طلبات نوتة أ / عادل صموئيل الجزء الثانى

[adib aburuman]

أستاذي الحبيب عادل صموئيل المحترم كل سنه ونت طيب
أولا أريد أن أشكرك جزيل الشكر لتدوينك أغنيه عيون القلب لنجاه ألف شكر والله ما بتقصر أبدا.
ثانيا أنا أعمل على تكوين فرقه موسيقيه متواضعه ومحتاج مساعدتك لختيار أفضل العازفين بدي أغلبك معي , أنت بغنى عن التعريف وصاحب خبره كبيره ومحتاج نصائحك وخبرتك الطويله لأختيار الأفضل من العازفين اذا سمحت.
هدفي هوه تقديم حفلات من فتره لأخرى بدون أي مقابل للحفاظ على الفن الأصيل.
أرفقت ملفين الأول أظهرت به عازف كمان اخترته من مجموعه من العازفين وبهمني رأيك جدا بهذا العازف.
والملف الثاني أرجو أن تسمعه وتعطيني نصائحك , خلينا خطوه خطوه , طبعا في أصوات تغني خليها للمره الثانيه.

ألف مليون شكر وتقدير لشخصك الكريم , متمنيا لك يوم سعيد.
ملاحظه: ما تهتم لعزف العود لاني عزفت بعود مسحوب ذو 7 أوتار , وأنا ما بحب هذه الأعواد وغير متعود عليها.
المخلص لك
اديب.

اخى العزيز
عازف الكمان لو هو اللى عزف فى التسجيلين يبقى رائع
يعنى انا عجبنى العزف الثانى لأن الاول اللحن والسرعات مش متظبطة شوية بس العزف فى الاتنين حلو جدا والعود حلو مش وحش مع اطيب تحياتى عادل صموئيل

[salhi_haithem]

المشاركة الأصلية كتبت بواسطة زينة الغريبي

شكرا للأخوة الذين ساندوني لتدوين اغنيتي محمد العزبي

العزيزة زينة
دول مش ساندوكى فقط دول عملوا مظاهرة على طريقة الشعب يريد
عموما ان كتبت اللحن بتاع ليه ليه لكن لسه فى مرحلة التشطيب
اما شفيقة متولى ناقص حاجة فى المقدمة ولازم حد ينزله كامل لنى بالطبع ما اقدرش اكتب لحن يكون النقدمة ناقصة او حتى لما بسمع اى لحن لما بسمعه من اول حرف المقمات بتتشكل عندى صح وده بطلبه من الجميع رجاء اى ملف صوتى ينزل يكون كامل مع اطيب تحياتى عادل صموئيل

السلام عليكم
استاذ عادل شوف الرابط من هنا
هي الاغنية فيها ارتجال بسيط من محمد العزبي و اظن انه صعب في التدوين اما مع الاستاذ عادل يجب ان نتوقع كل شئ
و الحقيقة شفت تدوينك لاغنية "بهية" يعني في غاية الروعة و الجمال وتمتعت بها
هيثم

عزيزى هيثم
انا خلاص دونتها من التسجيل المرفق من الاخت العزيزة زينة
وهو دائما المفض للتدوين انك تكتب اللحن الاصلى عشان يبقى مرجع بمعنى ان اى ارتجال بيبقى وقتى يعنى حتى محمد العزبى نفسه او اى مطرب آخر مش بيقوله تانى فى حفلة اخرى لذلك احنا هنا بنعمل توثيق لأصل اللحن
فيه حاجة تانية مهمة الارتجال والتجويد ده بيعمله المحترفين اوى لذلك حتى اى مطرب محترف اوى وقال اللحن ده بيعمل ارتجال من عنده عشان ييبن شخصيته وبصمته مع اطيب تحياتى عادل صموئيل

[عادل صموئيل]

احبائى

اقدم لكم للفنان محمد العزبى

ياللى حزامك ساتانيه

مع اطيب تحياتى

[زينة الغريبي]

المشاركة الأصلية كتبت بواسطة عادل صموئيل

احبائى

اقدم لكم للفنان محمد العزبى

ياللى حزامك ساتانيه

مع اطيب تحياتى

شكرا أستاذ عادل على هذه التحفة الفريدة و الجميلة و التدوين غاية في الروعة و البساطة
و ننتظر منك المزيد خاصة الاعمال التي لم تدون من قبل و المتروكة و التي ان لم تدون س يمر عليها الوقت و تنسى ان لم توثق و هكذا يضيع جزء من موسيقانا التي تمثل حضارتنا
الشكر الجزيل لك و اطال الله في عمرك

[eagleeast]

بصراحه روعه تدوين اغانيك يا مايسترو روعه
وفى منتهى السهوله فى الاداء ......
بس يا ريت متنساش اغنيه يا بنات لنانسى علشان الحفلهNancy Ajram - Ya Banat / ظ†ط§ظ†ط³ظ‰ ط¹ط¬ط±ظ… - ظٹط§ ط¨ظ†ط§طھ - YouTube.

