شرح برنامج السونار وكيفية التوزيع الموسيقى من خلال الكمبيوتر - الصفحة 10

**سامى امين** · #91 12/03/2011, 08h41

بص يا مينا انا عملت لحن غنيتة بصوتى وعاوز معايا كورال يرد عليا اشرح لى اذاى اعمل الموضوع دا ما تتاخرش فى الرد على فكرة هو ممكن اعمل الكورال بنفس صوتى

**مينا لبيب** · #92 12/03/2011, 11h26

اقتباس:

المشاركة الأصلية كتبت بواسطة سامى امين

بص يا مينا انا عملت لحن غنيتة بصوتى وعاوز معايا كورال يرد عليا اشرح لى اذاى اعمل الموضوع دا ما تتاخرش فى الرد على فكرة هو ممكن اعمل الكورال بنفس صوتى

شوف يا سامى
اولا انت ممكن تعمل كورال بصوتك ودة من خلال بعض الخصائص المتاحة فى برامج الصوت.
بالنسبة لبرنامج السونار ما فيهوش الخاصية دية عشان البرنامج دة متخصص فى الموسيقى وبس

لكن فى برنامج تانى كويس اسمه Adope audition ودة هتلاقى فيه الخاصية اللى تعمل بيها كورال من خلال طريقتين :
الطريقة الاولى انك تسجل صوتك كذا مرة على كذا تراك (مش اقل من 4 تراكات)

الطريقة التانية هتلاقى فى قايمة الايفيكتس (effects) خاصية الكورال (corus )

وممكن تنزل البرنامج دة من النت . او ممكن تدور عليه فى المنتدى هنا . لانى لاحظت ان بعض الزملاء نزلو البرنامج دة لكن مش فاكر فى انهى موضوع.

شكرا

مينا لبيب

موزع موسيقى

**سامى امين** · #93 12/03/2011, 23h49

شكرا يا مينا شوف انا كنت عايز برنامج اعمل علية اغنية كاملة ياعنى توزيع موسيقى وغناء بصوتى ذى الحاجات اللى عملها الاستاذ محمد الالاتى انا سمعت لة حاجات غناها بصوتة على برامج توزيع بس مش عارف ان كان سونار ولا برامج تانية

**الألآتى** · #94 13/03/2011, 01h58

اقتباس:

المشاركة الأصلية كتبت بواسطة سامى امين

شكرا يا مينا شوف انا كنت عايز برنامج اعمل علية اغنية كاملة ياعنى توزيع موسيقى وغناء بصوتى ذى الحاجات اللى عملها الاستاذ محمد الالاتى انا سمعت لة حاجات غناها بصوتة على برامج توزيع بس مش عارف ان كان سونار ولا برامج تانية

أنا أعمل على برنامج سامبلتيود ( Samplitude )

وأى برنامج ذو تراكات متعددة .. تستطيع التسجيل عليه .. وعمل أغنية كاملة

وتستطيع ذلك بالسونار

أما بالنسبة للكورال .. فإننى أسجل يصوتى الطبيعى على حوالى ثمانية تراكات .. أو أكثر حسب الحاجة

وهذا أحسن حل بالنسبة لتسجيل الكورال .. لأن أى فلتر لن ينجح فى إعطاءك صوت كورال طبيعى

**سامى امين** · #95 13/03/2011, 08h10

انا متشكر جدا يا مستر محمد بجد انا بحترمك جدا

**Hisham Khala** · #96 13/03/2011, 17h43

الأخ العزيز الأستاذ مينا
إن شاء الله تكون بخير و في أحسن حال.
شوف يا سيدي ، أنا عندي مشكلة دائمة في المكساج لأن دايما الحلو ما بيكملش ، و عندي برامج كثيرة DAW.

الأول أقول لك طريقة شغلي في المزيكة: البداية بأكتب النوتة للحن اللي ها اوزعه او اللحن اللي انا لحنته علي برنامج Notation زي الفينالي أو السبيليوس ثم أكتب الخطوط اللحنية لباقي الآلات ، مثلا وتريات: كمان1 ، كمان 2 ، فيولا ، تشيللو ، كونترباص - نفخ نحاس: هورن - ترمبيت - ترمبون - توبا - نفخ خشب: فلوت / بوكولو ، ابوا ، كلارينت ، باسون (فاجوت) - ممكن آلات شرقية - تمباني و ايقاع ...
و بأستطيع كتابة Articulations & Dynamic Expressions عشان تعطي للموسيقي حياة و كانت النتائج جيدة ، و لكن كان الايقاع مش حي بالرغم اني باكتبه بأيدي بالتفصيل و بعض الآلات تحس انها صناعية و لذا تطلعت للأفضل فبدأت باستعمال DAW (Digital Audio Workstation) t علي اساس وجود Software Instruments (VSTi & Dix) t و وجود لوبات ايقاعية حقيقية ، و تقدر تعمل Pan و تتحكم في الصوت و إضافة التأثيرات .... و لذا بأحفظ العمل في فورمات ميدي من الفينالي و انقلها الي DAW

علي جهاز الماك Apple Mac عندي الجراج باند و لوجك برو 9 ، و الحقيقة الجراج باند مريحني بس فيه بعض العيوب:
الآلات الوترية Soft Instruments مفيش سولو كمان و ساعات يعمل لي Vibrato مع الوتريات أنا مش عايزه و مش عارف اتخلص منه ، و لما أضيف موديولات من شركات أخري بتبقي حمل عليه و مش بيتعامل معها كويس ، غير أن كارت الصوت في الماك سر من اسرار الشركة و مستحيل تعرف تركب كارت صوت تاني ، الموسيقي الناتجة صوتها منخفض نسبيا مع تعلية الفوليوم.
مميزاته: سهل الاستخدام - لوبات ايقاعية كثيرة جدا - آلالات نفخ حلوة - آلالات شرقية معقولة - جيتارات خطيرة - باصات معقولة ، تحكم رائع في Panning بحيث كل نغمة من الجيتار مثلا تقدر تطلعها من سماعة مختلفة.

