دعوه للمشاركه فى (((اغنيات متشابهه)))

[فاضل الخالد]

المشاركة الأصلية كتبت بواسطة د.حسن

أتفق معك أخى الغالى أ. رضا إن ماعاد فيه مناديل

لأن (أبو نور) أول ماعِلم بهدية (كارم محمود)
إشترى آخر دستة مناديل و جه وهو بيقول
أنا لما دريت .. من فرحتى جيت
و ح أقدم من عندى هدية
دستة مناديل .. منظرها جميل
مع صحبة من الورد هدية

ومعاهم تحياتى

العزيزان
الاستاذ رضا المحترم
الدكتور حسن المحترم
بالنظر للازمة التى حصلت وادت الى فقدان المناديل من الاسواق لقيام كل من المطرب كارم محمودبشراء آخر دستة منهم ، وكذلك قيام الاستاذ محمد عبد المطلب باهداء دستة اخرى منها فكيف والحالة هذه ان نوفر المناديل للمطربة رجاء عبده حيث تحتاج لوفرة منها حسب ما أكدته في اغنيتها المشهورةاالبوسطجية حيث تقول بعد ان اشتكوا البوسطجية من كثرة مراسيلها
وعيوني لما بكوا ---زادت مناديلي
اما السيدة علية اضطرت الى ان تمسح دموعها بمنديل الحبيب نتيجة للازمة التي سببها المطربان كارم محمود ومحمد عبد المطلب، حيث تقول في اغنية ع اللي جرى
بس لما تجي وأنا احكيلك ---ع اللي جرى
وامسح دموعي بمنديلك ---ع اللي جرى
مع خالص مودتي واحتراماتي لكما

[محمود العيادى]

المشاركة الأصلية كتبت بواسطة الباشاقمرزمان

الأخت عفاف

من المؤكد ان أغاني الورد كثيرة واشهرها الورد جميل لصالح عبد الحي وغنتها أم كلثوم أيضاً بس يظهر مفيش حد بيحب الورد اليومين دول عشان مش شايف تفاعل أحد مع الورد ... يمكن بيستعملوا ورد صناعي المهم نشوف مشاركات الورد

عزيزي الباشا قمر الزمان طبعا مفيش مشاركات عن الورد بعد عبالحليم حافظ ما قال رميت الورد و لازم نقتدي بيه لانه رمز لجيلنا و كمان الورد مش مضمون بعد انتشار الورد الصناعي مع ان موسيقار الاجيال محمد عبد الوهاب قال علشان الشوك اللي في الورد بحب الورد و برضه في اغنيه مين يشتري الورد مني و انا باغني و نروح بعيد ليه عندنا في فن السمسميه بنقول مين يشتري مني جوز الحمام بني ....

[محمود العيادى]

المشاركة الأصلية كتبت بواسطة د.حسن

والقفشة حكمت !!

بارك الله فكىّ وأسنان وأنف وأذن وحنجرة
وعظام وصدر وقلب أستاذنا الجليل

مع تحياتى

العظيم الدكتور حسن التحاليل الي بتعملها للردود حقيقيه مش اشاعه و تشخيصك في الرد فيه شفاءناجع للوقايه من الوقوع في اخطاء لغويه يعني الردود لازم تبقي مضبوطه حتي لا يكون هناك تعقيم علي كلامك .

[محمود العيادى]

المشاركة الأصلية كتبت بواسطة رضا رشيد

ونضيف عليهم كمان

أنت الحب
الحب لحن جميل
قالوا الحب عذاب
ياحب أيه الظلم ده
الحب حلاوته بالقنطار
حبك نار
أحب أسمك .. وأحب سيرتك
حاسدنى على حبك ليه

صديقي رضا رشيد كل سنه و طيب بمناسبه عيد الاضحي انت و الاسره . بس فيه اغنيه لعفاف راضي يمكن من احلي اغنياتها و هي ابعد ياحب بقولك لا

[محمود العيادى]