[adib aburuman]

صباح الخير أستاذ عادل صموئيل المحترم
والله مش عارف أشكرك ازاي لهتمامك ونصائحك ألف شكر لك.
بالنسبه لعازف الكمان في مشاركتي السابقه هوه نفس العازف في الملفين.
الان أصبح عندي عازف كمان اخر, عازف قانون, وعازف قيثار كهربائي بيس.
سجلنا ليله أمس معزوفه ليالي لبنان, وبهمني رأيك جدا وارشاداتك اذا سمحت وتوفر لك الوقت, (مع أننا لم نتدرب عليها كثيرا).
أيضا في عازف أورغ, وعازفين ايقاع لم يشاركوا معي في هذه المعزوفه بسبب الأعياد, ان شاء الله المره القادمه.
وبقي المطرب أو المطربه ما زلت أبحث عن صوت مناسب.
أرجو أن تتقبل مني فائق احتراماتي وتقديري لشخصك الكريم
وكل عام أنت والجميع بألف خير صحه وعافيه, بمناسبه عيد الميلاد المجيد.
المخلص لك
اديب.
عزيزى اديب
الفرقة حلوة جدا والآلات صوتها متجانس مع بعض
بس لما تضيف اليهم الاورج خليه زى رشة الملح يعنى ما يطغاش على التخت الشرقى
فيه ملحوظة صغيرة على عازف الكمان الحلو فى الثانية العشرين هو عمل صولو المفروض ان فيه سى ناتوريل لازم تكون صريحة وماينزلش منها على السى بيمول يعنى سى ناتوريل زى السكين
لكن العزف جميل جدا ويا بختك انا ياريت عندى فرقة كنت عملت عمايل مع اطيب تحياتى عادل صموئيل

[عادل صموئيل]

احبائى
اقدم لكم
من اغانى عبد اللطيف التلبانى

افرحوا يا حبايب لفرحنا

والاغنية دى بتتذاع كتير ايام نتيجة الثانوية العامة

ملحوظة : هى النوتة ممن تبان فيها حاجت صعية بس هى مش صعبة اوى يعنى لو تستهجاها حاتمشى
وخلى بالك من الللزمات الصعبة عشان التتابع فيها مش منتظم بمعنى انك بتمشى حركة والتانية والتالتة والرابعة زيها لكن بتخلف فجأة يعنى نشوفها بدقة
الاغنية دى تنفع للمدارس كمان , والملحوظة الاه انى اذا كنت دايما بعمل النوت سهلة فيه نوت لازم تتكتب صعبة شوية وبالطبع تمرين لكم
مع اطيب تحياتى

[armendo]

0

اخى العزيز عادل صموئيل

والله انت لازم يتعملك تمثال يوضع فى اكبر واهم واشهر ميدان موسيقى وهو ميدان سماعى للموسيقى الشرقيه نظرا لمساهماتك فى الحفاظ وتوثيق فننا وموسيقانا الشرقيه الجميله عن طريق التدوين,واعتقد انك غطيت معظم المطربين والمطربات بتدوين احلى اغانيهم والآهم من وجهة نظرى انك وسعت رقعة عدد العازفين وخاصة المبتدئين نظرا لسهولة تدويناتك....وايضا الشئ الرائع انك شجعت جيل جديد من المدونين مثل الأستاذ محمد السويفى والأستاذ طارق الى جانب المحترفون امثال الأستاذ رفيق مرجيه ربنا يرد غيبته الذى ساهم بتدويناته الكثيره والرائعه وايضا الأستاذ نزيه محمد لكم منى جميعا كل تقدير واحترام وتقدير.

اسكرك على مجموعة اغانى الفنان عبد اللطيف التلبانى .