لذا فكرت في استخدام الويندوز حيث كارت الصوت ممتاز و السماعات ممتازة ، و كان البرنامج اللي قدرت اتعامل معاه بسهولة نسبية (بالمقارنة للجراج باند) هو السامبيلتيود ، و لكن الحلو ما يكملش ، فالبرنامج استطاع التعامل مع برنامج كومباكت ، لكن رفض التعامل مع كونتاكت 4 بالرغم انه بيتعامل مع كونتاكت 2 ، العيب الثاني لو اللحن طويل الجزء الأخير من اللحن لا يقرأه و كأنه بيتعامل مع عدد معين من الموازير بعدها بيستعمي و كأنه مش شايف الباقي ، العيب الثالث ممكن انا السبب فيه ، هو أن اللوبات الايقاعية مش بيعرف يتصرف معاها علي حسب التمبو ، فيبقي اللحن ماشي بسرعة معينة و الايقاع ماشي بسرعة أخري

لذا فكرت في سونار X1 , و هو متقدم عن سونار 8 و بيتعامل مع الملفات الميدي و متعرف علي الكومباكت و علي الكونتاكت 4 بس يا سيدي تيجي تطلب منه انه يعزف الملف الميدي بواسطة الكومباكت او الكونتاكت مفيش صوت طالع و المؤشر بتاع الصوت عامل طالع نازل علي الفاضي
السؤال كيفية استخدام Software Instruments مع السونار عشان تطلع صوت ؟

كونتاكت 4 مهم بالنسبة لي عشان ممكن اعمل ارباع التون بيه.

مرفق ملفين صوتيين باستخدام السامبليتيود مع الكومباكت ستجد أن أصوات الوتريات فيها جيدة ، الأول من الحاني و الثاني من توزيعي.

**مينا لبيب** · #97 14/03/2011, 07h17

الاستاذ هشام تحية طيبة وبعض

شكرا لك على مشاركتك . وانا اتفق معك تماما ان هناك مديولات وفونتات جيدة جدا للوتريات.. ولكن فى تعاملنا فى الاستوديوهات نحن نفضل دائما وضع وتريات لايف (عبارة عن 4 كمان مع 1 تشيلو) ويقوم مهندس الصوت بعمل هذا التسجيل على 4 تراكات ليكون حاصل الوتريات فى اللحن (16 كمان مع 4 تشيلو) وبالتالى نحصل على وتريات كاملة كما لو اننا فى حفل موسيقى كبير. فالافضل دائما ان نستخدم وتريات طبيعية . وانا بالطبع لا الغى ان هناك فونتات جيدة للوتريات ( وسأ حاول رفع احد المقطوعات التوزيعية لى على مما تحتوى على وتريات جيدة)

- اما بخصوص استفسارك استاذ هشام . فهناك بعض الميديولات والفونتات لا تعمل فى برنامج السونار الا اذا قمنا باضافة تراك اوديو الى البرنامج وقمنا بضبط خصائصة لتشتمل على هذا الميديول.
وقد يكون software instrument احد هذه الميديولات التى تحتاج الى اضافة تراك اوديو الى البرنامج حتى تستطيع ان تعطيك صوت

لذا فجرب هذا . واتمنى ان يأتى معك بنتيجة

أما بخصوص اضافة خصائص صوتية على ملفات الميدى مثل Paning او غيرها من الايفيكتات فأنا شخصيا افضل ان تتم هذه العملية بواسطة مهندس الصوت فى الميكساج . لان معظم مهندسى الصوت لديهم برامج حديثة جدا مثل protools وغيرها , وهى برامج افضل بكثير مما لدى اى واحد منا فى كفائتها لاضافة المؤثرات الصوتية , وهذه كانت دائما نصيحة مهندسى الصوت لنا فى الاستوديوهات الا نضيف اى ايفيكتات على اى ملف ميدى حتى يتسنى لمهندس الصوت التعامل مع هذا التراك.

شكرا

مينا لبيب
موزع موسيقى

**basemkoko** · #98 27/03/2011, 12h34

عزيزى مينا أنا حملت برنامج إسمه SONiVOX_Silk_Road_Stick_Drums فيه إيقاعات شرقى حلو بس للأسف البرنامج ديمو عايز كراك لو أنت عندك كراك ليه ياريت تساعدنى .....
باسم

**داني ميخائيل** · #99 30/03/2011, 13h37

استاذ مينا
استمتعت واتعلمت جدا من البرنامج
انا بستعمل برنامج سونار 8 ولسة مبتدئ في عملة التوزيع الموسيقي
انا ماسك فريق كورال ونفسي اقدر اعمل توزيع للترانيم كويس
انا كمان بلحن
بتمنى حضرتك تكمل باقي الكورس لأني بجد نفسي اعرف كل خبايا البرنامج
وشكرا جزيلا لك

**داني ميخائيل** · #**100** 30/03/2011, 16h41

بناء على رغبة الجميع لقد قدمت اقل تقدير للمجهود الرائع الذي فعله الاستاذ مينا لبيب
وهو تحويل الدروس السابقة لملف واحد بصيغة pdf
مرفق الملف واتمنى اكون قدمت شيء حتى لو بسيط لكم