قسم اغاني حديثة (نوتة)

[عادل الغامدي]

السلام عليكم ورحمة الله وبركاتة

استاذ هيثم هل لديك نوتات لمحمد عبدو وطلال مداح

[fatema alsadi]

يعجز لساني عن شكر كل اللذين يساهمون في مساعدتنا كطلاب مبتدئين معكم
منتدى رائع وانا سعيدة بالانضمام اليكم ...

[Manar Arafat]

كل عام وانتم الي الله أقرب 😄 😁
رمضان كريم علينا وعليكم
يعوده الله عليكم بالخير واليمن والبركات
بعد إذنك عايزة نوتة اغنية علمونا في مدرستنا ممكن؟

[يوسف نادى]

شكرا على المجهود اللى بذلتوه نوت جميلة فعلا

[Marino]

مساء الخير ....

كل سنة وحضراتكم طيبين ....

أنا كنت كتبت قبل كده طلب في قسم طلبات النوت من أ/ عادل صموئيل الجزء الثاني ... وقال لي إن الأغاني لازم تكون أغاني قديمة وماكنتش أعرف انه فيه هنا قسم للأغاني الحديثة لأني كنت طلبت نوتة أغنية قصة شتا لدنيا سمير غانم ... فاسمحوا لي أكرر طلبي هنا في قسم الأغاني الحديثة بس معلش أنا هاطلب معاها نوتة أغنية بيت كبير لتامر عاشور ... وأتمنى ألاقي استجابة لطلبي هنا في القسم ...

لو ما أمكنش مش مشكلة ...

باعتذر على الإزعاج ... وكل سنة وحضراتكم طيبين ...

وشكراً ....

[مساعد محمد]

السلام عليكم

أقدم لكم معزوفة يابنات يابنات على البيانو من تدويني

والنوتة فيها اخطاء هارمونية كثير لكن معرضة لتصحيح

رابط الاستماع


أضغط هنا

[مساعد محمد]

السلام عليكم

أقدم لكم نوتة الحب الحقيقي للفنان محمد فؤاد على البيانو من

تدويني الموسيقي

للإستماع

إضغط هنا

[عادل صموئيل]

احبائى

اقدم لكم بناء على طلب الاخت العزيزة عاشقة العود اغنية جوليا بطرس

غابت شمس الحق

واشكرها انها خلتنى اتعرف على الاغنية الوطنية الجميلة دى بس للعلم هى صعبة جدا يعنى ... انا اول ما سمعتها ماتعرفتش عليها بسهولة عشان كان اول مرة اسمعها اليوم .. لكن لما ابتديت ادون والجمل صعبة جدا وبتحتاج اسمعها عدد كبير من المرات عشان افهمها لقيت اللحن جميل جدا ده بالاضافة ان عندى مشاعر وطنية عالية من خمس سنوات يعنى
مع اطيب تحياتى

[عادل صموئيل]

احبائى

اغنية هانى شاكر

ياريتك معايا يا حبيبى

مع اطيب تحياتى

[عادل صموئيل]

احبائى

اقدم لكم من اغانى هانى شاكر

على الضحكاية

والسؤال .. ليه انا مقل جدا فى تدوين اغانى هانى شاكر ... الرد ان عبد الحليم يوم ما ابتدا يضع قديمه على سلالم الفن كان اهم حاجة عنه الذكاء .. يعنى عرف ازاى يبقى فى القمة .. قمة القمم وفضل فيها لآخر لحظة .. مع ان للعلم كان فيه اسماء كتير لايقلوا عنه موهبة لكن كانوا اقل ذكاء عشان كده منهم اللى بقى فى المنتصف بين القمة والقاع ومنهم الى اعتزل ..
مشكلة هانى شاكر انه ابتدا بداية كبيرة يعنى اول مرة يغنى كان اكبر ملحنين وعلى الفرقة الماسية يعنى بدء نجم لكن الزمن الجميل لم يستمر وابتدأ الانحدار الموجود ... مشكلة هانى شاكر انه لو تمسك بطريقة غناء الزمن الجميل لكان اصبح شىء تانى .. يعنى الحان زى بتاعة زمان لكنه انجرب ورا الطريقة الحديثة ف مابقاش فيه فرق جذرى بينه وبين محمد منير ولا اللى عاملين نجوم دلوقتى مع انه افضل منهم ملايين المرات .. احنا فى نظامنا بنقيم المطرب بحاجتين ... قيمة موهبته وشطارته كمطرب ودى بنقيم عبد الحليم ب 100 درجة وانا اعطى هانى شاكر مش اقل من 90 درجة ( واعطى محمد منير مش اكتر من خمس درجات ومحمد فؤاد اقل من ال خمس درجات ... وزى ما فى كرة القدم الكورة اجوال عندنا فى الغناء المطرب عدد من الاغانى .. يعنى لما نقول عبد الحليم قد يصل العدد الى ماشاء الله وكلهم اغانى محفوظة ومشهورة لكن بالنسبة لهانى شاكر العدد توقف لما اتجه للطريقة الحديثة للغناء يعنى ماحدش بعد سيبونى احب وكذا اغنية ماحدش يفتكر له حاجة تانى يعنى هنا ... فى هذه الاغنية .. انا بتكلم معاكم بصراحة .. يعنى انا بدون لوجه الله وللمحبة للفن .. مش بعمل نفسى تعبت عشان لو باخد اجر يزودولى الاجر .. هذه الاغنية دونتها فى خمس دقائق .. وماتعبتنيش .. والاهم ما شغلتش مخى عان افك اى شفرة او اى حاجة صعبة او حتى فكرة يعنى لحن بيعتبر بسيط ان مكانش تافه ومش مكانة هانى شاكر ... اما اغنية رجعت لك انا دونتها فى يوم كامل ... كان ممكن فى اسبوع لكن تملكنى شيطان الفن او ملاك الفن ... يعنى انا كنت متحفظ انى ادونها من سنتين .. ولما ابتديت اما اكملها ( ومش حقوم إلا لما اخلصها ) او تقف غى ايدى فى جزء واركنها ( وساعات بيحصل ) فيها جمل عشان افك شفرتها قعدت ساعات وشغلت مخى كتير يعنى عصرت مخى من العبقريات سواء التلحين او الاداء وتذكروا عمار الشريعى فى غواص فى بحر النغم ... هو كان كفيف يعنى ما يقرش يدخل مكتبة الشرائط ويقعد يختار ويفاضل بين شريط وىخر كان اى شريط بيقع فى ايده بيعمل عليه حلقة .. ليه ؟ لأن كل اغنية فيها كمية شغل .. رحم الله الزمن الجميل ومع اطيب تحياتى