فن النميم - الصفحة 10

**ابو شنب** · #91 11/08/2010, 21h42

[QUOTE=خالد اسوانى;457039]عندى دور راح منه الباب التالت
يمكن حد يكون عارفة ؟

شوفوا محامى لية ف قضيتة يتوكلو
تلاتة سنين دفاع وجملة محامين كلو
تبسيمة فلج سبب الحصل دا كلو

الدور ده الى قاله ابوحسن فى حفله قديمه وكان معهاه فى الليله دى الفنان الكبير الليثى
بيقول ابوحسن:
عيون الغاوى باليل والنهار يبكلوا (يبكوا ليه)
شوفوا محامى ليه فى قضيته يتوكلوا
تلاته اتنين دفاع وجملة محامين كلوا
تبسيمق فلج سبب الحصل دا كلوا

**ابو شنب** · #92 16/08/2010, 19h53

السلاااام عليكم جميعا
السلام لكل الاخوه الغايبين عنا ولا ندرى سبب الغيبه وان شاء الله خير
اما بعد هاقولكم قصه جميله عن ابودرويبش
كان لابدرويش جار كبير فى السن نظره ضعيف قاله مره خدنى يمحمد نزور الحاج فلان جارنا
فلما وصلوا لبيت جارهم وخبطوا على الباب محدش رد عليهم وابى الراجل الى رايحين له يطلع لهم وقالهم تقريبا انت جاين ليه؟!!!!!
فالراجل العجوز زعل وصعبت عليه نفسه فابودرويش قاله متزعلش وهاقولك دور نميم يوصف الراجل ده
فقاله:
رحت اسال عليهم قلت افضى خلايقى
اول كلمه يقول لى خبار مش رايقى
كلمة اتفضل نساها عشان عليه مش لايقى
ما تعشمش فيهم دى خلايق ضيقى

**ابو شنب** · #93 16/08/2010, 20h07

اقتباس:

المشاركة الأصلية كتبت بواسطة abomona

السلام عليكم و رحمة الله و بركاته

الاخ ابو شنب بعد التحيه يا ريت تقولي البيت ده مكتوب كده صح ولا لاء

وين القي لي كاتب بداويته و قلمه
يكتب لي عالحبيب اللي هجر حبيبه و ظلمه
يوم صرخ القطار و بابوره رافع علمه
ناس فرحانه و صاحب الالم في المه

الله ينور عليك يابومنى دور جميل جدا وانت كاتبه على ماعتقد صح وميه ميه
وانا عندى دورين نميم زى بتاعك بيوصفوا حالة الحبيب يوم فراق حبيبه ورحيله فى القطار

بيقول ابوحسن:
يوم سفر المريد اللى ليه النفوس محتاجى
واقف عالرصيف لابس بديلتى وتاجى
ولما صرخ القطار الكل بيناول حاجى
وانا مش فاضى من قوله متين راح تاجى ( ترجع من السفر )

وبيقول احمد الامين :
لما صرخ القطار والاسطى زاد له وقوده
وبرزن ليه عجل فوق الحديد بتقوده
ووصلت بحرى البلد شفت المرخى عقوده
شاورلى وبكى وقال بالسلامه تعودوا

**abomona** · #94 22/08/2010, 19h32

السلام عليكم و رحمة الله و بركاته
و السلام موصووووول لاخ ابو شنب و كل اهل و مواطنين و مشرفين و ضيوف المنتدي
و كل عام و انم في صحه و سعاده

انا بوصيك درووب السبع ما تروحاشي
خوفي من الغلط لا تاجيى مني و حاشي
و ما تشيل الحمول لسع تغير حاشي
مالك بالبحور تنزل تعوم علي الحاشي

**ابو شنب** · #95 28/08/2010, 10h22

السلام عليكم جميعا
وسلام مخصوص للاستاذ ابومنى
انا جايب ليكم بعض ادوار النميم الخضره الجميله والرائعه اللى بتتكلم عن البنات والاوصاف الجميله والمثيره وخاصه وصف صدر المراه فمنهم من شبههه بالبرتقال اليوسفى كما قال ابوحسن:

حكام الغرام لقضيتى عاملين لجنى (لجنه)
ومحتار حيرة الجانى وخصومه المجنى
طرح اليوسفى من داخل جنينة ابو وجنى
مين يضمن حياته يدوق بعد ما يجنى
ومنهم من شبهه بالبرتقال:
انا باعت جوابى لخول الجنينه مبشر
وقالى تقصد ايه دوما على تتحشر
قلت ليه داير ادوق البرتقال الطاب ولاهو اتقشر
قال خايفك تتدوق وبره بيه تتفشر
ومنهم من شبهه بالليمون:
من شبيت صغير وانا فى الهوى ظلمونى
فى دربك مشيت لا ميه زاد لا مونى
ادى الحاله الى فيها الخلق بيلومونى
الساق والكفل ونهودك الليمونى
ومنهم من شبهه بحلوى الملبس :
انا شفت الجميل لابس الفستان
ويالله وصفك يرمى فى مرستان (يعنى مستشفى )
لما شافنك البنات ليكى وسعوا البستان
وبرزن على الصدر فى حجم الملبستان

**abomona** · #96 28/08/2010, 15h24

السلام عليكم و رحمة الله
الله ينور عليك يا ابو شنب و يسلم كلامك و مجايبك بجد روعه

**ابو شنب** · #97 19/09/2010, 09h24

السلام عليكم جميعا
بيقول الليثى :
دى مش جيل ضلق فرقت عليه جيلينا
اخر عشره كانت وعالدبش جلينا
ياقاضى الغرام ايه الحصل جلينا
جمعه دهب مشى وقاضى الغرام جا لينا

لما دعانا جمعه دهب جيت على ميعادى
واقضى الليله فوق جمر السيالى قعادى
ياللى باشكرك وفى شكرتك لى عادى
ربنا يسعدك وفوق السعادى سعادى

**ابو شنب** · #98 27/09/2010, 10h02

بيقول الفنان الكبير الليثى:
اريت المسك من الجسم ناضحاها
واخجلت القمر بانوارها الواضحاها
كمان شمس النهار ساعت الطلوع فاضحاها
لولا هيبة الله كان تغيب فى ضحاها

وبيقول احمد ابو الامين:
ريقك كرروه بيه بعد الفطار بيحلوا
والاطفال تقول رمضان كريم ياحلو
ونظرات عيونها من حبل المشنقه بيحلوا
لوغاب القمر تجلس تضوى محلو

**احمد عبدالهادى** · #99 28/09/2010, 12h23

جميله مشاركاتك اخى ابو شنب وابيات النميم الجميله لكن ياريت ترفعهم ملفات صوتيه اجمل

**الحاضر** · #**100** 22/10/2010, 09h45

السلام عليكم
جميل فعلا , ابو شنب

عندى بعض النميم ونفسى اشارك بموضوع
, لكن الصفحة ما بتفتح أخى
وهذا كبداية

انا عيونى قبالك يا غزال
سامع زغروتك ملت الدارا (الدار )
اركن واهدا ما لتدارا (تضر , يصيبك مكروه )
ومهما جوه الملى تدارا (تستخبى )
انا عيونى قبالك يا غزال

نميم قديم لرشاد عبد العال

ارجو الرد
الحاضر