المشاركة الأصلية كتبت بواسطة ليلى ابو مدين

بسم الله الرحمن الرحيم

***
أستاذنا الباشا قمر زمان
أسعدك الله بكل خير
أشكرك على الاهداء وأدي شوية أغاني عن الورد
*****
اجري يا ميه وصحي الورد في الوديان...ليلى مراد
مين يشتري الورد مني.....ليلى مراد
يا صحبة الورد الناديه.......ليلى مراد
أنا ورده ومغمضه ......ليلى مراد
أبيض يا وردي.......شاديه
ورد يا ورد أحب الورد........شاديه
يا ورد يا زرع ايديه........صباح
يا ورده قولي ما تخافيش........صباح
ورد الجناين يا حبيبي.......صباح
ورد الجناين.......ماهر العطار
سكب الورد على خد حبيبي........نور الهدى
الحب يا ورد..........محمد فوزي
الورد له في روايحه لغات.......محمد فوزي
يا ورد يا غضبان..........محمد فوزي
****
مع خالص تحياتي واحتراماتي
ليلى ابو مدين

برضه المنلوج كان له مشاركه في الورد مثلا منولوج محمود شكوكو ورد عليه فل عليه .

[محمود العيادى]

المشاركة الأصلية كتبت بواسطة الباشاقمرزمان

بما اني قمر أقصد قمر زمان

قبل ما يطلعوا عليه --- قمر العشاق وقمر 14 - وأمر يا قمر

اختارت أغاني القمر سواء اسماً ا, صفة أو مجازاً

أأمر يا قمر أمرك ماشي --- فايزة أحمد
كدة برضه يا قمر --- هاني شاكر ..... وتعتبر هي وأغنية سيبوني أحب هما أفضل أغانيه على الاطلاق لأن فيهم الأصالة بالنسبة لزمانها

هلت ليالي القمر ---- أم كلثوم
مال القمر ماله ---- محمد فوزي
طلع القمر ع الناس ---- فايزة أحمد
على وش القمر ---- فايزة أحمد
يا مة القمر ع الباب ---- فايزة أحمد
وشك والا وش القمر ---- سعد عبد الوهاب
كلمني يا قمر ---- ليلى مراد
القمر الأحمر ---- سيمفونية عبقرية
اضحك يا قمر ---- صباح
كلنا نحب القمر ---- محمد عبد الوهاب
سيد القمر في سماه ---- محمد عبد الوهاب
يا قمر الدار سلم ع الحبايب ---- وديع الصافي
قمر له ليالي----
قمر السهرات ---- فيروز
الليلة دى يا قمر ---- نجاح سلام
ياقمر ---- عبد اللطيف التلباني
مداح القمر ---- عبد الحليم حافظ
عشانك يا قمر ---- عبد الحليم حافظ
ليلة قمر ---- عبد الحليم حافظ
سهران يا قمر ---- نجاة الصغيرة
يـا قـمـــــر تبسّـــم ---- نجاة الصغيرة
غاب القمر يا ابن عمي ---- شادية
قمر الزمان ---- فريد الأطرش
هو القمر قمرين ---- محمد رشدي
قمر اسكندراني ---- محمد رشدي
آه يا ليل ياقمر ---- محمد رشدي
أمرني الهوى أحب القمر ---- محمد رشدي
بيني وبين القمر في كل ليلة معاد --- نادرة أمين
أنا هه أنا هه قمر 14 اهوه ---- عايدة الشاعر
بتطلع لمين يا قمر ---- عفاف راضي
يا قمر طالل ع الدار ---- الثلاثي المرح
عاشق جمالك يا قمر ---- بدرية السيد
فضض الماء يا قمر وانقش النور في الحجر ---- نادرة أمين
مالي وما للقمر ---- نادرة أمين

إذا ما طاف بالشرفة بالشرفة ضوء القمر --- لور دكاش
وجنتاه ضمنتا وجه القمر ---- لوركاش
ياقمر داري العيون ---- لوركاش

حبيبي قمر عليا نوّر ---- نجمة الطرابلسية
قميرة ---- لطفي العارف
عيد ميلاد قمر العيلة ---- ماهر العطار
قمر الحتو ---- عزت عوض الله
ما تحوش يا قمر ---- عزت عوض الله
يا قمر سبعه و تماني ---- هيام يونس
ياقمر علالي ---- خالد سعيد
قمر الليل ---- يوسف عزت
قمر الليل الضواية ---- عز الدين محمد
موشح قمر يجلو دجى الغلس ---- أمين الترمذي
سحرني نورك يا قمر ---- زوزو نبيل
يا قمر ليه تدني ---- مصطفى أحمد
حبيبي قمر في نظري ---- جابر الاسناوي
يا قمر يا دحغجي (مغناة باللهجة الموصلية) ---- من أغاني الأطفال العراقية
قمر 14 ---- عبد الرازق ابراهيم

