بسم الله الرحمن الرحيم
أنا سمعت من جدتي أظن أنه جزئ من موال قديم و اللي قدرت أحفظة بيت واحد بتقول فيه
اقلع هدوم الفرح يا حلو جبيها ( بمعنى خزنها في الدولاب أو ما شابه)
و البس هدوم الشقى تنطلي فيها ( بمعنى تحلو فيها أو تكون أكثر جمالا)
ارجو من القائمين على المنتدى أن يخصصوا صفحة خاصة بما نحفظه من موروثات لعل بعض ما يمتلكه بعضنا يكمل ما لدى الاخرين و نستطيع جمع عدد أكثر من التراث الجميل المعبر عن زمن جميل عاشه آباؤنا و أجدادنا و الله الموفق
شكرا
يشرفنى أن أساهم معكم
ببعض من سُباعياتى
ـــــــــــــــــــــــــــــ
عجبي علي واحد بدون احساس ومشاعر
يكتب كلام والسلام ويقول انا شاعر
واسمه قال يسبقو بكلمة الشاعر
وناس بتقرا تجامله تقوللو يامعلم
الشعر بيكون كلام ف قلوبنا بيعلم
الشعر دا موهبة مش علم يتعلم
واللي كلامه يعلم ينقال عليه شاعر
ــــــــــــــــــــــــــــــــــــــــــــــــــ ــــ لو تصاحب أصيل .. بالرأى حيفيدك
عند المشورة تلاقيه بالكلمة حيفيدك
ساعة الضرورة إسأله لأنه حيفيدك
وعن اللئيم إبتعد عُمره ماحيفيدك
لو يوم يا خال روحتله تلقاه بيفحت بير
يفرح ويشمت قوى لما تقع ف البير
يغور يا سيدى العسل لو تلسعك دبابير
سرك ف بير ... مع أصيل حيفيدك
( حمدى شبانة )
__________________
ــــــــــــــــــــــــــــــــــــــــــــــــــ ـــــــــــــــــــــــــــ
أنا الأديب الأدباتى
ربِّيت ولادى وبناتى
على الأدب زى حالاتى
بيعرفوا البيت م الشطرة
الله الله يابدوى جاب اليسرا
ـــــــــــــــــــــــــــــ
خالص تحياتي للناس المحترمه مع الشكـــر
يسلم بؤء كل من قال موال
تسلم إيد كل من كتب موال
يسلم كل كل من عشق موال
دا الفن موزون بكلاه دهب حره موازينه
مش كل اللي قال كلامه فى دماغه يزينه
أصل الارتجال نعمه من ربنا وزينه
لبس الدهب للحريم زينه و للرجال البنون موال