مع ارق تحياتى

احمد (ارمندو)

اخى العزيز
اشكرك على ذوقك واذا كان ربنا ادانى شعرة علم اكيد عشان افيد بيها الناس مش احتفظ بيها لنفسى , اما عن الاخوة الشباب المدونين انا سعيد بيهم جدا لن دول امتداد لينا زى ما كنا امتداد للى سبقونا اما عن التمثال هو المشكلة مش عارفين نحطه فين كل المادين زى ما انت شايف بقت للمظاهرات
اقول لك على حاجة سر
انا لما بشوف الافلام المصرية القديمة شوية ويطلع فيها ميدان التحرير بحس بحسرة على جماله وعلى اللى حصل له
مع اطيب تحياتى عادل صموئيل

[نور الصباح]

[QUOTE=عادل صموئيل;616121]

احبائى

اقدم لكم
من اغانى عبد اللطيف التلبانى
افرحوا يا حبايب لفرحنا
والاغنية دى بتتذاع كتير ايام نتيجة الثانوية العامة
ملحوظة : هى النوتة ممن تبان فيها حاجت صعية بس هى مش صعبة اوى يعنى لو تستهجاها حاتمشى
ssssssssssssssssssssssssssssssssss
تســــــــــــــلم ليــــــــــنا يــــاســــــــــــعادة الريس
ويرفــــــــــــــــع مراتبكـ
وكرامة لعيونـــــــــــــكـ الحلوين إليكـ كلمات الأغنية
حتى تتم الفائـــــــــــــــدة
إفرحواياحبايب
كلمات : فتحى قوره
ألحان : حلمىأمين
غناء : عبد اللطيفالتلبانى

*********
إفرحوا ياحبايبلفرحنا النمر اهي بانت ونجحنا
عقباله ياربنقولها له كل اللي حيقعد مطرحنا
إفرحوا ياحبايبياحبايب
*********
ياماكنت بقضياليل صاحي بين كتبي وقلمي واوراقي
وشهور وانا بحلمبنجاحي واتمني الفرحة لزملائي
دا العلم فيايدنا سلاح وما فيهش النوبة سماح
ويا رب تزيدنانجاح
عقباله ياربنقولها له كل اللي حيقعد مطرحنا
إفرحوا ياحبايبياحبايب
*********
حنولع ميت شمعةوشمعة ونغني في عيد مستقبلنا
وان خدنا اجازةمن الجامعة نقضيها في اعمال تشغلنا
واللي علي خدودهنشوف دمعة حنقول له اهتم وحصلنا
واتعب علشانترتاح دي حلاوة الدنيا كفاح
وتعب ينتهيبنجاح
عقباله ياربنقولهاله كل اللي حيقعد مترحنا
إفرحوا ياحبايبياحبايب
*********
وشكررررررررررررررررررررررا
أخوكم
نور الصباح

[عادل صموئيل]

احبائى
اقدم لكم اغنية ناسى عجرم

يا بنات

طبعا هو المنتدى مش بيقدم الاغانى الحديثة دى وانا ان شاء الله حايرفدونى

بس هى الاغنية مع ان مافيهاش اى دسم موسيقى بس دمها خفيف
والى شجعنى اكتر انها تنفع فى مدارس البنات
وانا دايما بحب اشجع مدرسين الموسيسقى يعنى احب المدرس يكون عنده حصيلة كبيرة من الاعمال ويقدم دايما حاجات جديدة ... يعنى انا لما كنت موجه اول وبالذات عشان تخصصاتى الكتير كنت بشتغل مش فى الادارات بتاى فقط ولكن بروح ادارات كتير فى انحاء كتير من الجمهورية ... وبالطبع الموسيقى المحترف غير اللى بيشتغلوا مدرسين او موجهين فقط يعنى هم بتعدى عليهم حاجات زى ان المدرس ممكن يفضل يقدم نفس البرنامج عشر سنين ورا بعض وهو ما ياخدوش بالهم لكى انا واللى زيى بناخد بالنا ان لما كنت هنا السنة اللى فاتت سمعت كذا وكذا .. وباخد بالى من المدرسين اللى بيعملوا شغل خلو .. وباخد بالى اوى اوى من اللى بيحبوا يرفعوا مستواهم مش اللى عنده خمس نوت بيشتغلوا بيهم طول مدة خدمتهم ومش بيكلفوا نفسهم انهم يدوروا على حاجة جديدة
لذلك انا كل مدرس جديد بيدخل المنتدى اول حاجة بخليه يدخل على الفهرس الجميل اللى عامله الاخ العزيز هيثم عشان انا عارف انه حيلاقى حاجات كتير تنفعه
مع اطيب تحياتى