقل ماتعطلش اثناء الجملة الواحدة .. بعدين طلع ع الاورج وبالتدريج حاتتيجى
ويهمك جدا جدا جدا فى قسم الدروس انا منزل برنامج الانكور اللى انا شخصيا بدون عليه ومنزل له شرح انا عامله سهل ومنج يعنى ممكن تشتغل عليه ببسرعة جدا ..
من البرنامج ده ممكن اول حاجة تنقل النوت بتاعتى عليه وتسمعها هو حايقراها لك وبالتدريج مستواك حايرتفع جرب وانا معاك

والله فعلا ده اللى انا بعمله بالحرف الواحد
بنزل نوت حضرتك و بشغلها ببرنامج اسمه PhotoScore و ببدا اسمعها بس لم بطبعها بروح على الاورج انفزها علاطول من غير ما اقرها الاول وده يمكن بيصعب الموضوع عليا
و فعلا حسيت اوى يعنى ايه لحن صعب و يعنى ايه لحن سهل يعنى مثلا اغنية على رمش عيونها اخدت منى وقت كتير علشان اعزف مقدمتها على عكس مثلا اغنية لسه فاكر اللحن سهل جدا و سلس اوى مقبلتش فيه اي صعوبة و هكذا

وعلى فكرة انا شاطر اوى فى الكمبيوتر لكن بحب اتعلم لأن الكمبيوتر بحره واسع اوى واكيد حسألك فى حاجات وجرب وانا تحت امرك

انت على راسي من فوق و الله يا استاذ عادل و مش حقولك بقى انا اساعدك و افيدك و الكلام ده انا حقولك بس جربنى
انت تأمرنى امر بس و شوف انا ممكن اساعدك ازاى و اقدملك ايه
على فكرة انا خريج تجارة (مكنش فيه على ايمى هندسة كومبيوتر او علوم كومبيوتر) و معاياد دبلومتين فى الحاسب الالي و ماجستير و شغال مبرمج حر (مش تبع شركة يعنى) و بحاضر فى كذا معهد شهادات دولية و اعتمادات دولية زى شهادات مايكروسوفت و صن و زند و كده
و حرجع و اقولك تانى انا مش حقولك انى حعمل حاجة انا حقولك جربنى بس و حنشوف ..
انا اسف جدا جدا للاطالة بس النقاش مع حضرتك ممتع
وتانى الف مليون شكر لمجهودك الخرافى فى التدوين و الف مليون شكر فى مجهودك للرد على الاستفسارات انا فعلا ممتن جدا من وجودك واحد مثل حضرتك هنا فى المنتدى
تقبل مرورى و شكرا
اخى العزيز
عايز تبقى محترف مزيكا حاول تعزف سماعى اكتر من النوتة
يعنى شوف اسهل جملة انت بتدندنها وحاول تتطلعها وبالتدريج حاتوصل
يعنى محترف المزيكا لازم يعرف سماعى ونوتة والسر الخطير فى الموسيقى الشرقية ان النوتة مكتوبة قدامك لكن 70% بيبقى احساس العازف وده مايجيش غير لما يكون بيعرف سماعى
اما بالنسبة للبرمجة انا قلت لك نزل برنامج انكور واهضمه كويس
البرنامج ده احسن برنامج للتدوين لأنو مصمم بحيث تقدر تعدل فيه براحتك
انا نفسى تفهمه عشان نفسى اخترع فيه حاجة
انا اختلاعت فيه حاجات يعنى اللى صمم البرنامج لو شافها حايتجنن لكن نفسى لو نقدر نخليه يعزف الربع تون يبقى عملنا انجاز بس مش حعرف اتكلم معاك غير لما اول حاجة انك انت تكون عرفت البرنامج ونتكلم
مع اطيب تحياتى ( على فكرة الاخوة الاعضاء اكيد حايترقبوا كلامنا لأن كلهم اكيد نفسهم فى برنامج يكتب الربع تون ... وللعلم البرامج اللى بتكتبه لحد دلوقتى مفيش ولا برنامج منهم اقنعنى