نوتات الأستاذ / محمد سالم السويفي

[swaifi73]

أعزائي أعضاء المنتدى الكرام
سبحان الله في عز ما أنا متضايق ونفسيتي تعبانه بالصدفه ببحث في الأغاني عندي على الجهاز سمعت صوت فيروز شعرت براحه نفسية رهيبه من هذا الصوت النقي الصافي
أكتشفت إن هذه الأغنية كنت مدونها ولم أنزلها هنا في صفحتي الخاصة
أليكم نوتة أغنية سئلوني الناس عنك يا حبيبي
( فيروز)
معها الملف الصوتي
خالص تحياتي
محمد سالم السويفي

[البطار بوشعيب]

السلام عليكم استاذ سالم اشكرك على المساعدة صحيح تعلمت منك الكثير ولقد دونت قطعتين لصباح فخري احن شوقا وداعي الهوى وارجو ان تطلع على هذا التدوين المتواضع اما الاشياء التي لازلت لا اعرفها فهي كيف اعيد كتابة البيمول في الحقل ولو انه موجود في دليل المقام مثلا المقام راست ودليل المقام سي نصف و المي نصف ولكن في بعض المازورات احتاج سي بيمول وهنا المشكل وشكرا حبيبي سالم

[swaifi73]

المشاركة الأصلية كتبت بواسطة البطار بوشعيب

السلام عليكم استاذ سالم اشكرك على المساعدة صحيح تعلمت منك الكثير ولقد دونت قطعتين لصباح فخري احن شوقا وداعي الهوى وارجو ان تطلع على هذا التدوين المتواضع اما الاشياء التي لازلت لا اعرفها فهي كيف اعيد كتابة البيمول في الحقل ولو انه موجود في دليل المقام مثلا المقام راست ودليل المقام سي نصف و المي نصف ولكن في بعض المازورات احتاج سي بيمول وهنا المشكل وشكرا حبيبي سالم

أهلا بيك أخ البطار أبو شعيب
عندك طريقتان أم أن تكون منزل خط أنستازيا في الفونت (الخطوط)
أو هناك طريقة سهلة جدا
أختار علامة البيمول ثم أضغط على زرار (كنترول ) وأستمر بالضغط على (كنترول) وأثناء الضغط على كنترول ضعها على اي علامة سوف توضع علامة البيمول جنب العلامة حتى لو البيمول موجوده في الدليل
جرب وطمني
خالص تحياتي
محمد السويفي

[elarabi]

استاذنا الكريم سالم السويفي.
شكرا جزيلا على كل هده المجهودات القيمة في المساهمة الفعالة في الرفع من مستوى الذوق الرفيع با ختيارك المميز للقطع الراقية.
مع ارق تحياتي.

[البطار بوشعيب]

شكرا جزيلا لقد جربت وتوفقت في وضع البيمول هل اطلعت على القطعتين التي دونت لان كل هذا بفضل ارشاداتكم يعني اقصد مستوى التدوين وشكرا

[swaifi73]

أعزائي أعضاء المنتدى الكرام
أقدم لكم نوتة أغنية ( يا مصري ليه ) غناء علي الحجار


كلمات أغنية ( يا مصري ليه )

يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط..

فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..

و مهولاتي تحب تزيط...
ساعة الفرح زغاريط تنطيط...
و في المياتم هات يا صويت..
و في المظاهرات سخن تشيط ..
و في الإنتخاب تنسي التصويت...

و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..

يا مصري ياللي الغلا عاصرك...
و النهب في عصرك حاصدك
قوم للحياة و اسبق عصرك.. و لا حاجة حترجع مصرك
إلا ان تكون شغال و نشيط.

