الفنان عبدالكريم عبدالقادر - الصفحة 11

**كويتى** · #**101** 24/10/2011, 18h30

الفنان القدير : عبدالكريم عبدالقادر

( سالفة قلبين )

كلمات: خالد البذال
الحان: احمد المطوع

المحبه ياحبيبي مالها وجهين ..
المحبه ياحبيبي سالفة قلبين ..
من صدق فيها تهنى .. ومن كذب فيها تعنى ..
لا تشوها حبيـبـي بالكلام الشين !!

المحبه ماهي كلمه تعترف فيها الشفايف ..
المحبه من فهمها يفهم بكل العواطف ..
اسأل اللي كان عاشق قبل لايبعد ويفارق ..
لـيه سـالت من عيـونـه دمــعتـي

المحبه شي صادق انت ماتقدر عليها ..
المحبه درب عاشق عاش عمره وضحى فيها ..
انت وين وين رايح مالك فيها اي ملامح ..
خـلها للي فـي قلــبه الوفـى من سنين !!

**كويتى** · #**102** 24/10/2011, 18h36

الفنان القدير : عبدالكريم عبدالقادر

( ياثقلها كلمة دقايق انتظرني !! )

كلمات : منصور الشادي
الحان : عصام كمال

*****

ياثقلها كلمة دقايق واجيلك ..
ويامرها كلمة خلاص انتظرني ..
انا دخيل الله وانا دخيلك ..
كل العذاب في غيبتك ينتظرني

ساعات اقول الظلم هذا سبيلك ..
واحيان احس انك تبي تختبرني ..
الله وكيلك صدق الله وكيلك ..
انك تحس بضيقتي وتعتبرني

ان قلت من بالي وعقلي بشيلك ..
عود بي احساسي عليك وجبرني ..
لا والذي سهر عيوني في ليلك ..
ان السهر قبل اعرفك ماسهرني .

**كويتى** · #**103** 25/10/2011, 18h18

الفنان القدير : عبدالكريم عبدالقادر

( خطا نفسي على نفسي )

كلمات : صالح الشادي
ألحان : بديع مسعود

*****

خطا نفسي .. على نفسي .. وانا اللي جبتك لنفسي ..
وانا نفسي عزيزه كم وكم ذليتها وياك ..
انا نفسي معك تصبح وهي بالليل ماتمسي ..
احب اسهر على شانك لاني بالسهر القاك
عجزت انساك ياناسي .. وانا اللي صرت انا المنسي ..
واعرفك ماتناساني .. وانا مقدر بعد انساك ..
لنا الله ياحبيبي ليه .. وكل مالك علي تقسى ..
انا اللي قلت هالدنيا .. ولاتسوى اثر لخطاك
رجعت لماضي الخلان .. ادور طيفك بأمسي ..
عساي القى من الماضي .. بقايا طاري لذكراك ..
واثاري طيفك بعيني .. وفي صوتي .. وفي همسي ..
ولامنه طرى اسمك .. كفخ قلبي لك ولباك
ولو تقسى ليالينا .. انا وياك مانقسى ..
يكفي كل ماجاني .. وروحي فدوه لرضاك ..
اعاتب نفسي بنفسي .. انا اللي جبتك لنفسي ..
انا نفسي عزيزة هم .. ولوتنسى انا ما انساك

**كويتى** · #**104** 25/10/2011, 18h32

الفنان القدير : عبدالكريم عبدالقادر

( وش أخــرك ؟ )

كلمات : منصورالشدي
ألحان : سليمان الملا

*****
وش اخرك..وليه توك تجين ..
وش اخرك.. وين كنتي غايبه كل هالسنين ..
ليه ماجيتي من اول ماشعرت ..
انـي قبــل مـا اعــرف ..
كنت محتاجك .. لاني كنت محتاج لحنين ..
كنت محتاج لمشاعر .. تحتضن صدري الحزين ..
وين كنتي غايبه كل هالسنين .. وش اخرك
كان الضياع في رحلتي .. قبل اعرفك اصدق دليل ..
وكان النهار في دنيتي .. مثل السراب او شي من هذا القبيل ..
وكان ليل الناس ليل .. وانا ليلي ماهو ليل .. ليتك سبقتي موعدك ..
وجيتي قبل اوراق عمري لا تطيح .. ويخضب اغصاني الجفاف ..
ليتك سبقتيني قبل .. ما اتعلم الخوف واخاف ..
وش لون الومك واعذرك .. واقول شاللي اخرك ..
وين كنتي غايبه كل هالسنين .. وش اخرك
ماعاد لي انسان غيرك .. كثر الله الف خيرك ..
ياللي خليتي مصيري .. ينتهي برغبة مصيرك ..
ويعلم الله قبل اشوفك .. اني كنت ارسم طيوفك ..
واني كنت اشعر برعشه .. نبض قلبي .. قبل ماألمس كفوفك ..
وين كنتي غايبه كل هالسنين .. وش اخرك .

#**105** 09/01/2012, 11h36

من البدايات والشهرة

الصوت الشجي

عـبد الكريم عـبد القادر

يا ليل تدان

الحان/مرزوق المرزوق

#**106** 24/02/2012, 02h10

المطرب الكبير

عـبد الكريم عـبد القادر

أنا رديت لعـيونك

#**107** 17/03/2012, 03h20

الملحن الكبير المرحوم الأستاذ راشد الخضر يمتاز بأسلوب راقي بالتلحين وينتقل بين المقامات الموسيقية ، وألحانه تمتاز بالأسلوب التطريبي ، ومن وجهة نظري يعتبر إمتداد للملحنين الكبار ، وهو يحترم قدراته الفنية ولم يتجه للغناء مثل البعض غيره بل تفرغ للألحان المميزة ، والملاحظ بألحانه قدرته على التنويع بين الأسلوب الكلاسيكي والتجديد مع المحافظة على شرقية الأغاني التي يلحنها وعدم تملل المستمع لألحانه ، ونجد بكل عمل يقدمه أكثر من جملة موسيقية رائعة ، ومن ألحانه أقدم هذه الأغنية .

عـبد الكريم عـبد القادر

تجاوز حدوده
كلمات عبداللطيف البناي
الحان راشد الخضر

#**108** 17/03/2012, 03h27

الشاعر الكويتي الكبير الأستاذ بدر بورسلي يعتبر من صناع الأغنية الكويتية ويختار المفردة الكويتية البحتة ، ويعتبر من كبار كتاب الأغاني الكويتية وهو إمتداد لهم ، وقدم الكثير من الروائع لكبار المطربين الكويتيين والعرب ، ولم ينجرف وراء الموجة السائدة الآن ، بل حافظ على المفردة والكلمة الكويتية الأصيلة ، ومن إحدى الأغاني التي كتبها أقدم .

عـبد الكريم عـبد القادر

تجمّل بالصبر

كلمات : بدر بورسلي

ألحان : عبد الرب إدريس

**بو بشار** · #**109** 11/07/2012, 11h50

من الاغانى الحزينه
ابدعت بالدور
كلمات منصور الشادى
الحان محمد العيسى

**Edriss** · #**110** 08/09/2012, 16h39

المُطرب الكبير/ عبدالكريم عبدالقادر

من الروائع الخالده

منزلك عيني

كلمات: خليفه العبدالله الخليفه

ألحان: الموسيقار المُبدع/عبدالرحمن البعيجان

أستــــــــــــــــوديو