اليوم يا قمر ---- سلام قدري

كمان يا استاذنا وليد توفيق كتر خيره كسب دعوي ميراث القمر و اقتسمه مع حبيبته و غني تيجي نقسم القمر انا نص و انتي نص و هناك اغنيه جميله جدا للراحل بليغ حمدي كلاما وتلحينا و غناها في غربته في باريس و هي اغنيه القمر مسافر و ان كان عدويه سجلها و غناها .

المشاركة الأصلية كتبت بواسطة محمود العيادى

كمان يا استاذنا وليد توفيق كتر خيره كسب دعوي ميراث القمر و اقتسمه مع حبيبته و غني تيجي نقسم القمر انا نص و انتي نص و هناك اغنيه جميله جدا للراحل بليغ حمدي كلاما وتلحينا و غناها في غربته في باريس و هي اغنيه القمر مسافر و ان كان عدويه سجلها و غناها .

يا أستاذ محمود أسعدني مشاركتك وقبل الكلام وحشتني والله
بالنسبة لوليد أصله شاف دلائل انشقاق القمر واضحة وجلية فقال أخد النص المنير واديها النصف المظلم ومادام حبيبتي تكون تبعي وحتنور النصف المظلم
بس أغنية بليغ دي جديدة على ولم أسمعها... لك تحياتي وقبلها لك وحشة

المشاركة الأصلية كتبت بواسطة محمود العيادى

عزيزي الباشا قمر الزمان طبعا مفيش مشاركات عن الورد بعد عبالحليم حافظ ما قال رميت الورد و لازم نقتدي بيه لانه رمز لجيلنا و كمان الورد مش مضمون بعد انتشار الورد الصناعي مع ان موسيقار الاجيال محمد عبد الوهاب قال علشان الشوك اللي في الورد بحب الورد و برضه في اغنيه مين يشتري الورد مني و انا باغني و نروح بعيد ليه عندنا في فن السمسميه بنقول مين يشتري مني جوز الحمام بني ....

أخي الأستاذ / محمود العيادي
بس لا تنسى عبد الوهاب قال يا ورد مين يشتريك قولوا لحبيبي يهديه ... والا سي زكريا أحمد الورد جميل جميل الورد وله ألوان معاها دليل من الأشواق .....

المشاركة الأصلية كتبت بواسطة د.حسن

أخى الحبيب الغالى أ. رضا

أحمد الله عز وجل أن الملف أعجبكم
وبعدين فيها إيه لما الملف ياخد تسعين سنة
هو مُش بعد تسعين سنة الليل طلع له نهار ؟؟!!
عموماً .. علشان سِلو بلدنا بيخلينا نقولوا إحنا
عملنالكو حتة ملف .. يارب يعجبكو

مع تحياتى

د.حسن
ملف رائع يجمع بين الأصالة والندرة ... ده مش يعجبنا بس ويعجب اللى بيحب الأصالة.... شكرا لك يا د.حسن

المشاركة الأصلية كتبت بواسطة رضا رشيد

أخى الفاضل .. الباشا قمر الزمان
أنت لقيت المناديل دى فين
لآن دكتور حسن عرفنى أن ( أبو نور ) ماخلاش ولا منديل فى البلد

ولك أنت تحياتى من ( مدغشقر ) الى جدة
بس أنا مش عايش فى مدغشقر ولا فى تشاد
يبقى من ( النمسا ) لحد عندك
من الغربة الى الغربة
[/CENTER]

أخي رضا رشيد

بما إنك في النمسا فمش عارف السوق السوداء عندنا عاملة ايه بتخزن المناديل عشان لما يخلصها أبو نور تطلع المناديل دي والا الناس مش حتتجوز حيجيبوا مناديل للمأذين منين ..... والعزاب بيخطفوه عشان لما يجوزوا يلاقوا مناديل للزواج وعشان المناديل قليلة ومش ملاحقة تغطي كل الزيجات العنوسة ارتفعت مش كدة والا ايه