***********
كلمات: سيد حجاب
ألحان: ياسر عبد الرحمن
غناء: علي الحجار
***********

[نور الصباح]

[QUOTE=swaifi73;614892]

أعزائي أعضاء المنتدى الكرام

أقدم لكم نوتة أغنية ( يا مصري ليه ) غناء علي الحجار
كلمات أغنية ( يا مصري ليه )
يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط
يا مصري قوم هش الوطاويط كفاياك تبليط
صعبة الحياة و الحل بسيط حبة تخطيط..
فتحت باب استيرادك.. و صرفت فوق ضعف إيرادك
حلي للخواجة استكرادك.. سابك بتقرا في أورادك
و ده قشَطّكْ و نزل تشفيط..
و مهولاتي تحب تزيط...
ساعة الفرح زغاريط تنطيط...
و في المياتم هات يا صويت..
و في المظاهرات سخن تشيط ..
و في الإنتخاب تنسي التصويت...
و ليه بترشي و تتساهل ... و تضيع حقوقك بالساهل
تستاهل النار تستاهل..
يا غويط و يحسبك الجاهل
ساهل و ساهي و غبي و عبيط..
يا مصري ياللي الغلا عاصرك...
و النهب في عصرك حاصدك
قوم للحياة و اسبق عصرك.. و لا حاجة حترجع مصرك
إلا ان تكون شغال و نشيط.

***********
كلمات: سيد حجاب
ألحان: ياسر عبد الرحمن
غناء: علي الحجار

****************************
بصــــــــــــــــراحة ( والصراحة راحـــــــــــــة )
أنــــــــا مش عارف فاتتنى إزاى دى
عموما أنا آسف جدا جدا لهذا السهو
هو ده شغل الثورة والثوار : -
الكلمات النارية لسيد حجاب
واللحن لياسر عبد الرحمن
والغناء لعلى الحجار ثلاثى ما فيش بعد كده
بصراحة أول مرة أسمع هذا اللحن
مرة ثانية : أنا آسف ألف مرة
وشكررررررررررررررررا
أخوكم
نور الصباح

[swaifi73]

أخي العزيز البطار أبو شعيب
جيد محاولاتك وإصرارك على التعلم
لقد تركت لك رأيي مع نوتة أحن شوقا
خالص تحياتي
محمد السويفي

[عاصم المنشاوى]

الله الله عليك ياعمنا....
تسلم ايدك...ويسلم ذوقك ...
كلمات لعمنا سيد حجاب بصراحة جاية فى وقتها
نشكرك مرة تانية وربنا يبعد عننا المتشددين اللى بيحرّموا الموسيقى...بالذمة ايه الحرام فى اغنية جميلة زى دى....

[swaifi73]

المشاركة الأصلية كتبت بواسطة عاصم المنشاوى

الله الله عليك ياعمنا....
تسلم ايدك...ويسلم ذوقك ...
كلمات لعمنا سيد حجاب بصراحة جاية فى وقتها
نشكرك مرة تانية وربنا يبعد عننا المتشددين اللى بيحرّموا الموسيقى...بالذمة ايه الحرام فى اغنية جميلة زى دى....

حبيب قلبي أستاذ عاصم
من زمان ما لم أتشرف بتعليقك على أعمالي
شوف استاذ عاصم إنشالله القادم كله خير (تفائلوا بالخير تجدوه)
وأهم حاجة وما اثق فيه أن ( المؤيد والمعارض ) بيحب مصر وخايف عليها وشايف إن النجاة والوصول لبر الأمان بما يقتنع ويرى أنه هو الصح
فبما إن المؤيد والمعارض خايفين على البلد ويقصدون خير إذا إن شاء الله ربنا هيجيب الخير وترجع الناس كلها تحب بعض
والسياحة ترجع ثاني تنتعش والصراحة لو أنا مرشد سياحي هخاف زيك من الوضع المجهول لمستقبل شغلي ولكن إن شاء الله الخير جاي والسياح مش هنلاحق عليهم وترجع الأمور أحسن من ما كان
حبيبي
خالص تحياتي
محمد السويفي